O‘zbekiston Respublikasida davlat tili maqomi berilgan kun muborak!

1989-yil 21-oktabr — xalqimiz tarixida alohida ahamiyatga ega sanadir. Aynan shu kuni o‘zbek tili davlat tili sifatida qonuniy maqomga ega bo‘lgan.

Davlat tili — bu milliy o‘zligimiz, mustaqillik va istiqlol ramzi,
el-yurtimizni birlashtiruvchi bebaho qadriyatdir. Ona tilimiz xalqimizning boy madaniyati, o‘lmas merosi va tafakkur salohiyatining yorqin ifodasidir.

Bugun o‘zbek tili davlat boshqaruvi, ta’lim, ilm-fan va xalqaro miqyosda tobora keng qo‘llanmoqda. Ta’lim tizimida esa ona tilining sofligini saqlash, to‘g‘ri va savodli qo‘llash, til madaniyatini oshirishga alohida e’tibor qaratilmoqda.

Tilga hurmat — bu millatga hurmat. Har bir so‘z, har bir ifoda orqasida xalqning yuragi, tarixi va ruhi mujassam. Shu bois biz, ta’lim sohasining vakillari, yosh avlod qalbida ona tiliga mehr, so‘zga hurmat va nutq madaniyatini shakllantirishni o‘z oldimizga ustuvor vazifa qilib qo‘yamiz.

Ona tilimiz doimo e’zozda bo‘lsin, uning jarangi hech qachon so‘nmasin!

Ixtisoslashtirilgan ta’lim muassasalari agentligi

Bizni kuzatib boring

Telegram | Facebook | Instagram | YouTube

Bugun — Ona tilimiz bayrami!

Agentlik tizimidagi Erkin Vohidov nomidagi ijod maktabi o‘quvchilari ona tiliga bo‘lgan cheksiz mehr va faxr tuyg‘ularini she’r orqali ifoda etdilar.

Ular satrlarni qalbdan o‘qib, o‘zbek tilining jozibasi va go‘zalligini yana bir bor yodga solishdi.

Bizni kuzatib boring

Telegram | Facebook | Instagram | YouTube

Davlatimiz rahbari tashabbusi bilan yangi o‘quv yilidan boshlab barcha bog‘cha, maktab va oliy ta’lim muassasalarida “Kelajak soati” darslari o‘tilmoqda.

Bu darslarimiz yosh avlodning umuminsoniy va milliy qadriyatlarini shakllantiradigan, vatanparvarlik hissini oshiradigan, so‘nggi ijtimoiy-siyosiy yangiliklardan xabardor qiladigan zamonaviy va qimmatli mashg‘ulotga aylanishi kerak. Shu bois har bir mavzu yuzasidan o‘qituvchilarga dars mashg‘ulotlarining namunaviy ssenariylari, kreativ mediakontentlar tayyorlanib, “Kelajak soati” loyihasining ijtimoiy tarmoq sahifalari va milliytarbiya.uz platformasiga yuklanyapti.

Til va ta’limni bir-biridan ayro tasavvur etib bo‘lmaydi. To‘g‘ri yozish, so‘zlash, fikrni ifoda eta olish ko‘nikmalari ta’lim orqali shakllanadi. Millat pedagoglari zimmasida ziyoli, savodli avlodni tarbiyalashdek mas’uliyatli vazifa bor.

21-oktabr O‘zbek tili bayrami munosabati bilan darslarimizga tilshunos olimlar, jurnalistlar va til jonkuyarlarini taklif etdik. Quvonarlisi, ziyolilarimiz taklifimizga labbay, deya javob berib, ta’limga xayrixohligini yana bir ko‘rsatishdi. O‘quvchi va talaba yoshlar bilan ona tilimiz mavzusida jonli suhbatlar va qiziqarli mashg‘ulotlar olib borildi.

Taassurotlar, darslar manzarasi qanday bo‘lgani haqidagi kichik videolavhamizni siz bilan bo‘lishgim keldi. Nazarimda bu tajriba orqali maqsadimiz tomon yana bir qadam yaqinlashdik, yanada katta ishtiyoq bilan davom etamiz.

@hilola_umarova

Xorijlik professor-o'qituvchilar tomonidan o'zbek tilida bayram tabrigi

Ixtisoslashtirilgan ta'lim muassasalari agentligi tizimida faoliyat yuritayotgan professor-o'qituvchilar 21-oktabr — O‘zbek tiliga davlat tili maqomi berilgan kun munosabati bilan O'zbek tilida tabrik yo'llashdi.

🎗Barchaga bayram muborak bo‘lsin!

Bizni kuzatib boring

Telegram | Facebook | Instagram | YouTube