يا آخـــر كمـر نـــوّر عالبشر أنــت المنتظر

1
شكــرا إلك ياسيـــدي مـــن قلبـي ولساني
حبك رســم أجمـل عشــك مـن نور رباني
ياغايتــي وشمـس الضحـى ياقبلة إيماني
كلمــا احـــن أتخيــــلك عـايــش بشرياني

ياضنوه علي غيرك منهو إلي لو مسني ضرر

2
خليني بعيونـك رمـش حتـى أشبـك عيونك
خليني أصيـرن خضرمه بعين اليحسدونك
يحجلولــي عنـك وأفتخــر يــم اليمدحونك
وليكرهونـك عـن حقــد تـحتـار مـن دونك

لو دار الزمن تحتاجك وطن لو نورك ظهر


3
حبيتــك وحبــي إلك حـــب مبنـي عالفطرة
ماشفتك وبيك أسمعت شـوكي مثــل جمرة
أتبـره مــن كُلشــي فــلا مـن عنــدك أتبره
والــي ينكــرك أعتقــد خسـران كـل عمره

شيصير الوضع لمــن ننجمـع ياكحـل النظـر

4
كالولـي حبـك بـي ذنــب كلــت أقبل أذنوبي
منهو الترس عينـي فخـر غيـرك يمحبوبي
خلي الشماتة أشما حجو آنه الشرف ثوبي
تـرفـه مشـاعــر حضـرتـك يمنـور أدروبي

من أباً وجد هل الحب أنولد ويظـل للدهـر


5
محتاجــك بكـــد الهــــوى بكــد النجـــم كلّه
غيبتك تدري أعله المحب صعبة ولا سهلة
علمنــه أبــو اليمــــه درس مانقبــــل بذلة
بيــت الحبايـــب سيـــدي يمتــه تلــم شمله

شظل الطلعتك صاحت شيعتك مــامنـك خبـر

6
بالندبة ندعي ونعتقد صوت الدعه أتسمعه
ياربـي عجـل بالفـرج خــل نحضـه بالطلعة
يلمهــدي سيفــك والعلـم بجفـوفــك أترفعه
نتلاكــه كــون بكـربلــه فــي ليلــة الجمعة

بثاراتك تجـي ياشبــل النبـي هذا أجمل خبر

بغداد
امجــد صاحــب الشطـــري

https://www.tg-me.com/oydgh

اول كلام

الرادود | #عمار_شناوه
الشاعر |#أمجد_الشطري

هيئة ابو الفضل العباس عليه السلام
دمشق ـ السيدة زينب عليها السلام
مولد الامام المهدي عجل الله فرجه
2022- هــ 1443
مونتاج | علي الجريدان

