حيدر أميري وماارضى غِيره
أعلن ولائي ليلة غديره
انا عاشك حيدر انا خادم حيدر


1
علي هليوم أبايع علي وبدربه تابع
علي أول خليفة علي مايبقه رابع

علي هو أميري علي من عنده خيري
علي جنة حياتي علي بيده مصيري

بسمه يصيح دلالي
يسوه الكون هالوالي
بس الحيد يحلالي
ساكن حيدر بعيوني

بارينه علاه وأعظم صفه أنطاه
والمو علي وياه ميفيده مولاه؟

الماعنده حيدر مايعله رأسه
خاسر حياته وضايع أساسه
انا لازم حيدر انا خادم حيدر


2
علي محي الشريعة علي واجب نطيعه
علي بالدنيا كلها علي حبه نذيعه

علي شال أيده احمد علي وبأسمه ردد
علي من بعدي أنت علي بيك الله يشهد

كل الناس فرحانة
بالكرار مولانه
طه يصيح بلسانه
هليوم حيدر وفيته

بابعت ابو حسين كل هاي السنين
نبض القلب صار وعيوني الاثنين

آنه العشكته وهيهات اعوفه
كل يوم أزوره وبروحي أشوفه
انا هايم حيدر انا خادم حيدر


3
علي أسمه عبادة علي خير وسعادة
علي سر الخليقة علي بارينه راده

علي ماصح نظيرة علي شيخ العشيرة
علي أول خليفة علي يشهد غديره

بأمره الله وهادينه
حيدر صار ولينه
غِيرة وزود منطينه
حيدر هو معلينه

معشوك القلوب هو أغلى محبوب
للموت انا وياه من حبه ماتوب

لحيدر إمامي أبقه آنه تابع
وبسم الولايـة هليوم أبايع
بالعوالم حيدر انا خادم حيدر


4
علي ماكو مثيلة علي ماصح بديله
علي يوم القيامة علي هو الوسيلة

علي راعي اليتامة علي عالي مقامه
علي يوم الشدايد علي يشهد حُسّامه

خزره موت بعيونه
بكل مجان يلكونه
هذا إلي يسمونه
كرار والكون يهابه

معروف أبو أتراب عند كل الأعراب
أرض وسمه تصيح ياداحي الباب

مولانه حيدر أيدينه بيده
والما يوالي منهو اليفيده
لي دايم حيدر انا خادم حيدر

شطره
امجد صاحب الشطري

https://www.tg-me.com/oydgh

{ عيد الله الأكبر }

https://youtu.be/MzNRd-pg_So


أداء | #مجتبى_الغزالي
كلمات الشاعر | #أمجد_الشطري
-
الهندسة الصوتية و التوزيع | حسين نجم
تنفيذ | أنيس النفوس ميديا

🔻🔻جديد🔻🔻
قصيدة (اخذ الروح)




https://youtu.be/EHCbk2KApZI


اداء الملا #عبدالمحسن_العمراني
كلمات الشاعر #أمجد_الشطري


الهندسة الصوتية والتوزيع
#محمد_عليق

تنفيذ
الزهراء ميديا للانتاج الحسيني

الشكر موصول لجمع العالمين
على هذا العمل

محرم الحرام 1445

.
[ هذا لطمنه للموت ]
------------
‏https://youtu.be/KexGCRwfhrw
------------
‌‎أداء الملا #محمد_بوجبارة
‌‎كلمات الشاعر #امجد_الشطري
------------
‌‎مخطوطة - عباس فاضل
‌‎مكساج - حسين نجم
‌‎مونتاج - حبيب الخليفي
------------
ليلة 2 محرم الحرام 1444 هـ - 2022 م
‌‎#حسينية_سيد_الشهداء - دولة الكويت

استقبال شهر محرم

نعيش بمحرم

اداء ملا #دانيال_بوجبارة
كلمات #أمجد_الشطري

موكب الكاظمية الاحساء 1444

https://youtu.be/SkLK6pw3Zg4

[ *هذا عاشورك* ]

أداء | محمد أكبر
كلمات | أمجد الشطري

مخطوطة | سيد حسين بهبهاني
مكساج | حسن مرهون

https://youtu.be/nYpvtucpgw0

ليلة 1 محرم الحرام | 1445 هـ - 2023 م
حسينية باب الحوائج - الناصر

تنفيذ
الكاظم ميديا

كل عام واحنه بخدمتك

الخطيب الشيخ #حسن_خليفة
كلمات #أمجد_الشطري

لبنان النبطية
محرم 1445




https://youtu.be/UoxZr2XfpgU

جديد ..

