کۆتایی ڕەشەمه بوو، نەورۆزی کوردەواری و بەهاری جوانی سروشتی کوردستان خەریک بوو زستانی لادەدا و موژدەی شکۆفه وگوڵ و ڕێژنەی بارانی دێنا که کتوپڕ، له جیات باران، بۆمبی ڕەشی بەعس بوو که بەخوڕ دەباری و ئیتر ئەمساڵ بەهار نەهاتوو گەڕایەوه و وەرزەکانیش سەروبن بوون.
#هەڵەبجه ڕووخا و وێران بوو و زیاتر له 5هەزار کەس بوونه قوربانی بیرو باوەڕی ڕەش وکۆنەپەرستانەی بەعس و به هەزاران کەسیش بریندار بوون.

25ی ڕەشەمەی،2687ی کوردی ئەو ڕۆژەیه کۆرپه له لانکەدا و مناڵ له باوەشی باوک‌دا شەهید بوون، بەڵام ئەوانەی مابوون پێگەیشتن و سەریان هەڵداوه و #هەڵەبجەیان سەر لە نوێ ئاوەدان کردەوه و مەرگی دیکتاتۆریان دیت و لە ناوچوونی بەعسیان جەژن گرت و ئیتر ئێستا هەموو ساڵێ 25ی ڕەشەمه هێمایەکه بۆ خۆڕاگری گەلێک که تەنانەت له بەرامبەر توندترین و دزێوترین چەکەکانی زلە هێزەکانیش سەری دانەنواند و خۆڕاگر بوو و  ئێستا #هەڵەبجه نەک بۆ کورد و نەک له ناوچه بەڵکوو بۆ هەموو جیهان لوتکەی بوێری و خۆڕاگری و قارەمانییەته و له هەمان کاتدا بەڵگەی هەمیشه دیاری ژینۆسایدی ئەو گەلەیه به دەست زۆردارانی بەعس.

🥀#هەڵەبجه، زامێکی هاوبەشه🥀

@peshaWaqaZimuhammad