بسامرة حزن صار... ودار السّادة يا دار...

علي الهادي، غُمض عينه..
. وصيحات الحسن وينه.. يا دار...
•••••••••••••••
الأبو لو شال، كل نسمة عليّ تسأل
وضحكات العمر ، بدموع تتبدل
مظلمة الدار فارگها، الضوه الأجمل
وصيحات الحسن "يابويه" عندي شظل

اليفگد أغلىٰ الأحباب ...يظل كل عمره بمصاب
يون وعالــي اونينه
وصيحات الحسن وينه...يا دار
••••••••••••••••••••
الحَسَن خَلفِ النَّعش دمعاتــه سجَّابة
مِتحفـِّي الجِــدم ، ومُشـگگ اثيــابَه
بكل خُطوة ، يِحن ويصيــح يا يابـه
انكسري ظهـري ، وكتـلني افراگك اصوابه

صدگ يا ونسة الروح ...مسموم المسه اتروح
اوياك نروح تانينه
وصيحات الحسن وينه...يا دار
••••••••••••••••••••••••
يا حِزنَ الحَسـن يم النَّعش ينحــب
وطلعت چاريــة وللغيـرة مُوگـد شَب
ردهــا وما تحمــل گلبــه المعذب
اشحال الطلعوهـا ولا ولي الزينب

ياهو ايردها والنـَّار ...بخيمها اتچوي الزغار
الگمر عالغبــرة جفينه
وصيحات الحسن وينه...يا دار
•••••••••••••••••••••
علىٰ الهادِي يصيح الصَّاح يا وسفة
ويـا حـال الدفـن گلب الأبــو بچفـه
التراب اشلـون ضيّع بسمة الشفــة
يناس الراح أبــوه مجروح ما يشفه

الحسن ظل يمه بونين ...ويصيح بشهگة يحسين
يالمسلب يوالينه
وصيحات الحسن وينه....يا دار


اللّٰهم برزية المولى عليّ الهادي عجل لوليكَ الفَرج.

الأرضُ مُشرِقةٌ قد حلَّ باقرُها
والشمسُ في خَجَلٍ من نورِهِ الزَّاهـر

والعلمُ كانَ كنـهـرٍ جفَّ منبعُـــهُ
أضحىٰ بُحُورَ هـُدىً في مَقدَمِ الباقِـر🤍🌹

وما لي غيرُ حامِي الجارِ حامٍ
ولا مولىً سواهُ ولا أميــرُ

كبيرٌ مَن هوىٰ المولىٰ عليًا
ومَن يجفـُوهُ في عيني صغيرُ

مولى مولى مولى ...علي علي علي
...............
إذا وصفوهُ بالذهــَبِ المُصفى
فذا ظُلــمٌ فحيدرةُ الجمـالُ

وإنْ أفلَ الهِلالُ من السَّمــاء ِ
فوجهُ المُرتضى البدرُ الهلالُ

مولى مولى مولى ...علي علي علي
...............
عليٌّ سيدي ، كهفي ، رفيقي
إمامي ، صاحبي ، في كُل ضيقِ

تخرُّ الشمسُ ساجدةً إذا ما
رَأت عينـيهِ في وقتِ الشُّروقِ

مولى مولى مولى ...علي علي علي
.................
علىٰ شَقِ الجدارِ دليلُ حقٍ
فمهما قد خَفوهُ لنا تجلى

يدُلُّ إمامَنـا للبيتِ أهـلٌ
وأهلُ البيتِ هُم بالبيتِ أولى


مولى مولى مولى ...علي علي علي
..................
بحُبّ المُرتضى طهرتُ قلبي
حبيبي مَن سِواهُ إليهِ حُبي ؟

لِيسمع كُلُ مَن جافىٰ عليًـا
فواللهِ فلا يهواهُ ربي

مَسِيرُ الدَّمع

أَزِفَ الرَّحِيـلُ وصَوَّتَت أجـراسُـهُ ..
وبدَا مسِـيرُ الدَّمــعِ في الوَجَـناتِ
والحَـادِي ،شِمْـرٌ ، والأسِيـرةُ زَينبٌ
لا يسمعُ الشَّكْـوىٰ ولا الحَسَراتِ

من سـار ابخوات احسيـن حاديهن
بچــن والنَّـوگ يبچــن وي بواچيهن..

الطريچ ابعيــد ويلــي ورُفگة الغُـربة
عله اربات الخــدر وأم الخـدر صـعبة

مو عـباس .... مو عـباس
شامت وسفـة ماشاهــن

ياهلنـاس ...يا هلنـاس
اشلون ايبطلـن ابچاهن
••••••••••••••••••••••••••••••••
تمشِـي النِّيــاقُ ، ومشيُّها مُتواصِـلٌ
وتميــلُ مِـن طُـولِ المَسيــرِ وتتعَــبُ
فَيهُبُّ صَــوتٌ مُرهَـقٌ مُتخافِـتٌ
يا ناقَتــي رِفقًـا ، فإنّــي زيـنبُ

العله ظهـرچ يناگــة امدللة حِيــدر
أذكرچ لو نسيتـِـي ، بهـاية مو أكثر

اعله اهونـچ بالمشـي لا لا تعذبينــي
اخافـن بيّــه لو مـلتــي تطيحيـنـي

بين اجناب ... بين اجناب
تصعـب طيحتي بـحزنـي

فوگ اتراب ... فوگ اتراب
وبعد يا هو اليركبنــي
••••••••••••••••••••••••••••
نامَــتْ عُـيونُ العالمينَ قريـرةً
في ليلِها أو في ضُحــى أيامِها
وهناك عينٌ لم تزل تبكــي دمًا
سبيُّ النِّسا، أفنى جميلَ منامِــها

المهدي اعله السباية اعيونه دم يجـرن
علويات ،وبوسـط الغــرب يبچــن ....

بسوطـه الحادي كل ساعـة و يبچيهـن
من چـان الگُمــر يا هو اليحاچيهن

علويات ... علويات
الزمن رخّص مدامعهن

مهضومات.....مهضومات
والحادي يروعهن
••••••••••••••••••••••••••••
وَاهَـاً عَلَىٰ ذَاكَ الزَّمانِ قدِ انقَضى
كالـحُلـمِ ، لا عَــودًا إليـهِ ويـرجِـعُ
وأشــدُ ما يُشجي عقيلةَ حَيـــدرٍ
مـن دارِ عِــزٍ فِــي الخرائبِ تُوضَــعُ

المــن ظلها اتواره ابـيت أهاليها
بخرابة بلا سگف خلوها تاليها

كل ليلة الغريبة اعيونها ايصبن
وعليها ابنات اخوها احسين يلتمن

وحدة اتنوح ....وحدة اتنوح
اوّحدة اعيونها امورمة

بحِس مبحوح ...حِس مبحوح
داوي اجروحي يا عمة
••••••••••••••••••••••••••••
طالَت ليالـي الفاقِدينَ بحُزنِهم
ولزينبٍ نَــوحٌ ، يُفسِّـرُّ مَحجــرا :
يا أهــلَ وُدّي ، كيـفَ بِي بِفِراقِكم
لِحَنانِكُم قـد حـَنَّ قلبِــي وانبرىٰ

يعـزاز الگلـب حَــن الگلب ليـكم
صار أيّـام زينـب تنحب اعليكم


سلّانــي الفـگد ، والضيم والينــي
من يوم المشيتـوا اتصب دمع عينــي

طول الليل ..... طول الليل
أون اعليكم وانعه

راح الحيل ...راح الحيل
الحزن تعــبني والدمعة

اللّهم بِما جرىٰ علىٰ بناتِ الرسالةِ وبأحزانهن عجل لوليكَ الفَرج

لكَ أشكو من بُعادي ..وأُنادِي ..يا صاحبَ الزمان
يا أنيسي ومُرادي ..وفُؤادي ..يا صاحبَ الزمان

جيتك بدمع انكساري
ولا شمس تضوي بنهاري
ومن غيابك يا حبيبي
والله خجلان انتظاري

ما نفه غيابك رُقادي
ومو الك سهري وسُهادي....وينه چا حبي وهيامي ؟!