انتاج وتنفيذ
1444هـ - 2023م

https://youtu.be/OY0i80En_sQ

عايش بالنبض

اداء ملا #دانيال_بوجبارة
كلمات #أمجد_الشطري

ولادة الامام الحسين ع
حسينية الزهراء ع سعودية الاحساء

https://youtu.be/L8L91dAsB6U

هوسات شعبانية

اداء ملا حسين العكيلي الكربلائي
كلمات امجد الشطري

مرجهان العتبة الحسينية كربلاء المقدسة ١٤٤٤
https://youtu.be/Il9RePl_Pyg

اول عشك

اداء ملا #محمد_بوجباره
كلمات #أمجد_الشطري

مولد الامام الحجة عج
١٥شعبان ١٤٤٤ الكويت



https://youtu.be/1rAUhBq5Li4

انتظر ميعادك

اداء ملا #محمد_بوجباره
كلمات #أمجد_الشطري

مولد الامام المهدي عج
١٥ شعبان ١٤٤٤ الكويت

https://youtu.be/dA1lccuvySg

حي الله الحسين

اداء #سيد_مهدي_القزويني
كلمات #أمجد_الشطري

ميلاد الامام الحسين ع
حسينية سيد محمد -المهدية
دولة الكويت ١٤٤٤

https://youtu.be/xZxuYSxwHHE

ماعوف العزية

اداء #محمد_بوجبارة
كلمات #أمجد_الشطري

شهادة فاطمة الزهراء الاولى
موكب الكاظمية الاحساء ١٤٤٤

https://youtu.be/TArk6BlA41U

جديد
كركيعان الامام الحسن ع

اداء ملا #طه_الكاظمي
كلمات والحان #أمجد_الشطري

التوزيع والمايسترينغ #محمد_اديب
الاخراج والهندسة #طه_الكاظمي

ذكرى ولادة الامام الحسن عليه السلام
رمضان 1444

https://youtu.be/yjERsS5TIDI

هليلة ميلاد الحسن صلوات
هذا الإمام المؤتمن صلوات

1
هليلة ميلاد الحسن يهل الشرف
طشو الورود وهللو صف ويصف
جبريل من العرش العلي بالحب هتف
زفو البشائر بالمدنية وبالنجف

خلي الحواري يهللن صلوات
وبيت فاطم يلتقن صلوات

2
رياحنه الهادي النبي نوره نولد
ضوه المشارق من طلع بدر السعد
بس أنخه أسمه وجربه بيوم الشدد
صيح بعلات الصوت يامولا مدد

وكفاته لا ماينتهن صلوات
مولانه للضايع وطن صلوات

3
كلماتي عن وصف المكارم عاجزة
بومحمد لكل العوالم معجزه
آنه أدري ميلاد ألنه أعظم جائزة
يوم الحشر امة محمد فائزة

نادينه وبصوت العلن صلوات
مضمونه ياجنة عدن صلوات

4
طبع الكريم بروحه كلشي يقدمه
هاي الكرامة العنده من رب السمة
هذا الحسن مولانه راعي المكرمة
حيدر أبوه والزهرة أمه فاطمة

يشهد مضيفه بكل زمن صلوات
أفضاله ابد ماينسن صلوات

5
من عنده يالعاشك أخذ فكره وعبر
وتعلم وعلّم بعد كل البشر
شما منه تأخذ معرفة بمّر الدهر
صدكني مأخذ أنت قطره من بحر

كل المعالم لو اجن صلوات
ماوصلن لعلم الحسن صلوات

6
لو ماوجوده علينه جا عشنه بوهم
وجا صرنه بجفوف إلي عدها رحم
لكن أجانه الحسن وبجفه العلم
وصرنه بعناية فاطمة كلنا خدم

خدمتنا تكفينه المحن صلوات
شما نبذل وندفع ثمن صلوات

شطره
امجد صاحب الشطري

https://www.tg-me.com/oydgh

صلوات صلوات على محمد وعلي

1
عيد ميلاد الحسن والينه
عوّد بخير وسعادة علينه
حب أبو محمد فخر منطينه
بالقيامة هو إلي ينجينه

صلوات صلوات هذا الأمر واضح جلي


2
بجيه الغالي الخلك فرحانه
ياهلا وكل الهلا بمولانه
نزلت أملاك السمه ويانه
وكل ملك هنه الوصي بوجدانه

صلوات صلوات ألنه نولد ثاني ولي


3
حكنه هليلة نباهي بعيده
راية المختار صارت بيده
علي حيدر يفتخر بأوليده
ومثله بالشدة الأمير يريده

صلوات صلوات هذا والي من الولي


4
هذا أبو محمد إمام الشيعة
واجب علينه الحبيب أنطيعه
لو يملكونه ذهب منبيعه
هالخبر طول الزمان أذيعه

صلوات صلوات هالصوت دايم يعتلي


5
للحسن طول الدهر خدامه
بينه كل واحد يشد حزامه
والحقود العايش بأوهامه
ماينول من الكريم أوسامه

