Instagram саҳифамизни юритиши учун логистика соҳасида ишлайдиган блогер-диспетчер ёки инглиз тилида равон гапирадиган диспетчерни ишга олмоқчимиз ($).

Агар танишларингиз бўлса, улашинг.
Қизиққувчилар ўзлари ҳақида 30 секундлик видеомурожаат ёзиб, [email protected] манзилига юборишсин.

@paiziev24

Hiring Customer Support / Success Specialist

Numeo is transforming the logistics industry with AI-powered automation. We’re looking for a proactive, empathetic, and detail-oriented Customer Support / Success Specialist to help our customers succeed on our platform.

In this role, you’ll be the frontline voice of Numeo — guiding users, solving problems, and ensuring a seamless experience from onboarding to growth. You should be comfortable working US business hours, have a strong grasp of technology and modern support tools, and bring a customer-first mindset. Prior customer experience is preferred but not required.

Location: Remote
Hours: Must be available during US time zone (CST)
Type: Full-time
Salary: $500-$1000 (monthly)

Send your CV to [email protected]

Tesla ва ундаги автопилот устида ишлаганларга барака топсин.

Кеча рафикам ўқишга кетди. Яқинда янги уйга кўчдик, бошқа туманга. Тушлик вақтида қизим ва ўғлимни мактабдан олдим (Menlo Parkдан). Тошкентдан Музаффар ака (аввалги INHA ректори) келганлар — уларни ҳам Silkroad Hub'дан олдим. Қизимни теннисга олиб бордим, кейин Музаффар ака билан бироз суҳбатлашиб, уларни Стэнфордда қолдирдим. Камрон билан Умар боғчасига бориб, уларни уйга олиб бордим, кейин қизимни теннисдан қайтиб олдим.

Бу вақт ичида 3 та қўнғироқда ҳам қатнашдим. Оддий кун бўлганда, шошилиб юриш, ҳатто қоида бузиш эҳтимоли бор эди. Лекин машина барча қоидаларга бўйсуниб, ўз-ўзини ҳайдади. 🙏

Яхшиям рафикам ҳафтада фақат 3 кун ўқишга боради, деб хурсанд бўлдим.

@paiziev24

Y Combinator — дунёда энг кўп “юникорн” чиқарган акселераторлардан бири.

Уларнинг стартапларни қабул қилиш дедлайни яқинлашмоқда (12 май) — топширишга улгуринг.
Улар: “Қуйидаги мавзулардаги стартаплар бизга қизиқ” деб эълон берган: https://www.ycombinator.com/rfs

AI атрофида стартап бошлаш учун энг зўр вақт — ҳозир.

YC хакида: https://www.youtube.com/watch?v=4VDZRR07Eqw&t=446s

@paiziev24

Силикон водийсининг Америкадаги бошқа штатлардан катта фарқларидан бири — бу стартап дунёсидаги одамларнинг фикрлаш тарзи (mindset). Биз ҳозир ўсишимиз ва стратегик қарорларни тўғри қабул қилишимиз учун маслаҳатчилар (advisor) излаяпмиз.

Масалан, бугун бизнинг йирик технологик компания фаундерларидан бири билан 6 соатлик учрашувимиз бор. Биз ҳали уни расман адвайзер қилиб олмаганмиз, лекин у бир неча марта учрашиб, бепул ёрдам беришга ҳаракат қилмоқда. У катта компанияни бошқаради.

Силикон водийсининг асосий тамойилларидан бири — “Giving first” (биринчи бўлиб бериш). Агар у бизга ҳақиқатан қиймат бераётганини кўрсак, кейинчалик унга 0.5–1% акция беришимиз мумкин — бу 2–3 йиллик вестинг ва вақт ҳамда самарадорликка боғлиқ бўлади. Унинг ўзи бугунги 6 соатлик учрашувни таклиф қилди. Икки ҳамкасбим Сиэтлдан айнан шу учрашув учун учиб келаяпти.

Бошқа штатлардаги соха вакиллари билан гаплашсак, улар аввало: “Сен менга нима берасан?” — деб сўрашади. Балки бу классик бозор учун тўғридир, лекин биз Силикон водийсида бундай муносабатни кўрсак, ўша заҳоти суҳбатни тугатамиз.

@paiziev24

Содда ўйлаш - муваффақиятга элтувчи қисқа йўл

Бу фикрлар айрим стартап асосчилари билан бўлган суҳбатлардан кейин пайдо бўлди. Улар ўзлари қилиб юрган ишни узоқ ва мураккаб қилиб тушунтиришарди. Ҳар бир сўз ортида тўғри фикр бор эди, лекин улар шу қадар қопланганки, аслида нима қилишаётганини англаш қийин эди.

Паул Грэм айтганидек, ҳақиқий ақл — содда фикрлашда. Агар ғоянгизни 30 сонияда тушунтира олмасангиз, демак у ҳали пишмаган.