دنيتي ..تبعدني عنك
وغفلتي ..تنسّيني حزنك ..وانسه جفنك بعده دامي
••••••••••••••••••••
لِمَ قد غابَ حنيني ؟ ..وأنيني ..يا صاحب الزمان
وعِجافٌ يا سنيني ...يا مَعيني ...يا صاحب الزمان

بيا گلب مولاي اندبك
وألمت جم مرة گلبك
سيدي اقبلني اعله ذنبي
اشلون اخسرك و انا أحبك ...!!

وشنفع كلمة بلساني
وبالگلب غايب حناني...قاسي گلبي اشگد يغالي

ما گلت هسه أنت وينك ؟
وما جرت عيني ويه اعينك ..الكل صبح تجري وليالي
••••••••••••••••••••
سيدي ، صَحراءُ قلبـي .. ليلُ درِبي ..يا صاحب الزمان
وبِروحي لك حُبـي ... لك نحبي... يا صاحب الزمان

الغربتك حزني وشجوني
وظامية العيـنك عُيــوني
ابلا أمان ؟ وگلب نازح
وطبگن ابسدك جفوني

غمضت ..عيني بأمانك
غايب ...وحاضر حنانك .... سيدي طوّل مغيبك .

الله لا يبعدني عنــك
جيتك ، وحزني اعله حزنك ..يلي ذبحولك حبيبك !
•••••••••••••••••••••••
أيُّها الباكِي بحُـزنِ ...دامي عَينِ ..يا صاحبَ الزمان
أيُّ جُرحٍ بالحُسينِ .... لكَ يُضني ...يا صاحبَ الزمان ؟

يا حزن منه اتعذّب ؟
من وگع لو من تسلب ؟!
وصوت جن منك يجيني
كل عذاب البيه : زينب

عمِّتي ...الراحت سبية
الخلت ...دموعي جرية ....من دمه وعايش مصيبة

مخدرة ....وحرگوا خيمها
ومن نخت ...محد حشمها...... زينب ، وصارت غريبة


اللّهم بغربةِ صاحب الزمان عجل لوليكَ الفَرجَ

حينما استشهد إمامنا موسى بن جعفر
كان عمر السيدة المعصومة ٨ أو ١٠ سنوات فلها أنين على فراق أبيها .


فزت أبيوت المدينة
بونـة من گلب الحزينة
اتون : يبـويه الغُربة ما تنراد ..

يل خذوك وما لَحگنـه
انوادعك يابو المَحنــة
وهسـه گالـُـوا ميّت ابغداد ...

اگول ايرد ... الي الما خيّب اظنونــي
العلي مبعد ... يردلي ابردته لونــي
الك ثــامن ...سنــة يمفارگ اعيونــي..
الأبـو خيمة  ...وانه ابلا خيمة... خلـــونـي

ليلي خَلَص ....دمعة وگلب فاگــد يحنّ
چبت العمر ....كلـه انتظر ،حزن بحزن
المن بعد ..اتنفس ...واشتم هوى
وجانه الخبر..مسموم ابوكـم بالسجن ..
•••••••••••••••••••••••
اعله الدموع اتگابلينه
كل گلب بويه ونينه
اتيتميـنه وماتت البسمات

ميّت أنتَه وما دريـنه
عالجســر طايح ولينه
وحـدك وعينـك تصب دمعات

غريب ايظل ..الما عنده أهل تحضر
يخلونـك ....حرام اعله الجسـر بالحر
يصب دمك ...وتمـر بيك الخلگ غربـة
ولا واحــد ...يمك گلبــه يتعثـر

گلبي انكسر ... كسرة غصن ما ينجبـــر
أغلى بشـر ..... بگيوده مرمي اعله الجسر
بيك اذكرت ....جدي الغريب بكربله
ظل عالترب .... وبس الحوافر بي تمر
••••••••••••••••••••••
ياهو التمنيته عندك
بالسجن بويه اليوسدك
من ابقيت اتصارع اللوعات

بويـه ساعــة احتضارك
يا حزن مر  ابديارك
ابهاي دارك ما ضون شماعات


انعصر گلبي ... وصحت يا بويه متلوعـة
وعلي فزت .... المدينة وجفـني صب دمعة
بدمع عيني .... انطفت يابويه چم شمعة
يتيمة اصبح......بزغر اسنيني شبسـرعة