صلوات صلوات ماينغفرله عاذلي

6
للحسن أروحنا نفديها
والعهود الخالصة نوفيها
هذا للشيعة نعم واليها
هو أولها ويظل تاليها

صلوات صلوات هو الحبيب الازلي

شطره
امجد صاحب الشطري

https://www.tg-me.com/oydgh

بويه بس حاجيني لاتغمـض عيونك
تـدري بنتـك زينـب مـاتعيش بدونك
ألمـتنــي مـتوني خوفي لايسبوني
لاتغمض عيونك

1

يالجنت يومية تحضني بحينك
بساع تحضر ياعلي لو صحت وينك
بويه جم مره جنت أغفه أعله أدينك
هسه يمك آنه ماتفتحلي عينك

لاتروح من أيدي ياعلي أترجيتك
منهو يرعه أيتامك من تهاجر بيتك
انت نور عيوني خوفي لايسبوني
لاتغمض عيونك



2

أمس ماتت فاطمة بأبشع جريمة
وهسه أنت تريد ترحل ياهضيمة
باجر أتصيح الخلك هاي اليتيمة
دنيتــي بغيــرك أبــد مالها قيمة

كون بويه الليلة ماتموت أنفاسك
آنه أموت وأنت بويه يسلم راسك
وانتم أدفنوني خوفي لايسبوني
لاتغمض عيونك






3

قبل لاترحـل صحت وياك أخذني
من صحت غمضت عينك مسمعتني
ما أريد الصوط يلتف فوك متني
ولا أريد الشمر بحباله يجرني

من تطيح الراية يجي الشمر عليه
يصيح إلي جيبوها زينب المسبيه
كلهم يهضموني خوفي لايسبوني
لاتغمض عيونك






4

من سمعت أوصيتك خنقتني حسره
قلت بألطف الاخو ينقطع نحره
والكفيل إبلا يمين بلايه يسره
عالنهر راعي العلم ينكسر ظهره

تقلي حملج زينب منهو راح أيشيله
من بعد عباسج ليلة أشد من ليلة
وأخواتي يسموني خوفي لايسبوني
لاتغمض عيونك






5

من كلامك خايفه ومن هل الوصية
يعني حتى الخيمة ماتسلم عليه
وين جانت بويه إليه الغاضرية
بروحي راح أحتار ماادري برقية

ريت يكصر عمري وماتطول أيامي
ولا أشوف كبالي تنضرب أيتامي
عمه وينادوني خوفي لايسبوني
لاتغمض عيونك






6

آنه راح أشبع هضم من بعد عاشر
وجـم حبيـب بصـدره آثـار الحوافر
عالرماح بعيني أصد كـل المناحر
ريتك بذيج المسيه بويه حاضر

شوف جسم حسينك ياعلي مقطعينه
والكمر عالشاطي تلقه نبله بعينه
الاهل عافوني خوفي لايسبوني
لاتغمض عيونك

شطره
امجــــد صاحــــب الشطــــري

https://www.tg-me.com/oydgh

حيــدر يحيدر واويلاه حيــدر يحيدر واويلاه

1
هـــذا الإمـــام اليــوم صابوه
وكت الصلاة بالرأس طبروه
زينــــــب تنـــــادي لاتـدفنوه
خلونــي أنـــوح أعليــــه وأنعـــــاه

2
جابو علـي بالهامـة مطبور
والرأس ويلي نصه محفور
لحــك علــى حيــدر يدكتور
حيـــدر ولينـــه فايـــض أدمــــاه

3
لجـروحـه لا مايرهـم اضماد
هذا الفحل ناوي أعله الإبعاد
ويـن الكرايــب ويــن الأولاد
بــــدم الدمــــع تتـــــوادع ويــــاه
4
ياحــزن مــن الحرة شتريــد
أرحـــم قلبهــــا بجيــه العيـد
لا تــاخـــذ الكــــــــرار لبعيـد
زينـــب يتيمـــة وصعــب فركـــاه

