Til – millatning ruhiy ustuni. O‘zbek xalqi asrlar davomida o‘z tilini saqlab kelgan, unga boy ma’naviy mazmun baxsh etgan. Bu tilda Navoiy, Bobur, Qodiriy, Cho‘lpon va yana qanchadan qancha o‘zbek tili nuktadonlari so‘zlagan, fikrini, dardini, orzu va umidlarini ifodalagan.

Til nafaqat kishilar o‘rtasida kommunikativ aloqa vositasi, balki o‘zi mansub bo‘lgan xalqning dini, madaniyati, urf-odat va an’analari, tabiati, mashg‘uloti, qo‘yingki, o‘tmishi va buguni haqida ma’lumot beruvchi muhim ijtimoiy hodisadir.

Til har bir xalqning milliy g‘ururi, tarixiy xotirasi va ma’naviy boyligidir. Har bir millat o‘zining tili orqali taniladi, o‘zligini anglaydi va dunyoga o‘z nigohini bildiradi.

Prezidentimiz xalqimizga yo‘llagan bayram tabrigida sakkiz yil oldin mamlakatimizda boshlagan tom ma’nodagi tarixiy islohotlar tufayli o‘zbek tili rivojida yangi davr boshlanganini qayd etib, kelajagimiz egasi bo‘lgan yosh avlodimiz milliy ruh, milliy tafakkur egasi, vatanparvar insonlar bo‘lib voyaga yetishlari uchun, avvalo, o‘zbek tili va adabiyotini bolalikdan boshlab puxta bilishlari shartligini ta’kidladi. Bu ona tilimizga bo‘lgan yuksak e’tiborning yorqin namunasidir.

Til — millatning ruhi, ma’naviy qudrati va tafakkur olamini yorituvchi nur. Til xalqning tarixiy xotirasi, o‘zligi va ma’naviyatining eng muhim ramzidir. Ona tilimiz milliy tafakkurimizning ildizi, ma’naviy tabiatimizning manbai.