ما مر صدى ...منّي وإجالـك للسجن ؟
بويه صحت ...واسمـع : يفاطم گلبي حن

ليش انحرم ...من والدي الكل هلا
يا هو البعد ....يمسحلي دمعات الجفن
•••••••••••••••••••••••
للرضا اصبح نظرنه
مثلك ايبارينه كلنه
ولن خذتني اويه الحزن آهات

ياهو ظل العمتي زينب
من بقت بويه اتعذّب
وكل أخو بشهگة حوافر مـات

تدير المن ...نظرها وكل أخـو طايــح
وتصيح ومن ..الهضم كل صوتها رايح
وحچي جارح ...يسمعوها ونظـر جارح
اشبقه بيها ...وجـفنها امن الدمع شابـح

فوگ الهزل ...يسبوها والوادم غرب
ومن الحبل ...مجروحة والدمعة تصب
بدار الهضم......وحال التظل ابلا أهل
تموت ابقهر..... وذايب حزن بيها الگلب


اللّٰهم بدموع الإمام موسى بن جعفر وضراعاته المتصلة عجل لوليكَ الفَرجَ

يا ليل السجـن يا ليـل ..بدرك ضايعـة اخباره
ولا صـوت المُناجاتــه...وعلـت ونة بوســط داره

•••••••••••••••
يليل البارحة الي چان .. يناچـي الله بدمع عينه
عَسـه ماشر عليه يا ليل ...گلــي اشماله والــينه
ظلامـك جَنه يخفي اجواب .. أخاف اخباره مو زينـة؟
گبل ساعات ون بهداي .... امنيـن الكاظم اونينه ؟

وبس البي ألـم بالروح .... يون وروحــه محتـارة

•••••••••••••••••
معـدوم البخـت بالنّـاس ... وعله نهر الله صـاروا سد
اشلون ابن الزجيـة ايبات ...بسجون العِــده مگيـــد
يليـل اجروح بينه اهواي.....وجمرة حِـزن ما تبــرد
بگلب الرضا الطف والشّام.. ..ارحم گلب أبو محمد

لا تكسر ظهر مكســـور .....بيش ايلاگـي خِطـاره ؟
•••••••••••••••
صَدگ يا ليـل هَذا الصّار .....غرّب موسى بن جعفر
ميِّـت بالسِّجــن مسمـوم .....وبي شوغات المَحيّـر
اشگـد لاع وشهـگ يا ليل ...المـا عنده أهل تحضــر
شمسويـة السلاســل بــي .... دمه اجفوفه ابعصرهن خَر

طريح أشرف بشـر عالگــاع .... محـد ينحب اكتــاره
••••••••••••••••••••
من ثگل السلاسل بي ..... شالوا نعشــه بالگــوّة
وعله ذاك الجســـر خلــوه .....طريــح وبي عطش خوة
إمام الرافضـة اعله الگــاع ....يصيـح الما إله مروة
تُـمـر بيه الخلگ وتــروح .... وشمّـوا ريحتـه الحلوة

اليسأل هالغريب امنيـن .... تظل ادمومه تجّـاره
••••••••••••••••••••••
من سـد الولـي عينــه .....فزت تبچي معصومـــة
تصيـح ابلوعة يا بويـه .... وگلبـها انترس بهمومه
البنية حنينة اهــواي .......تـحن للما درت يومـــة
منتظــرة يــرد الراح ....... من افراگــه مآلومــة

ما تدري الأبــو مسمـوم ...وبچبـده اعتـلت ناره
••••••••••••••••••
ما تدري الأبـو اعله الگاع ... طريح ومحد ايحضـره
وبگيوده الولـي اموسّـد ..... ظل بعمامتـه الخضـرة
اشعطل هاشم وما جوه ..... وين اهله تجي تحضره
ابيا عين وگلب يا ناس ...... تشوف اوليدها الزهرة

وامس شاغت عله المذبوح ...وعله اوليداته وانصاره


اللّٰهم بغُربة آل محمد عجل لوليكَ الفَرجَ..

