ليلة العاشر
(نزله )
ملحمة الطف والجره بيها ... نختمها بيش وبيش نبديها
واحسيناه ... واحسيناه
_
قطب القضيه حسين من كل صفحه
وضل خالد نصره بفداء وجرحه
وشما حاول التاريخ اسمه يمسحه
خصمه اندثر وحسين يعلى صرحه
الاجل الشريعه روحه منطيها ... نختمها بيش وبيش نبديها
وأحسيناه ... واحسيناه
___
ابدون كل اعلام شاع انتصاره وانتشر
وفقط هو الي دمه اعلى السيوف انتصر
التضحيه واجبه تصير لو دين الله بخطر
وضحه ولده وضحه صحبه وضحه بنحر
حتى الشريعه بدمه يحميها ... نحتمها بيش وبيش نبديها
واحسيناه ... واحسيناه
____
حسين عبره نتخذ منه درس ثائر
حسين ثوره رافضيه ضد حكم جائر
وحسين دمعه تمحي الذنوب الكبائر
حسين لطمه وصرخه تعلى بكل المنائر
حسين محنه من يجي طاريها ... نختمها بيش وبيش نبديها
واحسيناه ... واحسيناه
___
كل ارض كربله وكل يوم اليمر عاشوره
وحسين مايتحدد بشهر المحرم دوره
الطف رساله عدل انكتبت على المعموره
الطف تحرر من الظلامه للبيها مأسوره
وكثره المواقف صعب نحجيها .. نختمها بيش وبيش نبديها
واحسيناه ... واحسيناه
____
محنة الطف تجذب تره العاطفه
وبيها الصاحب اتبين من موقفه
بيها الاخوه وضحت درس الوفه
بيها الصبر بفكد الاهل بيها جرح ماشفه
بيها حرم هل هجم سابيها ... نختمها بيش وبيش نبديها
واحسيناه ... واحسيناه
•••••••
الخادم : عباس محمد الحميداوي
محرم الحرام
(القصيده مهديه الى السيده شريفه بنت الامام الحسن عليها السلام)
(نزله )
ملحمة الطف والجره بيها ... نختمها بيش وبيش نبديها
واحسيناه ... واحسيناه
_
قطب القضيه حسين من كل صفحه
وضل خالد نصره بفداء وجرحه
وشما حاول التاريخ اسمه يمسحه
خصمه اندثر وحسين يعلى صرحه
الاجل الشريعه روحه منطيها ... نختمها بيش وبيش نبديها
وأحسيناه ... واحسيناه
___
ابدون كل اعلام شاع انتصاره وانتشر
وفقط هو الي دمه اعلى السيوف انتصر
التضحيه واجبه تصير لو دين الله بخطر
وضحه ولده وضحه صحبه وضحه بنحر
حتى الشريعه بدمه يحميها ... نحتمها بيش وبيش نبديها
واحسيناه ... واحسيناه
____
حسين عبره نتخذ منه درس ثائر
حسين ثوره رافضيه ضد حكم جائر
وحسين دمعه تمحي الذنوب الكبائر
حسين لطمه وصرخه تعلى بكل المنائر
حسين محنه من يجي طاريها ... نختمها بيش وبيش نبديها
واحسيناه ... واحسيناه
___
كل ارض كربله وكل يوم اليمر عاشوره
وحسين مايتحدد بشهر المحرم دوره
الطف رساله عدل انكتبت على المعموره
الطف تحرر من الظلامه للبيها مأسوره
وكثره المواقف صعب نحجيها .. نختمها بيش وبيش نبديها
واحسيناه ... واحسيناه
____
محنة الطف تجذب تره العاطفه
وبيها الصاحب اتبين من موقفه
بيها الاخوه وضحت درس الوفه
بيها الصبر بفكد الاهل بيها جرح ماشفه
بيها حرم هل هجم سابيها ... نختمها بيش وبيش نبديها
واحسيناه ... واحسيناه
•••••••
الخادم : عباس محمد الحميداوي
محرم الحرام
(القصيده مهديه الى السيده شريفه بنت الامام الحسن عليها السلام)
(ثكيل ليلة الرضيع .. ليان حال الرباب ليلة العاشر)
عبد الله ترسملي الليالي ... ايدي تهز والمهد خالي
حايره لحسين اوديك ... خايفه ترد مسبل ايديك
حيره يبني ... حيره يبني
_
تنغمي كل ساعه روحك الماي رايد تشربه
خايفه ابحظين ابيك ترد نبله امجلبه
بركبتك ياعبد يمه لهيج روحي امحسبه
خاف ترجعلي ثيابك بل الدماء امخضبه
عبد الله ياحلو المعاشر ... ماريد ميت ترد باجر
جف اللبن وبيش اغذيك ... خايفه ترد مسبل ايديك
حيره يبني ... حيره يبني
__
امعلكه روحي ابفتشت عينك افتح عينك
شهور عمرك يمه مو مال اكول اسنيك
يمه عبد الله اغفه انسه العطش وونينك
امدهونه يصبي نظرهن مابيني ومابينك
عبد الله متهدم دليلي ... عبد الله باجر صعب ليلي
باجر مو حظني اليدفيك ... خايفه ترد مسبل ايديك
حيره يبني ... حيره يبني
___
لا ليل الطال بينه ولا عمر جنه يطول
شفافك ماحجن يمه وافهمك انه شتكول
تكلي يمه اوداع شبعي وانه صايبني الذهول
الدلول ونام يبني وكعدتي باجر تزول
اضلن كاعده واشبع مناظر ... باجر بسمتك يمه تسافر
علصدر احسين نايم اخليك ... خايفه ترد مسبل ايديك
حيره يبني ... حيره يبني
___
مثل كعدتنه هسه باجر بل الطف تضيع
الماي لبن زياد لذه ومحرمه اعلينه جميع
لا الماي الباقي عندي ولا عبد الله الرضيع
تركض امك وكل خواتك يمه الموقف فضيع
يتعب ارباي ياشمعة بيتي .. باجر لليسر تصبح مشيتي
تشتاك لحنان الولده ادريك ... خايفه ترد مسبل ايديك
حيره يبني ... حيره يبني
___
عبد يمه كلي يمه كبل نطقك كلي بس
مادري العاشر شضملي روحي بلفركه تحس
عبد يمه الليل خلص وللصبح بيّن نفس
عبد يمه وين اضمك احجي لو حتى همس
اضمك وين ياصحر الرياج .. يمه لشوفتك يايمه احتاج
يابعد العافيه العطش ماذيك .. خايفه ترد مسبل ايديك
حيره يبني ... حيره يبني
خادم الرضيع : عباس محمد الحميداوي
محرم الحرام
عبد الله ترسملي الليالي ... ايدي تهز والمهد خالي
حايره لحسين اوديك ... خايفه ترد مسبل ايديك
حيره يبني ... حيره يبني
_
تنغمي كل ساعه روحك الماي رايد تشربه
خايفه ابحظين ابيك ترد نبله امجلبه
بركبتك ياعبد يمه لهيج روحي امحسبه
خاف ترجعلي ثيابك بل الدماء امخضبه
عبد الله ياحلو المعاشر ... ماريد ميت ترد باجر
جف اللبن وبيش اغذيك ... خايفه ترد مسبل ايديك
حيره يبني ... حيره يبني
__
امعلكه روحي ابفتشت عينك افتح عينك
شهور عمرك يمه مو مال اكول اسنيك
يمه عبد الله اغفه انسه العطش وونينك
امدهونه يصبي نظرهن مابيني ومابينك
عبد الله متهدم دليلي ... عبد الله باجر صعب ليلي
باجر مو حظني اليدفيك ... خايفه ترد مسبل ايديك
حيره يبني ... حيره يبني
