کیژێک لێرەیە ،
تەنانەت کاتێک خەمبارە
خەمەکانی بە خەندەیەکەوە لەبەر دەکات
وەک ئەوەی لە ناخەوە لەبری گریان پڕ لە ڕەنگ بێت ،

کیژۆڵەیەک لێرەیە ،
کاتێک دەدوێ گوفتەکانی وەک شەپۆلی نەرمی دەریا وان
دڵ دەگرێت،
هەر ووشەیەکی وەک مرواریەک
لە قوڵایی دەریاوە هاتبێت
ئەبریسکێتەوە

کچۆڵەیەک لێرەیە ،
لەهەر جێگایەکەوە تێپەڕێ
دەگەڵ هەر هەنگاوێک
گوڵی کێوی لەژێر پێکانی دەڕوێ

نازەنینێک لێرەیە ،
وەختێک چاو لە ئاسمان دەکات
ئەستێرەکان لە شەڕەفی ئەودا
خۆیان کز دەکەن ،

مانگێک لێرەیە ،
ئاسمان بەپڕی دڵی باوەشی بۆ کردۆتەوە
لە پشتی هەورەکانەوە لە ڕووی جوانی ئەو دەڕوانێت

کیژێک لێرەیە دەستەکانی شفان
هەر دەستێک بگرێت
هەستەکانی تا قوڵایی ڕۆح و دڵی ڕۆ دەچێت
وەک ئەوەی دەستەکانی تەواوی برینە کۆنەکانی ساڕێژ بکات

میهرەبانێک لێرەیە ،
هەر کاتێک لە پاڵت بوو
کات لە جوڵە دەوەستێ
هەر چرکەیەکی وەک وێنەیەک
بۆ حەمیشە لە یادەوەریدا بە جێدەما

عەشقێک لێرەیە
کاتێک فرمێسکەکانی دەکەونە خوارەوە
ئاسمانیش هاوار دەکات
وەلێ بەو فرمێسکە
باخچەیەکی هیوا لە دڵی تاریکترین شەودا دەچێنێت

جوانیەک لێرەیە
گەر ئازیزی لێی دوورکەوێتەوە
پارچیەک لە ئەو لەگەڵیدا دەڕوات
بەڵام وای لە ڕۆژەکانی ڕاهاتن لە بێ ئەوی
تەنانەت دوور لە ئەویش
هێشتا وەک ڕووناکی مۆمێک
لە نێو شەوێکی بێدەنگدا
بەرگی تاریکی دەدڕێنێت

پەریەک لێرەیە کە دایکی پێی گوتوە :
دڵم دەڵێ باڵندەو گیاندار و پەپولە و
میوەو گیاندار و بێ گیانەکانیش تۆیان خۆشدەوێت

بۆوینێک لێرەیە
کە منداڵی ساواش بۆنی ناس دەکاو
دەستەمۆ دەبێ و مەحبوبی دڵی دایە خاتوون و بابە گەورەکانە و پێ دەبێژن کیژم ڕەبی ڕووت سپی بێت لە دنیاو قیامەت

چاو خاکیەک لێرەیە چاوەکانی ڕەنگ و بۆی خەم دەدەن هەر کەس دەیبینێ
لە چاوەکانی قوڵ دەبێتەوە پێی دەڵێن چاوەکانت چەن خەمبارن دەهیندەش دڵبەرن

خانمێک لێرەیە
وا احساس دەبا مانگ و خۆر و
ئاسمان و گوڵەکان لێی تێدەگەن و
بۆ ئەو دەدرەوشێنەوە

شپرزێک لێرەیە
تێکەڵ بە سروشتە وەک ئەوەی قەرزاری یەک بن دەگەڵ سروشت
نەجیب خاتوونێک لێرەیە
ئەو کیژی قەدیمە مێخەک لە گەردنی ئاڵاوە
وەک ئەوەی لەسەردەمی کۆنا جێمابێ
لە ئادەمی ئیستا ناکا

منداڵێکی عینادی بەناز لێرەیە
کە ئەو دیوەی پەنهانە بە چوار دەورەکەی
منداڵێکی هار و هاجی عەجول کە قسە هەر قسەی خۆیەتی

دایکێکی جگەر بریندار لێرەیە
دایکی خوشک و براکانیەتی
دایکی دایک و باوکیەتی
بنمیچ و کۆڵەکەی هەر جێگایەکە کە هەناسەی لێدەدا