سؤال ؟

https://youtu.be/prQsHRxYR-A

اداء | #مجتبى_الغزالي
كلمات الشاعر | #أمجد_الشطري
-
الهندسة الصوتية والتوزيع | #حسين_نجم
انتاج | #الحوراء_ميديا - #يعقوب_أشكناني

| محرم | 1445 هـ 🏴

| *خادم إلك* |

▪️أداء | #مجتبى_المشيقري

▪️كلمات | الشاعر #أمجد_الشطري

▪️الهندسة الصوتية | محمد الخنيزي

▪️التوزيع | محمد عليق

▪️ تصوير | حسن العوامي - حسن عقيل

▪️ إخراج مرئي | حسن العوامي




____________________________
📺 *للمشاهدة*|🔻|
____________________________
https://youtu.be/BDGCGF_GXzU

ضيعني زماني

https://youtu.be/lrmkhisOj8E

اداء : #أمير_الكاظمي
كلمات : #أمجد_الشطري

مركز الامام الخوئي / لندن
ليلة ٣ #محرم ١٤٤٤ هـ

https://youtube.com/watch?v=wdDBI_D-4_s&feature=shareb

📜قصيدة: #أنت_اول_بشر

🎙️اداء: #علي_العبدالوهاب
🖊️كلمات الشاعر: #أمجد_صاحب_الشطري
#لؤي_الهلال

إنتاج: #علي_العبدالوهاب_ميديا
_________________________

🔄 كن جزءاً فعالاً في هذا العمل بالنّشر على حب الامام الحسين عليه السلام

| ما ريد الماي |
-
اَلسَّلامُ عَلَيْكَ يا أَبَا الْفَضْلِ الْعَبّاس
-
القصيدة كاملة : https://youtu.be/TIh8_guAK9c
-
#الشيخ_حسن_خليفة
كلمات #أمجد_الشطري

قصيدة
يا مسلم بوجودك
اداء #توفيق_الكريطي
كلمات #أمجد_الشطري
حسينية سيد براهيم البطاط البصرة
محرم ١٤٤٥

https://youtu.be/ZYBWwT1XDFc

| مجانين احنا مجانين |
-
لحن قصيدة سفره الى الله
-
الشاعر :#أمجد_الشطري
-
القصيدة كاملة :https://youtu.be/Urx5WL6hLVA
-
#الشيخ_حسن_خليفة

وينك يعباس يشايل الوانه
درب السبي بعيد نريدك ويانه

1
من الكوفة للشام يعباس ودونه
وبلايه حماي على النوك ركبونه
كل ساعة بالصوط يجونه يضربونه

سهرانه العيون والقلوب عطشانه

2
بتراب الطفوف يوفاي ظلينه
كل لحضة شامت بالحجار يرمينه
يكلنه عباس إذا حيّ جاوينه

يفزع بالجفوف يحامي نسوانه



3
بيدينه الحبال والدموع هماله
وعيون الحسين تصد أعله أطفاله
وأنت بفرد عين تعاين هالحالة

وقلب اليتيمات ينادي بأحزانه

4
من يقرب الليل يخويه ايأذونه
نكعد عالتراب يجون ايرفسونه
مانكدر أنام نخاف يسحكونه

هذا الوضع حيل يعباس أذانه



5
حر الشمس نار بلا ستار خلونه
صحنه يظلام وأبد مارحمونه
علينه الشمر كام يخنزر بعيونه

محنيه الظهور والأطفال تعبانه

6
رغم المعانات والجروح والحيرة
ماشفنه واحد وفيّ وصاحب الغيرة
كل المصايب يعباس اجبيرة

