Parwardai_Mndal 💐 پەروەردەی_منداڵ

(وَاشْكُرُوا لِلَّهِ)؛ اللهم شكراً !

كتێبی فێركردنی تەوحید بۆ منداڵان لە چاپێكی قەشەنگدا و بۆ جاری پێنجەم لە لایەن كتێبخانەی گەشە لە سلێمانی چاپ كرا، جیاوازی چاپی ئەم جارە لەگەڵ چاپەكانی پێشوودا ئەوەیە هەموو ئایەت و فەرموودە و دەقە عەرەبییەكانم بە شێوەیەكی ئاسان كردووە بە كوردی و دوو بەشیشم بۆ زیاد كردووە لە كۆتایی كتێبەكەوە كە بریتین لە: كاریگەری فیلمی كارتۆنی لەسەر عەقیدەو بیروباوەڕی منداڵان و هەروەها شێوازی پەروەردەی ئیمانی سەلەف بۆ منداڵان، وەكو قەبارەش دوو هیندەی چاپەكانی پێشوو دەرچووە.

شایانی باسە چاپی ئەم جارە بریتی بوو لە شەش هەزار دانە، هەزاری لە كتێبخانەی گەشەوە دەفرۆشرێت و دابەش دەكرێت بۆ هەر كتێبخانەیەك بیەوێت، لە ڕووی مادییەوە چاپەكە هیچ پەیوەندی بەمنەوە نییە بەڵام داوام لە خاوەنی كتێبخانەكە كردووە تا دەكرێت بەنرخێكی گونجاو بیفرۆشێت پێنج هەزاریشی لەلایەن هەندێ خیرخوازی بەڕێزەوە لە هەولێر بەبێ بەرانبەر و فی سبیل الله دابەش دەكرێت، داواكارم لە پەروەردگار پاداشتی چاكەیان بداتەوە. هەروەها زۆر سوپاس ونزای چاكەم هەیە بۆ هەریەك لە: دیزاینەری ناوەڕۆك، دیزاینەری بەرگە ، ئەو بەرێزەش كە پێداچوونەوەی بۆ بابەتەكانی كرد، الله تعالی پاداشتیان بداتەوە.
ئەم جارەش - وەكو جارانی پێشوو - بە نیاز بووم وخۆشحال دەبووم نوسخەیەكی زۆر لە كتێبەكە بەدیاری ببەخشم، بەڵام ئەو بەڕێزانە وتیان وەعدمان بەزۆر كەس داوەو نوسخەكان بەش ناكەن تا بڕێكت وەكو دانەری كتێبەكە بۆ تەرخان بكەین، واتە ئەم جارە هیچ بڕە نوسخەیەكی پێویستم لا نییە تاكو بەسەر خوشك و برا ئازیزەكانمدا بە خۆشحاڵییەوە دابەشم بكردایە. داواكارم لە الله تعالی پاداشتیان بە چاكە بداتەوە لەسەر ئەوەی بەبێ هیچ بەرانبەرێكی مادی و وەكو پەرۆشی بۆ عەقیدەی تەوحید ئەو كتێبە بڵاو دەكەنەوە.

تێبینی: لە پێشەكی كتێبەكە وتوومە وو لێرەش دووپاتی دەكەمەوە، ناوەڕۆكی ئەم كتێبە بۆ منداڵانە بەڵام پێویستە لە ڕیگەی گەورەكانەوە پێیان بگات، واتە كتێبەكە لەو جۆرە نییە منداڵ خۆی بیخوینیتەوەو دەبێت لە ڕیگەی مامۆستایان و باوكان و دایكانی شارەزاوە پێیان بگات، هەر گەوەرەیەكیش ئەو بابەتانەی بە شێوەیەكی مەنهەجی وەرنەگرتبێت و فێری نەبووبێت، پێویستی پێیەتی و ئەم كتێبە ئەگەرچی ئاراستەی منداڵان كراوە بەڵام گەورەكانیش لێی بێ نیاز نین .

إحسان برهان الدین
28 رمضان 1442

@parwardai_mndal

1.6K views14:27