🌙 DINIY TA’LIM MUASSASALARIGA SO‘NGGI KIRISH IMTIHONLARI O‘TKAZILMOQDA

🗣 Bugun, 15-avgust kuni Qoraqalpog'iston Respublikasi Nukus shahridagi "Muhammad ibn Ahmad al-Beruniy" o'rta maxsus islom ta'lim muassasasida diniy ta’lim muassasalariga kirish imtihonining yakuniy bosqichi boshlandi.

🔖Kirish imtihoni jarayonida O‘zbekiston musulmonlari idorasi raisi o‘rinbosari, Ta'lim va ilmiy-tadqiqot bo'limi boshlig'i professor Muhammadolim domla Muhammadsiddiqov, Din ishlari bo‘yicha qo‘mita mas'ul xodimi Husanboy Qirg'izov, shuningdek, Diniy idora Ta’lim va ilmiy-tadqiqot bo‘limi boshlig'i o'rinbosari Sherzod Chulpanov, Qoraqalpog'iston musulmonlari qoziyoti qozisi Bahramaddin domla Razov, “Muhammad al-Beruniy” O'MITM mudiri Jalalatdin domla Abdirazakov , "Imom Faxriddin ar-Roziy" O'MITM mudiri Davron domla Abdukadirov, ta'lim muassasalari mas'ul xodimlari hamda abituriyentlar ishtirok etdi.

🖥Dastlab, abituriyentlar ruxsatnomada ko'rsatilgan vaqt bo'yicha tartib bilan imtihon topshirish binosiga kiritilib, ularga imtihon topshirish tartib-qoidalari tanishtirib o'tildi.
Mazkur jarayon adolatli o‘tishi uchun soha mutaxassislari bilan bir qatorda hamkor tashkilot vakillari jalb etilgan.

❕ Ma’lumot o‘rnida mazkur oxirgi 5-hududda Nukus shahrida imtihon topshirishni tanlagan jami 304 nafar abituriyent bir kun davomida test sinovlarida qatnashadi. Ularning ota-onasi va yaqinlari imtihon jarayonini kuzatish va kutib turish uchun qulay shart-sharoitlar yaratildi.

🤲 Alloh taolo o'tkazilayotgan imtihonlarni barcha abituriyentlarga manfaatli bo‘lishini nasib aylasin!

✅ O‘zbekiston musulmonlari idorasi
Ta’lim va ilmiy-tadqiqot bo‘limi

📢 Qabul jarayonlariga oid
so‘nggi yangiliklarni
kuzatib boring:
🚀https://www.tg-me.com/qabulmuslimuz

#Янги_ўқув_йили

📚 Диний таълим муассасаларида янги ўқув йили бошланди (фотолавҳа)

🗓 Бугун, 3 сентябрь куни Ўзбекистон мусулмонлари идораси тасарруфидаги ўрта махсус диний таълим муассасаларининг барча курслари ва олий диний таълим муассасаларининг 1-курс талабалари учун янги 2025-2026 ўқув йили бошланиши муносабати билан “Ватан учун, миллат учун, халқ учун!” шиори остида байрам тадбирлари бўлиб ўтди.

▫️Мазкур маросимларда Дин ишлари бўйича қўмита, Ўзбекистон мусулмонлари идораси, ҳудудий ҳокимлик масъуллари, диний таълим муассасалари раҳбарлари, бош имом-хатиблар, шунингдек, ўқитувчи ва талабалар иштирок этди.

📖 Тадбирлар Қуръони карим тиловати, хайрли дуолар ва давлат мадҳияси билан бошланди.

💡 Сўзга чиққан мутасаддилар барчани мустақиллигимизнинг 34 йиллиги ва янги ўқув йили бошланиши билан қутлади. Мамлакатимизда Юртбошимиз томонидан барча соҳаларда бўлгани сингари диний-маърифий соҳага алоҳида эътибор қаратилаётгани, хусусан, бунга Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг “Олий Даражали Имом Бухорий” ордени ва бир гуруҳ уламолар “Имом Бухорий” ордени билан тақдирлангани ёрқин далил экани алоҳида таъкидланди. Шунингдек, ўтган йили магистратура босқичи очилиб, эндиликда доктарантурани ташкил этиш режалаштирилаётгани каби қатор янгиликлар айтиб ўтилди.

📝Шу билан бирга, диний таълим муассасалари фаолияти йилдан-йилга такомиллашаётгани, жумладан, ўқув дастурлари замон талабига қараб янгилаб борилаётгани, кириш имтиҳонлари электрон тест шаклида ўтказилиб, энг муносиб талабалар саралаб олинаётгани, муддарис ва талабаларга ҳар жиҳатдан шароитлар ҳозирланаётгани, ана шундай имкониятлардан унумли фойдаланиб, талабалар астойдил ўқиб-ўрганиб, яхши мутахассис бўлишга ҳаракат қилиши лозимлигига урғу қаратилди.

💭 Тадбирлар давомида диний таълим муассасаларига ўқишга қабул қилинган 1-босқич талабалари ўз фикр-мулоҳазаларини билдириб ўтди.

🤲 Маросимлар якунида Ҳақ таолодан элу юртимиз тинчлиги ва фаровонлиги, мустақиллигимиз абадий бўлиши ҳамда янги ўқув йили хайрли ва манфаатли бўлишини сўраб хайрли дуолар қилинди.

🇺🇿 Байрам тадбирларидан сўнг ўқув аудиторияларида “Мустақиллик дарслари” бошланди.

✅ Ўзбекистон мусулмонлари идораси Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook