من أجي يمك وارد بالليل للبيت
هلي وال يم هلي يشمون بية .

يمة أدعيلي وضعي مو زين
أول مره هلكد گلبي يتعب .
هاي المره كلهن صارن ويا
أستوعب
وأنكسر
وتفارك
وحب !.
أنه بحرب يمه ومحد وياي
ياا هب ريح حتى الريح ما هب
لتكليلي سولف و الله متروس .
ندم والروح بيها النار تلهب

مثل حلم الضهر ذرة صدگ ما بيك .

أناطر مَن ؟
المِشه وما مِلتفت مَره
الخَلاني أدگ بيبّان كِل حضره
الخلة بحيلي
موش بأيدي عكازه
وانا عُمري عُمر زهره
چذابين
الضِحك هذا التشوفه
شگد دمع حَدره
العَظم يُبره
الكسر بالروح شيجبره .

بيه مطر ومحزم غيوم هو الچبد مثلوم مثلوم

هسَه أختلف كلشي
وگلبي تغيرت إطبَاعة
حسيت أنتهت كَلش
لمن كمت أتاخر
وماباوع علىٰ الساعة
يا ناس شكثر يغلط
ويعرف وين يلجمَني
وگلش كام يتمَاده
واگثر شغلة أذتني
من كالولي كاطعهَا
شمسَويتله الگلاده ؟ .

‏أنة‌‏ ردتك گبل
من چان گلبي بخير
گبل لا أصيح
ياهو يصير چتالي ؟
گبل من چنت أغمض
خاطر أتلگاك
بعدين أفتهمت الظلمة تحلالي .