___
لا ليل الطال بينه ولا عمر جنه يطول
شفافك ماحجن يمه وافهمك انه شتكول
تكلي يمه اوداع شبعي وانه صايبني الذهول
الدلول ونام يبني وكعدتي باجر تزول
اضلن كاعده واشبع مناظر ... باجر بسمتك يمه تسافر
علصدر احسين نايم اخليك ... خايفه ترد مسبل ايديك
حيره يبني ... حيره يبني
___
مثل كعدتنه هسه باجر بل الطف تضيع
الماي لبن زياد لذه ومحرمه اعلينه جميع
لا الماي الباقي عندي ولا عبد الله الرضيع
تركض امك وكل خواتك يمه الموقف فضيع
يتعب ارباي ياشمعة بيتي .. باجر لليسر تصبح مشيتي
تشتاك لحنان الولده ادريك ... خايفه ترد مسبل ايديك
حيره يبني ... حيره يبني
___
عبد يمه كلي يمه كبل نطقك كلي بس
مادري العاشر شضملي روحي بلفركه تحس
عبد يمه الليل خلص وللصبح بيّن نفس
عبد يمه وين اضمك احجي لو حتى همس
اضمك وين ياصحر الرياج .. يمه لشوفتك يايمه احتاج
يابعد العافيه العطش ماذيك .. خايفه ترد مسبل ايديك
حيره يبني ... حيره يبني
خادم الرضيع : عباس محمد الحميداوي
محرم الحرام
(نزله ليلة العاشر )
للحسين حرارة تهلتب ... للحسين صدك يسوه التعب
_
ياهنياله الشارك ... ابهاي الخدمه ونارك ... يحسين بيه مشتعله
الصعبه تدري وتصعب ... تنشاف اختك زينب ... لاهاي ابد مو سهله
للعاشر ابكل حيلنه ... قامتنه اهي ترتيلنه ... ولا الناقد نهمله
للحسين لو عبده انحسب ... للحسين صدك يسوه التعب
____
هذا العهد يتكرر ... امصيبتك هيه الاكبر ... وماتجي اكبر منها
دمعتي هاي التجري ... ولطمتي توسم صدري ... صاير انه مدمنها
مهربي بس لخيرك ... مدللني واحد غيرك ... مالاكي انه واعلنها
للحسين ابكلبي منكتب ... للحسين صدك يسوه التعب
_
شايل العز ابراسي ... تسبيح هاي انفاسي ... لو احضر المئتم
مو عشره هنه ايامك ... طول السنه الاامك ... يوميه ألم نتئلم
خلني اركض طوريجك ... يلي ناشف ريجك ... ومن درسك اتعلم
للحسين فلا غيره احب ... للحسين صدك يسوه التعب
____
كل سنه من اتحزم ... ونيتي الك أتقدم ... خطوه تنجي وتأمن
موكب مساند موكب ... ياشافع لكل مذنب ... من شيعتك والضامن
يحسين عهدي الدائم ... خادم اضلك خادم ... وتعوفني لا ماضن
للحسين روحي تنوهب ... للحسين صدك يسوه التعب
____
تدريها كل محنته ... اتماشي اجنبي عمتنه ... والخصم شامت بيها
طبت القصر تاذينه ... يحسين مو تدرينه ... زينب دمعنه اعليها
راسك بطشت الطاغي ... وبنتك تريد تناغي ... ارقيه ارجع ليها
للحسين عزانا المنصب ...للحسين صدك يسوه التعب
الخادم: عباس محمد الحميداوي
محرم الحرام
للحسين حرارة تهلتب ... للحسين صدك يسوه التعب
_
ياهنياله الشارك ... ابهاي الخدمه ونارك ... يحسين بيه مشتعله
الصعبه تدري وتصعب ... تنشاف اختك زينب ... لاهاي ابد مو سهله
للعاشر ابكل حيلنه ... قامتنه اهي ترتيلنه ... ولا الناقد نهمله
للحسين لو عبده انحسب ... للحسين صدك يسوه التعب
____
هذا العهد يتكرر ... امصيبتك هيه الاكبر ... وماتجي اكبر منها
دمعتي هاي التجري ... ولطمتي توسم صدري ... صاير انه مدمنها
مهربي بس لخيرك ... مدللني واحد غيرك ... مالاكي انه واعلنها
للحسين ابكلبي منكتب ... للحسين صدك يسوه التعب
_
شايل العز ابراسي ... تسبيح هاي انفاسي ... لو احضر المئتم
مو عشره هنه ايامك ... طول السنه الاامك ... يوميه ألم نتئلم
خلني اركض طوريجك ... يلي ناشف ريجك ... ومن درسك اتعلم
للحسين فلا غيره احب ... للحسين صدك يسوه التعب
____
كل سنه من اتحزم ... ونيتي الك أتقدم ... خطوه تنجي وتأمن
موكب مساند موكب ... ياشافع لكل مذنب ... من شيعتك والضامن
يحسين عهدي الدائم ... خادم اضلك خادم ... وتعوفني لا ماضن
للحسين روحي تنوهب ... للحسين صدك يسوه التعب
____
تدريها كل محنته ... اتماشي اجنبي عمتنه ... والخصم شامت بيها
طبت القصر تاذينه ... يحسين مو تدرينه ... زينب دمعنه اعليها
راسك بطشت الطاغي ... وبنتك تريد تناغي ... ارقيه ارجع ليها
للحسين عزانا المنصب ...للحسين صدك يسوه التعب
الخادم: عباس محمد الحميداوي
محرم الحرام
[ليلة- العاشر .. قصيده رئيسيه زينب مع الحسين ١٤٤٥]
راح اجيك حسين تتلكاني ؟
العلى التل يحسين اي هاي اني
مبين حيل تعبان ... ... اجيتك ضل يعطشان
يخويه .. .. .. يخويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين اذا قصة خدر ون كلبك الطلعني
وكتلك كبل جيتي تره اطلع يخي تسمعني
آخ التطلعها تره اتوجعك وهم توجعني
جبت الدرب ادعي يارب بحسين ربي اجمعني
حسين كلبي ضال يمك خايف
وشايله اهوايه عتب وسوالف
ولو كل حيلي خلصان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو شايفه جسمك تره مااصعد لهذا التل
بس تدري حرمه ولو ردت اندلك منين اندل
تكرهنه كل هاي الزلم ياهوه بيهم اسئل
جا غير زينب بت علي بغيرك فلاني اتوسل
كوم خويه الحر جو خدينك
اشبيها عينك ماتفكلي عينك
بيك تعيل تربان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين جم عثرة جدم واوصلك اشوي ناطر
ولو بيدي اضلن للصبح بس سبي اطلع باجر
ها هل وصلتك يبن أم مكسور مني الخاطر
هذا انت لو غيرك يخي معقوله هذا الصاير
كومة حجر ليش أعلى جسمك
مابيها حيل اتذبهن امك
تجيك ام كلب لهفان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعاوني مدري اعاونك حيّرت زينب كلش
انهضلي مو باجر زلم للكوفه بيه تغبش
انهض تره جف حرمله شعر وتراجي تهمش
شوف الخيم شبت تره والعين كام تغّوش
حسين هاي الخيم كوم اطفيهن
ومن رخصتك ضل علليك بيهن
عليل وهاي نيران ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو بيدي راح ارجع بعد يمك تضل عافيتي
