#назм

Барглар шитирлайди...
шамоллар дайдиб
сочингни тўзғитиб борар изингдан.
Мана, уч кундирки ёмғир тинмайди,
Нимадир сирқираб оғрир кўксингда.

Гўё бугун ёғмай қоладигандай
атай ёмғирпўшни ёпинмай чиқдинг.
Кўзларингни юмсанг...
сўнг ана шунда
ҳузурингда пайдо бўлса эди… жим!

Қувноқ қизалоқдай дарсни ўтказиб,
бир лаҳза ҳушлагансимон кўнглингни –
кўлгудан нур тараб туради юзинг,
Ҳеч ким илғамайди йиғлаганингни...

Ўксима, бахт излаб хазон фаслидан,
Бу тун ўша – қалбан яқинроқ кимдир
сени ҳам дунёнинг бир чеккасида
ҳеч кимга сездирмай соғинётгандир.

©️Муҳаммад Сиддиқ

www.tg-me.com/pegas_gazeta -
Ҳар лаҳза - илҳом вақти

⚡️ #Chegirma

🎼 Sizga qaysi musiqa asbobi koʻproq zavq berishini yaxshi bilamiz.

🎸Bu albatta, GITARA!

@UddaLive oʻquv markazining gitara kurslari aynan siz uchun!

🤗 9-sentyabr kuni soat 18.00 da birinchi darsga kelib koʻrishingiz mumkin.

❗️Talabalarga chegirmalar mavjud!

Roʻyxatdan oʻtish uchun:
@UddaLive_bot ga yoki
@UddaLive_administratsiya ga ism-familiyangizni yozib qoldirishingiz kifoya.

🏢 Moʻljal: Oazis savdo markazi, 3-qavat
🗺 Manzil quyidagi lokatsiyada:
https://maps.app.goo.gl/m8o5znbdDS5Rkfgn7

Murojaat uchun:
+998950852989

T.me/UddaLive – birgalikda uddalaymiz!

☆ ☆ ☆

шуълалар
титрайди
хонада
деворда
рақс тушар
шарпалар

мен сенга
ваъдалар
бермайман
умидвор
қилмайсан
ўзинг ҳам

бўсалар
олган пайт
эҳтимол
ёдингга тушади
маъшуқанг

телефон
жиринглар
шу тобда
хабарлар
келади
устма-уст

йиғлайман
кўздаги
ёшимни
артишга
етмайди
журъатинг

қаергадир
учиб
кетади
руҳим
қолади
хонада
суратим

✍Hигора

www.tg-me.com/pegas_gazeta -
Ҳар лаҳза - илҳом вақти

#фикр

"Мамлакатнинг ривожи фақат ғишт қўйиш билан бўлмайди, Сўз билан бўлади, маънавият билан бўлади. Мақташ бу асл ижодкорларга ярашмайди. Қуруқ мадҳ билан шуғулланаётган ижодкор ўзини пастга уриб, бир нарса тиланаётган бўлади. Тўғри одам халққа ҳам, мамлакатга ҳам, мамлакат раҳбарига ҳам ўша тўғрилиги билан хизмат қилади..."

Йўлдош Эшбек

www.tg-me.com/pegas_portali —
Ҳар лаҳза — илҳом вақти

#iqtibos

G'oya, mafkura kabilarni itga otsang ham tishlab olib ketmaydigan, chindan ham zerikarli narsalar sanalsa-da, undan aslo erkin bo'lishning iloji yo'q.

Pak Van So, yozuvchi

www.tg-me.com/pegas_portali —
Ҳар лаҳза — илҳом вақти

#tarjima_hikoya

Ягона уриниш

Дзен устози ўз ўқувчисини камондан ўқ узишга ўргатаётган эди. Ўқувчи камонни ва иккита ўқни олиб, машқ бажаришга шайланди. Бироқ, Устоз унинг олдига бориб, ундан ўқнинг бирини олиб қўйди ва улоқтириб юборди.
— Нима учун иккинчи ўқимни олиб қўйдингиз? — сўради ўқувчи.
— Мен сендан иккинчи ўқингни эмас, биринчи ўқингни олиб қўйдим, чунки биринчи ўқинг барибир нишонга тегмас эди.
— Аммо нима учун? — ҳайрат билан сўради ўқувчи.
— Чунки ўқ узаётиб, сен захирада яна битта уриниш борлигини англаб турган бўлар эдинг, — деди Устоз.

