በህይወት ውስጥ ሁልጊዜ ደስተኛ መሆን የሚቻለው እንዴት ነው?

❤️ሁሉም ሰው ችግሮች አሉበት። አንተ ብቻ አይደለህም።
(ችግር የሌለበት ሰው የለም። በዚህም አንተ የተለየህ አይደለህም።)

❤️ ሁሉም ሰው ከባድ ጊዜያትን ያሳልፋል። ፈተና የማይገጥመው በሕይወት የሌለ ሰው ብቻ ነው።
(በህይወት እስካለህ ድረስ ውጣ ውረድ አይለይህም።)

❤️ እያንዳንዱ ችግር መፍትሔ አለው። የተሻለ ስሜት እንዲሰማህ የሚያደርጉ መንገዶችም አሉ።
(ተስፋ የሚቆረጥበት ምክንያት የለም፤ መውጫ መንገድ ሁሌም ይኖራል።)

❤️ስለራስህ የምታስበው ነገር ደስታህ ላይ ተጽዕኖ ያሳድራል። ልዩ እና ጠቃሚ እንደሆንክ እመን። አሉታዊ ሀሳቦች እንዲቆጣጠሩህ አትፍቀድላቸው።
(ለራስህ ጥሩ አመለካከት ይኑርህ፤ ክፉ ሀሳብ ቦታ አትስጥ።)

❤️ሌሎች በሚሉት ነገር አትጨነቅ። አንዳንድ ሰዎች አንተን ለመጉዳት አስበው መጥፎ ነገር ሊናገሩ ይችላሉ።
( የሰዎችን ሀሜትና አሉታዊ አስተያየት ችላ በል።)

❤️ደስተኛ ከሚያደርጉህና አዎንታዊ አመለካከት ካላቸው ሰዎች ጋር ጊዜህን አሳልፍ። በአንተ ወይም በውጣ ውረዶችህ ላይ ከሚሳለቁ ሰዎች ራቅ።
(ጥሩ ጓደኞችን ምረጥ፤ ከሚያሳንሱህና ከሚያሳዝኑህ ራቅ።)

❤️የትርፍ ጊዜህን እንደ ስፖርት፣ የተለያዩ ጨዋታዎች፣ ፊልም መመልከት ወይም በእንተርኔት መረጃዎችን ማሰስ (browsing) ለመሳሰሉ በትርፍ ጊዜ የሚሰሩ ነገሮች (hobbies) ተጠቀምበት።
(የሚያዝናኑህንና አእምሮህን የሚያድሱ ነገሮችን አድርግ።)

❤️ገንዘብ ወይም የቅንጦት ዕቃዎች እንዲያስፈራሩህ አትፍቀድ። ዛሬ ድሃ የሆነ ሰው ነገ ሀብታም ሊሆን ይችላል። ለውጥ ሁልጊዜ የሚከሰት ነገር ነው።
(የቁሳቁስ ነገር የህይወት መለኪያ አይደለም፤ የዛሬ ሁኔታ ነገ ላይቀጥል ይችላል።)

❤️ሁኔታዎች የቱንም ያህል ቢከብዱ ተስፋ አትቁረጥ። በህይወት እስካለህ ድረስ ተስፋ አለ።
(ማብራሪያ፦ እስትንፋስ እስካለ ድረስ መፍትሔና የተሻለ ቀን አለ።)

❤️አዘውትረህ ጸልይ። አብዝቶ መጸለይ መልካም ነገሮች በፍጥነት ወደ አንተ እንዲመጡ ሊያግዝ ይችላል።
(ከፈጣሪ ጋር ያለህ ግንኙነት ውስጣዊ ሰላምና በረከት ያመጣል።)

❤️ደፋር ሁንና የምትፈልገውን ነገር ተከተል። ህይወት አደጋዎችን (risks) መጋፈጥን ይጠይቃል። እድሎችን ካልሞከርክ ወይም አደጋዎችን ካልወሰድክ በእውነት የምትፈልገውን ነገር ላታገኝ ትችላለህ። ለራስህ ታማኝ ሁን። አንተ የምታደርገውን ነገር ከአንተ በተሻለ ማንም ሊያደርገው አይችልም። አንተ ግሩም ነህ! ስለዚህ ሁሌም ራስህን ሁን። መልካም ህይወት ይኑርህ!