وهاي امي اجتك فاطمه وللضيم فاطم جيتي
يحسين تنشدني ابدمع امك وهم ام بيتي
تنشدني من جسم الولد اشلميتي مالميتي
واشلميت منك يلي المطشر
نص منك رايح وي الاكبر
اصير المن يخوان ... اجيتك ضل يعطشان
خويه .. .. .. خويه
# الشاعر عباس محمد الحميداوي
١٤٤٥.٢٠٢٣ محرم الحرام
راح اجيك حسين تتلكاني ؟
العلى التل يحسين اي هاي اني
مبين حيل تعبان ... ... اجيتك ضل يعطشان
يخويه .. .. .. يخويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين اذا قصة خدر ون كلبك الطلعني
وكتلك كبل جيتي تره اطلع يخي تسمعني
آخ التطلعها تره اتوجعك وهم توجعني
جبت الدرب ادعي يارب بحسين ربي اجمعني
حسين كلبي ضال يمك خايف
وشايله اهوايه عتب وسوالف
ولو كل حيلي خلصان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو شايفه جسمك تره مااصعد لهذا التل
بس تدري حرمه ولو ردت اندلك منين اندل
تكرهنه كل هاي الزلم ياهوه بيهم اسئل
جا غير زينب بت علي بغيرك فلاني اتوسل
كوم خويه الحر جو خدينك
اشبيها عينك ماتفكلي عينك
بيك تعيل تربان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين جم عثرة جدم واوصلك اشوي ناطر
ولو بيدي اضلن للصبح بس سبي اطلع باجر
ها هل وصلتك يبن أم مكسور مني الخاطر
هذا انت لو غيرك يخي معقوله هذا الصاير
كومة حجر ليش أعلى جسمك
مابيها حيل اتذبهن امك
تجيك ام كلب لهفان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعاوني مدري اعاونك حيّرت زينب كلش
انهضلي مو باجر زلم للكوفه بيه تغبش
انهض تره جف حرمله شعر وتراجي تهمش
شوف الخيم شبت تره والعين كام تغّوش
حسين هاي الخيم كوم اطفيهن
ومن رخصتك ضل علليك بيهن
عليل وهاي نيران ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو بيدي راح ارجع بعد يمك تضل عافيتي
وهاي امي اجتك فاطمه وللضيم فاطم جيتي
يحسين تنشدني ابدمع امك وهم ام بيتي
تنشدني من جسم الولد اشلميتي مالميتي
واشلميت منك يلي المطشر
نص منك رايح وي الاكبر
اصير المن يخوان ... اجيتك ضل يعطشان
خويه .. .. .. خويه
# الشاعر عباس محمد الحميداوي
١٤٤٥.٢٠٢٣ محرم الحرام
[نعي ١٤٤٥..زينب والحسين]
تيهت دربي يحسين انه تيهت دربي
كظيت كلبي بس لامنذبح كظيت كلبي
منين اجيلك مكضوض الدرب ومنين اجيلك
ياكون اشيلك واجيبك للخيم ياكون اشيلك
جيت المه انه جسمك يخويه جيت المه
حركو اخيمه ذبحناه صيّحو حركو اخيمه
امتانه اتانيك على التله رحت وامتنانه اتانيك
اشصاير اعليك كومه من الحجر اشصاير اعليك
كالبينه كالبينه انه وجهك لكيته كالبينه كالبينه
امطلعينه امطلعينه كلبك من كفاك امطلعينه
شابعه روك ابصدرك الحوافر شابعه روك
جروك جروك سلبو هدمك وعلكاع جروك
صايره افتات اعظامك بسحك هل الصايره افتات
مرات مرات مو مره انسحكت ابخيل مرات
شلون اعرفه جسمك حرت وشلون اعرفه
بيش احلفه اجه ذباحك ايرد بيش احلفه
خلك ابنومك نايم عالترب خلك ابنومك
اشيكومك اشيكومك جثيره اسهام صدرك وشيكومك
شلون رفسه يطكك شمر بشلون رفسه
موش خمسه أصابع يمنتك شو موش خمسه
ابصدرك تربع يكام الشمر وابصدرك تربع
يحسين تسمع شتمني النذل يحسين تسمع
فرهود صاحو ذبحناه وعلخيم فرهود صاحو
للحرم راحو ابمشاعل نارهم للحرم راحو
جابوها الاحبال يهاي الهزل وجابوها الاحبال
واعليه تنكال جيبو الخارجيه اعليه تنكال
وعالي يراسك فوك الرمح عالي يراسك
حر شمس جاسك بعد الذبح حر شمس جاسك
راح امشي يحسين سبي وي الغرب راح امشي يحسين
وجنهم مبعدين بعد عن كربله جنهم مبعدين
اتبارى ذمتي وياك اريد اتبارى ذمتي
ولاكلت اختي لاكمت اليه وكلت اختي
#الشاعر عباس محمد الحميداوي
١٤٤٥.٢٠٢٣ محرم الحرام يوم تاسوعا
تيهت دربي يحسين انه تيهت دربي
كظيت كلبي بس لامنذبح كظيت كلبي
منين اجيلك مكضوض الدرب ومنين اجيلك
ياكون اشيلك واجيبك للخيم ياكون اشيلك
جيت المه انه جسمك يخويه جيت المه
حركو اخيمه ذبحناه صيّحو حركو اخيمه
امتانه اتانيك على التله رحت وامتنانه اتانيك
اشصاير اعليك كومه من الحجر اشصاير اعليك
كالبينه كالبينه انه وجهك لكيته كالبينه كالبينه
امطلعينه امطلعينه كلبك من كفاك امطلعينه
شابعه روك ابصدرك الحوافر شابعه روك
جروك جروك سلبو هدمك وعلكاع جروك
صايره افتات اعظامك بسحك هل الصايره افتات
مرات مرات مو مره انسحكت ابخيل مرات
شلون اعرفه جسمك حرت وشلون اعرفه
بيش احلفه اجه ذباحك ايرد بيش احلفه
خلك ابنومك نايم عالترب خلك ابنومك
اشيكومك اشيكومك جثيره اسهام صدرك وشيكومك
شلون رفسه يطكك شمر بشلون رفسه
موش خمسه أصابع يمنتك شو موش خمسه
ابصدرك تربع يكام الشمر وابصدرك تربع
يحسين تسمع شتمني النذل يحسين تسمع
فرهود صاحو ذبحناه وعلخيم فرهود صاحو
للحرم راحو ابمشاعل نارهم للحرم راحو
جابوها الاحبال يهاي الهزل وجابوها الاحبال
واعليه تنكال جيبو الخارجيه اعليه تنكال
وعالي يراسك فوك الرمح عالي يراسك
حر شمس جاسك بعد الذبح حر شمس جاسك
راح امشي يحسين سبي وي الغرب راح امشي يحسين
وجنهم مبعدين بعد عن كربله جنهم مبعدين
اتبارى ذمتي وياك اريد اتبارى ذمتي
ولاكلت اختي لاكمت اليه وكلت اختي
#الشاعر عباس محمد الحميداوي
١٤٤٥.٢٠٢٣ محرم الحرام يوم تاسوعا
[رئيسيه - خطاب بين الرباب والحسين عندما رجع بعبد الله الرضيع مذبوحاً١٤٤٥]
امناغيته توني اوديعيته ... حسبالي ماي الشربيته
يحسين ميت شو لكيته
اوليدي اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من اجت عمته وأخذته بيه روح ابني شويه
وكل اعتقادي اتشربه ابلال لشفاه امّيه
كمطته اخير اكماط ابني انطيته للعلويه
