Oliy Majlis Qonunchilik palatasi 31105

🔴

🚫 Majlisda deputatlar Yoshlar ishlari agentligi direktori Alisher Sa’dullayevning “Yoshlarning bo‘sh vaqtini mazmunli foydalanishi hamda ularni kasb-hunarga o‘qitish orqali bandligini ta’minlashga qaratilgan chora-tadbirlarning amalga oshirilish holati to‘g‘risida”gi parlament so‘roviga berilgan javobini ko‘rib chiqdilar.

🚫 Ta’kidlanganidek, davlatimiz rahbarining tashabbusi bilan amalga oshirilayotgan “Besh tashabbus olimpiadasi” bugungi kunda yoshlarning salohiyatini namoyon etish va bo‘sh vaqtini mazmunli tashkil etishning samarali mexanizmlaridan biriga aylangan. Hisobot davrida 15,4 milliondan ziyod yoshlar qamrab olingan 524 mingga yaqin tadbirlar tashkil etilgan.

🚫 Mahallalarda o‘tkazilgan musobaqalarda 8 millionga yaqin yoshlar faol ishtirok etgan. Olimpiada g‘oliblari orasida 17 nafar yoshlar davlat mukofotlari bilan taqdirlangan, ularning mahallalarida esa 969 ta yangi sport maydonchalari qurilib, foydalanishga topshirilgan. “Yosh kitobxon” tanlovi doirasida 4,7 milliondan ortiq yoshlar ishtirok etib, 17 nafar g‘oliblarga “Spark” avtomashinalari topshirilgan.

🚫 Yoshlar yetakchilari faoliyatini samarali tashkil etish va hisobdorlikni oshirish maqsadida “Yetakchi” elektron platformasi joriy etilgan. Ushbu platforma 15 ta elektron tizimni birlashtiradi. Platforma orqali yetakchilar onlayn ta’lim, shaxsiy yoki anonim murojaat yo‘llash imkoniyatiga ega. Shuningdek, platformada “Yetakchi akademiyasi” orqali onlayn ta’lim olish imkoniyati yaratilgan.

🚫 Deputatlar tomonidan yuborilgan parlament so‘rovida “Yoshlar daftari” jamg‘armasiga ajratilgan mablag‘lar ayrim tumanlarga o‘z vaqtida va to‘liq yetkazib berilmayotgani hamda mablag‘larni taqsimlash mexanizmi to‘liq ta’minlanmayotgani qayd etilib, mazkur masala yuzasidan tushuntirish berish so‘ralgan edi.

🚫 Parlament so‘roviga kelgan javobda, yoshlarni moddiy va ijtimoiy qo‘llab-quvvatlashning muhim mexanizmi bo‘lgan “Yoshlar daftari” jamg‘armalarining holati tahlil qilingan.

🚫 2025-yil 5-sentyabr holatiga jamg‘armalarda 336 mlrd so‘m mablag‘ shakllangan bo‘lib, yil boshidan 45 ming nafar yoshga 188 mlrd so‘mlik moddiy qo‘llab-quvvatlash ko‘rsatilgan.

🚫 Biroq ayrim tumanlarda mablag‘larni o‘z vaqtida yetkazib berilmaslik holatlari mavjud. Bu muammolarni hal etish maqsadida Vazirlar Mahkamasining tegishli qarori qabul qilingan. Endi jamg‘armalardagi mablag‘lar har bir mahalla kesimida aholi soni, kambag‘allik darajasi va nogironligi bo‘lgan shaxslar soniga mutanosib ravishda adolatli taqsimlanishi belgilangan.

🚫 Bundan tashqari, Agentlik tomonidan dehqonchilik qilish istagidagi 224 ming 182 nafar yoshlar ro‘yxati shakllantirilgan. Hokimliklar zaxirasidagi 60 ming gektardan ziyod yer auksion orqali 152 ming yoshlarga foydalanishga berilgan. “Yosh fermer” elektron platformasi va mobil ilovasi orqali yoshlar faoliyati monitoring qilinadi, ularga agrota’lim, marketing va mahsulot yetishtirish bo‘yicha maslahatlar beriladi. Yoshlar uchun “Fermerlar maktabi”da qisqa muddatli kurslar tashkil etilmoqda.

🚫 Majlisda yoshlarning imkoniyatlarini kengaytirish, ularni bandlik, ta’lim, tadbirkorlik va fermerlikka jalb qilish bo‘yicha chora-tadbirlar izchillik bilan amalga oshirilayotgani, shu bilan birga, sohada yechimini kutayotgan bir qator masalalar borligi qayd etildi.

🚫 Deputatlar tomonidan bu boradagi ishlarni izchil davom ettirish, joylarda ijro intizomini ta’minlash va yoshlarga yaratilgan imkoniyatlardan har bir yigit-qiz xabardor bo‘lishi va undan samarali foydalanishi uchun targ‘ibot-tashviqot ishlarini kuchaytirish zarurligi ta’kidlandi.

🚫

Majlisda Yoshlar ishlari agentligining parlament so‘roviga javobi ma’lumot uchun qabul qilindi.

🏢

Veb-sayt

📱

Facebook

📱

YouTube

📱

Instagram

📱

🔴

ParlamentTV_RADIO 🔹 Yoshlar parlamenti

Please open Telegram to view this post