مێژووی گەلی کورد مێژوویەکی دوور و درێژ و پڕ لە کارەسات و نەهامەتی گەورەیە کە ئەگەر لە کتێبێکی ٢٧٠٠ فەسڵی دا بنوسرێتەوە هەر فەسڵەی سەدان فەسڵی دوور لە وەسڵی تێدا بەدی دەکرێ کە بەشێکیشی سەرچاوەکانی هەڵقوڵاوی غرور و خۆ پەرستی و نایەکبوون و لێکترازان و دابڕان لە یەکتریە،
پێکهاتە جۆراوجۆرەکانی دانیشتووی ئەم ناوچە و نەتەوەکانی دەوروبەر و وەزعیەتی ئیستراتێژیک بوونی جوغرافیایی و هەبونی دەیان و سەدان کانگای بە سود بۆ مرۆڤ و دەیان و سەدان خاڵی تر حاڵەتێکی قەیراناوی و ئاڵۆزی وەهای بۆ ئەم ناوچە دروست کردوە کە سەردەرکردن لەم کێشانە نە تەنیا دانیشتوانی ئەم ناوچەیە بەڵکو تەنانەت دوژمنان و دۆستانیشی لەم وەزعە دا وەها گێژ کردو کە دارشتنی سیاسەت و پلانێکی دروست و یەکدەستی لە هەموو لایەک بە بونبەست گەیاندوە و بۆتە هۆکاری ئەوە کە هەر کەس بە پێی هەل و مەرج و زەمان و کات بجوڵێتەوە ومەودای  پێشبینی ڕوداوەکانی تەنانەت سبەی ڕۆژیشی بە کەس نەداوە،
تەنانەت مەودای کۆبونە لە یەک بازنە دا و هەوڵدانی خەڵکی ناوچەکەی لە یەک چوارچێوە دا بۆ پێکانی یەک ئامانجی سەرەکی نەداوە و ئەم حاڵەتە و دەیان خاڵی تر کە پێویستیان بە لێکۆڵینەوەیەکی خەسارناسانە هەیە بوونەتە هۆکاری یەکتر قەبوڵ نەکردن و لێک دابڕان و پەرتەوازە بوون
زۆر کەس و لایەن هەوڵیان داوە بە واسیتەی حیزب یا گرووپ یا ڕێکخراو بەرەو پێکهێنانی ئەو بازنە گشتیە بڕۆن ،بەڵام دوور کەوتنەوە لە ئامانجی سەرەکی بۆ نیشتمان و ناوچەکە لە قالبی ئەم حیزب و ڕێکخراوانە دا تەنانەت هەندێ جار وای لێکردوون کە نە تەنیا دەفکری حەزفی فیزیکی ڕێکخراوی بەرامبەریان دا کە هاوبیریان نەبوون دابن بەڵکوو کەوتونە حەزفی فیزیکی هاوسەنگەرانی خۆشیان وە ئەوکارەساتە گەورانە دەستی دوژمنانی ئاواڵەتر و فکری دۆستانی داخراوتر کردوە.
نوسینەوەی سات بە ساتی ئەم مێژوویە دەبێ هاوکات بێ دەگەڵ دیتنەوەی بنچئنەی هۆکارە سەرەکیەکان و بە قەولی فارس ڕیشە یابی و ئینجا لێکۆڵینەوەیەکی خەسارناسی و دوایی دەرمانی دەردەکان ،مێژووی میلەتی کورد مێژوویەکە کە بە لاپەڕە زێڕینەکان و لاپەڕە ڕەشەکانیشەوە تاک تاکی خەڵکی ئەو ناوچەیەی تێدا بەشدار و دەخیلن،ئەو مێژوویە بە تەنیا هی حیزبێک  یا ڕێکخراوێک یا عەشیرەتێک یا بنەماڵەیەک یا شەخسێک نیە،
دەست بۆ قەڵەم بردن  زۆر قورستر و بەرپرسیارانەترە لەوەی دەست بۆ تفەنگ ببەن،،برینی گولە ساڕێژ دەکرێ بەڵام برینی قەڵەم کاریگەرترە بۆیە ئەرکی نوسەر لەم بوارە دا یەکەم پاراستنی بەرژەوەندیە نیشتمانی و نەتەوەیەکانە،،نەتەوەی کورد تەنیا دە چوار چێوەی یەک حیزب یا یەک بنەماڵە دا خولاسە نابێتەوە ،تاک تاکی ئەقشاری ئەو کۆمەڵگایە بە باش و بە خراپ و بە دز و بە ئیماندار و بێ ئیمان و چەپ و ڕاست هەموو پێکهاتەی ئەم نەتەوەن ،و قامکی ئیتهام و بێ ڕێزی بە هەرکەس لە هەر قالبێک دا هەڵەیەکە کە نوسەر دەخاتە سەکۆی ناعەداڵەتی و خولانەوە دە چوار چێوەی یەک بنەماڵە دا یا یەک حیزب دا،
هۆکاری ڕوخانی کۆماری کوردستان خستنە سەر شانی عەشایر و خەڵکانی ترو شوبهاندنیان بە ١٦ ئۆکتۆبریان هەڵەیەکە کە دەکەوێتە یەکێک لەو بەشانەی خەسارناسی ،هەبوونی وەزیر و وەکیل و فەرماندە لەشکر و سەرۆک وەرزیران و فەرماندە هێزەکان و ئەسپاردنی ناوچەکان و موشاورانی زۆر لە ناو عەشایر دا و حزوری بەردەوامیان لە دەورانی کۆماردا نیشانەی ئەوەیە کە کۆمار بە تەنیا پێکهاتەی چەند کەس نەبووە بە گشتی موختەسی یەک لایەن نەبووە،تاک تاکی خەڵکانی ئەو کۆمەڵگایە پشت و پەنای کۆمار بوون و بە بوونی شاد و بە نەبوونی خەمبار بوون،هەموو کەس ئەوەی باش دەزانێ کە هۆکاری ڕووخانی کۆماری کوردستان نەبونی پشتیوانی نێونەتەوەیی و پشت کردنی ڕوسەکان و قەرادادی نەوتی شیمال بۆ ڕوسیە لە لایەن قەوام و السەلتەنە و چرای سەوزی ئەمریکا و ئینگلیس بوو بۆ کوشتاری خەڵکی ئازەربایجان و کوردستان بوو