©Номаълум муаллиф

Таржимон: Муштарий

www.tg-me.com/pegas_portali —
Ҳар лаҳза — илҳом вақти

📚"Farangeyt boʻyicha 451 gradus": bugun haqida 70 yil oldingi bashorat

Bredberining "Farangeyt boʻyicha 451°" asari fikrati bichilganlarning qanday oson boshqarilishini, tabiatdan yulib olinganlarning robotdan farqi qolmasligini muvaffaqiyatli tushuntiradi.

Batafsil o'qish:👇

https://telegra.ph/Farangeyt-451-09-07

🖋Qora qalam - adabiyot haqida!

#назм

Ой йўлга тўшалар,
юр жоним ойга борамиз,
Ўтган кунларнинг бари йиғласин,
бизлар куламиз,
Энг гўзал кулгунгни бир ҳовуч қилиб
ойга берамиз.

Денгизда чўмилган юлдузлар
бизни соғинсин, кетамиз,
Қалдирғоч ҳавода ёзган куй
бизни соғинсин, кетамиз,
Тонг ўпган маъшуқа атиргул
бизни соғинсин, кетамиз.

Бир ёруғ кунларнинг дарвозасига
саломлар берайлик,
Сочларинг қатида адашиб сархуш
юлдузлар терайлик,
Онамиз ер бўлсин, онамиз само,
биз қайта дунёга келайлик.

Азиз САИД

www.tg-me.com/pegas_portali —
Ҳар лаҳза — илҳом вақти

@oylikqancha – Mana shu kanalda savolga to‘g‘ri javob bersangiz, sizga pul to‘lasharkan. Zo‘r, a? Bugun soat 21:00 da pulli savol o‘ynalarkan. Omadingizni sinab ko‘ring. Obed puli chiqib turadi 😃

Ham bilimga ega bo‘lasiz, ham pulga 😉

@oylikqancha — foydali va qiziqarli ❗️

Navoiyga o’xshash-chun,
Patdan qalam yo’ndirdim.
Sotib oldim zarbof toʻn,
Boshga salla qoʻndirdim.

Sotib oldim bir juft sham,
Vazirbop par yostiqcha.
Endi faqat talant kam
Va xotinim ortiqcha.

Anvar Obidjon

www.tg-me.com/pegas_portali —
Ҳар лаҳза – илҳом вақти

⚡️ BIZDA SUPER CHEGIRMA!

🍂 Kuz tarovatini gitara ohanglari bilan qarshi oling.

🎸 UddaLive oʻquv markazining gitara kurslarida chegirmali qabul davom etmoqda.

Batafsil maʼlumot uchun hoziroq qoʻngʻiroq qiling:
+998950852989

@UddaLive – birgalikda uddalaymiz!

📚"Bir muhabbat tarixi": muhabbatda afsus-nadomatga oʻrin yoʻq

Qaysi kitobdaki inson oʻzini, jamiyatini koʻrgandek bo'lmas ekan, bu asar kitobxon uchun qiziq boʻlmaydi. Nafi ham tegmaydi. Kitobdagi otashin muhabbat, "pushti" hislardan koʻra koʻproq boshqa jihat eʼtiborimni tortdi...

Batafsil o'qish:👇

https://telegra.ph/Love-story-10-01-3

🖋Qora qalam - adabiyot haqida!

* * *

Ҳайкалдек тош қотдим –
Тўхтатдим соатни,
Узоқ кузатганча бир лаҳза кўркин.
Шундоқ рўпарамда
Оппоқ қанотли
Капалакнинг қизга дўнганин кўрдим.

Кўрдим кулгичларин...
Сезиб ҳаёсини –
Ёдимга муҳрлаб қирмиз яноғин,
Пуркадим ёшликнинг ўт ҳавосини
Титкилаб ўтмишнинг заъфар вароғин...

Тўкилди –
Осмоннинг мовий гуллари!
Гирдимда кафтарлар учди потирлаб.
Ва телба шамолдек саркаш, сарсари,
Поийга бош уриб битдим сатрлар.

Сўнг тутдим қўлидан –
Тўхтатдим вақтни,
Зимдан термулганча
Тушга чеврилдим!
Ногаҳон қаршимда ҳарир қанотли
Умиднинг армонга дўнганин кўрдим...

Муҳаммад Сиддиқ

www.tg-me.com/pegas_portali —
Ҳар лаҳза – илҳом вақти

☆ ☆ ☆

Совуқлик қилади Сенга бу кунлар,
Қўлларинг титрайди.
Совуқ. Биламан.
Озгина кутиб тур!
Қорларни кураб,
Сени ҳаётимга олиб кираман.