نا ئازیز
ئیدی خودی ژیانێک لێرەیە
کە زەمبیلەی ئارەزوەکانی بە نهێنی و
قوڵ و پڕ پەنهانی هەڵگرتوە
تا زیاتر هەوڵبدەن لێی تێبگەن
زیاتر لە خۆیدا دەخنکێت

وەختێک ئەزمونی ژانێک دەکەیت
ئەو کاتە دەبینیت ژنێک لێرەیە
بەرگی جوانیەکانی ژیانی لێ ئاڵاوە

کێژێک لێرەیە ..

حەموو جار دەڵێم هیندەی بەهێزیم دەمترسێنێ لاوازیم نامترسێنێ
ئیستا لە خۆم دەترسم ،
لەو کاردانەوە سارد و لەسەرخۆیانەم دەترسم،
کە بەرامبەر بەو مەوقیفە سەختانە هەمە کە ڕووبەڕویان دەبمەوە ،
بە جۆرێک وەک ئەوەی بابەتەکە پەیوەندی بەمنەوە نەبێت
کارتێکراوەکە من نەبم

هەندێک یادگاری هەن هەناسەیان پێ دەدەم ..

من دێوانەی چاوی جوانم ، چاوی جوان ،

هێمن موکریانی

تەواو سەرم لێشێواوە
شوێنی شتەکان گۆڕاوە
دز و چەتەو مافیاو خوێڕی
تاجی زێڕی لەسەر کراوە
حەق بێژ و ئوستاز و مەلا
بە سەرسەری ناوی براوە
نا تۆ نازانی دوژمنی گەل و وڵاتە
قوتی ببڕن خەیاڵ پڵاوە
هەرچی ئەهلی زرم و کوتە
پێک پێک ساقی زوکە تێکە
بەرخە کارە یا بەرانە
لەسەر سفرەی قوتی میلەت ڕاکشاوە
هەرچی ئەهلی عیلم و فەنە
ئیزن دراوە ساقی و باقی
مشتێ قوڕە بازاڕ کایە
ڕەنج هی گایە کەر بەڵایە
وەکی برێی تەواو سەرم لێ شێوایە
کەس بە کەسە نیشتیمان پەروەر
برسیە لە خەمی تێراییە
نان لەقوڕگی شێرایە
سەد مەخابن کا شێری چی
گورگەو لەپێستی مەڕایە
نوقڵەو لە کاغەزی بەرتیلایە
سەرگەردان وائەزانی بێگانەیە
خۆمانەیە خۆمانەیە , لەخۆمانە
کلکی تەوری ماڵی شایە
بازۆر نەڵێم سەری دێشێ
زمانم لە بڕیندایە. ...

Haloy Mam Xaled 🖤

بـۆچی تۆ هەمیشە ڕێگا سەختەکە بژاردە دەکەی؟
-بــۆچی تۆ پێت وایە من دوو بــژاردەم هەیە ؟!
من حەمیشە ڕێگا سەختەکە تاقە بژاردەم بوە.

خاتــوون

نەخۆشی چاوەکانی تۆم ..

مرۆڤ کاتێک لە خەو هەڵدەستێت بە گومانەوە لە خۆی دەپرسێت ئەمە راستە کە من تەمەنی سی ساڵیم تێپەراندوە ، چل سالیم تێپەراندوە ،پەنجا ساڵیم تێپەراندوە !! ژیان چۆن وا بە خێرایی تێپەڕی !! مەرگ چ بەڵایەکە، مردن وەک ئەو راوچیە وایە ماسییەکی راو کردوەو لەتۆرەکەیدا لەناو ئاوەکەدا بۆ ماوەیەک دەیهێلێتەوە، ماسیەکە بەردەوامە لە مەلە کردن بەلام تۆڕەکە کۆتی کردووە... راوچییەکەش کەی ویستی لە ئاوەکە دەریدێنێت .. مردن راوچییەکەیە و مرۆڤیش ماسی .

