یادەوەرێک لە مەلا سەید ڕەشید قارەمان و دڵسۆزی نیشتمان.

مەلا سەید ڕەشید(شەیدای #کوردستان)
سەربازی ون!
شاعیر و تێکۆشەر و هەڵسووری ماندوویی نەناسی کوردستان
مامۆستا هەژار لە چێشتی مجێور دا  لە سەر مەلا سەید ڕەشید ئاوا دەفەرمێ:

لە لاپەرەی 516 ی چچێشتی مجێور( مامۆستا هەژار ) دەبارەی مەلا سەید ڕەشیدەوە نووسیویەتی :

یەک لەوانەی لەگەڵ ئەحمەد چووبوونە بەغدا (مەلاسەید ڕەشید)بوو كه خەڵکی بۆنەکتانی لای سەقز بوو، پياوێكی زۆر پاک و كوردی چاک و زۆريش به دەست و تفەنگی خۆی ئازا بوو، له بەغدا له چينی دووهەمی خانوەكەی من دەژيا، ده پێشداش هەر دەمناسی، له سونی و زۆر شوێنی دی ديتبووم، له شەڕێک كه لەگەڵ دەوڵەت له " سەرچاوی  " كرا ناوبانگی ئازايەتی دەركرد، ئەو بەينه كه پيكەوه له ماڵێکدا بوين، هه ميشه زۆر به ئيحترامەوه باسی ئەحمەد تەوفيقی دەكرد و به كوردێكی نموونەی دەزانی.

مەلا سەيد ڕەشيد پاش شكانی شۆڕش هاته سەقز، به دارتاشی بەڕی دەچو، له ئينقيلابی ئيسلامی دا له دەوری ديواندەره لەگەڵ كۆنه ئاغايان تێک گيرا و به دوامين فيشەک خۆی كوشت. .

@peshaWaqaZimuhammad

#مەلەکشا، ناڵەی ڕۆژهەڵات

‏ئاخۆ دەبێ
ئەو ڕۆژە بێ
کاوەی کوڕم
جانتای سەفەر کاتە شانی
دەڵاڵانی بەر گاراجی
شاری سنە، هاوار بکەن؛
سلێمانی ... سلێمانی؟

28 ڕەشەممە ڕۆژی لە دایک بوونی مامۆستا مەلەکشایە.

@peshaWaqaZimuhammad

@peshaWaqaZimuhammad

۱۰ی خاکەلێوە

🎙وتەکانی ڕێبەری #شەھید_دوکتور_قاسملوو لە ١٠ی خاکەلێوە ڕۆژی شەھیدانی #کوردستان


بەقوربانی ئەو دەنگ و وتە جوانانەت بم ڕێبەری هەمیشە زیندوو.❤️

@peshaWaqaZimuhammad

تەنیا پێکەنینت بەسە بۆ پەشێوکردنی خەونی داگیرکەران و هیوابەخشین بە نەتەوەکەت #پێشەوا_قازی_محەممەد✌️

#پێشەوا ڕێبەرێک بۆ هەموو سەردەمەکان، یادت بەرزە، ناوت هەرمانە و ڕێبازت ئاوەدانە🫡

۱۰ی خاکەلێوە ساڵڕۆژی لەسێدارەدانی پێشەوای نەمر و هاوڕێیانی
ڕۆژی #شەھیدانی_کوردستان 🥀

@peshaWaqaZimuhammad

ئەمڕۆ ١٠ی خاکەلێوە "ساڵڕۆژی لە سێدارە دانی پێشەوا قازی محەممەد، سەیفی قازی و سەدر قازی" ڕۆژی #شەهیدانی_کوردستان


له‌ به‌ره‌به‌یانی‌ ‌ ١٠ی‌ خاكه‌لێوه‌ی‌ ساڵی‌ ‌ ١٣٢٦ی‌ هه‌تاوی (١٩٤٧/٣/٣٠ زایینی) ‌دا پێشه‌وا قازی‌, حه‌مه‌حوسێن خان‌ سه‌یفی‌ قازی‌(ئامۆزای‌ پێشه‌وا) ‌و ئه‌بولقاسم‌ سه‌دری‌ قازی‌( برای‌ پێشه‌وا) به‌ دوای‌ حوكم دران له‌ دوو دادگای‌ ناعادلانه‌‌و فه‌رمایشی‌دا به‌ده‌ستی‌ چه‌په‌ڵی‌ دوژمنانی‌ گه‌لی‌ #كورد له‌ چوارچرای‌ شاری‌ مه‌هاباد, واته‌ هه‌ر له‌و شوێنه‌ی‌ كه ٢ی‌ ڕێبه‌ندانی‌ ١٣٢٤هه‌تاوی(١٩٤٦/١/٢٢زایینی) دا كۆماری‌ كوردستانی‌ لێ‌ ڕاگه‌یه‌ندرابوو, له‌ سێداره‌ دران ‌و شه‌هید كران.

لە ڕۆژی شەهیداندا، پەیمان نوێ دەکەینەوە لەگەڵ هەموو شەهیدانی کوردستان، کە تا گەیشتن بە ئامانجەکانیان دەست لە خەبات هەڵناگرین و درێژەدەری ڕێبازی پیرۆزیان دەبین.

#١٠ی_خاكەلێوە_ڕۆژی_شەهیدانی_كوردستان



@peshaWaqaZimuhammad

پێکەوە بەرەو سێزدەبەدەرێکی خاوێن!

پاراستنی ژینگە، پاراستنی ژیانە

لە ڕۆژی سێزدەبەدەردا ئێمەی کوڕ و کچانی دایکەنیشتمان بڕیار دەدەین سروشتی جوان و ڕەنگینی کوردستانی ئازیزمان بەخاوێنی ڕابگرین و ئەم بەهەشتە ڕەنگینە بپارێزین.

لەم ڕۆژەدا بە دلۆڤانییەوە لە ئامێزی سروشت لە جوانییەکانی کوردستان ڕادەمێنین و ئەوینی بێبڕانەوەمان بە وڵات نوێ دەکەینەوە.

سێزدەبەدەر ڕۆژی نوێکردنەوەی بەڵێن و پەیمانە لەگەڵ سروشت و نیشتمان و بەهار و ژیانەوە.
ڕەچاوکردنی ئەو خاڵانەی خوارەوە لە ڕۆژی سێزدەبەدەر بەتایبەتی و هەموو ئەو ڕۆژانەی بۆ سەیران دەچینە دەرێ پێویستە و ئەرکی تاک بە تاکی ڕۆڵەکانی ئەم کوردستانە ڕەنگینەیە.

١. تەنیا لە شوێنێک ئاور دەکەینەوە کە پێشتر ئاوری لێ کراوەتەوە.

٢.کیسەنایلۆنێکی گەورە لەگەڵ خۆمان دەبەین، پاشماوەکان لەو نایلۆنە دەخەین و دەیهێنینەوە ناو شار و لەو شوێنانەی شارەوانی بۆ زبڵ دیاری کردوون فڕێی دەدەین.

٣. لە بڕینی داری تەڕ خۆ دەپارێزین و بەبێ هۆ داری ویشکیش ناسووتێنین و لقی دارەکان ناشکێنینەوە.

۴. بە هیچ شێوەیەک ئازاری ئاژەڵ و باڵندەکان نادەین.

تکایە تا دەتوانن بڵاوی کەنەوە و خۆتانیش ڕەچاوی خاڵەکان بکەن.