🇺🇿🇨🇳Avvalroq xabar berganimizdek, Toshkent shahrining delegatsiyasi Xitoy Xalq Respublikasida bo'ldi.

🧑‍💻Tashrif dasturi doirasida Pekin shahri hokimining o’rinbosari janob Jin Vei bilan ikki tomonlama uchrashuvlar o’tkazildi. Uchrashuvda yoshlar siyosati, ta’lim, sog’liqni saqlash hamda sport sohalariga oid fikrlar almashildi hamda ushbu yo’nalishlardagi hamkorlik doirasidagi tashabbuslar ilgari surildi.

📝Shuningdek, delegatsiya a'zolari iMEDWAY kompaniyasi rahbari William Han bilan uchrashdi. Uchrashuvda kompaniyaning bugungi kundagi sog'liqni saqlash sohasidagi olib borayotgan innovatsion loyihalari bilan tanishildi. Ushbu tashkilot bilan kelajakdagi hamkorlik masalalari muhokama qilindi.

🇺🇿Toshkent shahri delegatsiyasi a'zolari ta'lim sohasiga oid TAL (Tomorrow Advancing Life) ta'lim tashkilotining prezidenti Wei Chen bilan uchrashishdi. Tashrif jarayonida kompaniyaning ta'lim sohasining STEM fanlarini o'qitish, xalqaro imtihonlarga tayyorlov hamda innovatsion metodikalarni joriy etishdagi tashabbuslari bilan tanishishdi hamda ikki tomonlama loyihalarni poytaxt ta'lim tizimiga tadbiq etish masalalari muhokama qilindi.

🇨🇳Bundan tashqari, delegatsiya a'zolari Pekin shahri hokimiyati taklifiga binoan "Robot World" robotlar markaziga tashrif buyurishdi. U yerda robotexnika yo'nalishidagi yoshlarning texnik ishlanmalari va ularning ta'lim olishidagi yaratilgan qulayliklar, robotexnika yoshlar markazida yo'lga qo'yilgan ishlar bilan yaqindan tanishishdi hamda kelajakda markaz bilan hamkorlikda Toshkent ta'lim muassasalaridagi robototexnika sinflarini mazmunan boyitish masalalari muhokama qilindi.

Tashrif dasturi yakunida Xitoyning Baidu, LLvision hamda Tongming Lake e-city kompaniyalariga tashrif buyurildi.

YouTube | Facebook | Instagram | Web-site | Telegram-bot

🇺🇿Korrupsiya va manfaatlar to‘qnashuviga nisbatan murosasiz munosabatni shakllantirish maqsadida Toshkent shahar Obodonlashtirish bosh boshqarmasida seminar o‘tkazildi.

🛡Seminarda Toshkent shahar hokimligi Korrupsiyaga qarshi ichki nazorat bo‘limi mas’ul xodimi A.Norqulov, Davlat xizmatini rivojlantirish agentligining Toshkent shahar filiali mas’ul xodimi U.Abdukarimov hamda boshqarma xodimlari ishtirok etishdi.

🇺🇿Seminar davomida O‘zbekiston Respublikasining “Korrupsiyaga qarshi kurashish to‘g‘risida”gi, “Davlat fuqarolik xizmati to‘g‘risida”gi, “Manfaatlar to‘qnashuvi to‘g‘risida”gi Qonunlari, Vazirlar Mahkamasining “Davlat fuqarolik xizmatchilari tomonidan odob-axloq qoidalariga rioya etilishini ta’minlash bo‘yicha qo‘shimcha chora-tadbirlar to‘g‘risida”gi 595-son qarori mazmun-mohiyati seminar ishtirokchilarga tushuntirilib, korrupsiya va manfaatlar to‘qnashuvi holatlarini oldini olish yuzasidan zarur tavsiyalar berildi.

🧑‍💻Seminar so‘ngida davlat fuqarolik xizmatchilari faoliyatida korrupsiya va manfaatlar to‘qnashuvi kabi salbiy holatlarni oldini olish yuzasidan takliflar berildi.

YouTube | Facebook | Instagram | Web-site | Telegram-bot