”Kuhsor” yoshlari: Voleybolda faxrli natija, mahallaga yangicha nafas!

“Besh tashabbus olimpiadasi” doirasida voleybol musobaqalarining 16-21 va 22-30 yosh toifasida ishtirok etgan yoshlar sport maydonlarida o‘zaro kuch sinashib, sog‘lom raqobat muhitida o‘z mahoratlarini namoyon etdilar.

Taqdirlash marosimi tantanali tarzda o‘tkazilib, unda O‘zbekiston Respublikasi Sport vaziri A.Ikramov, Ichki ishlar vaziri birinchi o‘rinbosari polkovnik A.Rahmatullayev hamda Yoshlar ishlari agentligi direktor o‘rinbosari D.Kattaxonova ishtirok etdilar.

🏆Musobaqa natijalariga ko‘ra, 22-30 yosh toifasida Kitob tumani “Kuhsor” mahallasi yoshlari jamoasi faxrli 3-o‘rinni egallab, tashkilotchilarning diplom va esdalik sovg‘alari bilan taqdirlandi. Bu yutuq yoshlarimizning sportga bo‘lgan qiziqishi va jipsligi natijasi bo‘ldi.

Ma’lumot uchun: Endilikda “Kuhsor” MFY hududida zamonaviy “workout” sport maydonchasi barpo etilishi rejalashtirilgan.

Telegram|Instagram|Facebook|Youtube

Xalqaro Olimpiya kuni muborak bo’lsin!

🇺🇿Qashqadaryo viloyat sport boshqarmasi Xalqaro Olimpiya kuni munosabati bilan barcha sportchilarni tabriklaydi.

Mazkur sana munosabati bilan tashkil etilgan tadbirda viloyat Sport boshqarmasi boshlig‘i V.Ro‘ziyev, Milliy Olimpiya qo‘mitasi Qashqadaryo viloyat bo‘limi ijrochi direktori E.Vahidov, viloyat Yakkakurash sport turlariga ixtisoslashtirilgan sport maktabi direktori Z.Mamadaliyev, sportchilar hamda trenerlar ishtirok etishdi.

Boshqarma boshlig‘i o'z tabrik nutqida barcha sportchilarni Xalqaro Olimpiya kuni munosabati bilan tabriklab, kelgusida viloyatimiz, qolaversa yurtimiz sharafini Xalqaro sport arenalarida munosib himoya qilishlari hamda yuqori o‘rinlarni zabt etishlariga ishonch bildirishini ta'kidlab o‘tdi.

Sport ruhi, kuch va birdamlik sizni har kuni ilhomlantirsin!

Tezroq, balandroq, kuchliroq — birgalikda!

Telegram|Instagram|Facebook|Youtube