5
حيدر مجانـك خالـي وشلون
بالمجســــد الـــوادم يصلون
تبجي الجوامع تبجي العيون
بوحسيــن هـــذا شلــون ننســـاه

6
لو سافرت شيــداوي الجروح
دمع الحسن وحسيـن مسفوح
كالــوا أبـــونـــه باجـر أيروح
وشلـــون نحمـــل ساعـــة أجفـــاه



7
مـــــن لليتامــــة والمساكيــن
يفتــر عليهـا يـــوزع طحيــن
حيـدر مثيــلك يحصـــل منيـن
دلينـــه خلــــــي أنـــــروح نلكـــــاه

8
لاتبعـــــد وتتــــــرك يتامـــاك
رادت تمـوت اليــــوم ويــــاك
أنت أبوهـــا شلــون تنســــاك
حيــــدر تجـــــر أعليـــك جـــــم آه

9
شمعظم علينه اليوم المصاب
هليلــة جرحــك باجـر أغياب
بـو تراب أنـت يضمـك أتراب
والله بعُـــــدك هــــــــدنــــه والله

شطره
امجـــد صاحــــب الشطـــــري

https://www.tg-me.com/oydgh

بعـــد ماظلــت وسيلـــــة ولا أمـــــل
صوبـــوا رأس الولـــي خير العمــل

1
غـــاب بس مــن غـاب خلــف جم جرح
شفنـــه هامــه منهــا دم حيـــــدر يسح
راح والينـــه وخســـف وجهــه الصبح

لمــن أعلــه المــوت شــد روحـــه ورحل


2
بعـــد لاتحجـــي وتســولــــف ياقلـــــب
أدري هجـــران الابــــو كلــش صعـــب
عكـــب حيـــدر مانشـف دمـع اليصـــب

صـــارن دمـــــوع المحــــب في معتقــــل

3
ياجـــرح دلالــــي دوم أبقـــه حزيـــــن
بغيــر حيــدر والله ماتحلـــه السنيـــــن
هــذا أبـــن عـــم النبـــي طه الأميـــــن

أبـــو اليمــــه صوبـــــه سيـــف الأجـــــل

4
الدنيـا صــارت موحشـة بيـوم الرحيـل
والأمــــــلاك البسمـــه مدمـــــع تسيـل
وتصـــرخ الأيتـــــام ياحامـــي الدخيـل

لاوديعــــه ويانــــه عكبـــــــك لا أهـــــــل

5
تخيلـــت بجفـــاك شــي صيـــر الوضع
بــس مأســي ولوعـــه وآهـــات ودمع
بعينـي شفــت مــن أمـي مكسورالضلع

يا أميـــر الرحمـــة لـــو تـــدري شحصــل

6
حـــال زينـــب ياعلـــي يبجــــي الصخر
والحســن قلبــه أعلـــه فكــــدك ماصبر
وانـــه بويـــه عليك أحس جبــدي نفطر

منـــسى يومــــك ياعلـــــــي ليــــوم الأزل

بغداد
امجد صاحب الشطري

https://www.tg-me.com/oydgh

بحنانك دللتني

اداء الخطيب الشيخ #حسن_خليفة
كلمات الشاعر #أمجد_الشطري

لبنان الغازية مسجد الشحوري
ليالي شهادة امير المؤمنين ع ١٤٤٤


https://youtu.be/rNS410sSKXI

https://youtu.be/b633-GA13D0

من القديم
لا تحاجج عن شخص واضح طريقة

اداء الرادودين
#محمد_الحجيرات
#أحمد_الباوي
كلمات #أمجد_الشطري

ليلة شهادة الامام جعفر الصادق ع
حسينية الرسول الاعظم الكربلائية
٢٥ شوال ١٤٣٢ هـ

•
‌‎[غِيرة عَلي]