1. Қисқартир. Соддалаштир. Фокуслан.
Бир стартапчи айтди: “Биз ML асосида NLP’ни real-time’да call center’ларда автоматлаштиряпмиз, бу engagement ва efficiency’ни яхшилайди.”
Аслида улар нима қиляпти? — Телефонда оператор ўрнига гапирадиган бот яратяпти.

Қисқа ва равшан.

2. Одамларнинг оғриғини топинг
Технология — бу восита, муаммони ҳал қилиш — мақсад. Стартап ғояси фойдаланувчи муаммосига жавоб бериши керак. Ундан сўранг:
→ “Бу нимани енгиллаштиради?”
→ “Мижоз учун қайси оғриқли нуқта йўқолади?”

3. Жавоб эмас, савол изланг
Савол бериш содда фикрлашга олиб келади.
→ “Агар биз ҳозир янгидан бошласак, нимани қилмасдик?”
→ “Бу маҳсулотсиз ҳам одамлар қандай ҳал қилишяпти?”
→ “Нима учун бу ғоя жуда узоқ тушунтирилишга муҳтож?”

Агар ғоя яхши бўлса, у ўзини ўзи сотади. Ёмон ғоя эса қопқон: уни тушунтиришга бор кучинг кетади.

Хулоса
Стартап — бу мураккаб дунёга содда ечим топиш. Агар ғоянгизни бола, инверстор, ҳамкасб ва мижоз бир хил даражада тушуна олса — сиз тўғри йўлдасиз.

Унинг устига соддарок уйлаш анча энергиянгизни тежайди.

@paiziev24

Бир кунда 100 000 дан ортиқ email.

Кеча жуда кўп вақтимиз код ва маълумотлар базаси структурасини ўзгартиришга кетди. Кечанинг ўзида Numeo’га 100 000 дан ортиқ email келди. Ҳар бир email’ни таҳлил қилишни ҳисобга олсак, бу жуда катта ҳажм. Биз бу даражага 6–7 ойда етамиз деб ўйлаган эдик.

Аммо Numeo Analytics тизими мижоз уланган пайтдан бошлабоқ катта ҳажмда маълумотларни йиғади ва мижоз профайлини бойитади. Бу эса диспетчерларга қарор қабул қилишда ёрдам беради.

100 минглаб email’ларни таҳлил қилиш жуда кўп сервер ва GenAI ресурсларини талаб қилади. Лекин агар компания билимлар базасини шундай йўл билан тузмаса, диспетчер учун энг яхши ко-пилотни яратиш қийин бўлади.

Аввалги CRM ёки TMS (Transport Management System) тизимларидаги асосий муаммолардан бири — маълумотларни қўлда киритиш. Бу фойдаланувчилар учун жуда ноқулай бўлгани учун, кўп компанияларда бундай тизимларни жорий қилиш қийин кечади.

AI келиши билан замонавий тизимлар маълумотларни ўзлари топиб, автоматик равишда бойитиши керак. Биз айнан шундай тизим қуриш устида ишлаяпмиз.

@paiziev24

Иш бериш — иш ўрни эмас, имконият беришдир

Кўп танишларим: “Яхши ишчи топиш кийин”, “Компаниямга ходим керак”, “Одам йўқ” деган гапларни кўп айтяпти.

Муаммо факат кадрларда эмас. Муаммо — муносабатда.

Иш бериш — фақат маош ва вазифа бериш эмас. Бу — имконият бериш. Эътибор бериш. Ургатиш. Ишониш.

Кимдадир салоҳият бор. Аммо у ўзини кўрсатишга имконият олмаган.

1. Резюмега эмас, салоҳиятга қаранг
Ҳамма ҳам кучли CV ёза олмайди. Лекин баъзилари биринчи имкониятни олса, энг яхши жамоа аъзосига айланади. Савол беринг:
→ “Бу одам нимага қизиқади?”
→ “У қандай вазиятда очилади?”
→ “Уни кучли қилувчи тараф нима?”

2. Хатога тайёр бўлинг
Янги одам билан ишлаш — қийин. У хатолар қилади. Лекин шу жараён орқали у ўсади. Агар ҳар бир хатони жавобгарлик деб қабул қилсангиз, ҳеч қачон кучли жамоа қура олмайсиз.

3. Иш берманг — мақсад беринг
Агар сиз инсонга фақат иш эмас, маъно берсангиз — у сиз билан қолади. Ҳатто бошқа жой кўпроқ тўласа ҳам.
→ “Бу ерда у нимани ўрганади?”
→ “Унинг ҳиссаси қандай натижа беради?”
→ “Унинг иши нима учун муҳим?”

Хулоса
Биз иш эмас, имконият беришни ўрганишимиз керак. Ҳақиқий раҳбар — одамни кўради, ишонади ва ўсишига ёрдам беради.
Ҳатто у ҳали тайёр бўлмаса ҳам.

@paiziev24