@psychoet

1. ሰዎች እንዴት ሊይዙህ እንደሚገባ የምታስተምራቸው አንተው ነህ።
ሰዎች የሚያደርጉት አንተ የፈቀድክላቸውን ብቻ ነው። አንድ ሰው የሚያደርግብህን ነገር ካልወደድከው፣ እስከዛሬ ምን ስትቀበል እንደነበር እራስህን መርምር።

2. "አንዳንድ ጊዜ ለችግሩ ያለህ አረዳድ ነው የበለጠ ችግር የሚሆነው።"
አብዛኛው ስቃይ የሚመጣው እየሆነ ስላለው ነገር ለራስህ ከምትነግረው ታሪክ ነው። ክስተቱ በራሱ ገለልተኛ ነው።ህመሙን የሚፈጥረው ያንተ ትርጓሜ ነው።አመለካከትህን ቀይር፣ ልምድህንም ትቀይራለህ።

3. "የተጣበቅከው ምን ማድረግ እንዳለብህ ስላላወቅክ ሳይሆን፣ ምን ማድረግ እንዳለብህ እያወቅክ ለማድረግ ፈቃደኛ ስላልሆንክ ነው።"
ይህ አረፍተ ነገር የማመካኛ ጨዋታን ያቆማል።በጥልቅ ስታስብ፣ቀጣዩን እርምጃህን ታውቀዋለህ።

4. "የሌሎች ሰዎች ስለ አንተ ያላቸው አስተያየት ያንተ ጉዳይ አይደለም።"
ስለ አንተ ያላቸው ሀሳብ የሚኖረው በነሱ አይምሮ ውስጥ ነው፤ ባንተ ውስጥ አይደለም። ልትቆጣጠራቸውም ሆነ ልትቀይራቸው አትችልም። ህይወትህን የሚቀርጸው ብቸኛው አስተያየት ያንተ የራስህ ብቻ ነው።

5. "የምትሆነው በተደጋጋሚ የምትናገረውን ሳይሆን በተደጋጋሚ የምታደርገውን ነው።"
ይህ አረፍተ ነገር በሀሳብ እና በተግባር መካከል ያለውን ክፍተት ይደፍናል።ልማዶችህ በተግባር የሚታዩ ማንነቶችህ ናቸው። ማንነትህ የሚወሰነው በግብህ ሳይሆን በየዕለት ውሳኔዎችህ ነው።

6. "ለመግባት የምትፈራው ዋሻ የምትፈልገውን ሀብት ይዟል።"
የምትፈልገው ነገር ሁሉ ያለው የምትሸሸው ነገር ማዶ ላይ ነው። ያ አስቸጋሪ ውይይት። ያ አስፈሪ እድል። ያ ምቾት የማይሰጥ እድገት። ትልቁ ስኬትህ ከትልቁ ፍርሃትህ ጀርባ ተደብቋል።

7. "ካሳመመህ አካባቢ ሆነህ ልትድን አትችልም።"
አንዳንድ ጊዜ ችግሩ ያለው አንተ ጋር አይደለም፤ ካለህበት ቦታ ሊሆን ይችላል።መርዛማ ግንኙነቶች፣ አሉታዊ አካባቢዎች እና መጥፎ ልማዶች አንተ ስለፈለግክ ብቻ አይለወጡም።አንዳንድ ጊዜ ለማደግ ቦታ መልቀቅም ጥሩ አማራጭ ይሆናል።

8. "ለመጀመሪያው ሀሳብህ ተጠያቂ አይደለህም፤ ለሁለተኛው ሀሳብህና ለመጀመሪያው ተግባርህ ግን ተጠያቂ ነህ።"
በድንገት የሚመጣው ሀሳብህ ካለፈው ልምድህ የሚመነጭ ነው። ምላሽህ ግን ከምርጫህ የሚመጣ ነው።ወደ አእምሮህ ብልጭ የሚለውን ነገር መቆጣጠር አትችልም፤ ነገር ግን በዛ ሀሳብ ምን እንደምታደርግበት መቆጣጠር ትችላለህ።