جيتوني ظهرك منحني وركبته هم محنيه
ابني اشحلاته من خذيته ... حسبالي ماي الشربيته
يحسين شو ميت لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شو لابس ابيض بزرتي ولاسيف شايل بيده
ابدال جم كطره عذب نبله حصل للوريده
جاما كدرت أعلى السهم يحسين ضال بجيده
المن؟ يضل عايش بعد الذبحو بحضنه اوليده
جا من دمه وليدي رويته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين آخ من الولد ذبحو بزرتك كلها
مساعه الاكبر تعّبك وعبد الله هم جملها
وجا ماخطه اوليدي السهم ركبته جن يندلها
وشضللها الوحيد مشه روحي شنو شضللها
كاروكه خالي وحركيّته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تدريني جنت مناطره يمه يكلي ويكبر
اتعاب ست شهر مشت يحسين وانت اتصور
عود أكدر اغفى بفركته هيهات من عود أكدر
الكاروك ضلته المن بعد والمن اباري واسهر
لو ميته ولافاركيته ... حسبالي ماي الشربيته
يحسين ميت شو لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبدالله تتركني صدك وشابت ابوك الحيته
اكعد يبو طول الحلو الكل شهر شبريته
الموت اليردك الي شيريد يمه انطيته
جرحك كسر ظهري عبد لو تدري بسويته
موتك تراني عاتبيته ... حسبالي ماي الشربيته
يحسين شو ميت لكيته
وليدي ... وليدي
# الشاعر عباس محمد الحميداوي
١٤٤٥.٢٠٢٣ محرم الحرام
امناغيته توني اوديعيته ... حسبالي ماي الشربيته
يحسين ميت شو لكيته
اوليدي اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من اجت عمته وأخذته بيه روح ابني شويه
وكل اعتقادي اتشربه ابلال لشفاه امّيه
كمطته اخير اكماط ابني انطيته للعلويه
جيتوني ظهرك منحني وركبته هم محنيه
ابني اشحلاته من خذيته ... حسبالي ماي الشربيته
يحسين شو ميت لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شو لابس ابيض بزرتي ولاسيف شايل بيده
ابدال جم كطره عذب نبله حصل للوريده
جاما كدرت أعلى السهم يحسين ضال بجيده
المن؟ يضل عايش بعد الذبحو بحضنه اوليده
جا من دمه وليدي رويته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين آخ من الولد ذبحو بزرتك كلها
مساعه الاكبر تعّبك وعبد الله هم جملها
وجا ماخطه اوليدي السهم ركبته جن يندلها
وشضللها الوحيد مشه روحي شنو شضللها
كاروكه خالي وحركيّته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تدريني جنت مناطره يمه يكلي ويكبر
اتعاب ست شهر مشت يحسين وانت اتصور
عود أكدر اغفى بفركته هيهات من عود أكدر
الكاروك ضلته المن بعد والمن اباري واسهر
لو ميته ولافاركيته ... حسبالي ماي الشربيته
يحسين ميت شو لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبدالله تتركني صدك وشابت ابوك الحيته
اكعد يبو طول الحلو الكل شهر شبريته
الموت اليردك الي شيريد يمه انطيته
جرحك كسر ظهري عبد لو تدري بسويته
موتك تراني عاتبيته ... حسبالي ماي الشربيته
يحسين شو ميت لكيته
وليدي ... وليدي
# الشاعر عباس محمد الحميداوي
١٤٤٥.٢٠٢٣ محرم الحرام
# اللية العاشره
(لمصرع الحسين ١٤٤٦)
اخوي من الخيم ينسمع ونه
وهذاك الشمر جر السيف جنه
عسن لاشافت العين ... ... بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الله اكبر .. حسين هذا .. وهيج صاير حاله
بعينه زينب .. بعينه خيمه .. احتركت أعلى اعياله
حسين حيل امدوهن وماعنده راي
ساعه رجعي ساعه يكلي تعاي
يشوفني ومايكدر بطوله ايكوم
وخاف اعوفه وخايفه ينادي وراي
اخيي الشمس جوت كل جروحه
وخل بهداي تطلع كون روحه
شيطلب الشمر دين ؟؟ ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احاه اسمعه ... وكلت زينب ٠٠ لحكي لاخر نظره
من اجيته ... اشلكيته؟ ... اثنعش طبره ابنحره
وعاين فوك راسي رمح مشيول
عليه الراس واسمع دبج الخيول
صحت مات ابو اليمه الخيل المن
نسحك جسم اخيج واحد يكول
اجه واحد واسمعه ابكل شماته
ذبحتو احسين روحو اسبو خواته
وعله صياح النساوين ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امنين دربي ؟ ... شماله كلبي ؟ ٠٠٠ ماوكف وارتاحن
الحرم هجت ... وين فرن ؟؟ ... وين والمن راحن
كبل سلابها كون الكه بنتك
السبي يحسين اجاني ومن رخصتك
يمكن الحك ويمكن تصب هسه اذنها
رايحه ويحسين يالغالي عذرتك
بعد مو مال ضله حسين الأيتام
كلمن راد ابوه وشيخلص الايام
حالك وحالي موزين ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الخيل هايه ... عشره منها ... تسحك أعلى اجروحك
الباقي هجمت ... أعلى المخّيم ... وراح تطلع روحك
موت حسين احسن ولاتناظرنه
بين النار والسلابه هل صرنه
بعد مااكدر حسين واجي يمك
لأن مجتوفه والحادي بحبل جرنه
مثلك انه حسين ماباكيلي حيل
وجايني يحسين ليل شلون ليل
ايشجيب النوم ومنين؟ ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اوداعت الله ... ورحت عنك ... ابركبتي ثمانين روح
ابجبر رحنه ... وسوط ظالم ... خله بمتوني الجروح
مابيها هلا الشام اتحجي البوب
رحت والتم علينه السوك انوب
المايشتمنه يشمر حجر يحسين
وانه بنص الغرب والتفت ياصوب
وتاليها الخرايب امجان الي تصير
جرح السبي كلش كلش اجبير
جنت وين وصرت وين ... بس لايذبح حسين
وهذاك الشمر جر السيف جنه
الشاعر الحسيني:عباس محمد الحميداوي
١٤٤٦.٢٠٢٤ شهر محرم الحرام
(لمصرع الحسين ١٤٤٦)
اخوي من الخيم ينسمع ونه
وهذاك الشمر جر السيف جنه
عسن لاشافت العين ... ... بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الله اكبر .. حسين هذا .. وهيج صاير حاله
بعينه زينب .. بعينه خيمه .. احتركت أعلى اعياله
حسين حيل امدوهن وماعنده راي
