⚡️⚡️⚡️ #ПКА_2025 #Педагогларга_ёрдам #Сўраган_эдингиз!

Янги олинган тоифа қачондан бошлаб кучга киради? ( ёки Тоифа Сертификатлари қачон тарқатилади?)

Савол? Мен 2025 йил 18 апрель куни ўтказилган тоифа тестларида иштирок этиб, иккинчи тоифадан биринчи тоифага ўтиш балларини тўпладим. 76 балл олдим. Менга қачон биринчи тоифа Сертификат берилдади? (С.Е.Э.Андижон в, Жалақудуқ тумани 62-ИДУМИ ўқитувчиси)

📌 Низомнинг 47-банди Аттестация якунланганидан сўнг бир ой муддатда ваколатли вазирликлар раҳбарининг буйруғи (қарори) билан аттестация натижаларига кўра олий, биринчи ва иккинчи малака тоифалари ҳамда бош, етакчи ва катта ўқитувчи лавозимлари берилган педагог кадрларнинг рўйхати тасдиқланади ҳамда рўйхатга асосан педагог кадрларга мазкур Низомга 9-иловага мувофиқ шаклдаги QR-код қўйилган электрон шаклдаги сертификатлар (кейинги ўринларда — сертификат) ваколатли вазирликларнинг расмий веб-сайти орқали онлайн генерация қилинади.

📌Навбатдаги мажбурий ва навбатдан ташқари аттестация натижаларига кўра малака тоифаси (лавозими) оширилган ёки сақланган, шунингдек, навбатдаги мажбурий аттестация натижаларига кўра малака тоифаси (лавозими) туширилган педагог кадрларнинг ойлик иш ҳақларига киритиладиган ўзгаришлар автоматик тарзда ҳисоблаб чиқарилиши учун ваколатли вазирликнинг расмий веб-сайти UzASBO ёки бошқа молиявий ҳисоб-китоб дастурлари ҳамда мактаб бошқарув (ERP) дастурлари билан интеграция қилинади.

📌Педагог кадрлар давлат хизматлари марказига бориш ёки Ягона интерактив давлат хизматлари портали ёхуд ваколатли вазирликларнинг расмий веб-сайтида жойлашган шахсий кабинетига кириш орқали электрон шаклдаги сертификатни юклаб олиши мумкин.

📌 Низомнинг 48-банди Педагог кадрларнинг базавий тариф ставкалари миқдори, уларнинг малака тоифаси ёки лавозими сертификат асосида белгиланади ҳамда уларнинг иш ҳақлари сертификат генерация қилинган кундан бошлаб қайта ҳисобланади.

P.S. Январь-июнь ойларида ўтказилаётган аттестациянинг охириги куни 31 май ҳисобланади (демак, 31 майдан бошлаб бир ой ичида Сертификатлар генерация қилинади, аниқроғи июнь ойининг охириги иш кунларида, яна ҳам аниқроғи 27 июндан бошлаб шахсий кабинетларга юборилиши режалаштирилмоқда...)!

Murojaatlar uchun: @pkatdi_bot👈

Hurmatli ommaviy axborot vositalari xodimlari!

Barchangizni “27-iyun — Matbuot va ommaviy axborot vositalari xodimlari kuni” bayrami bilan samimiy tabriklayman.

Sizlarning qizgʻin va sermazmun kasbiy faoliyatingiz yurtimizda olib borilayotgan katta islohotlarni keng jamoatchilikka yetkazishda muhim ahamiyat kasb etmoqda.

Shu oʻrinda, maktabgacha va maktab taʼlimi tizimida amalga oshirilayotgan yangiliklar va oʻzgarishlarni xalqimizga yetkazishda sizlarning hamkorligingiz juda muhim ekanligini alohida qayd etmoqchiman.