9. "የምትፈልገው ነገር ሁሉ ያለው ከጽናት ማዶ ነው።"
ተሰጥኦ አይደለም። እድል አይደለም። ትውውቅም አይደለም። ጽናት ነው። በየቀኑ የሚደጋገሙ ትናንሽ ድርጊቶች ተጠራቅመው አስደናቂ ውጤቶችን ይፈጥራሉ። አብዛኛው ሰው ከስኬቱ አፍ ላይ ሆኖ ያቆማል።

"book 🌎

#ኢትዮጵያዊነት#
@psychoet

አንዲት እናት ግመልና እና ሕፃን ልጇ ከለምለም ዛፍ ሥር ተኝተው ነበር። ከዚያም ሕፃኑ ግመል "እኛ ግመሎች ለምን ቶሎ ቶሎ ውሃ አይጠማንም?" ብሎ ጠየቃት። እናትም "እኛ የበረሃ እንስሳት ስለሆንን በጣም ትንሽ ውሃ ይዘን እንድንኖር ውሃ ለማከማቸት የተዘጋጀ የሰውነት አካል አለን" አለችው።

ሕፃኑ ግመልም ለትንሽ ጊዜ አሰበና ፣ “እሺ… እግሮቻችን ለምን ረጃጅም እና ጠንካሮች ሆኑ?" አላት፤ እናትም "በረሃ ውስጥ ለመራመድ ታስበው የተፈጠሩ ናቸው" ብላ መለሰች። ሕፃኑ ለአፍታ ቆመና አስቦ አስቦ "ለምን የዐይን ሽፋኖቻችን ረዘሙ?"
እናትም "እነዚህ ረዣዥምና ወፍራም የዓይን ሽፋኖች ንፋስ በሚነፍስበት ጊዜ ዓይኖቻችንን ከበረሃው አሸዋ ይከላከላሉ"አለችው።

ሕፃኑ ግመል በጣም አሳብ ያዘውና እያሰበ በዛው ተኛ። በነገታውም እናቱ ጋር ሄዶ እንዲህ አላት፤ "በረሃ ውስጥ ብንሆን ኖሮ ውሃ ለማጠራቀም የሚረዳ አካል አለን አላት በአፉ እየጠቆመ፤ እግሮቻችን በበረሃ ውስጥ ለመራመድ ተብለው የተሰሩ ናቸው እና የዓይን ሽፋኖቻችን ከበረሃ አሸዋ ዐይኖቻችንን ይጠብቃሉ" እናት በልጇ የማስታወስ ችሎታ ተገርማ ሳታበቃ፤ ልጇ ይሄን ጠየቃት " ግን እኮ እማ፤ እኛ ያለነው እጅግ ለምለም በሆነ የእንስሳት ማቆያ ውስጥ ነው!"
***
ሞራል፡
ተሰጥኦዎ ጠቃሚ የሚሆነው የተገቢው ቦታ ላይ ከሆነ ብቻ ነው። ያለዛ ለምን ጥቅም ላይ ሊውል ይችላል?
***

@Psychoet

ስለ ስራ ቦታ የሚነገሩ መራራ እውነታዎች

① አለቃህ ጓደኛህ አይደለም።
ምንም ያህል ብትቀራረቡ፣ ሁልጊዜ የሙያ ወሰንን ማስቀመጥ ልመድ።

② ግድግዳ ጆሮ አለው።
በስራ ቦታ ሚስጥርህን ለማን እንደምታወራ ተጠንቀቅ። የሚያዳምጥ ጆሮ ወሬ የሚያቀባብል አፍም ሊሆን ይችላል።

③ ቀጣሪህ ትኩረት የሚያደርገው ውጤት ላይ ነው።
ስራውን እንዴት እንደምትሰራው ያንተ ፋንታ ነው። ምንም አይነት ሰበብ ተቀባይነት የለውም።