درێژی بابەتەکە 👇👇👇

@peshaWaqaZimuhammad

‌ ئیتر لێرە دا هەموو ئەو ئەسڵانە وەلا نان و قامکی ئیتهام بۆ عەشیرەی دێبوکری و مەرحومی عەلی ئاغای حاجی ئیلخانی درێژ کردن ،غەدرێکە کە نوسەر دەپێش دا لە مەرحومی پێشەوای کردوە دوایی لە عەلی ئاغا ،چوون ئەو کات لەسەردەمی سیستمی عەشایری دا تەواوی ئەو ناوچانەی شاروێران و شامات و چۆمی مەجید خان و بەشێکی زۆر لە ناوچەی بۆکان لە ژێر چاوەدێری عەشیرەی دێبوکری بە سەرۆکایەتی عەلیئاغای حاجی ئێلخانی دابووە و هەموو ئەو ناوچانەش لە جوغرافیای کۆمار دا ئەمنترین ناوچەکان بوون ،کە وایە بەشێک لە پارێزەرانی جوغرافیای کۆمار دێبوکریەکان و خەڵکانی ئەو ناوچە بوون،دیارە هەبوونی حاجی ڕەحمان ئاغا و جەعفەرئاغا لە پۆستەکانی وەزارەت دا و هەبونی دەیان کەسی تریان لە بەشەکانی تر دا سەلمێنەری ئەو ڕاستییە لە ساختاری عەشایری دا بە تایبەت ئەو دەم ئەگەر عەلی ئاغا دڵی بە کۆمارەوە نەبا ،ئەوانە بێ دڵی عەلیئاغایان نەدەکرد و نەدەبونە کۆڵەکەی کۆمار،دیارە نامهەوێ باسی دەیان شەهید و زیندانی و ئیعدام کراو و موڵک داگیرکراوی ئەو عەشیرەتە پاکەی کورد لە دەورانی کۆماری ئیسلامیش دا بکەم ،بەڵام کۆتایی قسەکانم بەوە خولاسە دەکەمەوە کە نە ئینسانی گەورە بە کەس چکوڵە دەبێتەوە و نە ئینسانی بچوک بە کەس گەورە دەکرێ، بە باوەڕی من پێشەوا ئەوندە گەورەیە کە جاری وایە ستایشی من و خزمان لەتمە لە گەورەیەکەی بدا و هەروەها لەو باوەڕەش دام ،هەر ئەوندەی ئیمزا نەکردنی نامەی ئیعدامی پێشەوا لە لایەن عەلی ئاغاوە بۆ من کیفایەتە تا لە گەورەیی ئەو ئینسانە دا شک نەکەم و هەر گیز بە هیچ ناو و بۆنە و مستەوایەک حەق بە خۆم بدەم دە بەرامبەر ئەو دا بە بێ ئەدەبی بدوێم ،
سەرفرازی بۆ نیشتمانەکەم
یادی گەورە پیاوانی مێژووی وڵاتەکەم بەخێر

