حزينة الروح
حزن الكاولية بليلة تراب

شدت علك عالشباج نذر گلبي ولاينحل .

چا يمته انتلاگه وتنتهي السكتة ؟
چا يمته بعد منكول "چا يمته" ؟

عَفتني
بحيرة طَفل
ومضَيع
أمه بسوك
عَينه عَلى العِبي
ومغوّرگه عَيونه .

يدخان الچكارة الماعفت ريتي .

أنا الطحت بدروبك مذلة وهم
أفر گلبي بسواليفك وأطيحن دم

تعنيت لاهل الوَرد ردت أشَترِي وَرده
صادفَني اسَمر حَلو تبَسملي وتَعدة
شَتمِيت ريحَة عُطر تسوهَ إلف وَرده .

يا حَزن بيش أنام ؟
نكعت الهدوم
حزن اليموت اسبوع
حزن العدل دوم

واعدتني
تصوغ عمري بكل براءة
عوف وعدك عمري وينه ؟

عامر عاصي
إلى حبيبة جبار رشيد :

گللها جبار اشتهى الموت
من صار عمره بزندچ بتوت
جرفچ ذهب والماي ياقوت
وكل حرف باسمچ صار تابوت .