"Хьалхара меттиг", - иза сан дахаран-зедаларшкахь суна муха карийра: цо "шура" яьхьаш хенахь иза массара къуьссуш, цо алсам кхерам бахьаш хенахь иза цхьаммо атта тlе ца лоцуш.

Варелаш, шаьш сих-сиха тlетта доьлхуш къахьоьгуш ца хилахь а, шайн дегнаш чохь вовше хьагl-гамонаш ма хилийталаш!

Хьоьгара хlума езачунна хlума ло,
хьоьгара доггаха доттагlалла дезачунах доттагl лаца!

(Схьа эцна ду).

Валарах романтика ма елахь, делахь хьан хьал дика дац, хьо дукха вехар вац аьлла хеташ хенахь шортта весяташ деш хилалахь.

Хьо дlа ваьлчул тlаьхьа, хьан тlаьххьара дош тайпа хира ду хьуна иза кху дуьненахь ахь аьлла хилла долу.

Берзан кlомсар ира йолчера катоха деза, амма иза арта елчул тlаьхьа таро ерг лелора ду.*

*Вуьшта аьлча: жима волчера къона волчера тlах аьлла, каде хила веза, шена хьалха яккхий lалашонаш хиттош югlа уьш кхочуш ярехь ша веригге дlа луш цу новкъа тlехь, кхана лама къанвелла могшалле ладогlа хоьттича таро ерг лелора ду тlаккха (нагахь санна вай цу хене довлахь).

"Цlерпошта" дlа ца тилна хьуна хьоьх, хьан Делан хьокъехь дика ойла е!

Цо ма бохху хьо Цуьнан некъан тlехь нислохь, хьуна дага догlур доцуш дикнаш гура ду хьуна Хьан Делера!

Хlоранна ша уггаре динехь дика волу хан дага йогlу, и хан ша туьйра санна ша кепара мерза хан ярий дага догlу...

Делахь дог хlунда дуьллу теша вай и хан югlа йогlург ца хиларах?! Я цулла дуккху дика хан югlа йогlург ца хиларах?!

Сийлахь волу Аллахl массо хlуманна тlехь массо хенахь ницкъ кхочуш ма ву, цхьа а шеко йоцуш!

Дог ма дилла аьттехьа, мелхо а шортта доlанаш де Сийлахь волчу АллахIе, югlа бахьанш а лела де.

- Сан Доттагl, вайшинах lожалло хьалха хьанах ка тухура ду ца хаьа вайшинна, со велчул тlаьхьа муха Доттагl хира ву хьо сан?

- Тlаккха кхин а чlогlа лело хуттура во со хьоьца доттагlалла, сан даг чохь чурт хотта диний бен, сан даг чохь йоьрзура йоцу чов йитний бен хьо дlа воьллинчу кашах букъ тухура ма бац аса, сих-сиха сан доlнашкахь хира ву хьо сайна мосуза доьху, сих-сиха аса хьуна Аллахlе гечдар доьхур ду сайна мосуза доьху, сих-сиха хьуна тlера сагIийна хlума луш хира ву со!

Бусулба стаг къа ца латош шен ницкъ ма кхоччу схьа вогlуш хенахь, цхьа тамашена даг чохь синтем, самукъа, ирс хуьлу цунна! Кхин дахарехь хилла цхьа хийцам боцушехь, кара еъана хlумма йоцушехь, цхьаммо цуьнга баьккхина кхаъ боцушехь, хlетте а даган тlехь лаьтташ цхьа ша кепара марзо хуьлу цуьнан, цуьнга шен маттанца кхоччуш кхечуьнга дlа йица лура йоцуш.

Цундела салафш лаа олуш ма ца хилла: Бусулба стага къа ца латийна долу де иза цуьнан lийд ду, аьлла.

Вайлаъ хьалха дlа багlанчарах къастар лазаме, lовжаме ду вайна, делахь цхьана хенан юкъана буха дисан долу вай царна пайда бан йиш хиларо (царна гечдар дехарца, царна тlера сагlийна хlума яларца) мелла синтем бо вайн чевнашна.

Нахана шайцаний даржий, "шурий" ца къуьссуш верг дукха веза.

Деригге дахар кху денна кечам бар ду-кх!