Eng qizig'i, aslida tungi klubga boradi degani- u odam kitob o'qimaydi, yoki undanam yomoni - vapshe "tugagan" odam degani emas. O'zi istagandek dam olishga har kimning haqqi bor. Kimdur o'tirib kitob o'qiydi, kimdur tungi klubga boradi.

Eng muhimi - me'yor. O'shani bilish kerak. Ish-oila, dam olish va o'qish orasidagi "oltin muvozanat"ni saqlay olsangiz bo'ldi.

Am I right?

@panda_books

Odamlarning doʻzaxga kirish-kirmaslik tanlovini oʻzlariga qoʻyib bering.

Devid Frimen

👉 Qisqa satrlar

Xayr Farg'ona, Salom Qo'qon!

@boredpandablog

Sevara opayam "xonlar avlodidan" ekan.

@panda_books

#haqida

Xudoyorxon saroyi

Hozir ushbu saroyni aylanib chiqib, bir paytlar o'z nigohlarini boqqa qaratib o'tirgan xon devoni yonidagi kresloda o'tirgancha xayol surayapman.

Maktabda tarixni bizga juda noto'g'ri o'rgatishgan. Tarix aslo u qog'ozlarda yozilgani kabi bo'lmaganini saroyning o'zida o'tirib his qilayapman.

E'tibor berganim, saroyda yerto'la yo'q. Balki qachondir bo'lgandur, ammo qandaydir bunker yoki qochib chiqsa bo'ladigan tunnellar aniq yo'q. Xonlar o'z xalqidan qochish haqida aslo o'ylamagan.

Saroy (Xiva xoni saroyi ham) juda yuksak did va dizayn bilan qurilgan. Xonsaroyi jaziramada ham salqin va soyali bo'lishi ta'minlangan. Isitish texnologiyalari ham oddiy va samarali. Ya'ni saroy - xonlikdagi eng boy inson yashaydigan xonadon bo'lgan.

Hozirgi davrda prezidentlar, bosh vazirlar va boshqa yuqori amaldorlar ishlaydigan binolar butun dunyoda deyarli bir xil - oq, minimalistik, har qanday go'zal arxitekturadan uzoq. Lekin ular mana bu saroyni qo'riqlashdan ko'ra yuz barobar kuchliroq qo'riqlanadi. Yashash joylari esa xalqqa mutlaqo noma'lum.

Xon saroyini esa egallab olish oson. Bu na turma, na qal'a. Bu ko'proq san'at asari. Xudoyorxon saroyida na Vazirlar Kengashi, na Minfin bor. Bu eng avvalo xon xarami va uning yuzcha mulozimlari yashaydigan va ishlaydigan joy, xolos.

Xalq xonlikda yashayotganini juda yaxshi anglagan. Ular xonni ag'darib tashlash haqida o'ylamagan. Xon davlat belgisi, ayni damda davlatning o'zi bo'lgan.

Monarxiya tuzumi xalq bilan shunday garmoniyada bo'lganini Qo'qonda aniq sezish mumkin. U davlatni ortiqcha kuch ishlatmasdan boshqargan. Ixcham va samarali davlat boshqaruvi. Hamma xon qanday yashashini bilgan, va hech narsa yashirilmagan.

Faqat u tashqi siyosatga va yangicha qarashlarga juda kech ahamiyat bergan va oxiri xonlik tashqi ta'sir oqibatida qulagan.

Bu endi boshqa hikoya.

@panda_books

#news
Endi davlat granti 4 yilga bitta talabaga emas, balki har yili yuqori baholarga erishgan talabalar orasida qayta taqsimlanarkan.

@panda_books

​​#review #taqriz

📗Shohrux Usmonov – "Tadorik"

Yosh bo'lishiga qaramay, allaqachon o'zining puxta tarjimalari ("Uzunpaypoq Peppi") bilan o'zbek kitobxonlariga tanilishga ulgurgan do'stim Shohruxning ilk kitobi bosilib chiqibdi.

Nomi ham ajoyib bo'lgan "Tadorik" kitobida tarjimonning eng sara tarjimalari o'rin olgan. Kichkina cho'ntak kitobcha shaklida chop etilgan bo'lishiga qaramay, u o'z ichiga ko'plab qiziqarli hikoyalarni jamlagan.

Misol uchun, o'zimga Jorj Oruellning "Fil" va Mark Tvenning "O'triksiz hikoya" si manzur bo'ldi. Shuningdek, ko'pchilik sevib o'qiydigan O'Genrining "Ilohiy in'om" (The Gift of Magi") hikoyasi ham o'rin olgan.

Undan tashqari, Ernest Heminguey, Jubron Xalil Jubrondan ham tarjimalar kitobxonlarni befarq qoldirmaydi deb o'ylayman. Tarjimalar o'zbekchaga chiroyli o'girilgan, so'zlar mahorat bilan tanlangani seziladi.

O'ylaymanki, bu hali boshlanishi ekanligini hisobga olsak, tarjimonimizdan kelajakda ko'plab yaxshi va sifatli tarjimalar kutib qolsak bo'ladi.

Kitobxonlar jamiyatimizda yosh va umidli tarjimonlar ko'payishidan hamma yutadi deb o'ylayman. Ijod qilishdan to'xtamang!

@panda_books