④ በቢሮ ውስጥ ስለሚሆነው ነገር ለአለቃው ወሬ የሚያቀብል አንድ ሰው ወይም ቡድን ሁሌም አይጠፋም።
የአንዳንድ ሰራተኞች መረጃ አቀባበል ከኦፊሴላዊው ስራ ያልፋል (እንዲህ አይነት ድርጊት በግልጽ በሚከለከልበት የስራ ባህል ካልሆነ በስተቀር)። ይህንን አስተውል።

⑤ ከፕሮጀክቶች ስትገለል፣ ሌላ ሰው ስራህን እንዲለማመድ ሲመደብ፣ ወይም ያለምንም በቂ ምክንያት ከቦታህ ስትወርድ፣
ይህ ምናልባት በቅርቡ ከስራ እንደምትሰናበት የሚጠቁም ምልክት ሊሆን ይችላል።

⑥ እስከቻልክ ድረስ የግል ህይወትህን ከስራ ባልደረቦችህ አርቅ።
ምናልባትም አንተ ሳታውቀው፣ በግልህ ላስመዘገብከው ትልቅ ስኬት በምርመራ ስር ልትሆን ትችላለህ።

⑦ አንዳንድ የስራ ባልደረቦችህ ላይወዱህ ይችላሉ።
ምክንያቱ ምናልባት አቋምህ፣ አለባበስህ፣ አነጋገርህ፣ ችሎታህ፣ በስራ ላይ ያለህ ስኬት፣ ወይም ለመረዳት በሚከብዱ ሌሎች ምክንያቶች ሊሆን ይችላል፤ ይህ ደግሞ ችግር የለውም። ሁሉም ሰው ሊወድህ አይችልም፤ ይህንን ተቀበል።

⑧ ከቡድን አባላትህ፣ ከባልደረቦችህ ወይም ከአለቃህ የሚንጸባረቀውን የሰውነት እንቅስቃሴ፣ የድምፅ ቃና፣ ከፍታና ፍጥነት ልብ በል።
እነዚህ በግልጽ የማይነገሩ ነገሮችን ሊጠቁሙ ይችላሉ። ጥናቶች እንደሚያሳዩት ስሜቶች፣ መውደድና አለመውደድ የሚተላለፉት 38% በድምፅ ቃና፣ 55% በሰውነት እንቅስቃሴ ሲሆን፣ በቃላት የሚተላለፈው 7% ብቻ ነው።

⑨ ሁልጊዜም ስራውን በአግባቡ የሚሰራ፣ እውቅናና ምስጋና የሚያገኝ ያ "ልዩ ባልደረባ" አይጠፋም።
ይህ የንቀት ወይም የበታችነት ስሜት እንዲሰማህ አትፍቀድ። ይልቁንስ ያ ሰው ምንን በተለየ መንገድ እንደሚሰራ ተመልከት፣ እንዴት እንደሚሰራውም አስተውልና ተማር። የተሻለ ሰው ትሆናለህ። ለመማር ክፍት ሁን።

⑩ የስራ ቦታ አዎንታዊና ጠቃሚ ግንኙነቶችን ማበረታታት ቢገባውም፣
ዋናው አላማህ ስራህን ሰርቶ ወደ ቤት መሄድ መሆኑን አትርሳ።

እወዳችኋለሁ
ምንጭ ተዋናይ

ኢንቴሊጄንስ /Intelligence/
ይህ ፅንሰ ሀሳብ በብዙ ምሁራን፣ ሳይንቲስቶች፣ ፈላስፎች፣ የስነ ልቡና ሊቃውንት፣ ሌሎችም፣ ሌሎችም ለመተንተን ተሞክሯል። ፅንሰ ሀሳቡ ከእውቀት፣ ክህሎት ፣ምክንያታዊነት፣ ግንዛቤ፣ አመለካከት፣ አስተውሎት፣ ዝንባሌ፣ ራእይ፣ አተናተን፣ ችግር ፈቺነት ወዘተ ጋር የተገናኘ በመሆኑ አንዱን ስለ ፅንሰ ሀሳቡ ሲይዙ ሌላው ስለሚያመልጣቸው ሁለንተናውን የፅንሰ ሀሳብ ፍቺ ያገኘና ያስቀመጠ አልተገኘም፣ ግን በብዙ መልኩ ተሞክሯል።

