🟢ISTE’DODLAR - IMKONIYAT BOR JOYDA BO‘Y KO‘RSATADI

✨Maktab o‘quvchilarining ijodiy va intellektual salohiyatini ro‘yobga chiqarishda, aktyorlik, musiqa, kitobxonlikka qiziqishini oshirishda “Turon” maktab teatri, “Iqtidor” maktab ansambli tanlovlari muhim ahamiyat kasb etmoqda.

✨Birgina Buxoro viloyatida “Turon” maktab teatri tanlovi 2500 nafarga yaqin, “Iqtidor ansambli” tanlovi esa 3000 nafardan ortiq o‘quvchini qamrab olgani bu jarayonning ko‘lami va ta’sir doirasini yaqqol namoyon etadi. Shuni quvonch bilan aytish joizki, joriy yilda o‘tkazilgan ushbu tanlovlarning respublika bosqichida buxorolik o‘quvchilar munosib ishtirok etib, yuqori natijalarni qayd etishdi.

🤩 “Iqtidor” maktab ansambli tanlovida Gʻijduvon tumanidagi 46-maktab o‘quvchilaridan iborat “Yosh havaskorlar” jamoasi faxrli 1-o‘rinni qo‘lga kiritgan bo‘lsa, “Turon” maktab teatri tanlovida Kogon shahridagi 3-umumta’lim maktabining “Elegant” jamoasi 3-o‘rinni egalladi.

⚡️Bunda albatta, mamlakatimizda yoshlar uchun yaratilayotgan imkoniyatlar, qolaversa viloyat hamda tuman hokimliklarining qo‘llab-quvvatlashi ham muhim ahamiyat kasb etdi.

✨2025-yil 30-iyun kuni davlatimiz rahbari yoshlar bilan bo‘lgan uchrashuvda ushbu ijodiy tanlovlarni yanada keng qamrovli qilish bo‘yicha muhim tashabbuslarni ilgari surdi. Endilikda tanlov g‘oliblari chekka hududlardagi maktablarga borib, tengdoshlari bilan ijodiy uchrashuvlar o‘tkazadilar, bu maqsadda viloyat hokimliklari tomonidan jamoalarga maxsus avtobuslar ajratilishi belgilandi.

✨Shu bilan birga, tanlov g‘oliblari uchun madaniyat va san’at oliygohlariga kirishda imtiyozlar, “Iqtidor ansambli”ning viloyat bosqichi g‘oliblari uchun esa bolalar va musiqa maktablarida bepul tahsil olish imkoniyatlari yaratildi.

Batafsil👉https://telegra.ph/bvmmtbuz-07-03

🔠 Buxoro viloyati maktabgacha va maktab ta’limi boshqarmasi

#Ayni_paytda
#Бошқарма_бошлиғи_ҳудудларда
🟢Maktabgacha ta’lim qamrovini oshirish imkoniyatlari organilmoqda

✨Buxoro viloyati Maktabgacha va maktab ta’limi boshqarmasi boshlig‘i Hamza Elliyev rahbarligidagi ishchi guruh tomonidan Buxoro shahridagi maktabgacha ta’lim muassasalari faoliyatini o‘rganish ishlari izchil davom ettirilmoqda.

🔹 O‘rganishlardan ko‘zlangan asosiy maqsad — bolalarni maktabgacha ta’limga qamrab olish ko‘lamlarini kengaytirish va mavjud infratuzilma hamda resurslardan samarali foydalanishdir.

💥Navbatdagi manzillar:
✅ 5-MDTT — 300 o‘ringa mo‘ljallangan, hozirda 169 nafar bola qamrab olingan.
✅ 4-MDTT — 120 o‘rinli, hozirda 109 nafar bola tahsil olmoqda.
✅ 29-MDTT — 60 o‘ringa mo‘ljallangan bo‘lib, 94 nafar bola qamrab olingan.

⚡️O‘rganish chog‘ida muassasalarning infratuzilmasi, metodik ishlar holati, tarbiyachilarning malaka darajasi hamda bolalar uchun yaratilayotgan shart-sharoitlar har tomonlama tahlil qilindi.

🔹Aniqlangan muammolarni bartaraf etish, ta’lim sifatini oshirish va qamrov darajasini muvozanatlashtirish bo‘yicha mas’ullarga amaliy ko‘rsatmalar va tavsiyalar berildi.

✔️Buxoro viloyati maktabgacha va maktab ta'limi boshqarmasi