مو طفل واعشگ طفل !
شوفها شگدها اعلىٰ گلبك
لمن تحبلك بشر ما ينحمل ..
تنام كل الناس
وانتَ
لالة گلبك مشتعل !

علي مهدي

اني من هاللحظة
كلش صعبة اسامح ..
اليبچي من يكتب قصيدة
يبوگ من عدها الملامح !

احمد عادل

هيَ حلوة هواي بس مالي نفس ..

عقيل العرد

ابنادم يثگل بگلبه ..

الجديد 🤍

لو لم يَكُن الملِكُ طيباً
لما خانته الحاشية ..

احمد عادل

اكو موضوع منه هواي اعاني
افز من صفنة بس ما صافن اني !

رشاد قصي

شگد چنت محتاجك ردت بس تسأل ..
من چنت ادور بالصور صورة حل !

عصام كريم

ما عايفلي ذكرىٰ وما تتعبني ..
كلشي وياك سويته ولا گوله
اخافن غيرك يحبني !

محمد فرات

بعدني اضحك چذب للناس
بس اشبع بچي لوحدي ..

كمية احساس مخيفة 🤍

بدي وكلت وادم ترفس الزاد
وعلىٰ الصعبات گلتلهم بسيطة !

غلط صار وتبت ماريده ينعاد
وضروري احذر بعد واخذ الحيطة

ومثل ما بلبل الحي ناسه ذموه
البشر مرات اليأخرو محيطه ..

احمد عادل

ما گايدهم اني ووصلت ناس
بلاية چفوف وتگود الخريطة !

لـزعل الدنيا كلها ابلا مراضاة
وحفل الثار بيدي اگطع شريطة ..

وماغربل اذب الزين والشين
السلف كله من الصغير لگليطه ..

البشر لو راد يغفىٰ وباله مرتاح
" يتخلّص من الناس التحيطه "

وبس والله .

الُعمر مثل الحكومة
يبوگك بسكتة ..

عباس الغالبي

يـ اخر بذرة من نسل النوايا البيض ..

احمد عادل

نوگف بـ عز الظهاري
وننتظركم عالجمر ..
چنا بيض احنا وخربنا
وعلي ما چنا سُمر !

ليث ماجد

گالو عافكم ..
گلنا احنا شمسوين ؟
گالو شگ صوركم
گلنا فوگاها !؟

باهر الجنديل