Продуктга ном беришдан ташқари, у ҳақдаги коммуникация ҳам жуда муҳим. Интернет рекламаси бир вақтнинг ўзида ўнлаб турли коммуникация ва веб-сайт вариантларини синаб кўриш имконини беради (A/B testing).

Масалан, бизда AI Updater номли маҳсулот бор. У диспетчерларга юк қандай кетаётгани, ҳайдовчилар билан боғланиш, улар юборган ҳужжатларни текшириш ва агар юк кеч қолаётган бўлса, манзилга етказиб беришдаги кечикишлар ҳақида огоҳлантириш имконини беради.

AI Updater деб номласак, баъзи мижозлар бу нималигини тўлиқ тушунмаслиги мумкин. Лекин бир гуруҳ мижозга "юк кеч қолаётгани ҳақида хабар беради" десак, улар: "Ҳа, менга шунга ўхшаган нарса керак эди," дейишади. Бошқа когортага эса асосий муаммо — брокер қўнғироқ қилганда ҳар доим жавоб бериш ва агар юк муаммосиз кетаяптими-йўқми деган саволга аниқ жавоб тайёр бўлиши. Агар муаммо бўлса, шу заҳоти диспетчерни хабардор қилиш.

Бу икки ҳолат ҳам бир хил маҳсулот орқали ҳал қилиниши мумкин, лекин мижозларга қандай қилиб тушунтириш — яъни коммуникация тарзи — жуда муҳим. Бунга яна бир бор амин булдик.

@paiziev24

Электр компаниясидан хат келибди — уйимизда 14 июль куни соат 9:00 дан 17:00 гача ток бўлмас экан. 17 кун олдин огоҳлантиришди.

@paiziev24

Стартапда ёки тез ўсувчи компанияда босим ва унинг натижасида стресс бўлиши табиий. Агар сизда босим йўқ бўлса, демак компания ё рақобат муҳитида эмас, ёки ўзига кичик мақсадлар қўйган. Бу ёмон белги. Балки яхшидир )

Чунки катта мақсадлар, катта масъулият талаб қилади. Мақсад қанча улкан бўлса, уни амалга ошириш учун шунча мураккаб вазифаларни ҳал қилишга тўғри келади. Бу эса албатта дискомфорт келтиради.

Лекин айнан шу дискомфорт — сизга тўғри саволлар беришга туртки беради:
- Нима учун бу иш қийин кетяпти?
- Нима иш бермаяпти?
- Қайси қарорим нотўғри бўлди?

Шу тарзда, босим сизга йўл кўрсатувчи фонар бўлади. Хақиқий ўсиш ҳар доим нотўлиқ маълумот, чекланган ресурслар ва тез қарор қабул қилиш шароитида юз беради.

@paiziev24

TBC Bank BILLZ стартапининг 53% улушини 9 млн. долларни ташкил этган суммага сотиб олди. Мен, бу ерда асосий қизиқиш BILLZ платформасидаги 4 000 та кичик бизнес мижозларида ва бу компаниялар базасини устиришда деб биламан.

Чунки банк бу мижозларга кредит, факторинг, ва бошқа молиявий маҳсулотлар сотиш орқали анча даромад қилишни режалаштирган. Ҳозирча ҳар бир мижоз 5 000 доллар деб баҳоланган. Агар мижозларни банк маҳсулотларига айлантириш конверсияси яхши бўлса, тез орада TBC Bank компаниянинг қолган улушини ҳам сотиб олиши эҳтимоли катта.

Яна, бу келишувда энг қиммат актив – компания жамоаси. Шунинг учун ҳам банк компанияни тўлиқ эмас, қисман сотиб олди. Жамоа тўлиқ интеграция бўлгунча, мотивация сақланиши керак. Тўғри шартлар ва тўғри босқичлар билан келишув қилинган.

Бошқача айтганда, банкка нафақат технология, балки узоқ муддатда даромад келтирувчи мижозлар ва бозорга кириш имконияти керак бўлган. Бу келишув нафакат BILLZ учун, балки Марказий Осиёдаги бутун стартап экотизими учун муҳим босқич ҳисобланади.

@paiziev24

Силикон водийсида стартап қураётган 5 та фаундер Пало-Альтодаги WeWork’да ўтириб, бирга ишлаяпмиз. Азамат (point.ai) етишмаяпти. Бу ердаги ўзбек фаундерлар сафи кенгаяпти.