Ўзингни авайла -
Кетишга чоғлан,
Азизим, юзинга тушмасин соя.
Фақат бир илтимос,
Ўша кунгача -
Учишни ўрганиб турсанг, кифоя.

Х.Рустамова

@Pegas_portali — har lahza ilhom vaqti

Yomg‘ir qo‘shiqlari

1.
Bizlar yomg‘ir edik o‘shanda,
Ravishimiz sig‘mas aqlga.
Bizlar yomg‘ir edik o‘shanda
Va sig‘masdik boshqa shaklga.

Bizlar yomg‘ir edik o‘shanda,
Sen chiroyli yog‘ding shunda ham.
Sochlaringdan to‘kildi ohang,
Ko‘zlaringdan tomdi obi zam.

Bizlar yomg‘ir edik o‘shanda,
Unutganman undan narini...
Balki, hamon kezib yuribmiz
Hind-u Xitoy ko‘chalarini.

Bizlar yomg‘ir edik o‘shanda,
O‘zni bo‘lak ne ham der edik?
Nari borsak, ikki yutim may,
Bitmay qolgan ikki she'r edik.

Bizlar yomg‘ir edik o‘shanda,
Bu bog‘larni tanib turibman.
Onda-sonda yog‘ib tur, men ham,
Goh-gohida tinib turibman.

Bizlar yomg‘ir edik o‘shanda...

2.
Xotiramni yo‘qotayapman,
Eslat, xoling o‘ngmi, chap yuzda?!
Kindigimni uzmasdan hayot
Buncha majhul jumboqlar tuzdi?!

Sendan boshqa kimim bor, faqat
Biroz muddat kerak tanishga...
Hur isming-la manim qul otim
Qay nuroniy kunda tanishgan?!

Rost, bilmayman,
      chizib ber, bilsang-
Fasllarni kaftimga yog‘dir.
Nima bilan qoriladi qor,
Qaysi rangda yog‘adi yomg‘ir?

Faqat bitta tanish ohang, lek
Ro‘yo bo‘lsa, dunyom beshondir.
Taniganim garchi chin bo‘lsa,
Yomg‘irman deb meni ishontir,
Yomg‘irman deb meni ishontir.

©Rashid Xo‘jamov

@Pegas_portali — har lahza ilhom vaqti

🔥 “Izlam” sizni izlayapti 🔥


Alisher Navoiy nomidagi ToshDO‘TAU, O‘zbekiston Yozuvchilar uyushmasi, Qashqadaryo viloyat hokimligi, Respublika Ma’naviyat va ma’rifat markazi Qashqadaryo viloyati bo‘limi,  “Akademnashr” nashriyoti, nasr.uz adabiy sayti hamda “Yoshlik” jurnali hamkorligida tashkil qilingan yangi tanlovga start beramiz!

🎯Tanlov “Izlam” rukni ostida nashrdan chiqqan Azizbek NOROV qalamiga mansub  “Azal va abad yo‘li” kitobi asosida o‘tkaziladi.

Siz Nazar Eshonqul “Milliy adabiyotimizda o‘ziga xos voqea” deya eʼtirof etgan va bu borada bahslasha olishini ta'kidlagan “Azal va abad yo‘li” qissasini o‘qib ulgurdingizmi? 
Tanlovda ishtirok etishga shoshiling!

Nominatsiyalar:

— “Eng yaxshi taqriz”
Bunda ishtirokchidan qissaning mazmun va g‘oyasini to‘g‘ri anglagan holda o‘z fikr-mulohazalarini tahliliy, tanqidiy va ijodiy bildirish talab etiladi.


— “Eng yaxshi maktub”
Agar siz kitobni o‘qisangiz-u, taqriz yozib g‘olib bo‘la olishingizga ko‘zingiz yetmasa,  tushkunlikka tushishga oshiqmang! Har bir o‘qirmanning asar haqida o‘z aytar gapi  bo‘lishini biz tushunamiz. Fikrlaringizni muallifga noma usulida yozing!


📌 G‘oliblarni  qimmatbaho sovg‘alar🎁, diplom, statuetka 🏆 va kitoblar jamlanmasi 📚 kutmoqda! Va bu hali hammasi emas, batafsil maʼlumot olish uchun ushbu havola ustiga bosing: 📎 tanlov nizomi

📌 “Azal va abad yo‘li” kitobini respublika bo‘ylab http://www.tg-me.com/akademsavdo, TDOʻTAU hududida esa @tanlovlarga telegram manzili orqali topishingiz mumkin.