Косыкларым - бар байлыгым 1501

1.52K viewsНиетулла Жангелдиев, 16:01

#сырласыу

САХИБЖАМАЛ
Теңиздей - терең, тынық көринген,
Үзиндидей бир шийрин өмирден,
Сүйиўди үйреткен көзлериңе,
Жүрегим әлле қашан жеңилген.

НИЕТУЛЛА
Урланған нәзериңди байқағаным
Билмейсең сезимимди шайқағанын
Айтайын қалай ғана?! Көзлериңе
Баққанда мениң кеўлим жай табарын

САХИБЖАМАЛ
Сап сезимниң сәўлеси түскендей,
Тигилиў мүмкин емес сескенбей.
Меҳри бар, қәҳри бар көзлериңе,
Ишки дүньям жыйналып көшкендей.

НИЕТУЛЛА
Қорқаман әтираптан, ырымлыдай
Тек ғана бунда аңлар сырым Қудай
Жүрегим қыз дегеннен гүмансырар
Сезимим емес ҳәзир, бурынғыдай

САХБЖАМАЛ
Ядлатыпсаң сағыныш қосығын,
Ышқы деген сыр емес жасырын.
Мен шынтлап ашықпан көзлериңе,
Нешелигин билмей-ақ жасыңның.

НИЕТУЛЛА
Сағыныш қосығына қуштар денең
Исиң жоқ қыялыңнан тыслар менен
Сол қосық... Бир қатарын меннен есит
"Мени де жалғызлықтан қутқар!" деген

САХИБЖАМАЛ
Мухаббаттың қызығыда сонда
Ушырастырмас тәғдир деген жолда
Кеўилим ант етсин көзлериңе,
Ал, сен кеўлиме бийпәрўа болма...

НИЕТУЛЛА
Ойларсаң - "мынаў қандай жигит болды?!"
Қәдеми танымаса үмит, жолды
Бәри бир тентексымақ бул санама
Опасыз ўәде дәрти сиңип болды

САХИБЖАМАЛ
Ерсидей түйилер қосығым, сөзим,
Хеш жалғыз қалмаппан дәртлерсиз өзим...
Биринши ирет тәшуишлерсиз қалып,
Жүрегиме жасауды үйреткен көзиң.

НИЕТУЛЛА
Әпиў ет!... Мен баяғы гүнәкәрың
Сынап көр, болса қанша сынатарың
Жақында айтып салсам ҳайран қалма
Өзиңди сеннен бетер унатарым

САХИБЖАМАЛ
Көп жыладым кеулимдеги кем ушын,
Сен қайтардың жүзлеримниң күлгишин,
Бирге аман жүрсек аспан астында,
Өмир гөззал! -екен мен хәм сен ушын.

НИЕТУЛЛА
Сүйдик деп ышқы жолын басқалы биз
Ашықлар тилиндеги дәстанымыз
Бахытқа жетисемиз ойлағандай
Жулдызы күлип кеўил аспанымыз

@SSirgabaeva
@oyshil_qosiqlari

1.53K viewsНиетулла Жангелдиев, edited 15:03