Davlatimiz rahbarining yurtimiz jurnalistlari va ijod ahliga yoʻllagan bayram tabrigida taʼkidlanganidek, “...jurnalist ahlining mashaqqatli mehnatini muqaddas sarhadlarimizda sergak turgan Vatan posbonlarining jasoratiga qiyoslasak, oʻylaymanki, oʻrinli boʻladi”.

Qadrli jurnalistlar!

Bugungi muhim sanada barchangizning fidokorona va mashaqqatli mehnatingiz rivojida ulkan muvaffaqiyatlar tilashdan mamnunman.

Kasb bayramingiz muborak boʻlsin!

@hilola_umarova

⚡️⚡️ #ПКА_2025_Энг_долзарб_саволларга_жавоблар!

⁉️2025 йилда магистратурани тугатганлар август-декабрь ойлари аттестациясида иштирок этишлари мумкинми?

❓Савол: Мен Фарғона вилояти Бағдод туманидаги мактабларнинг бирида Матаматика фани ўқитувчиси бўлиб ишлайман. Амалдаги тоифам мутахассис. Шу йили магистратурани тамомладим. Мен август-декабрь ойларида бўлиб ўтадиган атестацияда биринчи тоифага давогарлик қилсам бўладими?

❗️Жавоб: Низомнинг 10 бандида: "Илгари аттестациядан ўтмаган ишга янги қабул қилинган педагог кадрларга ёки олий таълим ташкилотларини битириб биринчи бор ишга кирган педагог кадрларга аттестацияга жалб этилгунга қадар қуйидаги тартибда малака тоифаси (лавозим) берилиши:

-магистр даражасига эга мутахассисларга, шунингдек, олий маълумот даражаси бўйича академик даражалар жорий этилгунга қадар олинган олий маълумотли педагог кадрларга — иккинчи малака тоифаси (катта ўқитувчи лавозими);

Низомнинг 48 бандида: " Педагог кадрларнинг базавий тариф ставкалари миқдори, уларнинг малака тоифаси ёки лавозими сертификат асосида белгиланиши ҳамда уларнинг иш ҳақлари сертификат генерация қилинган кундан бошлаб қайта ҳисобланиши белгилаб қўйилган.

‼️ Сиз, дастлаб тўғридан-тўғри иккинчи тоифа олиш бўйича мурожаат юборишингиз, иккинчи тоифа Сертификатини олгандан кейин эса биринчи тоифа олиш учун навбатдан-ташқари аттестацияда иштирок этишингиз мумкин.

Murojaatlar uchun: 👉@pkatdi_bot

⚡️ Иш деб ҳатто ёзда ҳам,
Ҳеч ерга бормайдилар!

Ҳалолликдир шиори,
Ҳалол луқма тишлайди,
Олти кун мактабда иш,
Бир кун уйда ишлайди.

Ўзбекда иш тугамас,
Тугамас ёзу, қишлар,
Якшанбани кутишиб,
Турар уйдаги ишлар.

Ерни ағдар,экин эк,
Уй жой кўтар,уй жой қур,
Шундай қизғин ва шошқин,
Ўтаверади  умр.

Гоҳо якшанбада ҳам,
Мактабга чорлайдилар,
Иш деб ҳатто ёзда ҳам,
Ҳеч ерга бормайдилар.

Югуради елади,
Ҳеч толмайди ўқитувчи,
Дам олади деманг сиз,
Дам олмайди ўқитувчи.

Шиддат билан одимлар,
Ўзгарувчан бу замон,
Беш йилда бир тоифа,
Малака тест-имтиҳон.

Ўтолмаса гар тестдан,
Ҳеч қадр топмайдилар,
Ишдан келиб тунлари,
Уйда тест ёдлайдилар.

Қадрин билмас ҳамма ҳам,
Ғийбатлар сотарлар бор,
Пичинг қилиб ортидан,
Тошлар ҳам отарлар бор.

Ишдан ортмас ўқитувчи,
Буни билган билибди,
Кимни урибди устоз,
Кимни ғийбат қилибди?