‌‎الملا #دانيال_بوجبارة
‌‎الشاعر #أمجد_الشطري

‌‎مكساج
‌‎حسين نجم
‌‎
تنفيذ
#سبع_الدجيل_ميديا

‏https://youtu.be/rPGncXNQcrE
هيئة راية العباس دولة الكويت

‌‎انتاج
‌‎#خدام_فاطمة_العليلة

يــم بـاب المــراد أم الحسـن يهمـل دمعهــا
بـأرض الكاظميـة فـاطمـة لـزمـت ضلعهــا
ويلاه تنحــب بحسرة
ويلاه وصلت الزهرة






1
هاي أم الحسن من اعتنت مدري شدهاها
أمــلاك السمه نـزلت سـوه تركـض ورآها
نصبــت منبـر وحيـدر تـرك جنتـه واجاها
ولفقـد الجـواد بهـل المسـه شـارك عزاها

يـــم المنبــر تحــن وتـون حيــدر سمعهــا
سبـّاحــة قلبهــا يـاوســـف ظالــم كطعهــا
ويلاه دخلت الحضرة
ويلاه وصلت الزهرة




2

محنيـة ظهــر وبــلا وعـــي تلطــم حـزينـة
يأهـل الكاظميـة أبنــي أنجتـل دلونـي وينـه
ليش أعلـه السطـح باقـي ولا واحــد يعينـه
آنه أمه واجيت اليـوم أودعـه مـن المدينـة

أي رغم الكسـر أنحب اجيت وجدمـي ساعي
منهو إلي يساعدني ويصير أعله أبني ناعي
ويلاه بالمصـاب أقره
ويلاه وصلت الزهرة



3

وكفـت عالقبـــر وتكلــه يمـه آنــه الزجيـة
جيت أبجي بحزن وعالضلوع مخليه أديـه
جسمـك سالـم ومـاداستــه خيـول الـ أميـة
ولا عنـدك مثـل زينب مــره راحـت سبيـّة

لا عنــدك يتيمـــة بالسبـي مضيعـة تراجي
تالي أعله النحـر ماتت ييُمـه مـن البواجي
ويلاه صــدت النحره
ويلاه وصلت الزهرة



4

ييمــه أفتحلـي قبـرك رايـده بصــدرك أشمك
تكلـه وبـيـدك أتـأشــر علــى الكتـــر اليئلمك
هاي الوالدة ملهوفة اجت تقره أعله جسمك
جــف الشـر عجيبــة بـلا ذنـب هاليلـة سَمّك

فــك بــاب القبــر للطـاهــرة وأرحـم صبرها
هلبت تشفي صدرك وأنت هم تشفي صدرها
ويلاه هـــــي منتظرة
ويلاه وصلت الزهرة



5

تكلـه وداعـت الحرة البقــت بألطـف غريبة
ما دام آنــه يمــك يبنـي مـا أنسـه المصيبة
يظل قلبـي لمصابـك ينعـه مايخلـص نحيبه
حــد مايظهــر ألنــه المنتظـر يطفـي لهيبة

سيفــه بيمنتـه ورايـة علـي مُحـي الشريعة
يبدي بضلعي تالي يداعي لحسين ورضيعة
ويلاه نلتقــــي بعبره
ويلاه وصلت الزهره



6

بسـك يادهــر وي فـاطمــة بـــس لاتعانـــد
أنـت بكـل حقـد يوميـة مأخـذ منهـا واحـــد
طبعـك بالحبايـب بـس تفـرق بـس تباعـــد
على أولاد الزجيـة ياوسافـه هوايـة حاقــد

تحـب التفرقـة وعمـرك ولاتسعـه بجمعهــا
هـــاي أفعــالك السودة فــلا تبــدل طبعهــا
ويلاه حقـــدك شكبره
ويلاه وصلت الزهره


شطره
امجـــد صاحـــب الشطــــري

https://www.tg-me.com/oydgh