يارب سهلي كل حاجه شايله همها

انا متأكده ان ربنا محوشلي الحلو كله ، انا واثقه في عوضه

‏مشوفتش حاجة بتدمر نفسية الواحد قد انه يبقي مش قادر يتخطي نقطة او حاجة معينه ومش بس كدا لا وكل ما يفتكرها او حتي تخطر ع باله لوهلة بتأذيه بطريقة بشعة وبتحطم نفسيته ف اقل من ثانية

‏حاجة محزنة اوي لما تلاقي نفسك مُطالب تتعايش مع شعور زي " الخوف / القلق " عشان فكرة التخلص منه صعبة ويمكن مستحيله

مانكرش انك عزيز ع قلبي ، بس كرامتي اعز

‏لازم يبقي للواحد حاجة واحده ع الاقل تطمنه وسط دوشة الخوف والقلق دي

‏ف mood كدا اسمه i don’t have energy يعني انا موجوده بس معنديش طاقه للكلام ولا لمشاكل جديده ولا اي حاجه اصلا

‏لما بنفارق شخص عزيز علينا او لما بنخسر حاجة مهمة في حياتنا بتلاقي الناس بتقولك "متشغلش بالك الدنيا مش هتقف على حد والحياة هتمشي" انا متفهمه جدًا إن الحياة هتمشي ، بس هل هتمشي بشكلها الطبيعي؟ معتقدش ، وقتها الحياة بتبقى تقيلة على قلوبنا ، بتمشي عشان هي لازم تمشي مش عشان إحنا عايزنها تمشي

‏مش دايماً ف نفس طاقتي ونفس مزاجي ونفس ظروفي حاولوا تفهموا

‏الهزار طلع مالوش علاقة بالحالة النفسية ده اغلب الاوقات اللي الواحد بيهزر فيها بيبقي من جواه مش تمام بس بيلاقي نفسه بيهزر ومبين انه تمام عادي

‏يمكن الاصعب من انك تبقي واقع ف اكتر من مشكلة ، الحيرة اللي بتواجهها ف مواجهة كل المشاكل دي انت مش عارف تحل ايه ولا ايه ولا عارف تلاقيها منين ولا منين

كُتر التفويت بيعلم البجاحه

‏من اكتر المشاكل اللي بتواجه جيلنا دلوقتي هو تحديد الاولويات ، والاهم من كده تحديد ماهو ليس بأولوية ، والأهم من ده وده اننا نتسامح مع فكرة اننا مش هنقدر ناخد كل حاجة عاوزينها وبنتمناها ، لازم نسيب حاجة عشان ناخد غيرها..
انت وانا مش مجبرين اننا نعمل كل حاجة في الدنيا

بيجيلي وقت مببقاش عاوزه اتكلم مع حد وعاوزه انعزل بس ف نفس الوقت محتاجه حد جنبي

‏بقيت متصالحه جدا مع فكرة إن محدش هيستحملك للآخر مهما كان مين، كله بيستحملك فترة، وبيتعب منك وبيبقي عايز يسيبك تكمل لوحدك الكل عايزك أخ وحبيب وصديق مثالي محدش بيبص لضغوطات الحياه وتراكم الهموم عليك محدش بيقدر ظروفك غير نفسك محدش هيستوعب انت قد اي بقيت محطم من الداخل

مؤخرًا تصالحت مع فكرة اني مش لازم أبرر وانه عادي ناس تكون شيفاني حد سيئ طالما انا متاكده اني معملتش فعل مؤذي خلاص مفيش داعي للتبرير

‏احنا ممكن نبقي صحاب بس مش قريبين لدرجة انك تكون مميز عن كل اللي اعرفهم ، حته التميز دي بالاخص مهمه فـانت لما تميز شخص واحد عن الباقي دي حاجه حلوة بس اختار اللي يبقي مميز بلاش تختار حد مش مهتم بكلامك ، مش مهتم بزعلك ، مش مهتم بالحاجات اللي بتزعلك او بتفرحك ، فـاختار صح هترتاح .

‏المعلومه اللي لازم كل الناس تعرفها ان كل واحد فيه اللي مكفيه حتى لو مش مبين ده .