هضيمة ويا مصاب انگوله وانذكره
عله الرضوا إجدامه ، بكل جدم كسرة

بطامورة الإمام و نفســه بيها ايضيگ
والسندي ايتعمــد يشتـــم الزهرة


شما چـاله يشتم فاطمــة ... ويذكره كسر اضلوعها
••••••••••••••••••••
آه اعله الغريب الما له اهل تفزع
ابيوم الظل يويلي ابسجنه يتلوع

انمرد جبده يناس وجسمه كله اگيود
من ثگـل السلاسل جفــه ما يرفع

ثگل السلاســل تعبــه .....ما بـي يشيل اجفوفه
••••••••••••••••••••••
دنت من المنيـة وبدت چم شهگــة
شهگات الينازع وأهل ما يلگـــه

تمنـه اوليــده يـمه واه بويه يصيح
هونك ليش مستعجل عله الفرگة

كسرة ظهر فگــد الأبـو ...والفاگد الله ايعــينه
•••••••••••••••••••
عله المات ابسجن بي خلصن أيامه
واحد لا يظل ما يلطم الهامة

السلاسل هشمن جفينه وجدامه
وأحمر صار من دم نزفه هندامه

يهل البخت شيـخ البخت ... بگيوده محّــد شاله
•••••••••••••••••••
المصيبة الهاضمتنه اهواي يا وادم
الثالث يوم ظلت جثــة الكاظم

هاشـم وين ؟ ما يدرون ابنهم مات
مثل احسين ظل ، بگيوده ظل نايم

بس اليطيـح ابكربله .... اتصير الحوافر فوگه


اللّهم بمن ظل على حر الرمضاء عاريًا مرملا عجّل لوليكَ الفَرج..

ولو أنَّ قُرآنًا معاكَ مُنزَّلٌ
لقيلَ : نبيُّ اللهِ عادَ إلىٰ الورىٰ

وما عَبَثًا تُعنىٰ بأكبرَ فالـذي
يَجيءُ لآلِ اللهِ أسْمى وأكبرا

ليلةُ غــرّاء زاهــرةٌ بنُــور الأكبـرِ علـِيّ ❤
مُـباركةٌ لَكُـم ويَومـها ..

ليلة قدر وتجمعوا بالمسجد أحباب
بس عدنه غايب طوّل اعلينه بالغياب
ماذينه خاف وما إجـه ، ودلاله ما طاب
لو دگ علينه الباب بس ما گُمنه للباب...

سامحنه ، بجفوف الگمر ، نقسم يمولاي
بدموعه من شاف انجفه من جربته الماي
سامحنه ، وعذرنه على الزلّات الهواي
( عثرة وعد خيّر صفت ) وغيرك قِبـٕل هـاي

يا مهدي يا شمس العُمر ، تشتاگك العين
اشلون انسه غايب ينتظر دعوة محبين 🥀
ليلة قدر ، والكل اجه بس أنته چا وين
نريدك تجي ويانه وسوه نبچي عله احسين

نريدك تجي ويانه وسوه نشعـر بالآلام
ونبچي اعله زينب عمتك المشـوها للشام
ايتامــك وانت الابــو ، اليلطف بلايتــام
اذكرنه بدعائك سيدي ، واقبـلنه خـدام ...


اللّهمّ عَجَّل لِوليَّكَ الغَائِب حُضورَهُ وفرَجَه .

لا تبرُد جمرة الحزن ليوم البقيع ، حتّى تُشاد مراقدُ آلِ أحمد🥀

#وا_بقيعاه .

عن سدير الصيرفي قال: دخلت أنا والمفضل بن عمر وداود بن كثير الرقي وأبو بصير وأبان بن تغلب على مولانا الصادق عليه السلام فرأيناه جالسا على التراب، وعليه مسح
خيبري مطرف بلا جيب مقصر الكمين، وهو يبكي بكاء الوالهة الثكلى ذات الكبد الحري، قد نال الحزن من وجنتيه وشاع التغير في عارضيه وأبلى الدمع محجريه، وهو يقول:
« [سيدي] غيبتك نفت رقادي، وضيقت علي مهادي، وابتزت مني راحة فؤادي، سيدي غيبتك أوصلت مصائبي بفجائع الأبد وفقد الواحد بعد الواحد بفناء الجمع والعدد، فما أحس بدمعة ترقأ من عيني وأنين يفشا من صدري»

📚الغيبة - الشيخ الطوسي - ج ١ - الصفحة ١٩٢

لسان حال الإمام الصادق (ع) مخاطِبًا صاحب العصر (عج) :


سيدي ... غَيبتُـكَ
نَفَت رُقادي... رُقادي..... رُقادي..

