انا طيب ترا بس هيَ هيچ الناس
يسمون الاوراق البيضة مسودّة ..

باهر الجنديل

اني وگلبي منسيين
يفرحنا البچة ويانة ..

محمد فرات

اجيتك رغم تحذير الاطباء
وطايحلك الليل الما انامه
اجيتك واني هم مو مكلف وياي
تفض بـ هلا و وياها ابتسامة ..
اجيتك واني اعرفه الدرب ، ماشي
گبل هم جيت دايس عالكرامة !
اجيت واهلي كلهم لزمو الباب
واول مرة ابوي اكسر كلامه !
اجيتك لو علىٰ عيونك ولا ضوج
زلمة ويا هضيمة تجيبة شامة ..

عباس الذهبي

شنو اغفىٰ بـ احبك
والصبح انباع !

احمد عادل

هاي الفترة كثرت مشكلاتي
وبينت عازتچ حيل بحياتي ..

احمد عادل

چذب ماكو اخو من ذيچ البطون
الغريب يظل عدوك لو شسويت !

بفواتحهم امس طشيت الدموع
وعثرت ورجعوهن علّي چكليت ..

ابو معشر وارافگ حتىٰ الطيور ..
" بفضلهم گمت احبن گعدة البيت "

رائد ابو فتيان

الجديد 🤍

حبايب هذا التصميم النشرته بالانستا اليوم
للي رادوه مني 🤍

شوكت انسىٰ وتفكني المحّنة
وعطرك بعد ما جيب منه ..

عباس مهند

تذكرتك وطفيت كل الضويات
ورحت انتظر كالعادة يم الشرفة ..
ردت اطلع من الغرفة لكن ليوين ؟
البرا يخنگ اكثر من الغرفة !

احمد عادل

لا توجد رواية تؤكد ان سيف ذو الفقار دُفن مع عَلي ..

ورغم اندله يم بابك يگودوني ..
ولان نعسان اجي مغمض
يوجعني الضوا اليوگع علىٰ عيوني !

محمد فرات

عـ اليلاگيني منهم ما تعليت
اضم جناحي يم الريشة بعده ..

ايهاب المالكي

مجرب واعرف المو زين والزين
واميز السود عن بيض القريحة ..

الضياع العشته وحدي بعمر الورود
ساعدني اعرف دروبي الصحيحة ..

انا ذاك الي ينصح كل الاشخاص
بس ماكو اليقدمله النصيحة !

احمد عادل

الكسرو گلبي لا واحد ولا ثنين
وبقت اجزاءه جواهم طريحة ..

اعتذرو ، سامحت غشتني العيون ..
حلوين اهل الاعذار القبيحة !

منذ أن رحلت ..
وانا أرىٰ الحياة باللون الاسود والأبيض
تلويحتها الاخيرة ، مَحت عن عيني الالوان !

علي اتات

مشتهي الروحة التبچيكم علية ..

احمد عادل