Бир нақл бор устоз зот,
Отангдек улуғ деган,
Барибир устоз улуғ,
Устоз мўътабар экан.

Ҳайкал қурманг унга сиз,
Эъзоз эҳтиром беринг,
Унга озгина ҳордиқ,
Озгина ором беринг.

Ҳалолликдир шиори,
Ҳалолдан нон тишлайди,
Олти кун мактабда иш,
Бир кун уйда ишлайди.

P.S Бугун эрталаб курсдошларим гуруҳида шу шеърни кўриб қолдим ва каналимизда эълон қилгим келди

#tabrik

Bugun bir guruh yoshlar Prezidentimizning tegishli Qaror va Farmonlari bilan mukofotlandi. Ular orasida talaba va oʻquvchilarimizning borligi quvonarli.

“Mard o‘g‘lon” davlat mukofoti bilan:

Umirboyev Alibek Javlonbek o‘g‘li — “Yangi O‘zbekiston” universitetining 1-bosqich talabasi;

Muxammadov Mirjaxon Muxammadjon o‘g‘li
— Abu Ali ibn Sino nomidagi ixtisoslashtirilgan maktab, 11-sinf o‘quvchisi,

Egamberdiyev Maqsadbek Baxtiyor o‘g‘li
— Bog‘ot tumani ixtisoslashtirilgan maktab, 11-sinf o‘quvchisi,

“Kelajak bunyodkori” medali bilan:

Ibroximova Rayyona Nodirbek qizi
— Andijon shahridagi 4-umumiy o‘rta ta’lim maktabining 11-sinf o‘quvchisi taqdirlandi.

Barchangizni ushbu yuksak mukofotlar bilan tabriklayman! Ilm olishdan charchamang, sizlar bizning faxrimizsiz!

@hilola_umarova

Qadrli yoshlar!

Sizlarni bugungi unutilmas bayram — Yoshlar kuni bilan chin qalbimdan tabriklayman.

Yurtimizda amalga oshirilayotgan katta islohotlar markazida aynan siz yoshlar turganingiz hamda Yangi O‘zbekistonning ertasi, farovon kelajagi siz aziz yoshlar ekanligingiz barchamizga cheksiz quvonch bag‘ishlaydi, albatta.

Faxr bilan aytishim lozim, maktabgacha va maktab ta’limi tizimidagi ijobiy o‘zgarishlar – yangi yondashuvlar, raqamlashtirish, zamonaviy metodikalarni amaliyotga joriy etishda ham fidoyi va bilimli yoshlarimizning o’rni beqiyos.

Aziz yoshlar!

Bugun biz katta maqsadlar sari olg‘a intilayotgan ekanmiz, shubhasiz, sizlarning kuch-g‘ayratingiz, intellektual salohiyatingiz va fidoyiligingiz bizning eng katta suyanchimizdir.

Sizlarga doimo ishonamiz, sizlarning yuksak marralarni egallashingiz uchun zarur shart-sharoitlarni yaratish va qo‘llab-quvvatlashda har doim yoningizdamiz.

Bayram yana bir bor muborak bo‘lsin, sizlarga sog‘lik-salomatlik, ezgu niyatlaringiz ijobati va muvaffaqiyat hamisha yor bo‘lishini tilab qolaman!

Hilola Umarova,
Maktabgacha va maktab ta’limi vaziri

@hilola_umarova

⚡️2025 йил 1 августдан педагоглар қуйидагича оширилган миқдорда ойлик маош оладилар

Ўзбекистон Республикаси Президентининг «Иш ҳақи, пенсиялар, стипендиялар ва нафақалар миқдорини ошириш тўғрисида»ги 02.06.2025 йилдаги ПФ-91-сон фармонига мувофиқ, 2025 йил 1 августдан бюджет ташкилотлари ходимларининг иш ҳақи миқдори 10 фоизга оширилди.