ساعه رجعي ساعه يكلي تعاي
يشوفني ومايكدر بطوله ايكوم
وخاف اعوفه وخايفه ينادي وراي
اخيي الشمس جوت كل جروحه
وخل بهداي تطلع كون روحه
شيطلب الشمر دين ؟؟ ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احاه اسمعه ... وكلت زينب ٠٠ لحكي لاخر نظره
من اجيته ... اشلكيته؟ ... اثنعش طبره ابنحره
وعاين فوك راسي رمح مشيول
عليه الراس واسمع دبج الخيول
صحت مات ابو اليمه الخيل المن
نسحك جسم اخيج واحد يكول
اجه واحد واسمعه ابكل شماته
ذبحتو احسين روحو اسبو خواته
وعله صياح النساوين ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امنين دربي ؟ ... شماله كلبي ؟ ٠٠٠ ماوكف وارتاحن
الحرم هجت ... وين فرن ؟؟ ... وين والمن راحن
كبل سلابها كون الكه بنتك
السبي يحسين اجاني ومن رخصتك
يمكن الحك ويمكن تصب هسه اذنها
رايحه ويحسين يالغالي عذرتك
بعد مو مال ضله حسين الأيتام
كلمن راد ابوه وشيخلص الايام
حالك وحالي موزين ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الخيل هايه ... عشره منها ... تسحك أعلى اجروحك
الباقي هجمت ... أعلى المخّيم ... وراح تطلع روحك
موت حسين احسن ولاتناظرنه
بين النار والسلابه هل صرنه
بعد مااكدر حسين واجي يمك
لأن مجتوفه والحادي بحبل جرنه
مثلك انه حسين ماباكيلي حيل
وجايني يحسين ليل شلون ليل
ايشجيب النوم ومنين؟ ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اوداعت الله ... ورحت عنك ... ابركبتي ثمانين روح
ابجبر رحنه ... وسوط ظالم ... خله بمتوني الجروح
مابيها هلا الشام اتحجي البوب
رحت والتم علينه السوك انوب
المايشتمنه يشمر حجر يحسين
وانه بنص الغرب والتفت ياصوب
وتاليها الخرايب امجان الي تصير
جرح السبي كلش كلش اجبير
جنت وين وصرت وين ... بس لايذبح حسين
وهذاك الشمر جر السيف جنه
الشاعر الحسيني:عباس محمد الحميداوي
١٤٤٦.٢٠٢٤ شهر محرم الحرام
#اللية العاشره
(الرباب والحسين ١٤٤٦)
هذا الرضيع الماحجه اليمه
شو جبته اليه سابح بدمه
الماماشي مره اكبالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
البعده ماحاجي ابد ولاكال يمه ويابه
بيض الملابس من مشه شو هسه حمره اثيابه
وي النفس عايش عبد ويجرحني حيل غيابه
ياريت صوبني السهم يابو علي اولا صابه
ومتعوده جنت اعليه ليليله
ومااغفه الا ينام بديه
خالي المهد شو خالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الله كمطته ابصبر بس الأجل وازاني
الربيته ست شهر مشه وبين الألم خلاني
جنت احلم يضل الولد ويكبر ابين احضاني
ماجنت احسب موتته وسفه الوكت غدراني
جنت بزفافه والعرس احلم
وشلون اهلهل كلت اتعلم
خابت ابساع آمالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صعبه اصدك موتته وصعبه اشوفن نحره
الموت مو كد الولد وعبد الله كلي شكبره
يفتح عيونه بضحكته ترجعلي بيه منتظره
ماحسبت تعب الربه وابساع يخلص عمره
تمنيت كون اتعب على رباته
وماردت من أكبر مجازاته
افراكه صبح جتالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وجا هاكثر نازف دمه ازغر قرابين الله
جلده ترف وحار السهم ذبحاه اي واسم الله
امشي اجيبن مهده الك لو هيجي اخلي بله؟
ماميت اوليدي اضن نايم اضن عبد الله
بلكي من اهزه بالمهد يكعد
اوي الزغار الموت اله موعد؟؟
مثل ام الاكبر حالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين ام الاكبر خل تجي ونتكابل انه وياها
ننعى نواعي أعلى الولد الراحت ولانلكاها
وصيحولي رمله الفاكده وخل نبجي لمبجاها
انه الرباب ام الولد الحيل الدهر اذاها
وصيحولي عمته زينب اهنانه
وتنعى اريد وتبجي ويانه
انعى انه اضل لتالي ... مذبوح جبت الغالي
يحسين يحسين ... يحسين يحسين
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
(الرباب والحسين ١٤٤٦)
هذا الرضيع الماحجه اليمه
شو جبته اليه سابح بدمه
الماماشي مره اكبالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
البعده ماحاجي ابد ولاكال يمه ويابه
بيض الملابس من مشه شو هسه حمره اثيابه
وي النفس عايش عبد ويجرحني حيل غيابه
ياريت صوبني السهم يابو علي اولا صابه
ومتعوده جنت اعليه ليليله
ومااغفه الا ينام بديه
خالي المهد شو خالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الله كمطته ابصبر بس الأجل وازاني
الربيته ست شهر مشه وبين الألم خلاني
جنت احلم يضل الولد ويكبر ابين احضاني
ماجنت احسب موتته وسفه الوكت غدراني
جنت بزفافه والعرس احلم
وشلون اهلهل كلت اتعلم
خابت ابساع آمالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صعبه اصدك موتته وصعبه اشوفن نحره
الموت مو كد الولد وعبد الله كلي شكبره
يفتح عيونه بضحكته ترجعلي بيه منتظره
ماحسبت تعب الربه وابساع يخلص عمره
تمنيت كون اتعب على رباته
وماردت من أكبر مجازاته
افراكه صبح جتالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وجا هاكثر نازف دمه ازغر قرابين الله
جلده ترف وحار السهم ذبحاه اي واسم الله
امشي اجيبن مهده الك لو هيجي اخلي بله؟
ماميت اوليدي اضن نايم اضن عبد الله
بلكي من اهزه بالمهد يكعد
اوي الزغار الموت اله موعد؟؟
مثل ام الاكبر حالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين ام الاكبر خل تجي ونتكابل انه وياها
ننعى نواعي أعلى الولد الراحت ولانلكاها
وصيحولي رمله الفاكده وخل نبجي لمبجاها
انه الرباب ام الولد الحيل الدهر اذاها
وصيحولي عمته زينب اهنانه
وتنعى اريد وتبجي ويانه
انعى انه اضل لتالي ... مذبوح جبت الغالي
يحسين يحسين ... يحسين يحسين
