@peshaWaqaZimuhammad
#چنگیز_سیگارچی:پووشپەڕ


هەر لەڕێدایە گەلە بێ نازەکەت . . .



@peshaWaqaZimuhammad

22ی پووشپەڕ

ئه‌مڕۆ ئه‌و ڕۆژه بوو که #دوکتۆر_قاسملوو تێرۆر کرا
به تێرۆری ڕێبه‌رمان ویستیان بیری نه‌ته‌وه‌یی و ئازادیمان په‌ک بخه‌ن
ڕه‌ش په‌ره‌ستان #قاسملوویان تیرۆر کرد، به‌ڵام نه‌یانزانی ڕێبازی #قاسملوو تێرۆر ناکرێ، نه‌یانزانی ڕێبواری #قاسملوو کۆتایی پێ نایت.

سڵاو له ڕێبازی #قاسملوو، سڵاو له ڕێبوارانی ڕێگای #قاسملوو، سڵاو له ڕۆحی هه‌میشه زیندووی شه‌هید #قاسملوو.


@peshaWaqaZimuhammad

سوێند بە خوێنی گەش و سووری دڵی تۆ
لە جیای دەست و چەکی ژێر گڵی تۆ
بە هەزاران هەزار دەست و تفەنگ
هەڵ ئەگرسێننەوە ئاگری جەنگ
تا ئەگەینە ئەوی ڕۆژی واڵا
شەنگە باڵا بشەکێنن ئاڵا

هزری قاسملوو هەوێنی خەباتی نەتەوەیەک...
قاسملوو، ڕێگات درێژەی هەیە✌️


@peshaWaqaZimuhammad

📚#ڕستەیەک_لە_کتێب

زۆرجار لە کاتی سەفەرەکەمدا لەگەڵ لیڤیتانت، دەچوومە سەر بەردێکی گەورە و لەوێوە سەیری ئەو هەموو ماشێن و تانک و زرێپۆش و لوولە تۆپانەم دەکرد کە بەعسییەکان لەو سەر زەمینەدا بڵاویانکردبووەوە، دەمزانی دەتوانن مرۆڤ بکوژن، بەڵام دەمزانی ناتوانن بگەنە قووڵایی #کوردستانە ئەبەدییەکەی من ...
ئەو #کوردستانەی لەو ملیۆنەها باڵندەیە دروستبووە کە سبەی بە ئاسماندا دەفڕن، لەو ملیۆنەها گوڵە دروستبووە کە سبەی دەڕوێن، #کوردستانێک کە دەستکردی سیاسەت یان مێژوو یان شۆڕش نییە، بەڵکو دەستکردی ئەبەدییەتە.!


📚: کەشتی فریشتەکان
✍:#به‌ختیار_عەلی

@peshaWaqaZimuhammad

#بیرەوەری

سروودی ''یا کوردستان یا کورد نەمان''

