Sizlarniyam shunaqa nima so'rasangiz "Ha, buni o'qiganman!" deydigan tanishlariz bormi?:)

@panda_books

​​#tarjima

Nikohda baxt shunchaki o‘z-o‘zidan sodir bo‘ladigan narsa emas. Yaxshi nikoh yaratiladi.

Qo‘l ushlashib yurish uchun hech qachon kech emas. Har kuni hech bo'lmasa bir bor "Seni sevaman" deb aytish uchun. Janjallashgan holda yotoqqa bosh qo'ymaslik lozim. Har qanday sharoitda ham bir-biringizning xatti-harakatlaringizni oddiy hol deb qabul qilmang. Bir-biringizga e’tibor va g‘amxo‘rlik asal oyi bilan tugab qolmasin, balki umr bo‘yi davom etsin. Hayotda birga qadam tashlang. Butun oilani birlashtiradigan mehr doirasini yarating. Burchingiz tufayli emas, balki quvonch ulashish uchun bir-biringizga nimadir qiling. Minnatdorchilik so‘zlari aytib, shukronalar bildiring.

Sabr-toqat, tushunish va hazil tuyg‘usini rivojlantirish zarur. Kechira olish va unutishni o‘rganing. Gap shunchaki kerakli insonga turmushga chiqish (uylanish)da emas. Gap o‘zingiz kerakli inson bo‘lishingizda.

Pol Nyumanning to‘y kuni rafiqasiga yozgan maktubidan

@panda_books

Maktabim kutubxonasi

Men 2 ta maktabda oʻqiganman, birinchisi (raqamiyam 1-edi) katta va chiroyli maktab edi, boshlang’ich sinfda yaxshi ustoz borligi uchun uydagilar meni bir yil burunroq maktabga berishgan. Bu maktab haqida hali alohida yozarman.

Ikkinchi maktabim juda kichkina, harob binoda joylashgan maktabcha edi. Ammo unga oʻqituvchilari juda kuchli boʻlgani uchun oʻtkazishgan.

Boshlangʻichlarga kutubxonaga kirishga ruxsat yoʻq edi, 2-sida esa kiradigan kutubxona atigi 2 katta tokchadan iborat edi. Maktabni byudjeti shahardagi eng kamlaridan biri boʻlgani uchun kitoblar vaqtida yangilanmas, yangi bino qurilib bitmagandi.

Maktabda yosh botanik boʻlganman. Bu sir boʻlmasa kerak. Men oʻz dunyomda yashardim. Samimiy, betashvish va goʻzal. Har kuni uyda darsdan keyin kitob oʻqib yotar, darsda hammadan oldin javob berib, “5” koʻp olishga intilardim. Lekin meni ham chegaralarim bor edi. Matematikani xushlamasdim, tenglamalar qiyin tuyulardi. Natijada aniq fanlardan nari yura boshladim. Mening ta’bimga adabiyot, geografiya, tarix va shu kabi erkin, gumanitar fanlar mos chiqdi.

Xullas, oʻtlab ketdim. U paytlar zoʻr kitoblar oʻqishga intilmasdim, borini oʻqib ketaverardim. Kutubxonada bor boʻlgan kitoblardan esimda qolgani esa Bulgakovning “Usta va Margarita”, Mirzakalon Ismoiliyning “Fargʻona tong otguncha”, Stendalning “Qizil va qora”, “Parma ibodatxonasi” kabi kitoblar edi.

Esimda qolgani shular, balki oʻtirib oʻylansam yana nimadurlarni eslarman. Xullas, yaqinda shu kitoblar haqida taqriz yozmoqchiman, “Maktab kutubxonasi” turkumi qilarman, bilmayman, vaqt topolsam..

Bitta kitobmi ikki xil davrda oʻqib, ikki xulosa qilish boshqacha baribir..

Sizdayam maktabda oʻqigan kitoblaringizni qayta oʻqiganda taassurotlar oʻzgacha boʻlganmi?

@panda_booka

Va Maktab kutubxonasidan kitob ijaraga olib, oʻqib bo’lgach, uni hamisha vaqtida qaytarib berganman.