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
# الليلة العاشره
(خطاب السيده زينب والامام الحسين ليلة العاشر١٤٤٦)
باجر يحسين ... وين اشرد وين ... ابحين التوكع
باجر عثرات ... وسوط وهزلات ... يحسين اشبع
وماصار الصبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين باجر طيحتك تخليني أطر العسكر
افتر ادورك يالاخو واعلينه خصمك يفتر
وباجر قمصيك مايضل ميت ومنك ينجر
احضر انادي ياعلي يابو الحسن يمي احضر
وام خد مسطور ... وضلع المكسور ... هم تحضرني
وشيرد الكوم ... يبن امي بيوم ... شمر يجرني
اذا خلص ذبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين بعدك بالخيم والعاشر بعد ماصاير
واجروح احس بيك شكثر يبن الزجيه وحاير
يمك بعدهم صحبتك ماصحت الا من ناصر
من هسه ايدك عل الظهر يحسين كلي شصاير
ومن هسه وحاس ... تفكد عباس ... وترجع وحدك
تصد للخيمات ... تحس محتركات .. شنهو قصدك
وعينك عالرمح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين تنظر للسهم وترجع تناظر صدرك
يمكن يصيبك بالكلب وكلش يخويه يعورك
تتلمس هوايه شعجب شفتك يخويه بنحرك؟
تنذبح يمكن وانه فوك التل اضل انتظرك
يذبحونك ليش ... ويسبونه الجيش ... ادري بكلهن
وانه بلا راي ... اركض للماي ... اندهه عمهن
كلشي متضح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وخويه رقيه وشعجب اهواي كعدت يمك
وجنها تحس تفاركك كلساع شو تشتمك
يحسين عنها بكربله وين انه اضمن دمك ؟
يل يوزعونك بالطعن وحافر يطشر جسمك
والخيل الخيل ... من تسحك حيل ... ماترحم لا
وجني أتصور ... تضل بس منحر ... يحسين اهناه
عاري ومنطرح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين لوعة كربله ابوجهك انرسمت كلها
من طيحت الاكبر علي لروحي وفكد كافلها
وعندك سوالف ادري انه كلبي فلا يحملها
ومرحلة موت من العطش ادريك اي واصلها
تفتح بالعين ... شو كوه حسين ... حيلك رايح
ومابيك تكوم ... كلش مهموم ... وحزنك واضح
يلكلبك سمح ... وبيك شجم جرح
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
(خطاب السيده زينب والامام الحسين ليلة العاشر١٤٤٦)
باجر يحسين ... وين اشرد وين ... ابحين التوكع
باجر عثرات ... وسوط وهزلات ... يحسين اشبع
وماصار الصبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين باجر طيحتك تخليني أطر العسكر
افتر ادورك يالاخو واعلينه خصمك يفتر
وباجر قمصيك مايضل ميت ومنك ينجر
احضر انادي ياعلي يابو الحسن يمي احضر
وام خد مسطور ... وضلع المكسور ... هم تحضرني
وشيرد الكوم ... يبن امي بيوم ... شمر يجرني
اذا خلص ذبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين بعدك بالخيم والعاشر بعد ماصاير
واجروح احس بيك شكثر يبن الزجيه وحاير
يمك بعدهم صحبتك ماصحت الا من ناصر
من هسه ايدك عل الظهر يحسين كلي شصاير
ومن هسه وحاس ... تفكد عباس ... وترجع وحدك
تصد للخيمات ... تحس محتركات .. شنهو قصدك
وعينك عالرمح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين تنظر للسهم وترجع تناظر صدرك
يمكن يصيبك بالكلب وكلش يخويه يعورك
تتلمس هوايه شعجب شفتك يخويه بنحرك؟
تنذبح يمكن وانه فوك التل اضل انتظرك
يذبحونك ليش ... ويسبونه الجيش ... ادري بكلهن
وانه بلا راي ... اركض للماي ... اندهه عمهن
كلشي متضح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وخويه رقيه وشعجب اهواي كعدت يمك
وجنها تحس تفاركك كلساع شو تشتمك
يحسين عنها بكربله وين انه اضمن دمك ؟
يل يوزعونك بالطعن وحافر يطشر جسمك
والخيل الخيل ... من تسحك حيل ... ماترحم لا
وجني أتصور ... تضل بس منحر ... يحسين اهناه
عاري ومنطرح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين لوعة كربله ابوجهك انرسمت كلها
من طيحت الاكبر علي لروحي وفكد كافلها
وعندك سوالف ادري انه كلبي فلا يحملها
ومرحلة موت من العطش ادريك اي واصلها
تفتح بالعين ... شو كوه حسين ... حيلك رايح
ومابيك تكوم ... كلش مهموم ... وحزنك واضح
يلكلبك سمح ... وبيك شجم جرح
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
#الليلة العاشره
(نزله لعزاء ليلة العاشر١٤٤٦ )
المهر لمن لفه لزينب ... وباوعت لدمومه
نشدته بيا كتر اخيي ... وكع بارض الحومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حين يصهل واجه لزينب امبين اعليه الذهول
لحكي طاح حسين يخته جنه للحره يكول
اوسادته امن الرمل صارت ويمه تندار الخيول
طاح مابيه بعد ينهض وتصعب اعليه كومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب وضل ايتكلب الرمل يجوي اجروحه
والسهم المثلث يزينب حيل عذّب روحه
شكو شي ينشمر نحوه ويلي جان يلوحه
شلون محنه البيها طايح من الطف ويومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افياي لو عندج لخييج ولو ماي اسمع طلب
اعليه خل نلحك يزينب الشمر من عنده اقترب
يموت خافن مثل ابنه ومن دمه نحره شرب
وخاف لو داسته الخيل تضيع عنه ارسومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجعته لخيامه زينب ايسي كلش منها هاي
ولسان حاله يكول جرحي ينزف وشديه تعاي
كال اخوج افكدت شوفي يختي من شدة ضماي
وبعد من هالحال شصعب هايه كل اعلومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابطيحته يعني يزينب للسبي قصه ابتدت
يعني هجمو أعلى اخيامج والعيال اتفرهدت
وهزله يعني الناكه صارت والايدين اتشددت
وسوط ابن جوشن يضربج ومنه هم مشتومه
الشاعر الحسيني : عباس محمد الحميداوي
١٤٤٦.٢٠٢٤ محرم الحرام ..