دارت علينه وسافه دنيانه

بغداد
امجد صاحب الشطري

https://www.tg-me.com/oydgh

قصيدة ليلة الدفنه


جيت الكربله اليوم وآنه بكلبي وَنه
مدري شلون ابويه الليلة ألمنه وادفنه

1
أتعثر بالأجساد وانشد وين الحسين
واتفكد بالجروح آنه ودمعه العين
دلوني يهل ناس جسم المنذبح وين

حتى اليوم اغسلنه بدمع عيني واجفنه

2
حسين شلون أعرفه وهوه بلايه منحر
كلها مكطعه الروؤس صحت اللهُ أكبر
كمت اتفكده شلون من جبده المفطر

وجن الزهرة وياي وتنادي وين ابنه

2
أمشي وقلبي ملجوم وابحث عن طبيبي
وأصرخ بين الأجساد وينك ياحبيبي
بيويه اكعدلي انخاك مايبرد غليلي

آنه وزينب وباقي الحراير بيك أملنه

3
من أنظر بالأجساد وبذني الصوت اسمعه
لنه صوت الحسين ينشدي أعله ربعة
وينشدي أعله زينب وحالك شنهو وضعه

جن صاح بــ ألم يبني شعجب جاوين أهلنه

3
وآنه أمسح بالجروح ونسولف بالأعبار
وظل ينشد على الأطفال شسوت بيها الأشرار
يوليدي بعد كول بعدي بكربله شصار

متنه ومادرينه شصار ماصار بضعنه

6
سولفلي اعله عباس من كطعو يمينه
صاحب موقف وياي حماي الضعينه
وخبرني أعله الأكبر وبنتي سكينه

وجاسم من وكع هم شاهدت بجفوفة حنه

7
لو يوم الدفن حان أدفن طفلي وياي
عبد الله الطفل ليش مات وماشرب ماي
جان بجفي موجود لمن صابته اعداي

بيوم الي نذبح عبد الله بفراكه ذبحنه

8
يبني راح أوصيك وتنفذ الوصية
أختي الحرة بحماك يبني وهاي هيه
كلها حسين كل يوم يم الزينبية

تلج يالعقيلة ملتقى كل يوم النه

9
يبني وآخر وداع بيني وبينك انته
هذا يوم الفراك تدري وحان وكته
راسي اعله الرمح ذاك يحرس ضعن أخته
احنه أهل النبوة والرسالة نبقى احنه



النجف الإشراف
امجد صاحب الشطري

https://www.tg-me.com/oydgh

https://youtu.be/35TX4WKsMbo

جيش الانصار

اداء #توفيق_الكريطي_الكربلائي
كلمات #أمجد_الشطري

محرم ١٤٤٥

https://youtu.be/mvhhCwb5-9s


على شفافك

اداء #محمد_الجنامي
كلمات #أمجد_الشطري

ليالي محرم ١٤٤٤
العراق البصرة
عزاء جامع وحسينية الامام الرضا ع

من وين منك ابتدي يبن الفطاحل
يابحر علم المرتضى وكنز الفضائل

1
بكل المصادر دورت وأبحثت فضلك
وقريت عنك كل حرف وفهمت عدلك
ياسيد البطحاء حرت وشلون اكلمك
أنت إمامي وحقي مـن أخشع واجلك

ياموج وعلومك بحر والكون ساحل

2
فضلك جبير وماكدر واحد ينكره
بعد الحسين أنت الصرت لدين ثورة
عانيت بالدنيا وشفت أيام مُره
بس أنت إيمانك جبل والناس صحره

كل هذا وأنت وصلّت علم ومناهل
3
خليني اعرّف نقطة بس من معجزاتك
حملت الرسالة وجاهـدت طيلت حياتك
وحدك وكلها تحاربك وأنت بثباتك
من الله مو من البشر تأخذ جزاتك

للحق إلك دور وفعل بين القبائل

4
إبليس من جاك اعترف للعلي الواحد
ياربي مثله ماشفت بالكون عابد
من أول دهر لآخر دهر ماشفت ساجد
مثل الإمام الطاهر العابد الزاهد