Hecham oʻzimda olib qolmaganman, hecham…

@panda_books

Seni sevaman dema, kitob olib ber…

​​Xona

Ehtimol, har biringizda xonangiz qanchalik tartibsiz bo‘lsa ham, unga bemalol mehmonga taklif qilishdan uyalmaydigan do'stingiz/dugonangiz bo'lgan yoki bordir. Unga qo'ng'iroq qilasan va u 15 daqiqadan keyin o'sha yerda bo'lishini aytsa ham, xonang aro tariqdek sochilib yotgan lash-lushlarni divan tagiga tiqish, g'ijim kiyimlarni shkafga yashirish yoki stolni tartibga solishning hojati yo‘q. Patalak soching, ustingga ilib olganing nima bo'lsa, hatto maykachan ham kutib olaverasan. Chunki unga sening xonagdagi "bardak"ingni mutlaqo qizig'i yo'qligini bilasan.

U qishda sovuqdan noligancha, yozda jaziramadan terlagancha: "Yotibsanmi haliyam, devona" degan bema’ni so‘zlarni aytib kulib, xonangga kirib keladi.

Uni eshik oldida kutib olish yo kiyimlarini ilib qo'yishdek iltifot ko‘rsatish bilan ovora bo‘lishning keragi yo‘q. U sening uyingda hammani taniydi, hammom qayerdaligini va oshxonaga qanday o'tishni juda yaxshi biladi.

U o‘zi oshxonaga o'tib, shkafdan ikkita piyola, likopcha va qoshiqchalarni oladi. Choy qo'yadi, xonangda xayol surib yotgangingda "dasturxoningda yeyishga hech vaqo yo'qmi?" deya baqiradi. Keyin birgalikda "topgan narsalar"ingiz bilan choy ichasizlar. Uni oldida boshqalar oldida qilishga uyaladigan odatlaringni bemalol bajaraverasan, masalan, choyga pechenye botirib yeyish..yo murabboni to‘g‘ridan-to‘g‘ri bankasidan paqqos tushirish. Bu narsalar uchun u seni aslo malomat qilmaydi, aksincha ba'zida senga qo'shilib sho'xliklar qiladi. U bilan suhbatlashishga mavzu qidirishing shart emas, qaytanga aytilmay qoladigan gaplar ko'p bo'ladi.

U bilan xotirjamsan, u seni qanday inson deb o'ylashidan ortiqcha xavotir tortmaysan, bir-biringiz oldida o'zingizni xavfsiz va bemalol his qilasizlar.

U ketayotib, odatdagicha, senga o'zingning qanchalar "nodon va landavur" ekanligingni eslatgach, sen ham uni "tasqara yo humkalla"ga o'xshagan odatiy unvon bilan siylaysan. Xonannga qaytarkansan, u bilan o'tkazgan oxirgi 2 soatingda nimalar haqida gaplashganingni eslay olmaysan ham, chunki hammasi shunchalik yaxshi va tabiiy ediki...


Matnni "Xona" so‘zini "qalb" so‘zi bilan almashtirib, yana bir bor o‘qib chiqishingiz mumkin.

@panda_books

Nurali navbatdagi taqdimotda auksiondagi kitoblarga eng yuqori narx aytganida, zalda oʻtirgan boshqa talabalar:

@panda_books

Yana bitta dream University…

Mana bu bino..

Sevgi vazirligigayam oʻxshab ketadi.

@panda_books

​​#review #taqriz

📙Nikolas Nassim Taleb — ''Tasodifga aldanganlar" (Fooled by Randomness)

"Boshqacha so‘z bilan aytganda, tarix bizga shuni o‘rgatadiki, ilgari hech qachon yuz bermagan voqealar ham sodir bo‘lishi mumkin"

Bu Talebning "Incerto" turkumidagi birinchi kitobi bo‘lib, unda u o'zining mashhur noaniqlik, ehtimollik va xavf-xatar haqidagi g‘oyalarini boshlab bergan. Bu Tasodif hayotimizni, karyeramizni va ayniqsa moliyaviy bozorlarimizni qanday shakllantirishi haqidagi aytaylik ilmiy-falsafiy tadqiqotdir. Sobiq treyder Taleb shaxsiy kuzatuvlari, bozor o'zgarishlari va skeptitsizm namunalarini bizga taqdim etadi.

