عطر …:…..،

ميمر
.
.
.

حسين المهم عوف الناس .. كل واحد وترتيــبه
***
يامن حــياتك خلصت بــس عاشور
فرزن حچـــي المشهور والمامشهور
باللـــب تمـسك مايفـــيدن لگـــشور
عوف الگشر ثق ايطير .. بنسمة هوه ابــلا ريبه

***
مالك علاقــه بالحچــي المايــسوه
الدنيه تخض بالناس مثل الشچوه
المابـــيها چـَلـب زيــن صدگ يهوه
والچـَـلب ابــغير حسين .. يوگع ابـــير الريـبــه

***

الزم احسين وعوف احزاب الناس
صدگني تبــقه دوم مـرفوع الراس
من تنســئل گلــهم بحــزب العباس
انياله الذي اويه العباس .. صاير صدگ تنــسيبه

***

مرجعـك قــدسه وافــخـر بتــقــديسه
بــس بالك انته اويه الحسـين اتقيسه
ايصــير الحواري اتقــارنه وي عيــسى
طاري المراجع ممنوع .. بالشين انته تجيبه


***

يامـــن لبـــو السجــاد دمــعاتك ســـيل
طبــع النـــهار اتخـــذه لـــتداني اللـــيل
احسب احساب السحگة اضلوعه الخيل
مرات بعص الكلمات .. گلــب ابو اليمه اتصــيبه

***

الحگ انتميــله والـــزم ابطـــاريه
وخليــك حــر وعـــوف العـبوديه
حسين اعله مـودك جــثته مدميه
ولجلك بذل عالتربان .. اطفال وشباب وشيبه

***

ردت انه اذكــر للـذي ناسيــها
الهامات لوله احـسين منعليها
لجــلك ولجلي زينــبه سابيها
حتى نعيش ابهالخير .. وننسه الزمن تعذيبه

****

اشگد بيه رحم ملاچنه وهالملاچ
كل مايدفعونه اعــله بــابه نرتاچ
اشما ردنه منه مايــردنه الشــباچ
خيره يفيض اعله الناس .. ماينتــــهي ثاريبه
***
حيدر تركي الكربلائي

www.tg-me.com/qqq88997ffff


عطـ🌹ــــر

اللهم صل على محمد وال محمد


☁️🕊🕊🕊🕊🕊🕊🕊☁️



🍃🌸🍃…………………🍃🌸🍃

عطر. …….. ……


مولاتي زينب ع
نمشي وماوگفنه ليل ... ونهار
بصحره ولا لگينه ماي ... ونهار
اعله رمحه وعصب العباس ... ونهار
من شاف بحقد يحدون بيه.


علي سعيد


www.tg-me.com/qqq88997ffff


عطـ🌹ــــر

عطر ….


مجموعة ابو ذيات على لسان السيده (زينب ع) أهدي ثوابها للمرحوم ابو خالد الجريخي

يخوية   الشامت  بعينه  ..   صدالي
وصيح وصوتي ضل يرجع.. صدالي
جم سوط الشمر متني   ..صدالي
تعال  وشوف  تلكه  اثار  بيه
*-------------------*------------------*

مصايب خلصن بطفكم  .. وينشد
بديه   الحبل   يتخله   ..  وينشد
يزيد  بحالي  يستهزء    .. وينشد
زينب  وين  ويعاين  علية
*-----------------*-------------------*
اجيت وكلبي من الخوف  .. لاعيب
وكف   والبيرغ  بيمناه   ..  لاعيب
كلت اخبر ابو النوماس   .. لاعيب
خفت  لايزعل  الكافل  علية
*------------------*--------------------*
اهزن  بالجسد  ضنيت  ..  بيروح
وخلص عمري يخوية لروح ..  بيروح
يملك الموت هاك النفس   ..بيروح 
الجسد  عباس  لا ترجع  علية
*------------------*--------------------*
✍بقلم خادم الحسين
الشاعر رعد الجريخي

www.tg-me.com/qqq88997ffff


عطـ🌹ــــر

عطر …..:::……



محله العمر يكضي بالمجالس
ونشك هدومه ونصير عابس
وندرس شكو حب بعيون الحسين
المجالس تنحسب هم مدارس

ونقره كلب الحسين       يعلمنه العشك زين
نقره وتدمع العين          كلنه بحبه ميتين

جا هو الحيات  ...  والحب الازلي
جا هو الممات   ...   وبكبري يضوي الي 

      عشكي عشكي        ياحسين الازلي
          ....................................
محله الخادم اليعرك جبينه
يون وينحب يخلص سنينه
ينجن كون بالمجلس على حسين
مثل حمدان كون يطفي عينه

كون يصير حمدان            يبجي ودوم حزنان
يشك هدومه عريان          ويلطم وين ماجان

جا هو الي مات ... هنياله يم علي
جاهو الحيات   ... والحب الازلي
          
       عشكي عشكي       ياحسين الازلي
             ...................................
الخادم كون من يقره الزياره
كلبه يحترك وزيد ناره
يفيض امن الدمع ويتعب الروح
ويلطم صدره حيل بكل حراره

يلطم صدره وينوح       كون يطلع الروح
دم يفيض مجروح       على الي مات مذبوح

راسه على الرماح    ...    راسه يسوه هلي
جا هو الحيات     ...      والحب الازلي 
   
      عشكي  عشكي        ياحسين الازلي
         ......................................
الخادم كون مايغفله ليله
سوالف عشك عنده وي خليله
يعبر عن هيامه وشوكه كلبه
يحجي ضيم كلبه ويشتكيله


الخادم حيل محروك       كلبه على المعشوك
يموت بحبه بالشوك         كلشي بيه مخنوك

ينبض كلبه شوك    ...    حبه حب عسلي
جا هو الحيات      ...   والحب الازلي 

      عشكي عشكي     ياحسين الازلي
        ................................
خادم زينب
علي الحاتمي

www.tg-me.com/qqq88997ffff


عطـ🌹ــــر

تصبحون على خير



🍃🌸🍃🌸…..:……:….:..
🍃🌸🍃🕊……:…..:…..:…..:…
🍃🌸🍃🕊🕊……..:…..:…..:…

ولا تأمننَ لرفقةِ أحدٍ؛ حتى تراهُ في ثلاث: شِدة تُصيبك ، ونعمة تصيبه ، وجفوة بينكم. "

🍃 الإمام علي بن أبي طالب 🍃
عليه السلام 🍃


أسعدتم واسعد. صباحكم

خدام الحسين