የሠው ልጅ የአእምሮ ውጤት ገራሚና አለማችንን ባያሌው የለወጠ፣ ያስተካከለ፣ ያኖረ፣ ያራመደ ፣ ያስዋበ ፣ የተነተነ፣ የተረዳ፣ ያጠና፣ በእጅጉ ለሠው ልጅ ኑሮና ሕይወት ያመቻቸ ነው። የሠው ልጆች እውቀትና ክህሎት የተለያዬ ነው። አንዱ በቀላሉ የሚረዳው ለሌላው ጉም እንደመጨበጥን ያህል ይከብዳል። ለምንድነው የእውቀትና ክህሎት ወዘተ ደረጃ /level of intelligence/ እንዲህ ሊለያይ የቻለው። አጥኚዎች በተለይም የሥነ ልቡና ሊቃውንት በአእምሮው በተከማቸው ግረይ ማተር ወይም እምቅ እውቀትና ክህሎት ወዘተ ክምችት ብዛትና ማነስ ነው ብለው ያምናሉ። በአእምሮው የግረይ ማተር ማነስና መብዛት የኢንተሊጀንስ ደረጃውን ለመረዳት እንደሚያስችልም ይረዳሉ።

ይህ የሠው ልጅ አእምሮ ወለድ የሆነ እምቅ ችሎታ እንዴት ሊታወቅ ይችላል ? ከበድ ያለ ጥያቄና እምቅ ችሎታን በየዘርፉ ያነገቡ ምሁራን /intellects/ ሳያርፉ ከመረመሩት፣ ከተረዱት፣ ካጠኑት፣ ከተነተኑትና ካሳወቁት በመነሳት ልኬቱን በጥቂቱ ማለት እንችላለን።

እስካሁን ኢንተሊጄንስን ለመለካት በውስጡ የያዛቸውን ፅንሰ ሀሳቦች ያካተተ በውጭኛው /knowledge,skill, reasoning, understandig, attitude, problem solving capacity, etc/ በማካተት ሁለንተናዊ የሆነ የእውቀትና ክህሎት ወዘተ ደረጃውን ለማወቅ በመጠኑም ቢሆን የሚያስችል IQ /Intelligence quotient/ የሚለውን መለኪያ በስምምነት ተቀብለዋል።

ኢንቴሊጄንስ ኮሸንት የሁለት ብስለት ደረጃዎች ሬሺዮ ነው። አንደኛው የሠው ልጅ በአለም የኖረበት እድሜ ሲሆን /chronological age/ ሌላው የአእምሮ እምቅ ችሎታው /mental age/ ነው።
እንግዲህ የነዚህ የሁለቱን ሬሺዮ ወስደን መቶኛውን ስናሠላ ነው የልኬት ጠቋሚውን የምናገኘው፣ እንደሚከተለውም ይቀመጣል።