Kitobning bosh g'oyasi — Odamlar Tasodifning hayotdagi rolini past baholaydilar. Odamlar sabab-oqibat qonuniyatlarini barcha joyda qo'llashga intilgani sabab, ba'zan shunchaki omad kelib qolganini tan olishni istamasliklarini ta'kidlaydi. O'ta aqlli bo'lmagan treyder ham ba'zan omad tufayli katta yutuqqa erishishi mumkin deydi u.

U yana biz faqat g'oliblarni ko'rishimiz, mag'lublarni eslamasligimiz va shu orqali xulosa chiqarishimizni aytadi (omon qolgan samolyot teoriyasi). Shu qatorda treydingga oid juda ko'plab misollar bilan o'quvchini bu bozor qoidalari va undagi turli taktikalarni qo'llaydigan shaxslar haqida so'zlab beradi. Mutaxassislar Talebning bu kitobida yangi narsa ixtiro qilmagani, shunchaki bor nazariyalarga boshqa nigoh tashlaganini aytib o'tishgan.

Uning ko'p tilga olinadigan "Qora oqqush" fenomeni ham kitobda bir bor tilga olinadi, keyinchalik bu g'oyani mustahkamlab, yangi kitobida batafsil bayon qiladi.
Kitob turli latifalar, falsafiy mushohadalar, texnikaga oid bahs-munozaralar ichida aylanib yuradi, aniq bir strukturaviy yechim yo'q. Va albatta kitobni Talebning intellektual maqtanchоqligi chiday oladigan insonlar o'qishi mumkin, chunki u o'zini boshqalar aldanib yurganida haqiqatni tushungan yagona odam sifatida tasvirlaydi.

"Tasodifga aldanganlar" qaror qabul qilish, investitsiya kiritish yoki hayotda ehtimollikning ahamiyatini tushunishga yordam beradigan muhim qo'llanma hisoblanadi. U o‘quvchilarni o‘zlarining muvaffaqiyat hamda muvaffaqiyatsizlikni talqin qilish usullarini qayta ko‘rib chiqishga undaydi. Talebning uslubi keskin bo‘lsa-da, uning fikrlari, ayniqsa tasodifiylik muhim rol o‘ynaydigan sohalarda faoliyat yurituvchilar uchun g‘oyat qimmatlidir.

Kitob fikrlashga undovchi kitob, ammo hamma uchun emas.

@panda_books

Kitobning o'zbekcha tarjimasi mavjud, ammo o'qiganlar orasida tarjima borasida bir qator e'tirozlar borligini eshitganman. O'zim o'qib ko'rmadim, shu bois bu borada bir narsa deyolmayman

Men rus tilida o'qidim, eng yaxshisi esa albatta originalida mutolaa qilish.

@panda_books

#haqida

Eng yaxshi qasos

Dushmanlaring yoki senga azob bergan insonlardan olinajak qasosning yo'llari ko'p aslida.

Misol, tutvolib humordan chiqquncha do'pposlashing yoki ijtimoiy tarmoqlarda negativ yozishing mumkin. Ammo bu - mag'lubiyatdir, chunki ular aynan shunday qilishingni xohlaydi.

Men yoshligimdan to hozirgi kungacha eng yaxshi qasos usullaridan biri sifatida Graf Monte-Kristoni bilardim. Alamlarni ichga yutish va oradan yillar o'tib, qaytib kelib qasos olish. Bu ajoyib. Ammo buning yomon tomoni shundaki, shu yillar davomida faqat o'tmish bilan yashashga to'g'ri keladi. Bu esa alal-oqibat ko'pchilikni aqldan ozdiradi.

Menimcha, eng yaxshi qasos - bu o'tmishni ortda qoldirish, ishlab boy-badavlat bo'lish va baxtli hayot kechirishdir. Unutish ham ba'zan eng katta qasos aslida.

Dushmanlaringiz bunga chidolmaydi.

@panda_books

Sevimli yulduzingiz/sayyorangiz qaysi?