دوای سەرکەوتنی شۆڕشی گەلانی ئێران و تێکۆشانی ئاشکرای حیزب لە یەکێتی لاوانی دێمۆکڕاتی کوردستان و لە بەشی  کۆڕی هونەری ئەم یەکێتییە  دا دەستم بە کارو چالاکی کرد، بەرهەمی ئەوماوەیەی نێو کۆڕی هونەری کۆمەڵێک سروودی نیشتمانی بوو کە لە دەنگی وڕەنگی مەهابادیش دا تۆمار کرانو  بڵاو کرانەوە.
لە رێ وڕەسمی ڕۆژی جیهانی ژن لە   ١٧ ڕەشەمەی ساڵى ١٣٥٨ی هەتاوی کە لە سینەما ئومێدی مەهاباد  بەڕێوەچوو سروودێکم  پێشکەشی بەشداران کرد  بەناوی ‘’دایکی وەتەن’’ کە لە نێوەڕۆکی سروودەکەدا ئەم بەیتەی  تێدا بوو:
دایکی وەتەن ئاگات لێ بێ
پێشمەرگەکان لەسەنگەران
ئەوە درووشمی  ئێمەیە
یا کوردستان یا کورد نەمان
ئەوسەردەمە کوردستان لە فەزایەکی ساتیمانتاڵ دابوو، هەربۆیە  پێشوازێکی  گەرم لەم سروودە کرا،  لە بەرنامەکانی دەنگی کوردستانی ئێرانیش دا ناوەناوە  بڵاو دەکرایەوە.
ڕۆژێک شەهید  دوکتور قاسملوو کە گوێی دابوە دەنگی کوردستان و ئەم سروودەی گوێ لێدەبێ  بە دوای دا ناردم، چوومە خزمەتیان و سەبارەت بەم سروودە کەوتینە گفتوگو.
نەمر د.قاسملوو  وێرای تاریفکردنی دەنگم  کە لەبارە بۆ سروود گوتنەوە  دژایەتی خۆشی بە دوو هۆکار لەو سروودە نیشان دا و  قەناعەتی پێ هێنام کە چیتر لە دەنگی کوردستان دا  بڵاو نەکرێتەوە، بەڵگەکانی ئەوندە بەهێز بوون کە  نەمتوانی هیچ چەشنە بەرگرییەک لە سروودەکە بکەم لەگەڵ ئەوەیکە زۆریشم پێناخۆش بوو کە چیتر لێنادرێتەوە.
هۆکاری یەکەمی ئەوە بوو کە سیاسەتی حیزبی دێمۆکڕاتی کوردستانی ئێران  لە گەڵ ئەودرووشمەی نێو سروودەکە دەڵێ :
‘’یا کوردستان یا کورد نەمان’’ لە ناتەبایی دایە
_ کورد ئەگەر  لەسەر ئەوخاکەی لێی دەژی  ئاسەواری نەمێنێ و تەواو بێ  ئەودەم  کوردستان بە چ کەڵکێکی دێ کە کوردی تێدا قڕکرابێ؟ کەوابوو ئێمە نە لەسەر خاک ونەلەسەر میللەتی کورد ڕیسک ناکەین، ئێمە هەم خاکمان دەوێ هەم میللەت بۆ ئەوەی بە خۆشی وبە ئازادیی لەسەری بژی.
دروشمی یا کوردستان یا کورد نەمان  دروشمی حیزبی ئێمە نیە،
دووهەم هۆکار کە ئەم سروودە  بۆچی نابێ چیتر لە دەنگی کوردستان یان هەرجێگایەکی دیکە  بڵاو بکرتێەوە ئەوەیە کە :
_ ئێمە کوردین ومیللەتێکی شادین،ئێستاش کە   لە شۆڕش داین و سەردەم سەردەمی  بەرخۆدان وڕاپەڕینە،  بۆیە پێیوستیمان بە سروودی بە هێزی هاندەرانە هەیە کە خەڵک بخاتە جۆش وخرۆشەوە، ئەم سروودە نەتەنیا ئەوتوانایەی نیە بەڵکوو  بۆنی پرسە و تازییەباری لێدێ و ئاهەنگی سینگ کووتانە، ئەوەی لە تاسوعا وعاشووراکاندا  گوێمان لێدەبێ.
هەر ئەودەم فەرمووی کۆپلەیەکی بڵێم  هەتا  پێمی  نیشانت دات  کە بۆ چی دەڵێم  ئاهەنگی سینگ کوتان و تازییەبارییە.
منیش دەنگم لێ هەڵێنا و سروودەکەم خوێندەوە. د.قاسملووش هاوکات  لەگەڵ کووتنەکەی من ، دەستی بە سینگ کووتان  کرد…
ئەودەم تێگەیشتم کە قسەکەی تەواوێک ڕاستە و ئاهەنگەکە ئاهەنگی سینگ کوتانە…
هەرچەند پێمناخۆش بوو ئەم  سروودە کە زەحمەتم لە پێناوی دا  کێشابوو چیتر لێ نادرێتەوە بەڵام بەڵگەهێنانەوەکانی ئەوەندە بە هێز بوون کە بۆ هەمیشە  وازمان لە بڵاوکردنەوەی هێنا…

✍ #ئەحمەد_شێربەگی
سەرچاوە: لەتە ئاوێنەکان


@peshaWaqaZimuhammad