IQ = m/c * 100

IQ = intelligent quotient
M= Mental age
C=Chronological age ይህ የልኬቱን ጠቋሚ ይሰጠናል ማለት ነው።
የአንድን ሠው ሜንታል ኤጅ ለመረዳት አእምሮ ፈታሽ ጥያቄዎች ይዘጋጃሉ ለምሳሌ እንደ አፕቲትዩድ ቴስት ያሉ። ጥያቄዎቹ በአእምሮ ውስጥ ያለውን እምቅ ችሎታ አጉልተው የሚያሳዩን ናቸው ለምሳሌ ቃላትን፣ ፅሑፎችን፣ ትንተናዎችን፣ የመገንዘብና የመረዳት ክህሎት / verbal- linguestic/ ካርታዎችን፣ ስእሎችን፣ የተቀረፁ ቢድዮዎችን፣ አቀማመጦችን፣ ከፍታ ዝቅታዎችን በአተኩሮት የመመልከት ብቃት / visual-spatial / ስሌትንና አመክኒዮን የመገንዘብ ደረጃ /logical- mathematical/ የአካል ክፍሎቻችንን ለምሳሌ አይንና እጅን ሌሎችንም የማናበብ ክህሎት ደረጃ / bodly - kinesthetic/ የራስን የውስጥ ክህሎት የመረዳት ደረጃ /intra personal/ ከሌላው ጋር በመናበብ አብሮነትን የመንተራስና የመጠቀም ደረጃ /inter personal /
እነዚህን ሁሉ የሚያካትት ብቃት ባላቸው ምሁራን የሚዘጋጅ ነው ይህ የአእምሮ ብቃት መለኪያ። ምሁር /intelect/ የዩኒቨርሲቲን ደጃፎች ረግጦ ለብ ለብ በማድረግ ዲግሪን የጫነ ከመሠላችሁ ተሳሰታችኋል። ምሁራን እነደ ቤቶቤን የሙዚቃዊ ክህሎትን የተካኑ፣ እንደ ሼክስፕርና ሊዮ ቶሊስቶይ በቤርባል- ሊንጉስትክ ጥበብ የትለቀለቁ፣ እንደነ ሶቅራጢስ ፍልስፍናዊ ክህሎታቸውን ከሳይንሳዊ ጥበብ ጋረ ያዋሀዱ፣ እንደነ ሊዮናርዶ ተፈጥሯዊ ክህሎታቸውን በመጠቀም በስፓሻል ክነ ጥበባዊ እምቅ ችሎታቸው የትዬሌለ የደረሡ ፣ እንደነ አይሳክ ኒውተን በፈጠራ የተካኑ ናቸው ። አለም አቀፋዊ አስተሳሰባቸውም እጅጉን የላቀ እጅጉን የመጠቀ።

ኢንቴሊጀንስ ኮሸንት እንደ ቦዲ ማስ እንዴክስ በቀላሉ ልንፈትሸው የምንችለው አይደለም፣ከበድ ያለና ብዙ ውጣ ውረድን የሚጠይቅ የእውቀትና ክህሎት ወዘተ ውጤት ነው።

ፅንሰ ሀሳቡ ስፋትና ጥልቀት ስላለው እንዳላሠለቻችሁ ሌላ ግዜ ብመለስበት ይሻላል፣ የልኬት ጠቋሚዎችን ጠቁሜ ፅሑፌን ልቋጭ።
እላይ በተሠጠው የስሌት ጠቋሚ መሠረተ ሀሳብ በመመርኮዝ የጥቆማ ውጤቶቹ የሚከተሉትን ያብራራሉ፦

ከ55 አስከ 69 ጥልቅ የአእምሮ ዘገምተኛነት / mild mental disability.

