🥇Ozarbayjonda MDH mamlakatlari III o‘yinlari: Yana bir g‘alaba!

Ozarbayjon davlatida davom etayotgan III Mustaqil Davlatlar Hamdo‘stligi (MDH) mamlakatlari o‘yinlari doirasidagi yirik kompleks musobaqalarda yurtimiz sportchilari muvaffaqiyatli ishtirok etishda davom etmoqda.

Karate WKF yo‘nalishida milliy terma jamoamiz sharafini himoya qilayotgan qashqadaryolik iqtidorli sportchi Gulshan Alimardonova -50 kg vazn toifasida o‘zining mahorati va iroda kuchini namoyon etib, barcha raqiblarini ortda qoldirdi va oltin medalni qo‘lga kiritdi.

Uning ushbu g‘alabasi nafaqat Qashqadaryo sporti, balki butun O‘zbekiston sporti uchun ulkan yutuq bo‘lib, yoshlarimizning xalqaro maydondagi salohiyatini yana bir bor namoyon etdi.

🇺🇿 Milliy terma jamoamiz a’zolari MDH o‘yinlarida bunday yutuqlari bilan mamlakatimiz bayrog‘ini baland ko‘tarib, xalqimizni quvontirishda davom etmoqda.

Telegram|Instagram|Facebook|Youtube

🥈Qashqadaryolik sportchidan yana bir g‘alaba!

Ozarbayjonda davom etayotgan III Mustaqil Davlatlar Hamdo‘stligi (MDH) mamlakatlari o‘yinlari doirasidagi yirik kompleks musobaqalarda yurtimiz sportchilari muvaffaqiyatli ishtirok etishda davom etmoqda.

Karate WKF yo‘nalishida O‘zbekiston milliy terma jamoasi sharafini himoya qilayotgan qashqadaryolik iqtidorli sportchi Bonu Egamberdiyeva -68 kg vazn toifasida o‘zining mahorati va iroda kuchini namoyon etib, kumush medalni qo‘lga kiritdi.

Bu g‘alaba nafaqat Qashqadaryo sporti, balki butun O‘zbekiston sporti uchun ham muhim yutuq bo‘lib, yoshlarimizning xalqaro maydondagi salohiyatini yana bir bor yaqqol ko‘rsatdi.

Bonu Egamberdiyeva musobaqa davomida yuqori darajadagi texnika va ruhiy barqarorlikni namoyon etdi. Uning janglarini kuzatgan mutaxassislar hamda mezbon mamlakat vakillari O‘zbekistonda karate sport turi jadal rivojlanayotganini alohida e’tirof etishdi.

Telegram|Instagram|Facebook|Youtube

“QARSHI OPEN–2025” I-xalqaro turniri qizg‘in bahslarga boy bo‘ldi

Qarshi shahrida o‘tkazilgan “QARSHI OPEN–2025” xalqaro turniri doirasida erkin kurash bo‘yicha erkaklar va ayollar o‘rtasidagi bellashuvlar nihoyatda shiddatli va murosasiz ruhda kechdi.

Qashqadaryo viloyatida ilk bor tashkil etilgan mazkur nufuzli musobaqa sport ixlosmandlari va tomoshabinlarda katta taassurot qoldirdi. Bellashuvlar Sport kurashlari federatsiyasi tomonidan tayinlangan tajribali hakamlar nazorati ostida adolatli tarzda o‘tkazildi.

Bugungi bahslarda polvonlar gilamda o‘z mahoratlarini namoyish etib, tomoshabinlarga hayajonli daqiqalarni tuhfa etishdi. Yakunda esa eng kuchli va mahoratli sportchilar g‘oliblik shohsupasidan joy oldilar.

Telegram|Instagram|Facebook|Youtube

🏆 “QARSHI OPEN–2025” I-xalqaro turniri o‘z nihoyasiga yetdi

Qarshi shahrida o‘tkazilgan “QARSHI OPEN–2025” I-xalqaro turniri doirasida erkin kurash bo‘yicha erkaklar va ayollar o‘rtasidagi bellashuvlar yakunlandi.

Musobaqaning tantanali taqdirlash marosimida Qashqadaryo viloyati hokimligi, viloyat sport boshqarmasi, shuningdek, O‘zbekiston sport kurashlari federatsiyasi vakillari ishtirok etishdi.

G‘olib va sovrindor sportchilarga diplom, medal hamda quyidagi miqdordagi pul mukofotlari topshirildi:

💰 Turnir mukofot jamg‘armasi:
🥇 1-o‘rin — 10 million so‘m
🥈 2-o‘rin — 5 million so‘m
🥉 3-o‘rin — 3 million so‘m

Telegram|Instagram|Facebook|Youtube