📰📰📰📰
#Qabul_2025 #Abituriyent_2025 #imtihonlar

MODUL TA'LIM TIZIMI IMTIHONLARI BOSHLANDI.

👁 30 iyul kuni poytaxtimizdagi Shayx Muhammad Sodiq Muhammad Yusuf jome masjidida Toshkent Islom institutining Modul ta’lim tizimiga 2025-2026 o‘quv yili uchun kirish imtihonlari boshlandi.

📚Mazkur ta’lim yo‘nalishiga o‘rta maxsus islom ta’lim muassasalarini muvaffaqiyatli tamomlagan, shuningdek, 4 yil va undan ortiq muddat davomida diniy sohada faoliyat yuritgan imom-xatib va imom noiblari hujjat topshirgan.
💻Imtihon oldi mutasaddilar tomonidan test imtihonini o‘tkazish tartibi va baholash mezonlari batafsil tushuntirildi.

👮‍♂️Asosiy e’tibor adolat va shaffoflikni ta’minlashga qaratilgan bo‘lib, imtihon jarayoniga soha mutaxassislari bilan bir qatorda turli tashkilotlar vakillari ham jalb etilgan.

🕌Modul ta’lim tizimiga kirish istagida bo‘lgan nomzodlar quyidagi ikkita asosiy yo‘nalish bo‘yicha o‘z bilimlarini sinovdan o‘tkazadi:
🟢Ixtisoslik fanlar majmuasi: Qur’oni karim va tajvid, hadis, fiqh, aqoid kabi muhim fanlar;
🟤Ijtimoiy-gumanitar fanlar majmuasi: O‘zbekiston tarixi, Ma’naviyat asoslari, Milliy g‘oya kabi fanlar bo‘yicha.
📝Ma’lumot o‘rnida mandat natijalari barcha oliy va o‘rta maxsus diniy ta’lim muassasalariga kirish imtihonlari o‘tkazilgandan so‘ng 3 ish kunida e’lon qilinadi.

✅O‘zbekiston musulmonlari idorasi Matbuot xizmati

📢 Qabul jarayonlariga oid
so‘nggi yangiliklarni
kuzatib boring:
🚀https://www.tg-me.com/qabulmuslimuz

✅✅✅✅ 📰📰📰📰
#Abituriyent_2025 #Imtihonlar

NAMANGAN VILOYATIDA QABUL IMTIHONLARI BOSHLANDI.

👁Bugun, 5-avgust kuni Namangan viloyatidagi “Hidoya” oʻrta maxsus islom ta’lim muassasasida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2025-2026 o‘quv yili uchun kirish imtihonlari boshlandi.

💬Mazkur jarayonda Din ishlari bo‘yicha qo‘mita va O‘zbekiston musulmonlari idorasi rahbar hamda mas’ul xodimlari, “Hidoya” va “Sayyid Muhyiddin maxdum” oʻrta maxsus islom ta’lim muassasalari rahbarlari hamda qabul boʻyicha mas’ul xodimlari, abituriyentlar ishtirok etmoqda.
Dastlab abituriyentlar imtihon ruxsatnomasida koʻrsatilgan vaqt boʻyicha tartib bilan kiritilib, mutasaddilar tomonidan test imtihoni tartibi tushuntirildi. Shundan so‘ng test sinovlariga start berildi.

👮‍♂️Ushbu jarayon adolatli o‘tishi uchun soha mutaxassislari bilan bir qatorda turli tashkilot vakillari jalb etilgan.
🗯Ma’lumot o‘rnida, joriy yil 2-hudud Namangan viloyatidan ishtirok etadigan abituriyentlar soni 2190 nafarni tashkil etadi.

✅O‘zbekiston musulmonlari idorasi Ta’lim va ilmiy-tadqiqot bo‘limi

📢 Qabul jarayonlari hamda
imtihonga oid so‘nggi
yangiliklarni
kuzatib boring:
🚀https://www.tg-me.com/qabulmuslimuz