@paiziev24

LoadOps Chrome Extension'да 1 ҳафта ичида 66 та фойдаланувчи пайдо бўлди. Ҳали ҳам 3 ойга бепул Numeo Lite + LoadOps бераяпмиз. Диспетчерларга ёқяпти.

https://loadops.ai

@paiziev24

Кеча Trucker Path иловаси асосчиси Иван Цыбаевнинг уйида меҳмон бўлдим. Рус банясида ўтирдик. У яратган мобил иловани миллионлаб трак ҳайдовчилари ишлатади. Бошқача қилиб айтганда — бу “Waze for Truckers”. У компаниясини йирик холдингга сотган ва ҳозирда бошқа стартап устида ишламоқда. Жуда кўп фойдали маслаҳатлар берди.

@paiziev24

AI дастурчиларнинг контрактлари футболчиларни орқада қолдирмоқда.

@paiziev24

Биз Numeo’да юк ташувчи компаниялар (carriers) томонида овозли AI автоматизациясини жорий этаётган бўлсак, брокер томонида энг тез ривожланаётган компаниялардан бири — HappyRobot. Кўпчилик диспетчерлар брокерга қўнғироқ қилганларида айнан шу компаниянинг AI агентлари билан гаплашадилар. Бизнинг мижозлар ҳам AI орқали қўнғироқ қилганларида айнан шу компаниянинг AI’си билан мулоқот қилишади. Натижада, икки томон ҳам ортиқча AI ва овозли процессингга вақт сарфлайди. HappyRobot асосчиси Пабло билан агентларимиз қисқа ва кодлар орқали маълумот алмашиши ҳақида суҳбатлашдик. Бу ҳам вақтни, ҳам ресурсларни тежайди.

Соҳадаги етакчи компаниялар билан танишиш ва ҳамкорлик ўрнатишда давом этмоқдамиз.

@numeoai

@paiziev24

Alchemist X дастури ҳақида ёзган эдим. Дедлайнга 3 кун қолди. Бу Силикон водийсига келиб, акселерациядан ўтиш ва стартапингизни бу ерда ривожлантириш учун зўр имконият. Ўтган йили мен ҳам ушбу акселераторда қатнашган эдим.

@paiziev24

🎨 Sanʼatni yoqtirasizmi?
Unda 12-iyul kuni IMPACT.T Studio’da Van Gogh uslubida rasm chizish bo‘yicha master-klass bo‘lib o‘tadi. Dastlab Van Gog hayoti va ijodi haqida qisqa film tomosha qilamiz, so‘ngra esa rasm chizamiz.

🕒 Quyidagi vaqtlarda qatnashishingiz mumkin:
1️⃣ 10:00
2️⃣ 12:00
3️⃣ 14:00

📍 Sizni ijodiy va qulay muhitda kutamiz. Joylar soni cheklangan — oldindan ro‘yxatdan o‘ting!
📞 Ro‘yxatdan o‘tish uchun: +998 90 065 30 03 yoki @IMPACTT_Studio telegram orqali

——

🎨 Любите искусство? Тогда вам к нам!
12 июля в IMPACT.T Studio пройдёт мастер-класс по живописи в стиле Ван Гога. Сначала вместе посмотрим короткий фильм о его жизни и творчестве, а затем каждый участник нарисует собственную картину.

🕒 Вы можете выбрать удобное время:
1️⃣ 10:00
2️⃣ 12:00
3️⃣ 14:00

📍 Ждём вас в уютной творческой атмосфере. Мест ограничено — обязательно запишитесь заранее!
📞 Запись по номеру: +998 90 065 30 03 или в телеграм @IMPACTT_Studio

Sequoia Capital қандай стартапларга сармоя қилади?

Инглиз тилини тушунсангиз, 14 йил аввал олинган, дунёдаги энг машҳур венчур фондлардан бири — Sequoia Capital асосчиси Дон Валентин билан интервьюни кўришингизни тавсия қиламан. Унинг таъкидига кўра, улар одамларга эмас, бозорга қараб сармоя қиладилар. Диплом эмас, катта муаммони ҳал қиладиган ғоя ва бозор ҳажми улар учун муҳим.

Асосий фикрлар:
– Катта компанияларни фақат катта бозорда қуриш мумкин
– Улар техник ва маркетинг кўникмаларига эга оддий одамлар билан ишлайди
– Хатоларининг сабаби технология эмас, нотўғри бозор танлови бўлган
– Рецессия — инвестиция учун энг яхши фурсат

https://www.youtube.com/watch?v=nKN-abRJMEw

Sequoia учун ҳикоя айта оладиган фаол асосчилар жуда муҳим. Дон Валентин:
“20 та сўзда фикрингни тушунтира олмасанг, демак ўзинг ҳам тушунмагансан”, — дейди.

PS. Силикон водийси — улар учун марказ. У ҳазил қилиб:
"Денверга борсанг, дунёнинг технологик четига чикиб кетасан." дейди.


@paiziev24