Фармонга мувофиқ педагоглар 1 августдан қуйидагича оширилган миқдорда ойлик маош оладилар:

Мактаб директори:

5 млн 166 минг 485 сўм (400 ўқувчигача);
5 млн 516 минг 559 сўм (401-880 ўқувчигача);
5 млн 849 минг 691 сўм (881-1600 ўқувчигача);
6 млн 187 минг 933 сўм (1600дан ортиқ);

Директор ўринбосарлари: (ММИБДЎ, ЎТИБДЎ)   
4 млн 825 минг 345 сўм (400 ўқувчигача);
5 млн 166 минг 485 сўм (401-880 ўқувчигача);
5 млн 516 минг 559 сўм  (881 -1600 ўқувчигача);
5 млн 849 минг 691 сўм (1600дан ортиқ);

Директорнинг хўжалик ишлари бўйича ўринбосари:
1 млн 957 минг 858 сўм (400 ўқувчигача);
2 млн 233 минг 302 сўм (401-880 ўқувчигача);
2 млн 322 минг 127 сўм (881 -1600 ўқувчигача);
2 млн 515 минг 091 сўм (1600дан ортиқ);

Психологлар:

Олий маълумотли психолог – 3 млн 356 минг 916 сўм;
Иккинчи тоифали психолог – 3 млн 594 минг 851 сўм;
Биринчи тоифали психолог – 3 млн 838 минг 851 сўм;
Олий тоифали психолог – 4 млн 72 минг 508 сўм;

Ўқитувчилар:

Ўрта махсус маълумотли ўқитувчи – 3 млн 468 минг 585 сўм;
Олий маълумотли ўқитувчи – 3 млн 729 минг 906 сўм;
Иккинчи тоифали ўқитувчи – 4 млн 175 минг 834 сўм;
Биринчи тоифали ўқитувчи – 4 млн 653 минг 151 сўм;
Олий тоифали ўқитувчи – 5 млн 142 минг 053 сўм;

Кадрлар бўйича менежер:

1 млн 758 минг 372 сўм;

Кутубхона мудири:
Ўрта махсус маълумотли – 2 млн 349 минг 447 сўм;
Олий маълумотли – 2 млн 563 минг 442 сўм;

Кутубхоначи:

Ўрта махсус маълумотли – 2 млн 37 минг 317 сўм;
Олий маълумотли – 2 млн 144 минг 548 сўм.

⚡️Президент мактабларининг кириш имтиҳонлари биринчи босқичи 6 июль куни бўлиб ўтади

Имтиҳон вақти ва манзили ҳақидаги маълумот талабгор томонидан my.gov.uz ёки ariza.piima.uz сайтларига киритилган телефон рақамларига смс-хабарнома орқали маълум қилинади.

Президент мактабларига кириш имтиҳонларининг биринчи босқичи Математика фанидан 30 та топшириқ  (тест шаклида) ўтказилади.

Талабгорларга топшириқларни бажариш учун 60 дақиқа вақт берилади.

❗️ Эслатиб ўтамиз, талабгорларга топшириқларни бажариш учун белгиланган вақтдан (60 дақиқа) ташқари, кириш имтиҳонининг жавоблар варағини белгилаш учун қўшимча вақт берилмайди.

📍 Маълумот учун, Тошкент шаҳри ва Тошкент вилоятининг имтиҳонлари Тошкент шаҳрида бўлиб ўтади. Қолган ҳудудларнинг имтиҳонлари ўз ҳудудларида бўлади.

🗓 Президент мактабларининг кириш имтиҳонлари иккинчи босқичининг санаси ва вақти ҳақида қўшимча маълумот берамиз.

✅ @piimatestbot ёрдамида агентлик томонидан эълон қилинган наъмунавий тестларни бажариб имтиҳонларга тайёрланишингиз мумкин

#yoshlar_kuni

Kecha – Yoshlar kuni munosabati bilan oʻtkazilgan uchrashuvda davlatimiz rahbari nufuzli oliygohlarga kirayotgan oʻzbek yoshlari haqida alohida toʻxtaldi.