ئیڤان تۆرگنێف
و: زرار شیرازی
#51♠️

لە پشت هەر ئافرەتێکی بەهێزەوە ،
شکانەکانی ،
جەنگەکانی دەگەڵ ژیاندا،
بێدەنگیەکانی،
خەونەکانی،
هیوا و ویستەکانی،

“ ئینجا خودی خۆی هەیە “

خاتوون

ئەمشەو لەو دیو جامی پەنجەرەکەوە
ژیان بە بێ دەنگی و بە غەمگینییەوە سەیرم ئەکات ،
ئەمشەو هێندە بیرم کردووی
بیرکردنت لەخۆم دەشارمەوە

دەمەوێ لە قوڵایی دڵمەوە بگریم ،
ئەمشەو لەبەر تیشکی کزی مانگە شەودا
ڕەنگی گوڵەکانی باخچەکەمان بە تەواوی لە یەکتر جیا ناکەمەوە ،
بەڵام بە چاوی داخراویشەوە
ئەزانم چاوەکانی تۆ چ ڕەنگێکن

، ئەمشەو من لە ڕووناکیدا
شەڕی ئەم هەموو دووریەی تۆ ئەکەم
بەڵام وەک هەمیشە ئەدۆڕێم ،

گڵۆپی ژوورەکەم خامۆش ئەکەم
لە ناو قوڵایی تاریکی دا
بۆ سەدایی دەنگت وێڵ ئەبم
گازم بکەی بڵێی …….

“ غەریبیم کردووی “

خاتـــوون

ئەو کرمەی هەزاران ساڵە زیندوەو نامرێت 🤔
#تەداخولی #ژیانم #مەکە #گەر #خۆم #ڕێم #پێ #نەدابویت

#من هەقم چیە کچێک شوی بەپیاوێکی لەخۆی گەورەتر کردوە؟

#من هەقم چیە تۆ کام جۆری سەیارە ئەکڕیت؟

#من هەقم چیە کام ڕەنگی جل لەبەرئەکەیت کام ستایل بۆتۆ جوانە

#من هەقم چیە کوڕەکە زۆر قۆزە و کچێکی بەپێوەری تۆ ناشرینی هێناوە؟

#من هەقم چیە ،ئاخر هەربەڕاست ژیانی تۆ چ ڕەبتێکی بەمن هەیە؟ خۆ من و تۆ یەکێک نین لەکەسە نزیکەکانی یەک! گەر تەنانەت واشبین نابێ خۆم داوات لێبکەم تەداخولم بکەیت گەر من لەشتێکا توانام نەبێ تێبگەم؟

بەگشتی مرۆڤەکان بونەتە سێ بەش (قسە لەسەر کەسەکانی چواردەوریان ئەکەن ، قسەلەسەر ڕوداوی نێوان کەسەکان ئەکەن ، قسەلەسەر ڕوداو دیاردە نەتەوەیی و جیهانیەکان ئەکەن )

لەخۆت بپرسە کام جۆر کەسایەتیت ، بۆت گرنگە هاوکاربیت تا پرسێکی نیشتیمانی ونەتەوەیی و جیهانی ، کلتورێک و ڕەفتارێک بەرەوباشتر بەریت یان فڵان چی کرد و چۆنی کرد ؟

ئەزانی ژیانی کۆمەڵایەتی ئێمە چی ناشرینە؟ ئەوەی
ناشرینە کە بێ ئەوەی پرست پێبکەن خۆت هەڵئەدەیتە ژیانی ئەوانیتر ، بۆیەکجار لەخۆتان بپرسن ،گریمان تۆ لەنێو ماڵەکەتدا دەمەبۆڵەیەکتان ، کەسێکی نەناسراو  بەڕێکەوت لەکۆڵانەکەتان ئەڕوات گوێی لێ ئەبێ ، هەستت چۆنە بێ لەدرگادان بێتە ژور بڵێ نابێ ئاوا بکەن و ئاواو ئاوا بکەن ؟

نوقتەسەری دێڕ : ئەوەی گوزەشت ،گوزەشت ئێمە فێرنەکراین بەڵام خۆ ئێستا تێ ئەگەین بۆ خۆمان ونەوەکانی داهاتومان بافێریان بکەین سەرقاڵی ژیانی خۆیان بن ، من پێم سەیرە کەمن فریای ژیانی خۆم ناکەوم خەڵک چۆن فریای ژیانی ئەوانی ترئەکەوێت؟

نوسین و ئامادەکردنی : Haloy mam xaled

"ئاسکێک لە چەناگەی شێرێکدا"