(نزله لعزاء ليلة العاشر١٤٤٦ )
المهر لمن لفه لزينب ... وباوعت لدمومه
نشدته بيا كتر اخيي ... وكع بارض الحومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حين يصهل واجه لزينب امبين اعليه الذهول
لحكي طاح حسين يخته جنه للحره يكول
اوسادته امن الرمل صارت ويمه تندار الخيول
طاح مابيه بعد ينهض وتصعب اعليه كومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب وضل ايتكلب الرمل يجوي اجروحه
والسهم المثلث يزينب حيل عذّب روحه
شكو شي ينشمر نحوه ويلي جان يلوحه
شلون محنه البيها طايح من الطف ويومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افياي لو عندج لخييج ولو ماي اسمع طلب
اعليه خل نلحك يزينب الشمر من عنده اقترب
يموت خافن مثل ابنه ومن دمه نحره شرب
وخاف لو داسته الخيل تضيع عنه ارسومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجعته لخيامه زينب ايسي كلش منها هاي
ولسان حاله يكول جرحي ينزف وشديه تعاي
كال اخوج افكدت شوفي يختي من شدة ضماي
وبعد من هالحال شصعب هايه كل اعلومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابطيحته يعني يزينب للسبي قصه ابتدت
يعني هجمو أعلى اخيامج والعيال اتفرهدت
وهزله يعني الناكه صارت والايدين اتشددت
وسوط ابن جوشن يضربج ومنه هم مشتومه
الشاعر الحسيني : عباس محمد الحميداوي
١٤٤٦.٢٠٢٤ محرم الحرام ..
Forwarded from أحمد الخلف
https://youtu.be/TcFu3eaoEmw?si=uHZTF05quNlrpJnt
==========================
آنه العليلـه كلمات الشاعر عباس محمد الحميداوي أداء الرادود الحسيني حيدر آل خميس ليلة ٢/محرم/١٤٤٧
==========================
آنه العليلـه كلمات الشاعر عباس محمد الحميداوي أداء الرادود الحسيني حيدر آل خميس ليلة ٢/محرم/١٤٤٧
YouTube
آنه العليلـه كلمات الشاعر عباس محمد الحميداوي أداء الرادود الحسيني حيدر آل خميس ليلة ٢/محرم/١٤٤٧
# محرم ١٤٤٧
(قصيده لسان حال العليله عليه السلام )
بجاه الزجيه دعوتي ... ... ياربي شافي علتي
آنه العليلـه ... ... ... آنه العليلـه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه العليلـه فاطمه بهمومي ادعي
وانت يارب البشر اعلم…
(قصيده لسان حال العليله عليه السلام )
بجاه الزجيه دعوتي ... ... ياربي شافي علتي
آنه العليلـه ... ... ... آنه العليلـه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه العليلـه فاطمه بهمومي ادعي
وانت يارب البشر اعلم…
الشاعر عباس محمد الحميداوي
https://youtu.be/TcFu3eaoEmw?si=uHZTF05quNlrpJnt ========================== آنه العليلـه كلمات الشاعر عباس محمد الحميداوي أداء الرادود الحسيني حيدر آل خميس ليلة ٢/محرم/١٤٤٧
الرادود من القطيف- صفوى - حيدر آل خميس من السعوديه ربي يوفقك ويزيد توفيك
الشاعر عباس محمد الحميداوي pinned «https://youtu.be/TcFu3eaoEmw?si=uHZTF05quNlrpJnt ========================== آنه العليلـه كلمات الشاعر عباس محمد الحميداوي أداء الرادود الحسيني حيدر آل خميس ليلة ٢/محرم/١٤٤٧»
الشاعر عباس محمد الحميداوي pinned «الرادود من القطيف- صفوى - حيدر آل خميس من السعوديه ربي يوفقك ويزيد توفيك»
#محرم١٤٤٧
(ليلة العاشر ١٤٤٧)
هالليلة زينب ليلة وداع .. جيبو اعيالي يمي ابساع
اتوادع وياهم ردت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اموادع والصبح ... باقيله ذني الساعات
وباجر يزينب مااضن ... نلتم بعد لا هيهات
باجر ولايمج اخو ... ويصيحون عباس مات
باجر سياط وللسبي ... باجر فرح للشمات
باجر يمن لااجه باجر ... تشوفيني بالحومه حاير
والعطش دلالي يفت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين الحنينه ابنيتي ... ارقيه واريد سكينه
الاكبر يزينب خل يجي... من رحت فدوه لعينه
وطفلي الرضيع البل مهد ... هم بيدج تجيبينه
العباس واخواني اجو ... السجاد زينب وينه
وكل آل هاشم خل يجوني .. تشبع ردت منهم اعيوني
دمعي ياخويه ماسكت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلهم عطاشى آل النبي ... بيا وكت صارت هايه
والماي مهر امنه تره ... اشماله الفرات ومايه
وماأبري ذمتك يانهر ... تأذى الرضيع اهوايه
وهاذي نوايب كربله ... والدهر سوه اسوايه
يم الشماته ذبني دهري ... وياربي انت بهايه تدري
ونار بدليلي تلاهبت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحرم يربات الخدر ... ماحاجه اوصيجن بعد
وينصاري يهل المرجلة ... عدواني عدهم فد قصد
يرودني بس انه تره ... ولو طحت مايرودن احد
سيرو ابهل الليلة بضعن ... كفيتو وأديتو العهد
بلحظتها منهم صدر تصريح .. كدامكم يبن النبي نطيح
وخدامكم يهل البخت ... ياخويه ماضلي وكت
هالليلة زينب ليلة وداع
✍️عباس محمد الحميداوي
١٤٤٧.٢٠٢٥ محرم الحرام
(ليلة العاشر ١٤٤٧)
هالليلة زينب ليلة وداع .. جيبو اعيالي يمي ابساع
اتوادع وياهم ردت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اموادع والصبح ... باقيله ذني الساعات
وباجر يزينب مااضن ... نلتم بعد لا هيهات
باجر ولايمج اخو ... ويصيحون عباس مات
باجر سياط وللسبي ... باجر فرح للشمات
باجر يمن لااجه باجر ... تشوفيني بالحومه حاير
والعطش دلالي يفت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين الحنينه ابنيتي ... ارقيه واريد سكينه
الاكبر يزينب خل يجي... من رحت فدوه لعينه
وطفلي الرضيع البل مهد ... هم بيدج تجيبينه
العباس واخواني اجو ... السجاد زينب وينه
وكل آل هاشم خل يجوني .. تشبع ردت منهم اعيوني
دمعي ياخويه ماسكت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلهم عطاشى آل النبي ... بيا وكت صارت هايه
والماي مهر امنه تره ... اشماله الفرات ومايه
وماأبري ذمتك يانهر ... تأذى الرضيع اهوايه
وهاذي نوايب كربله ... والدهر سوه اسوايه
يم الشماته ذبني دهري ... وياربي انت بهايه تدري
ونار بدليلي تلاهبت ... ياخويه ماضلي وكت