ከ 70- 84 መጠነኛ የአእምሮ ዘገምተኝነት / border line mental disability/

ከ85 -114 አማካይ እውቀትና ክህሎት ደረጃ /average intelligence /

ከ 115 - 129 ከአማካይ የላቀ እውቀትና ክህሎት ደረጃ / above average or bright /

ከ 130 - 144 መለስተኛ ተሠጥኦን ያነገበ የእውቀትና ክህሎት ደረጃ / moderately gifted /

ከ 145 - 159 ከፍተኛ ተሠጥኦን ያነገበ የእውቀትና ክህሎት ደረጃ / highly gifted /

ከ 160 - 179 በጣም ከፍተኛ ተሰጥኦን ያነገበ የእውቀትና ክህሎት ደረጃ / exceptionaly gifted /

ከ 180 በላይ እጅግ በጣም ከፍተኛ ተሰጥኦን ያነገበ የእውቀትና ክህሎት ደረጃ / profoundly gifted /

ገራሚ ነው፣ ሁሉንም ደረጃዎች ያነገቡ የሠው ልጆች በአለማችን ሞልተው ተርፈዋል፣ አለምን ትጉሃኑ ወደ ሞባይል ቴክኖሎጂ ሲያሻግሯት አናሳዎችም ቁልቁል እየረገጧት ነው። ተንታኞች ብዙ ብዙ ይላሉ ስለ ሠው ልጅ አእምሮ ስፋትና ጥልቀት፣ ሁሉን መዘርዘር አይቻልም፣ ከበድም ይላል፣ ለያንዳንዱ ፅንሰ ሐሳብ ትንተና ትልቅ መፅሐፍ አይበቃም። እውቀት ፣ጥበብ፣ ክህሎት ፣ መረዳት፣ መተንተን፣ መፍትሔ ማመንጨት ሁሉም ወርቃዊና ብሩኅ አእምሮ ባላቸው የሠው ቅመሞች እየተተነተኑ ነው፣ እነደነዚህ ያሉ ምሁራን በክህሎታቸው ንዋይ ሰብሳቢዎችና በቁጭታ ተቺዎች ሳይሆኑ አንቂዎች፣ መካሪዎችና አስተማሪዎች ናቸው የተግባርም ሠዎች፣ ሳይጠቀሙ ጠቃሚዎች፣ የሕይወትን ጎዳናና መንገድ ተረጂዎች፣ አጥፊዎች ሳይሆኑ አልሚዎች፣ ታካቾች ሳይሆኑ ታታሪዎች። የነርሱ መኖር አለምን ያኖራታል ፣ይጠብቃታል። በአለም የኑክለር ቃታ ለመሳብና የሠውን ልጅ ከምድር ገፅ ለማጥፋት የሚቃጡትን ሸውራራና በትምክሂት የተወጠሩትን ፖለቲከኞች ይመክራሉ፣ ያስተምራሉ ይመልሳሉ። የአንድን ድርጊት ውጤት ቀድመው ይረዳሉ በአለማችን የተከማቹትን የኑክለር አረሮችን ሠውን ለማጥፋት እንዳይጠቀሙ በማሥጠንቀቂያ ደወላቸው ያሥጠነቅቃሉ። እስካሁን ተረጋግተን እንድንኖር አብቅተውናል የወደፊቱን እግዜር ይወቀው።
በስእሉ ሦሥት የአሜሪካ ፕሬዚዴንት የነበሩትን እናያለን ክሊንተን ከሦሥቱ ከፍተኛ የሌኬት ጠቋሚ የተጎናፀፈ ሲሆን ቡሽ መጨረሻ ነው፣ ኦባማ በሁለቱ መሐከል የሚገኝ። የወቅቱ ፕሬዚዴንትም IQ ቢታወቅ መልካም ነበር፣ አለምን ለማውጣትም ሆነ ለማውረድ ሥልጣን ስላለው።

የአለማችን ነገርና ዩኒቨርስን የሚያስሰው የሠው ልጅ አእምሮ ገራሚ ናቸው። የወደፊቱ የአለም ሁኔታ በምን ይቋጭ ይሆን? መፍረስና መደፍረስ፣ ወይንስ ማደግና መሻሻል ፣ አስገኚው ይወቀው ሁለተኛውን እንዲሆን ይርዳን።

ከFB መንደር የተገኘ

www.tg-me.com/psychoet

ከጭንቀት ነፃ የሆነ «ደስተኛ ሕይወት» ለመኖር ወሳኝ የሆኑ አሥር የሕይወት መርሆች አውቅ ከሆኑ የሳይኮሎጂ መፅሀፍቶች የተወሰደ እና ከሳይኮሎጂ ባለሞያዎች/አማካሪዎች የተገኘ መረጃ!

#ሼር ማድረግ ደስ ይላል፡፡ የዛሬ ደስታዎን #ሼር በማድረግ ይጀምሩ፡፡

1. እራስህን ከሌላ ሰው ጋር አታፎካክር፦ ሁላችንም እንደ አሻራችን ሁሉ ባህሪያችን እና ፍላጎታችንም በጣም ይለያያል። ደስታን ከሚያጠፉ ምክንያቶች አንደኛው እራስን ከሰው ጋር ማፎካከር ነው።

2. አትኩሮትህ በሌለህ ነገር ላይ ሳይሆን ባለህ ነገር ላይ ይሁን፡- ደስተኛ ለመሆን ሁሉም ነገር ሊኖርህ አይገባም። በደንብ ካስተዋልከው አሁን ያለህ ነገር ደስተኛ ለመሆን በቂ ነው። ምክንያቱም አንተ ያለህን የሚመኙ ምስኪኖች ብዙ ናቸውና።

