Кун қаҳрамони

ИНСПЕКТОР ФУҚАРОНИНГ ҲАЁТИНИ САҚЛАБ ҚОЛДИ

Профилактика катта инспектори, майор Суҳроб Эргашов 7 июль куни соат 16:00ларда Вобкент тумани “Халач” маҳалла фуқаролар йиғини Чойхона қишлоғида яшовчи, 1970 йилда туғилган Ж.Ҳусеновнинг ҳаётини сақлаб қолди.
– Маҳалламиз ҳудудида тарғибот ишларини олиб бораётганимда, бир аёл югуриб келиб, қайнакаси уйи олдидаги зовур ёнида аҳволи ёмонлашганини айтиб, ёрдам сўради. Борсам, ўнтача аёл ерда чўзилиб ётган Жаббор акани ўлдига чиқариб, тепасида айюҳаннос солиб йиғлаётган экан. Томир уришини текширсам, юраги ишлаяпти. Бир аёл ёрдамида уни икки юз метр жойгача кўтариб бордик ва автомашинамга миндириб, 10-сонли қишлоқ врачлик пунктига олиб бордим. Шифокорларнинг тезкор тиббий муолажалари натижасида Ж.Ҳусеновнинг ҳаёти сақлаб қолинди, –дейди майор С.Эргашов.
Батафсил 👉

👉 @postdarasmiy

Касб фидойиси

ИНСПЕКТОРНИНГ ЖАСОРАТИ

Бугун 9 июль куни Бухоро шаҳрининг Б.Нақшбанд маҳалласидаги кўп қаватли уйлардан бирида ёнғин содир бўлди. Профилактика катта инспектори, майор Мадиёр Ҳакимов Фавқулодда вазиятлар ходимлари ҳодиса жойига етиб келгунга қадар ёнғинни ўчиришга жасорат кўрсатди.
–Соат 12:00лар атрофида маҳалламиз фуқаролари 26-кўп қаватли уйнинг 5-қаватида ёнғин содир бўлганини ва Фавқулодда вазиятларига тушолмаётганини айтиб қолишди. Дарров шаҳар ИИО ФМБ навбатчилик қисмига қўнғироқ қилиб, вазиятни тушунтирдим.
Батафсил 👉

👉 @postdarasmiy

Yosh ofitserlar

IIV Akademiyasi hamda Jamoat xavfsizligi universitetini tamomlagan yosh ofitserlar va ularning ota-onalari ishtirokida davra suhbati tashkil etildi.

Tadbirda so‘nggi yillarda ichki ishlar organlari faoliyatida amalga oshirilayotgan islohotlar, xodimlar uchun yaratilayotgan shart-sharoitlar yuzasidan atroflicha tushunchalar berildi.

Shuningdek, yosh ofitserlarga Vatanga va xalqqa sadoqat bilan xizmat qilish, xizmat intizomi va qonuniylikka qatʼiy rioya etish, shuningdek, qasamyodga sodiqlik ruhida faoliyat yuritish borasida muhim tavsiyalar berildi.
O‘z muxbirimiz,
Namangan viloyati.

YOSHLAR BILAN UCHRASHUV

Qoraqalpog‘iston Respublikasi Ichki ishlar vaziri, polkovnik Baxtiyar Torebekov vazirlikning barcha sohaviy xizmatlarda faoliyat yuritayotgan yoshlar bilan uchrashuv o‘tkazdi. Uchrashuvda vazir o‘zining bosib o‘tgan yo‘llari, bugungi kunda muhtaram prezidentimizning tashabbusi bilan ichki ishlar organlarida yaratilayotgan imoniyatlarni alohida taʼkidlab o‘tdi. Tadbir so‘ngida huquqbuzarliklarning barvaqt oldini olishda o‘zlarining samarali mehnatlarni qo‘shib kelayotgan bir qator yosh xodimlar va ularning ota-onalariga minnatdorlik xatlari topshirildi.

@Postdarasmiy

Kun tartibida – voyaga yetmaganlar

Yangihayot tumanida bolalar masalalari bo‘yicha tuman komissiyasining navbatdagi yig‘ilishi bo‘lib o‘tdi. Dastlab tadbirda Yangihayot tumanidagi yetim va ota-ona qaramog‘idan mahrum bo‘lgan bolalar uchun ishlab chiqilgan individual rivojlanish hamda integratsiya rejalarida belgilangan xizmatlar tahlil qilindi. Shuningdek, tuman IIOFMB hamda ta’lim muassasalari tomonidan komissiyaga taqdim etilgan, voyaga yetmaganlar o‘rtasida jinoyatchilik va huquqbuzarliklar profilaktikasiga oid materiallar muhokama qilindi.
O‘z muxbirimiz,
Toshkent shahri.
👉 @postdarasmiy