هاي الروايا مستند بيها ودلائل



5
شما عنك أسمع سيدي ماكول كافي
يابو الكرامات ونعم بيك اعترافي
عندي دليل ومستند مو أمر خافي
أنت العليل وكل مرض تكدر تشافي

جم عين بيدك أبصرت يبن الأفاضل

6
شايل صفات المرتضى وهم شايل اسمه
المحتاج لو يمك كصدك قلبك تقدمه
شكد حاولت أهل الخنه فكرك تهدمه
بس أعله واحد مارضت تقبل القسمة

أنت الجثير إبلا عدد واهمه القلائل

شطره
امجد صاحب الشطري

https://www.tg-me.com/oydgh

قبل المنية نوح وعزيه
من زين العباد للغاضرية
هليلة اسولف وفارك حياتي
قصة مصابي وجرح ذكرياتي
1
أنه موتي دنه والآمي تزاد
منو بحالي بعد واحبابي إبعاد
ردت واحد من أهلي ليه دفان
علي السجاد آنه زين العباد

جاوين أهلي الودعتهم مايجوني
جاوين ردت بقبري همه ينزلوني
جاوين ليش بحسرتي تغمض عيوني

وين الحبايب وين الكرايب
خل يدفنوني تحت الترايب
ماتنتهي بروحي حتى بوفاتي
قصة مصابي وجرح ذكرياتي
2
أنه بطف كربله أدري شنو الصار
من طاح العلم من شبت النار
يتامة حافية ماتـدري لاوين
تركض والرمل من الشمس حار

يحسين تصيح أوفرت بذيج الظهيرة
يحسين صرنه بلا حماية ولا عشيرة
يحسين مارحمونه بالحضة الأخيرة

حركو خيمنا ذبحو زلمنه
سلبو ضعنا ضربو حرمنا
أكبر جريمة تمر بحياتي
قصة مصابي وجرح ذكرياتي




3
أنه شفت النذل من هد على أيتام
أنه سمعت شتكول العده الظلام
زينب هاذي جروها بالحبال
احرقو بيوتها وسبوها للشام

شمات تنادي وين زينب طلعوها
شمات خلوها تعاين رأس أخوها
شمات صاحت بالعن سبو أبوها

واحد يجرها واحد سطرها
والله الشماته كسرت ظهرها!
وآنه عليـل وحسرتي لخواتي
قصة مصابي وجرح ذكرياتي



4
حرمـات الجـره علينه حرمات
بنـات المصطفـى كلهن سبيات
فوك (الموت والطف) صاحت الناس!
زينب لا خدر لا عدها خيمات

بالسوك أكو موقف صعب بي عذبونه
بالسوك (بدفوف وطبل) يستقبلونه!
بالسوك بحجر من السطوح يشامرونه

كلهـم علينه واحنه شبدينه
حسين بحجرهم صابو جبينه
يعاقبهـم الله لفعلهـم جنُاتي
قصة مصابي وجرح ذكرياتي



5
أنه بقلبي محـن ومصايب هواي
نحر جف وسبي ورضّع بلا ماي
وحوافر خيل داسن صدر الحسين
ويتيمه تريد أبوها الذبحته اعداي

ياناس وضع حسين مدري شلون أذكره
ياناس (الشمر والخيل والدنيا) أعله صدره
ياناس أنه بيدي جمعته وذره وذره

جثة سليبة شيبة خضيبه
ضلوعه كسيرة شنو هالمصيبة
بذيج المسيـه بـدت نايباتي
قصة مصابي وجرح ذكرياتي




6
أنه شفت الحبيب بيوم ذبحوه
على صدره بحقد كامو يسحكوه
سمعت صاح الشمر بالخيل اطحنوه
وعلى وجه الحسين اردود اكلبوه

ويلاه يوم إلي اجيت وردت ادفنه
ويلاه اشيلن كتر يوكع كتر منه
ويلاه الحوافر كطعنه وهشمنه

طحت أعله جسمه من ردت ألمه
مره أضمه ومره أشمه
عذبني دهـري وبقيت بثباتي
قصة مصابي وجرح ذكرياتي

بغداد
امجد صاحب الشطري

https://www.tg-me.com/oydgh