اخاف من الدمع لا يوصل الورقة
واخاف اعلىٰ القصيدة تخاف ..

احمد عادل

ردتهم بالعرك ، وصلو بالمراضاة ..

باهر الجنديل

گلبي مجرب وجرَّب
عفتني اعلىٰ الحدود تراب
بس يعلىٰ الهوا اتغرَّب ..

علي رحم

سالم راد من عندك
وما مش ناس فرحانة !
انا الجزء السِلم من جثة المحروگ ..

كرار سعيد

الخلل بية اسولفلك شكو بروحي
گبل لا تسأل شلونك ..

محمد فرات

اشوف اشياء ما تنشاف مرات
وابسطهن يزرعن بية حيرة ..
اني انسان اركز بالتفاصيل
وتأذيني التفاصيل الصغيرة !

احمد عادل

في جنازة الولد الصغير ..
قلنا : ما هذا الريش ؟
رفع أبوه رأسه
ومدَّ يده في الهواء،
التقطَ واحدةً ثم صاح : إنها كلمة حمامة التي تعلّم نطقها منذ يومين
نسينا أن نُخرجها من فمه .

ميثم راضي

وعيونك النعسانة ما جاي اغفىٰ ..

مهيمن سهم

نمنا وچنا واحد علىٰ الثاني يموت
وفزينا شخص ميت من الثاني ..

يونس محسن

صعب تتغيرين وياي
صعب مثل الركض بالماي ..
الـ تسمّي حچي زايد
مشاعر هاي !

علي قاسم

انتظرته بدون لهفة
متانة اهل الشاب ..
المنعو من الطلعة
ودرو بي طالع !

علي نادر

ما عاتبك بس والله باقي بصدري ..
ولتگلي ليش بهالوقت جاي شبيك
ارجوك اسكت .. لان ثق ما ادري !

يملك خيال الاعمىٰ والعنده عيون
وثنينهم هالامر عدهم فطري

وبس اني من گد ما افكر بالجاي
جاي افقد من ايدك خيالي الشعري !

احمد عادل

والله چانت تبچيني اشياء
اي انسان ما يبچي عليهن ..

احمد عادل

وعدتچ ابقىٰ بس مرات الانسان
علىٰ نفس الوعد مو مال يبقىٰ ..

اني وياچ نرهم بس حبيبين
نخرّب حيل اذا تجمعنا حلقة !

احمد عادل

من احلم بيچ اجي احچيلچ عدا اليوم
لأن بآخر رسالة گلت ناسيچ ..

تجي غصباً على النسيان الأحلام
وتجرني چفوف حنيتي لطواريچ

چان اليوم يبدي ويخلص وياچ
وهسة حچاية ما اگدر احاچيچ ..

مو خنگت هوىٰ لا خنگت أفكار
وهاي منين أجيبلها الشبابيچ !

انا البية ضحكتچ والتفاصيل
اما انتِ والله مادري شبيچ ..

علي نادر

اكثر شغلة ندمتني بصراحة ..
اجيتك عاقل بـ عُمر الوكاحة !

احمد عادل

الصور للسگف وصلت
يا حياطين ؟
طاحن من كثر ما علگتلك ..

حيدر حطاب

شلون بس فهمني شلون ؟؟

ولك ابو علي

بفاتحتك علىٰ الچادر شفت طير
وربعك كلها حارت جاينا منين ؟

بس ركزت شفت جناحه مكسور
وگلتلهم مبين صاحب حسين ..

احمد عادل