3. እራስህን ሁን፦ በዚህ ምድር ላይ ሌላውን ለመምሰል እንደመሞከር ከበድ ነገር ምን አለ? እውነተኛ ወዳጆችህ አንተን ባንተነትህ ይቀበሉሃል…..ከምንም በላይ እራስህን በመሆን ከራስህ ጋር ሰላም ፍጠር፡፡

4. ሁሉን ለማስደሰት አትሞክር፦ አንድ ነገር ስታደርግ ሰዎች ደስ እንዲላቸው ብለህ ሳይሆን ትክክለኛ እና አንተ ያመንክበት ነገር ስለሆነ ይሁን። ለሰው ሳይሆን ለህሊናህ ኑር።

5. የውሸት ደስታን አትፈልግ፦ በውሸት ደስታና በእውነተኛ ደስታ መካከል ትልቅ ልዩነት አለ። የውሸት ደስታ ጊዜያዊ በሆኑና ከውጪ በምናገኛቸው ነገሮች የሚመጣ ሃዘናችንን ለጊዜው የሚጋርድ ጊዜያዊ ማስታገሻ ሲሆን እውነተኛ ደስታ ግን ሃሳባችን፣ አላማችንና ምግባራችን ሲጣመር የሚፈጠር ስሜት ነው። ሃዘን እና መከራችንን ሳንደብቅ የምንጽናናበትም ነው፡፡

6. ማንን እንደምታገኝ አታውቅምና ለሁሉም ሰው ቅን ሁን፦ ሰዎችን አትና፤ በየትኛውም አጋጣሚ ለምታገኛቸው ሰዎች ትክክለኛውን ነገር አድርግ፡፡

7. መለወጥ የማትቻለውን ነገሮችን ተቀበላቸው፦ ከአቅምህ በላይ በሆኑ ነገሮች እራስህን አታስጨንቅ። ከአቅምህ በላይ የሆነውን ነገር ለአምላክህ/ለፈጣሪህ ስጠው።

8. የራስህ እውነተኛ ወዳጅ ሁን፦ ራስህን መውደድ ተለማመድ፤ የሚገርመው ሰዎች እራሱ ሊወዱህ የሚችሉት አንተ በመጀመሪያ እራስህን መውደድ ስትችል ነው። እራስህን ሲያጠፋ ይቅር በማለት፣ ሲደክም በማበርታት፤ ሲሳካለት በማሞካሠት ተንከባከበው፡፡

9. መልካም አስብ መልካም ተናገር፦ በመጀመሪያ ሰው ያስተሳሰቡ ውጤት መሆኑን እመን፤ አሁን የምንኖረው ህይወት ያመለካከታችን እና ያስተሳሰባቸን ውጤት ነው። ይህን ካወቅክ አስተሳሰብህን በጥንቃቄ አጢነው። ደስተኛ ለመሆን የተመረጠ አስተሳሰብ ሊኖርህ ይገባል።

10. ለምን እንደምትኖር እወቅ፦ ህይወት ማለት የተሰጠህን ሃላፊነት ለመጨረስ የተሰጠችህ ጊዜ ናት። ሃላፊነትህ ምንድን ነው? በህይወትህ ማድረግ የምትፈልገው ነገር ምንድን ነው? መልሱን ካወቅክ ለህይወት ያለህ አመለካከት ይቀየራል፡፡

11. የአዲስ መረጃ ቤተሰቦች፣ ሼር ማድረግ ምን ያህል ደስ እንደሚያሰኝ ስለሚያውቁ ቀናቸውን የሚጀምሩት የኛን መረጃ ሼር በማድረግ ነው፡፡

ደስተኛ ህይወትን ለሁላችንም ይስጠን ! መልካም የጤና ጊዜ!!!

----------------------

ምንጭ - (ቶማስ እንደፃፈዉ፣ ፅሁፉ ከዶክተር አለ የተወሰደ)

🎡@🎡መልካም ቀን
    #Join   #Join     #Join
      🔸🔹 ↘️💯💯💯↙️🔸🔹
             🚗 www.tg-me.com/Psychoet👍