سيدي ...وَضيَّقَت
عَلَـيْ مِهادي ....مِهادي ..... مِهادي

بيا حالـة يمهـدي اصحابي شافـوني
گاعـد عالتـراب ، وجاريــة اعيونــي
حال الثكلة حالــي ، ومنخطف لوني
نفـه غيابــك رُقــادي وَذبّل اجفونـي

آه...يا هيْ غيبـة
راحتـي انسلبت يمهــدي وما بعـد ظلتلي راحــة

آه...يا هِي غيبـة
وحدك ابيا حال أشوفك ، گلّبـــك اجروح ومناحة

آه....يا هـي غيبـة
يا هلال اعيونـي وينـك ، ما لـه نيّــة يطـر صباحه

آه .... أينَ بقيّةُ الله ..؟!
آه .... أينَ بقيّةُ الله ..؟!
•••• ••••••• •••••• ••••••
سيِّدي ... غَيبتُكَ
ابتزَّت فُؤادي ...فُؤادي ...فُؤادي

سيِّدي ....قد أوصَلَت
قلبِي بِشدادِ ...بِشدادِ ... بِشدادِ

ما تسكن عبرتـي ولا ونينـي يفــل
راحـة الموت ، بس هجـرك صدگ يكتل
أعاين ليـك ، ودموعــك حُمر تنـزل
يا زينب تصيــح ، اشلون مالچ ظِل


آه .... ما لـه طيبــة
عمّـة جرح الشّام يكتـل ، والرمــح شايــل طبيبه

آه ....ما لـه طيبــة
اشمـا اصيـحن آه زينب ، بالصــده يـرجـع غريبــة

آه ....ما له طيبــة
اللــيل عند النّـاس راحـة ، وليلــي دمعات ومُصيبـة

آه .... أينَ بقيّةُ الله ..؟!
آه .... أينَ بقيّةُ الله ..؟!
•••• ••••••• •••••• ••••••
سيِّدي ..... غيبـتُكَ
احتزَّت مُرادي ..مُرادي ...مُرادي

سيِّدي ..... يابنَ الحَسَن
شَوقـــًا أُنادي ...أُنادي ...أُنادي

أندبــك والگلـب من غيبتك هايــم
بدُعـاء النُّدبــة ألهـچ و بحزن دايــم
لو أدركــتك ، ابـروحـي اسبـُگ الوادم
والك يابن الحســن اگـضي العُمــر خادم

آه...... طُول عمـري
أخدمك يلــي ابجفوفك يشفـه ضلع أمـي الزّجــية

آه.....طُول عُمــري
حتى لو ماكــو اليندبك ...أندبـك صُبـــح و مسيّــة

آه ....طُول عُمــري
اشركنــي يالمهدي بدموعك ..لو بچيت اعله السبيّة

آه .... أينَ بقيّةُ الله ..؟!
آه .... أينَ بقيّةُ الله ..؟!
•••• ••••••• •••••• ••••••
سيّدي ..... غيبتُـكَ
منها سُهـادي ، سُهـادي ...سُهـادي

سيّدي ...بنفسي يا
كهفَ العباد ِ...العبادِ...... العبادِ

عزيز اعليه دُونـي اتحيطك البلـوه
وما اسمع حسيس و لا همس نجــوه
ومنـي ما يـنالك ضجــة لا شكــوه
الصّـدى طوّل حبيبـي ،ويمته نتروّه ؟!

آه ..... ايعينـك اللّٰه
ناشدت هل من معيـن ، المهـدي ماكو الي يعينـه

آه ....ايعينـك اللّٰه
كل هلك راحوا ضحاية ، وفــرح عمــرك ذابحينـه

آه ....ايعينك اللّٰه
يا هــو ويـاك اعله زينـب ، تجري يابن الزهرة عينه


اللّهُم بِشَوقِ الإمامِ الصّادقِ وحُزنِه علىٰ صَاحبِ الزمان عجّل لوليكَ الفَرجَ