🦌 من ئاسکم .ئامۆژگارییە کانم ئاسان نیە . ئەگەر تۆ شێرێکی ئازابیت ،بەرگەی ناز گرتنی من بگرە ،و هێزی خۆت لە بەردەم کەسانی تردا نیشان بدە...ددانەکانت بەسەرمدا روت مەکەوە، چونکە من پەناگەی ئارامتم نەک ئەو شەڕەی کە ئەیکەیت ،ئە گەر خۆشت دەوێم بەرگێک بە نەک کۆت و بەند پشتیوان بە نەک شمشیر من لاوازێک نیم تۆ بتوانی بەسەر یا زاڵ بیت ،بەڵکو روحێکم کە لە گەڵ تۆدا تەواو دەبێت و بەبێ تۆش وشک دە بێتەوە ..
کەواتە نیشتیمانێکی سەلامەت بە بۆ من ،یان وەک شێرێک بمێنمەوە کە لەزەوییە رەشەکانی ئازادیمدا لێی ڕادەکەم ....

#وەرگیراوە
#51♠️

ئەگەر هەستت کرد تەواوی ڕێگەکانت لێداخراوە ، دڵتەنگ مەبە !
تۆ خاوەنی شتێکیت کە زۆر بەنرخە .
ئەو شتەش مێشکە ، چوونکە هەرگیز بەکارت نەهێناوە ، نازانیت ئەتوانێت چی مەحاڵێک بگۆڕێت ، بەکاری بێنەو دەربازبە ، بەگشتی مرۆڤێک مێشکی بەکار بهێنێت هیچ کاتێک بەبێ ڕێگا نامێنێتەوە .

#51♠️

کاتێک دەمریت هەست بە هیچ ناکەیت چونکە مردوویت ،ئازاروخە مو ناخۆشیەکان دەوروبەرت هەستی پێدەکەن...
هەمان شتە کاتیکیش کە گەمژەبیت ..

#وەرگیراوە

#51♠️

ڕۆژێک دێت ...

#51♠️

من لە ژیانمدا و بە شێوەیەکی ڕۆژانە دەگەڵ دۆخی زۆر ئازار بەخشدا مامەڵم کردوە و خۆم ڕاهێناوە ،
جگە لەو مەودایەی لە نێوانماندایە ،
ئەو مەودایەی کە بیرمدەهێنێتەوە چیتر تۆم نیە ،
نازانم چۆن مامەڵەی دەگەڵ بکەم ،
لە ناوەڕاستی بیرکردنەوەکانم ، لە خۆشترین جێگەو کۆبونەووکانی دونیا ، لەپڕ خۆی دەکات گە مێشکمدا
بیرمدەهێنێتەوە چیتر تۆم نیە و نەفەسم دەگرێ ..

خاتــوون

بیرۆکەی ئەوەی تۆ پاڵەوانی ژیانت بیت ، جوان دەردەکەوێت
بەڵام لایەنە شاراوەکانی زۆر
ماندووکەرن،

بۆ نمونە دەدۆڕێیت بەخۆت دەڵێی چ قەیدی جارێکیتر حەول
دەدەینەوە ،

نائومێد دەکرێیت دەڵێی ببەخشە کات نیە بۆ گلەیی دەبێت لەسەر قاچەکانت بوەستی

بە کێشەیەکدا تێدەپەڕی ، دەڵێی بابیر بکەینەوە لە چارەیەکیدی ،

دەترسیت و دوودڵ دەبیت ، بەڵام ئەتۆ ئەو پاڵەوانەی کە دەبێت خۆت و دەورو پشتت ئارام بکەیتەوە ..

ماندوویت لەوەی باری شانت لە هێزی خۆت بەدەرە ،
هەر دەڵێی دەبێ لەسەر پێکانم بوەستم ، کەوتن قەبوڵ ناکەی

“ فَإِنِّي قَرِيبٌ “

دوای ئەوەی کردت
دوای حەموو شتێک
من کاردانەوەم نەبوو ،
بەردەوام بەڕووتدا زەردەخەنەم کرد ،
هەرگیز ئازایەتی ئەوە نەدەیتە بەرخۆت ، دووبارە متمانەم پێ بکەیت ، دوای ئەو زەردەخەنەیە تۆ بۆ حەمیشە منت لەدەست داوە.

خــاتوون