✍#خاڵە_قازی


@peshaWaqaZimuhammad

کوردەکانی تاران بەرەو پێشوازی نەورۆز ڕۆیشتن. .


#نێردراو_بۆ_کاناڵ


@peshaWaqaZimuhammad

#وێنەی_جوان



زستانی ساڵی 1359ی هەتاوی، دۆڵی دێمۆکرات''شیوەجۆ''ی ناوچەی کاڵە شینی رەبەت، لەچەپەوە:

کاک قادرشۆفیری کۆمیتەی شارستانی مەهاباد. کاک ئەحمەد شێربەگی، ''ماری''پرستاری ڕێکخراوی دوکتورە بێ سنوورەکان، جەعفەر حامیدی، ''ژرار''هەواڵنێر، نەمر مام خەلیل گادانی.

@peshaWaqaZimuhammad

یادەوەرێک لە مەلا سەید ڕەشید قارەمان و دڵسۆزی نیشتمان.

مەلا سەید ڕەشید(شەیدای #کوردستان)
سەربازی ون!
شاعیر و تێکۆشەر و هەڵسووری ماندوویی نەناسی کوردستان
مامۆستا هەژار لە چێشتی مجێور دا  لە سەر مەلا سەید ڕەشید ئاوا دەفەرمێ:

لە لاپەرەی 516 ی چچێشتی مجێور( مامۆستا هەژار ) دەبارەی مەلا سەید ڕەشیدەوە نووسیویەتی :

یەک لەوانەی لەگەڵ ئەحمەد چووبوونە بەغدا (مەلاسەید ڕەشید)بوو كه خەڵکی بۆنەکتانی لای سەقز بوو، پياوێكی زۆر پاک و كوردی چاک و زۆريش به دەست و تفەنگی خۆی ئازا بوو، له بەغدا له چينی دووهەمی خانوەكەی من دەژيا، ده پێشداش هەر دەمناسی، له سونی و زۆر شوێنی دی ديتبووم، له شەڕێک كه لەگەڵ دەوڵەت له " سەرچاوی  " كرا ناوبانگی ئازايەتی دەركرد، ئەو بەينه كه پيكەوه له ماڵێکدا بوين، هه ميشه زۆر به ئيحترامەوه باسی ئەحمەد تەوفيقی دەكرد و به كوردێكی نموونەی دەزانی.

مەلا سەيد ڕەشيد پاش شكانی شۆڕش هاته سەقز، به دارتاشی بەڕی دەچو، له ئينقيلابی ئيسلامی دا له دەوری ديواندەره لەگەڵ كۆنه ئاغايان تێک گيرا و به دوامين فيشەک خۆی كوشت. .

@peshaWaqaZimuhammad

#مەلەکشا، ناڵەی ڕۆژهەڵات

‏ئاخۆ دەبێ
ئەو ڕۆژە بێ
کاوەی کوڕم
جانتای سەفەر کاتە شانی
دەڵاڵانی بەر گاراجی
شاری سنە، هاوار بکەن؛
سلێمانی ... سلێمانی؟

28 ڕەشەممە ڕۆژی لە دایک بوونی مامۆستا مەلەکشایە.

@peshaWaqaZimuhammad