“Oʻtgan yili yurtimiz yoshlari top 500 talik oliygohlarga kirish boʻyicha Markaziy Osiyoda birinchi oʻrinni egalladi.

Bugungi kunda 30 nafar yoshlarimiz dunyoning top 10 talik oliygohida, 500 nafari top 100 talik va 1,5 ming nafari top 300 talikdan joy olgan nufuzli universitetlarda tahsil olmoqda”, dedi Prezidentimiz.

Davlatimiz rahbari Jasurbek Umarov (Harvard), Ruxshona Sobirova (Pensilvaniya), Asilbek Ashurov (Chikago) misolida taʼlimdagi islohotlar natijasini alohida e’tirof etdi.

Bu yutuqlar davomli boʻlishiga ishonamiz!

@hilola_umarova

Hozirda ishga kirish va ustama olishni istagan xorijiy til fani o`qituvchilariga eslatma!!!

Barcha xorijiy til sertifikatlarini haqiqiyligini tekshirish imkoniyati mavjud va hozirda mavjud sertifikatlarini qalbakilashtirish imkonsiz.

Shunday bo`lsada qo`shtirnoq ichidagi vatanparvar (aslida teskari inson) insonlar pedagoglarni ishonchiga kirib, ma'lum mablag` evaziga ularga B2 yoni undan yuqori darajadagi sertifikat olib berishni vada qilishmoqda.

Ma'lum vaqtdan keyin esa sotib olingan sertifikat vakolatli tashkilot tomonidan bekor qilinmoqda.

Bir vaqtda sertifikatsiz va qalbakilashtirishga aralashgan insonga aylanib qolmoqda.

Ishonamizki bu ma'lumotni o`qiyotgan har bir pedagog bu xatoni qilmaslik kerakligini tushuna oladi.

⚡️Таълим усталарини аттестациядан ўтказиш тартиби тасдиқланди

Олий таълим, фан ва инновациялар вазири буйруғи (рўйхат рақами 3635) билан “Касбий таълим ташкилотларининг ишлаб чиқариш таълими усталарини аттестациядан ўтказиш тартиби тўғрисида”ги низом тасдиқланди.

Усталар ҳар 5 йилда бир марта мажбурий аттестациядан ўтказилади. Илгари аттестациядан ўтмаган ва ишга янги қабул қилинган ёки таълим ташкилотларини битириб, биринчи бор ишга кирганлар мутахассислиги бўйича уч йил педагогик иш стажига эга бўлгандан сўнг мажбурий аттестацияга жалб қилинади.

Усталар ўз хоҳишига кўра навбатдан ташқари аттестациядан ўтиши мумкин.

Ишлаб чиқариш таълими усталари олий ёки ўрта махсус (касбий таълим) маълумот олганлиги, норасмий ва информал орттирилган кўникма ва малакаларни тан олиш (“Реcогнитион оф Приор Леарнинг”) диплом ёки сертификатлар шунингдек қайта тайёрлаш курсидан ўтганлиги ҳақидаги дипломида кўрсатилган мутахассислиги ёки ихтисослиги бўйича аттестациядан ўтади.

Усталар ҳар йили 1 августдан 1 октябрга қадар бевосита pedagog.edu.uz электрон ахборот тизимидан рўйхатдан ўтган ҳолда мурожаат қиладилар.

Аттестациядан ўтказиш 2 босқичда (умумий 100 баллик) амалга оширилади:
1-босқичда – ишлаб чиқариш таълими усталарининг педагогик маҳорати ва психологик тайёргарлиги баҳоланади (20 баллик);
2-босқичда – ишлаб чиқариш таълими усталарининг назарий ва амалий кўникмалари баҳоланади (80 баллик).