هالليلة زينب ليلة وداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحرم يربات الخدر ... ماحاجه اوصيجن بعد
وينصاري يهل المرجلة ... عدواني عدهم فد قصد
يرودني بس انه تره ... ولو طحت مايرودن احد
سيرو ابهل الليلة بضعن ... كفيتو وأديتو العهد
بلحظتها منهم صدر تصريح .. كدامكم يبن النبي نطيح
وخدامكم يهل البخت ... ياخويه ماضلي وكت
هالليلة زينب ليلة وداع
✍️عباس محمد الحميداوي
١٤٤٧.٢٠٢٥ محرم الحرام
# محرم ١٤٤٧
(قصيدة في حق الرضيع عن لسان ابيه الحسين ١٤٤٧)
ماعنده كل ذنب ... هذا الطفل رضيع
من العطش ينتحب ... هذا الطفل رضيع
بيدي اشوفنه يتلوه ... يبلع ارياجه شفته كوه
هذا الطفل رضيع ... هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من العطش هذا الطفل ماكدر يهده اشويه
وياآل أميه مو الي رحمو الطفل خطيه
ماردنه جربه من النهر لشفافه ردنه اميّه
صدر أمه جف من اللبن تشربونه ردو اعليه؟
ردناه يفكله عين ... هذا الطفل رضيع
وحاله فلاهو زين ... هذا الطفل رضيع
بلوه العطش ياناس بلوه ... يبلع ارياجه شفته كوه
هذا الطفل رضيع ...هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منظر رضيعي كل كلب ياناس والله يكسره
مغمي عليه بس النفس لشفافه رايد كطره
ومحتار بيه ماعندي حل محيرني حتى ابعمره
وست أشهر ايام الولد مو مال نبله تنحره
ياحرمله عينك عليه ... هذا الطفل رضيع
ضم السهم هذا اليه ... هذا الطفل رضيع
ياحرمله كلي اشسوه ... يبلع ارياجه شفته كوه
هذا الطفل رضيع ... هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحرمله ويابن سعد سهمين خلو لكلبي
ذبحوني الف مره سهل بس صعبه تذبح تعبي
السهم يفصل ركبته وحاير اضل كل دربي
بس هذا ضل عندي بعد سترك صحت ياربي
ارجع لأمه بيش بله ... هذا الطفل رضيع
اسمله عليه يارب اسمله ... هذا الطفل رضيع
سلوه الرباب الطفل سلوه ... يبلع ارياجه شفته كوه
هذا الطفل رضيع ... هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اول وتالي ياعمر ابهل المعركه اتذبحوني
ومو هينه اجيبنه وأجي واطلب ومتلبوني
هاكم دشوفو بس جلد شربو وأنه عطشوني
خايف عليه من السهم شوفوني بس شوفوني
تحت العباية اوليدي ... هذا الطفل رضيع
وبس لايموت ابيدي ... هذا الطفل رضيع
وياه اموت بسهم اشوه ... يبلع ارياجه شفته كوه
هذا الطفل رضيع ... هذا الطفل رضيع
✍️عباس محمد الحميداوي
١٤٤٧.٢٠٢٥ محرم الحرام
(قصيدة في حق الرضيع عن لسان ابيه الحسين ١٤٤٧)
ماعنده كل ذنب ... هذا الطفل رضيع
من العطش ينتحب ... هذا الطفل رضيع
بيدي اشوفنه يتلوه ... يبلع ارياجه شفته كوه
هذا الطفل رضيع ... هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من العطش هذا الطفل ماكدر يهده اشويه
وياآل أميه مو الي رحمو الطفل خطيه
ماردنه جربه من النهر لشفافه ردنه اميّه
صدر أمه جف من اللبن تشربونه ردو اعليه؟
ردناه يفكله عين ... هذا الطفل رضيع
وحاله فلاهو زين ... هذا الطفل رضيع
بلوه العطش ياناس بلوه ... يبلع ارياجه شفته كوه
هذا الطفل رضيع ...هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منظر رضيعي كل كلب ياناس والله يكسره
مغمي عليه بس النفس لشفافه رايد كطره
ومحتار بيه ماعندي حل محيرني حتى ابعمره
وست أشهر ايام الولد مو مال نبله تنحره
ياحرمله عينك عليه ... هذا الطفل رضيع
ضم السهم هذا اليه ... هذا الطفل رضيع
ياحرمله كلي اشسوه ... يبلع ارياجه شفته كوه
هذا الطفل رضيع ... هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحرمله ويابن سعد سهمين خلو لكلبي
ذبحوني الف مره سهل بس صعبه تذبح تعبي
السهم يفصل ركبته وحاير اضل كل دربي
بس هذا ضل عندي بعد سترك صحت ياربي
ارجع لأمه بيش بله ... هذا الطفل رضيع
اسمله عليه يارب اسمله ... هذا الطفل رضيع
سلوه الرباب الطفل سلوه ... يبلع ارياجه شفته كوه
هذا الطفل رضيع ... هذا الطفل رضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اول وتالي ياعمر ابهل المعركه اتذبحوني
ومو هينه اجيبنه وأجي واطلب ومتلبوني
هاكم دشوفو بس جلد شربو وأنه عطشوني
خايف عليه من السهم شوفوني بس شوفوني
تحت العباية اوليدي ... هذا الطفل رضيع
وبس لايموت ابيدي ... هذا الطفل رضيع
وياه اموت بسهم اشوه ... يبلع ارياجه شفته كوه
هذا الطفل رضيع ... هذا الطفل رضيع
✍️عباس محمد الحميداوي
١٤٤٧.٢٠٢٥ محرم الحرام
تمت بحمد الله تعالى نشر كافة قصائد ليالي شهر محرم العشرة الأولى من اراشيف الأعوام السابقة وقصائد عام ١٤٤٧ شكرا يامولاي ياصاحب الزمان ويامولاي ابو عبد الله الحسين.
اهدي ثواب هذه القصائد إلى مقام مولاي صاحب الزمان اولاً والى مقام السيدة فاطمة العليلة والسيدة شريفة ومولاي قمر بني هاشم والى محمد وآل محمد جميعاً والى أرواح امواتنا وامواتكم واموات مشتركي القناة والى روح امواتي بالخصوص إلى روح المرحوم عبد دويش والمرحوم حسين دويش وزوجته وكل امواتي لهم الرحمة والمغفرة
#عباس محمد الحميداوي
١٤٤٧.٢٠٢٥ محرم الحرام
اهدي ثواب هذه القصائد إلى مقام مولاي صاحب الزمان اولاً والى مقام السيدة فاطمة العليلة والسيدة شريفة ومولاي قمر بني هاشم والى محمد وآل محمد جميعاً والى أرواح امواتنا وامواتكم واموات مشتركي القناة والى روح امواتي بالخصوص إلى روح المرحوم عبد دويش والمرحوم حسين دويش وزوجته وكل امواتي لهم الرحمة والمغفرة
#عباس محمد الحميداوي
١٤٤٧.٢٠٢٥ محرم الحرام
الشاعر عباس محمد الحميداوي pinned «تمت بحمد الله تعالى نشر كافة قصائد ليالي شهر محرم العشرة الأولى من اراشيف الأعوام السابقة وقصائد عام ١٤٤٧ شكرا يامولاي ياصاحب الزمان ويامولاي ابو عبد الله الحسين. اهدي ثواب هذه القصائد إلى مقام مولاي صاحب الزمان اولاً والى مقام السيدة فاطمة العليلة والسيدة…»
دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0
اعظم الله لنا ولكم الاجر بشهادة مولانا الامام ابو عبدالله الحسين واهل بيته واصحابة اعادها الله علينا وعليكم ونحن في نفس اللوعة والحزن على مصائب محمد وآل محمد