𝗕𝘂𝘅𝗼𝗿𝗼 𝘃𝗶𝗹𝗼𝘆𝗮𝘁𝗶𝗱𝗮 𝗶𝗰𝗵𝗶𝗺𝗹𝗶𝗸 𝘀𝘂𝘃𝗶𝗱𝗮𝗻 𝗳𝗼𝘆𝗱𝗮𝗹𝗮𝗻𝗶𝘀𝗵 𝗯𝗼‘𝘆𝗶𝗰𝗵𝗮 𝗸𝗲𝗻𝗴 𝗸𝗼‘𝗹𝗮𝗺𝗹𝗶 𝗿𝗲𝘆𝗱𝗹𝗮𝗿 𝗯𝗼𝘀𝗵𝗹𝗮𝗻𝗱𝗶

👥“Buxoro suv ta’minoti” AJ tashabbusi bilan ichimlik suvidan oqilona foydalanish, noqonuniy ulanishlarning oldini olish va eng asosiysi — debitor qarzdorlikni qisqartirish maqsadida Buxoro viloyatida 10 ta maxsus ishchi guruh shakllantirildi.

🤔Mazkur reyd tadbirlariga viloyat va shahar hokimi o‘rinbosarlari, prokuratura va mahalla yettiligi vakillari, Uy-joy kommunal xizmat ko‘rsatish boshqarmasi, Majburiy ijro byurosi, ichki ishlar idoralari hamda “Buxoro suv ta’minoti” AJ mutasaddilari jalb etilgan.

✍️Har bir ishchi guruh tarkibi o‘rtacha 30 nafar mas'uldan iborat bo‘lib, ular Buxoro viloyati bo‘ylab ichimlik suvi ta’minoti holati va mavjud muammolarni o‘rganish ko‘zda tutilgan.

🔎Ta’kidlash lozim, reyd tadbirlarida asosiy e’tibor aholi va yuridik shaxslar o‘rtasida ichimlik suvidan foydalanish madaniyatini yuksaltirish, noqonuniy ulanish holatlarini aniqlab, ularning oldini olish, shuningdek, mavjud qarzdorlikni qisqartirish orqali taqdim etilayotgan xizmatlar sifatini yanada yaxshilashga qaratilgan.

🚨Eslatib o‘tamiz, amaldagi tartibga ko‘ra ichimlik suvi va oqova suv chiqarish xizmatlari uchun har oyning 10-sanasiga qadar keyingi oy uchun oldindan to‘lov amalga oshirilishi lozim. Mazkur muddatdan kechikkan hollarda tarmoqdan vaqtincha uzib qo'yish orqali qarzdorlikni undirish choralari ko‘rilishi belgilangan.

🔽Afsuski, ayni paytda ayrim iste’molchilarda ichimlik suvi va kanalizatsiya xizmatlari bo‘yicha yuqori miqdorda qarzdorlik mavjud.

📊Xususan, Buxoro viloyatida bu ko‘rsatkich 26.06.2025-yil holatida 42 mlrd so‘mdan ziyodni tashkil etmoqda. Shundan, aholi iste’molchilari 33 mlrd 926 mln so‘m, qolgan qismi yuridik iste’molchilar hissasiga to‘g‘ri keladi. Bu esa nafaqat ko‘rsatilayotgan xizmatlar sifatiga, balki tizimning iqtisodiy barqarorligiga ham salbiy ta’sir ko‘rsatmoqda.

🔴Shu o‘rinda, barcha iste’molchilardan xizmatlardan qonuniy asosda foydalanish, o‘z vaqtida to‘lovlarni amalga oshirishlari so‘raladi.

📱𝗧𝗲𝗹𝗲𝗴𝗿𝗮𝗺                📱𝗙𝗮𝗰𝗲𝗯𝗼𝗼𝗸

📱𝗜𝗻𝘀𝘁𝗮𝗴𝗿𝗮𝗺               📱𝗬𝗼𝘂𝘁𝘂𝗯𝗲

📱𝗖𝗮𝗯𝗶𝗻𝗲𝘁                    📱𝗪𝗲𝗯𝘀𝗶𝘁𝗲

📱𝗕𝗼𝘁                            📱𝗖𝗵𝗮𝘁

📱𝗧𝘄𝗶𝘁𝘁𝗲𝗿                      📱𝗧𝗶𝗸𝗧𝗼𝗸