Prezidentimiz Shavkat Mirziyoyevning “O‘zbek tili bayrami kuni” munosabati bilan yo‘llagan tabrigi ona tilimizning millat hayotida tutgan beqiyos o‘rni, uning ma’naviy qudrati hamda kelajak avlod uchun ahamiyatini yana bir bor yorqin namoyon etdi. Bu tabrik nafaqat bayram munosabatida aytilgan so‘z, balki o‘zbek tilining ravnaqi yo‘lida amalga oshirilayotgan keng ko‘lamli islohotlar samarasini ifoda etuvchi dasturiy chaqiriq sifatida ahamiyatga ega.

Prezidentimiz Shavkat Mirziyoyev raisligida o‘tkazilgan sunʼiy intellekt sohasini rivojlantirishga bag‘ishlangan videoselektor yig‘ilishida ham jamiyat hayotidagi eng ustuvor yo‘nalishlar, xususan, taʼlim sohasiga oid qator tashabbuslar ilgari surildi.

Ilm-fan va axborot-kommunikatsiya texnologiyalari jadal taraqqiy etib borayotgan bugungi sharoitda davlat va jamiyat boshqaruvi, iqtisodiyot, sanoat, qo‘yingki barcha sohalarda zamonaviy axborot texnologiyalari va sunʼiy intellekt imkoniyatlaridan keng foydalanish urfga kirmoqda.