Бир мактаб директорининг ота-оналарга ёзги мактаб таътили муносабати билан жўнатган хати

Ҳурматли ота-оналар!
Фарзандларингиз таътил давомида уйда сизларни овора қилмасликлари учун уйларингингизда худди мактабдагидек қулайлик қилингки, улар мактабда қила оладиган ҳамма ишларини уйда ҳам қила олсинлар.

Масалан, ботинкаси билан деворларни тепсин, уйларингиздаги стол-стулларни тирнаб қизларини исмларини ўйиб ёзсинлар, кирган хоналарида чироқларни ўчирмасдан чиқишсин, еган-ичган нарсаларининг пўчоғини, қоғозини истаган жойига ташласинлар, ҳожатхоналарни истагандек ишлатишсин, уйдаги ҳамма жиҳозларга хоҳлагандек зарар етказишсин, баланд овозда ғариб-ғариб овозлар чиқариб бақиришсин, хоналарда бақириб-чақириб югуришсин. Эшикларни тепиб очиб тепиб ёпсинлар. Уйдан қочиб компютерхоналарга бориб ўйин ўйнаса, бунинг яхши эмаслигини қизишмай тўғри тушунтиринг, тарбия беринг.

Фарзандларингиз бу ишларни қилаётганда ҳеч ҳам асабийлашмасдан, кулибгина танбеҳ беринг. Айниқса, уларни уруш ҳақида ўйлаб ҳам кўрманг. Худо кўрсатмасин, болангизнинг психологияси бузилиши мумкин. Уришга ҳаққингиз ҳам йўқ. Бурчакда турғизиб қўйиш ҳақида ҳам гап бўлиши мумкин эмас. Боланинг ҳам ҳуқуқлари бор. Судга беришимиз мумкин.
Бу ишларга бир икки болангиз учун уч ярим ой сабр қилинг. Ахир, уйингизда мактабдагидек юзлаб бола эмас-ку.
Асаб толалари жуда ҳам муҳим, асабларингизни авайланг! Бир бузилса, қайта тикланмайди буни биласиз. Таътилингиз мароқли ўтишин тилаб қоламан.

Ҳурмат билан мактаб директори

(Õzanlarning biridan olindi)

5-gun

Ingilizcha talaffuz qilmagan bo'lsangiz, to'g'ri o'qigansiz))

Ha, Xorazmda hafta kunlari tartib raqamlar bilan aytiladi.

Dushanba — 1-gun
Seshanba — 2-gun
...
Juma — 5-gun.
...
Yakshanba — bozor guni.

Xullas, 5-gun oxirlab qoldi. Umid qilamanki, fayzli kunning fayzidan nasibador bo'lishga ulguryapsiz.

Ustozlarimizning umriga, ilmiga baraka, tansihatlik bersin! Mushkullarini oson qilsin! Yuzlari yorug' bo'lsin!

@QamariddinBekmuhammad

SÕNGGI QÕNĞIROQ

🔕 Balki sõnggi emas boshlanish qõnğiroqdir: katta hayot uchun, ulkan maqsadlar va muvaffaqiyatlar uchun! Shunday bòlsin.

“Bitiruvchi — 2025” degan yozuvlarni ilib olgan 450 mingdan ortiq bitiruvchi yoshlarning 11 ming 500 nafardan ziyodi oltin medal, ikki mingdan ortiği kumush medal olishibdi.

✅ Ularning maqsadlari tayin, qaysi kasb egasi bòlishni bilishadi, boradigan manzilini, yuradigan yõlini belgilab olishgan. Omadini bersin!

❗️Balki medal ololmaganlar ichida ham munosiblari bõlgandir, lekin nasib masalasi ekanda. Maqsadingiz aniq, niyatingiz pok bòlsa, eng yaxshi yutuqlarga erishaverasiz, buning uchun havas qilib, oldinga intilishingiz kerak.

📌 Bitiruvchi uka-singillar. Katta hayot endi boshlanmoqda. Ota-onalaringiz va ustozlaringizning maslahatlarini mahkam tuting!
Behuda ishlarga bosh suqmang, vaqtingizni qadriga yeting!

