🚘 Yangi BMW iX2 tiktok olishni biladi

Kompakt krossover koʻpchilik uchun gʻalati koʻrinmoqda. Lekin ba’zilar kerakli rakurslar topilsa, 21 dyuymli disklar bilan avtomobil chiroyli koʻrinadi, degan fikrda.

iX2 elektromobili 64,8 kVt•s batareya va 313 ot kuchiga ega. WLTP sikli boʻyicha bir quvvatlanishda 450 kilometrgacha yura oladi. 100 km/s tezlikka esa 5,6 sekundda erishadi.

Salon oʻtgan avlodga qaraganda kengroq qilib tayyorlangan. Haydovchining oldiga bitta panelga ulangan 2 ta ekran qoʻyilgan. Ularning oʻlchamlari diagonal boʻyicha 10,25 va 10,7 dyuymga teng. Salondagi kamera boʻlsa tiktok ham ololadi.

❤️ — BMW one love
😁 — Xitoyning BYD mashinalari yaxshi
🤔 — mashina sotib olishga oʻzi qachondir pulim boʻlarmikan

@pakapak

🤖 Adobe foto va video bilan ishlashni osonlashtiruvchi yangi sun’iy intellektlarni taqdim qildi

Project See Through — suratdagi deraza aksini olib tashlaydi. Bu sun’iy intellekt yordamida deraza ortidagi suratlarni ham derazasiz tushirilgan fotolarga aylantirish mumkin.

Project Dub Dub Dub — videodagi gaplarni ovoz tembrini saqlagan holda tarjima qilib beradi. Lekin lablar bilan sinxronizatsiya qilib berolmaydi. Tez tarjima qilish kerak boʻlganda bu instrument ancha qoʻl kelishi mumkin.

Project Poseable — 3D bilan shugʻulladiganlarga yordam beradi. Har qanday suratdagi odamni olib, oʻsha pozadagi odamning 3D-modelini yaratish mumkin.

Project Stardust — fotografiyadagi har bir obyektni birdan aniqlaydi va sizga ularni qoldirish yoki olib tashlash imkoniyatini beradi.

Project Fast Fill — videodan keraksiz obyektlarni olib tashlash yoki kerakli qismlarni qoʻshish imkoniyatini beradi.

Internetda eng koʻp aylangan yangilik esa rangini tezda oʻzgartiruvchi kiyim boʻldi. Adobe uni Project Primrose deb nomlagan. Hech boʻlmaganda bu kiyim bilan kayfiyatingizni koʻrsatib borsangiz boʻladi.

😍 — Adobe obunasini olish kerak
🗿 — tekin alternativlarni bilaman
😢 — yaqinda ishsiz qolamiz

@pakapak

🤯 iPhone Flip sotuvga chiqdimi?

Alibabada feyk iPhone Fliplarni oʻnta-oʻntadan sotishmoqda. Har bir shunday pak sizga 165 dollarga tushadi, shunda har biri 16,5 dollarga teng. Telefon xarakteristikalarini yozib oʻtirish esa shart emas.

Bunday ochilib yopiladigan soxta iPhone’larning birinchi partiyasi Qozogʻiston va Qirgʻizistonga kelib boʻldi. Yaqin bir necha kunda bizda ham reklamasi chiqsa kerak.

🤔 — rostan iPhone Flip qachon chiqarkan?
🐳 — Pakapakdan obzor kutamiz

@pakapak