‏يانديمي لا تنشد ورا حالـي نحيل
‏خلها بشتٍ تبارق على معلاقهـا

‏لو بغيت البوح صوتي مثل صوت العويل
‏والعرب على الشماتـه تطق رواقهـا

‏ماجمعنا مثل جمع الفداوي والدخيل
‏غير نكبات الليالي وقل اوفاقها

‏خل بوحي من كفوفي ليا حد المخيل
‏لين عيني من سعدها تبل احداقهـا

‏البشر مافي ذراهم ظلال ولا مقيل
‏شجرةٍ لا جف ماها تطيح اوراقها

ما يستفزّ الركود الا هبوب البراد
‏ولا يستفز القلوب الا غياب الوجيه

‏يا مطوّل الغيبه ابعد فالطريق و تماد
‏ماعاد لك ما تلفّت له ولاتحتريه

‏حنّا كبرنا على المشروه و الانتقاد
‏سمّه تغافل ، تجاهل ، سمّه اللي تبيه

‏حتى الرفيق السنافي والرفيق الحشاد
‏من خيّب الظن منهم ما شرهنا عليه

‏يمرّنا يعتذر عقب الزعل والعناد
‏ويروح من عندنا ما سمع شرهه و ليه

‏أن قال : كبوة جواد .. نقول : كبوة جواد
‏وأن قال : طيحة جمل قلنا : جمل ماعليه

‏مابين الصعب ، وبين الخوف ، والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح ، أو خطا ، صدق ، أو تكذيب
‏كأني تايهٍ في شيء ولاني عارف أقداري

‏أنا يارب ما أدري وش اللي ينكتب بـ الغيب
‏ولكن رحمتك أكبر من اللي فيه أنا داري

ما أخاف الحزن ، خلّ الحزن أعرفه زين
‏أخاف الشعور اللي لهالحين ما أعرفه

أحنّه من الأعذار و أحنّه من النوح
يعرف إني أعذره ولو ما قبل عذري

لو إن الكلام المُر يبنى عليه صروح
لقيتو نصيبي ما يظلل ولا يِذري

سيوف العتب لو تملي الذكريات جروح
ولا الصاحب اللي يجرح الروح ما يدري

تخافون من الأقدار و اللي كتب في اللوح
و أنا أخاف يذبحني كلامٍ ملى صدري

‏مافيه إجابه شافيه من بعد ليه
يقوله إللي كل ماستاجع جحد

‏فيه أسئله تحتاج للعذر الوجيه
وفيه أسئله تحتاج للواحد الأحد

‏ما عاد أبي واجد من إللي كنت أبيه
كفّنت رغباتي واهلها في اللحد

‏حتى إللي الأيام " بتوقف عليه "
‏أثبت لي أنها ماتوقف لاجل أحد

الخواطر يامعودها الكساير
ما تطيب ولا يفيد بها الجباير

صار صدري مثل ميدان الرمايه
في نهارٍ تشتعل فيه الذخاير

اثرها الفرقى تغافلني سهمها
والهدف قلب صبور ما يخاير

وانت ياللي كل سوق تشتريبه
والله اني منك متكدر وحاير

ماغير أتحامل ضيق صدري ولا من فود
وأمدّ المدى لا ينكشف جرحي الدامي

وأعقل الركايب وأشعل النار فالبارود
وأغني على سفح الجبل علّ ياظامي

من أغصان عمري ماتدلّى ولا عنقود
ولا بعثرت ريح الوله حيرة أوهامي

حلالاه لو ترجع ليالي نحيل العود
مايمدي خسرت الي خسرته من أيامي

ربِّ نولني البصيرة وضح لي الدرب ألا أتخطى مكاني وأنا منجرفة لمكانٍ لا يسعني وأعلم أن أمرك كله خيرة وفي رعايتك هذا القلب لذلك أرجوك أن تختار لي ولا تُخيرني

عز ممشاك عن .. أرض ما تحوفك
‏و من يشتري خاطرك اشتره بعمرك

‏و الجمايل لا عجزت تردها قدرها
‏و اللي ما يثمر فيه خيرك ذوقه مرك

‏و من يستكثر عليك الوضوح اتركه
‏ومصير الليالي السود يظهر قمرها

يارب انا عبدك ضعيفٍ بلياك
‏وعفوك تراه اكبر طموحي وامالي

‏الفضل فضلك والعطايا عطاياك
‏مكاسب الدنيا ماهي راس مالي .

لاتغرّك ضحكةٍ في وجهي المتغاضي المرتاح
‏وانا والله أشيل ديار في .. صدري بـأهاليها

‏انصفتني ليلة السبت من ليل الخميس
‏حالف إني لو يطول الدهر ما أسبّها

‏لو أضيق العمر كله و لا أعين جليس
‏ودي أسلم من غثا الناس قبل اذنبّ بها

‏ضيقتي يوم اتضايق ولا ألقى لي ونيس
‏خير من شوفة وجيهٍ مانيب أحبّها

حط لهقوتك في معظم الناس حد و قيد
‏لا ترجع مع الأوهام في حرب ومشاجر

‏ضياع العشم يأثر على البال بالتنكيد
‏مثل ما السهر يأثر سواده على الحاجر

‏بعضهم حبال الوصل تمدي معه وتزيد
‏وبعضهم سلام وأنت مناك ومواجر

‏أحدٍ جيّته لك عيد وأحدٍ مراحه عيد
‏ما بين الغلا والكره مقيم ومهاجر

أنتظر استجابة دعواتي في يوم عرفه بكل حُب وأمتنااان . .

‏مابي تعرف بوحي وتفسيره
انا ابي الي يعرف سكاتي . .

يالله وأنا عبدك اللي طامعٍ في رضاك
‏وأحيان أضيّع دروب الحق وأدلها

‏لا جيتك بـ دعوةً فيها شعور إرتباك
‏أفتح لها أبوابك اللي في السماء كلها