📌 Ustozlaringiz, ota-onalaringiz, millatingiz sizdan xayrli ishlar, yorqin natijalar, rahmatlar kutadi! Munosib bõling!

🤝 Katta hayot va maqsadlar sari bosayotgan qadamlaringiz xayrli bòlishini tilab
@QamariddinBekmuhammad

24.05.2025

Bundan yeti yillar oldin Robbimqul domla “Imom Termiziy” masjidida xizmat qilayotgan paytlari edi. Domlani namozdan keyingi samimiy duolari va ismlari bilan taniganman. O‘shanda eshitganim bu ajoyib ismdek ismni shu kungacha boshqa eshitmadim. Qachon ko‘rgan bo‘lsam o‘sha halimliklari, samimiyliklari sezilib turardi…

***

Ta’ziya haqidagi xabarlarda ham domlaning ajoyib sifatlarini o‘qib yanada mutaassir bo‘ladi odam…
Ulug‘ makonlarda omonatini topshirgan Robbimqul domlani Alloh taolo rahmatiga burkasin!

@QamariddinBekmuhammad

Zulhijjaning hiloli ko'rindi.

Nasib qilsa 6-iyun, Juma kuni Qurbon hayitini nishonlaymiz.

@QamariddinBekmuhammad

#Eslatma

Aqlli insonlar bilan suhbat har doim maroqli.
Aks holda videoda aytilgan uluğlarning gaplariga amal qilinadi.

@QamariddinBekmuhammad

Alhamdulillah!

Qurbon hayiti muborak, azizlar!
Tarixiy ğalaba muborak, dõstlar!

5/6 iyun, 2025-yil

@QamariddinBekmuhammad

Ayyomlar muborak, qadrdonlar!

@QamariddinBekmuhammad

Besh yil oldin biz ham bugungi sanani oila atalmish qõrğonning debochasi õlaroq belgilagandik. Shukr, hozircha ikkita kõz quvonchiga ega bõldik.

Bugun esa yana bir quvonchli voqelik shu sana bilan boğlanayotir. Futbol bõyicha Õzbekiston milliy terma jamoasi 5-iyun kuni mundial yõllanmasini qõlga kiritgach, bugun shu yutuqni Qatar jamoasi ustidan ğalaba qozonib nishonladi…

Bunyodkor stadioni atrofida yashaymiz. Gollardagi muxlislarning hayqiriği, salyutlarning gumburi bari-bari eshitiladi. Bilet ololmagandik. Darsim ham bor edi. Óyin tugay deganda uyga kirib keldim. Xursandchilikni oilaviy nishonladik.
Bolalarim quvonchdan: “Õzbekiston chempion!”(kichigi “penchion” deyapti😁) -deb qichqiradi.

Davlatimiz rahbari ham butun jamoaga unvonlarni topshirarkan, ularga havas bilan qaramagan odam qolmadi hisob.

Ğalaba muborak!
Rahmat yigitlar!
Rahmat jamoa!

10.06.2025

@QamariddinBekmuhmmad

Manchester universiteti faxriy doktoriga aylangan Angliyaning “Manchester Siti” klubi bosh murabbiyi Xosep Gvardiola ushbu unvonni qabul qilish marosimida nutq so‘zlab, dunyodagi notinchlik, jumladan, G‘azodagi holatga ham to‘xtaldi.

Gvardiola hozir Sudan, Ukraina va Falastindagi manzaralardan xavotirda ekanligini ta’kidladi. U minglab bolalar, ota-onalar halok bo‘layotgan, qanchadan qancha oilalar ochlikdan aziyat chekayotgan bir vaqtda atrofni boshqalarning tengsizligi, zaifligini tushunmayotgan yetakchilar o‘rab olganiga e’tibor qaratdi.

Futbol mutaxassisi odamlarni jim turmaslikka chaqirib, har bir kishi nimadir qilish uchun o‘zini kuchsiz deb o‘ylamasligini va harakat qilish lozimligini qayd etdi.

©️ Kun.uz
_______

@QamariddinBekmuhammad

Hammasi rasmda yozilgan))
Biz yòldamiz.

@QamariddinBekmuhammad