✅ Mirobod tumanida xalq dardi eshitilyapti: ochiq qabullar davom etmoqda

✅ O‘zbekiston Respublikasi Prezidenti Shavkat Mirziyoyev raisligida o‘tkazilgan videoselektor yig‘ilishida fuqarolar bilan ochiq muloqotni yanada samarali tashkil etish, muammolarni joyida hal etish bo‘yicha aniq topshiriqlar berildi. Jumladan, xalq qabulxonalariga hokimlarning shaxsan rahbarlik qilishi va ish kunlarini aynan aholi bilan suhbatdan boshlashi zarurligi alohida ta’kidlangan edi.

✅ Ushbu ustuvor vazifalardan kelib chiqib, Mirobod tumani Xalq qabulxonasida tuman hokimi Anvar Sayfutdinov tomonidan aholi uchun ochiq qabullar muntazam tashkil etilmoqda.

🔴 Navbatdagi bunday qabul joriy yilning 20 iyun kuni bo‘lib o‘tdi. Unda Toshkent shahar hokimi o‘rinbosari — Oila va xotin-qizlar masalalari bo‘yicha boshqarma boshlig‘i Sh. Sultanova, tuman hokimi o‘rinbosari F. Madaminova hamda qator mas’ul idora va tashkilotlar rahbarlari ishtirok etdilar.

👥 Qabulda tumanning turli mahallalaridan tashrif buyurgan 15 nafar fuqarolarning ijtimoiy, uy-joy, ish bilan ta’minlash, infratuzilma, xotin-qizlar va yoshlar muammolari bo‘yicha murojaatlari tinglandi.

🔎 Har bir masala individual tarzda ko‘rib chiqilib, tegishli tashkilotlarga aniq va ijroga yo‘naltirilgan topshiriqlar berildi. Qabul jarayonida ko‘plab muammolar o‘sha joyning o‘zida hal etildi.

❗️ Bu kabi ochiq qabullar aholining davlat idoralariga ishonchi, ochiq muloqot madaniyati va muammolarni tezkor hal etish mexanizmlarini rivojlantirishda muhim omil bo‘lib xizmat qilmoqda.

“Xalq davlatga emas, davlat xalqqa yaqin bo‘lishi kerak” degan ezgu g‘oya bugungi amaliy ishlar orqali o‘z isbotini topmoqda.

| Facebook | Instagram| Youtube | Web-site|