Чет элдан Iphone 17 олиб келиш қанчага тушади?

Ва мен жавобини билмайдиган саволлар:

- Нега айфон ўзбекча саломлашмайди?
- Зарядканинг “калласи” нима деб аталади?
- Маликада нечпул ўзи?

Ҳеч ким жавобини билмайдиган савол:

- Нега ўзимизда ишлаб чиқарилмайдиган телефон учун 30 фоиз бож тўлашим керак? Кимни нимадан ҳимоя қиламиз?

Қайси устозингиз ҳаётингизга катта таъсир қилган? Сизнинг Сиз бўлишингизга ёрдам берган, қайси сўзи ёдингизда қолиб кетган?

Кимга раҳмат айтишни истардингиз?

“Манзил…” номли бу ролик қаҳрамони “Устоз” деган кўпчилик тасаввуридаги образга мос тушмаслиги мумкин. Унда ёш, куч-қувватга тўла, кўзлари чақноқ, кун-у тун билим тарқатувчи бир йигитчани кўрасиз.

Билишимча, бакалаврларга дарс берадиганлар кўпинча мактабда ишлашни хоҳламас экан. Бу йигит эса энг кичик синфлардаги болаларда ҳам илмий қизиқиш уйғотяпти. Унинг тажрибалари болаларга дунёнинг янги қирраларини очади.

Роликда Эъзозбекнинг ҳаёти ортиқча мақтовсиз, пафосларсиз кўрсатилган. Ҳаммаси борича, ҳақиқий.

Кўпчилик Эъзозбекни Президент билан мулоқотидан (устозларни тақдирлаш кунида) сўнг таниди.

Лекин мен уни 8 йилча аввал эслаб қолгандим, унда адашмасам, ўзи ҳали талаба эди. Мен “Ёшлар” каналининг “Нуқтаи назар” номли ток-шоусида бошловчи эдим, у томошабинлар қаторида ўтириб, “уюшмаган ёш” мавзусини роса танқид қилганди:) Келинг, ўртага ўтиринг, тасаввур қилинг, ўша “иш ва ўқиш билан банд бўлмаган ёш” сизсиз, сизга нима керак давлат/жамиятдан деб савол-жавоб қилганимиз эсимда.

Бугун шу ғайратли йигит каттп устоз бўлаётганидан хурсандман.

Ўзи умуман бугун орамиздаги қаҳрамон устозлар ҳақида кўп контентлар қилинаётганидан жуда хурсандман.

Барчангизни устоз ва мураббийлар куни билан қутлайман!

🇺🇿 Kun yangiligi
Prezident matbuot xizmati o‘z kommunikatsiyasi uchun yangilangan vizual uslubni taqdim etdi.

Asosiy element — Prezident Venzeli, ya’ni Prezident institutiga mansublikni ifodalovchi rasmiy ramz. U 2021-yil 26-oktabrda qonun bilan tasdiqlangan edi.

Bugun, shuningdek, Prezidentning barcha rasmiy sahifalaridagi asosiy fotosuratlar ham yangilandi.

Кеча Бокудан 220 км узоқликда жойлашган Габала шаҳрига етиб келдик. 2000 йиллик тарихга эга, Жанубий Кавказ бағридаги бу қадимий пойтахт эртадан бошлаб Туркий давлатлар ташкилоти давлат раҳбарларининг 12-саммитини ўтказади.

Туркий давлатлар ташкилоти ҳақида икки оғиз

Туркий халқлар раҳбарларининг илк саммити 1992 йил 30 октябрь куни Анқарада бўлиб ўтган. Бу ғоянинг эгаси ўша вақтдаги Туркия Президенти Турғут Ўзал, уни илк қўлловчиси эса Ўзбекистоннинг биринчи Президенти Ислом Каримов бўлган. Бу саммитдан сўнг туркий давлатлар ўртасидаги дўстлик ришталари бирмунча ривожланиб борган. Кейинги йилларда саммитлар Истанбул, Бишкек, Тошкент, Астана, Боку ва бошқа шаҳарларда бўлиб ўтган.

2009 йилда Нахчивонда Туркий давлатлари ҳамкорлик кенгаши тузилади. Кейинчалик, 2021 йилдаги Истанбул саммитида у расман Туркий давлатлар ташкилоти (ТДТ) деб номланди.

Ўзбекистоннинг қайтиши — янги босқич бошланиши

Ўзбекистон илк кунларданоқ туркий ҳамкорлик ғоясининг фаол тарафдори бўлган. Бироқ маълум вақт (2000-йиллар боши)да республика бу жараёндаги иштирокини кескин қисқартиради.

2018 йилда Президент Шавкат Мирзиёевнинг Қирғизистондаги Чўлпонота саммитида шарафли меҳмон сифатида қатнашиши янги даврни бошлаб берди.

Шундан сўнг Ўзбекистон ТДТдаги энг фаол давлатлардан бирига айланди. 2019 йил 14 сентябрда мамлакатимиз Нахчивон битимини ратификация қилди ва ташкилотга тўлиқ аъзо бўлди. Шу билан Турк дунёси яхлитлашди, яқинлашди.

Ўзбекистон ТДТга қандай ўзгаришлар олиб кирди?

Сўнгги олти йил ичида Президент Шавкат Мирзиёев 98 та ташаббус илгари сурган бўлиб, шуларнинг 67 таси тўлиқ амалга оширилди, яна бир қисми якуний босқичда.

🟢 Ёш тадбиркорлар форуми ташкил этилди ва илк йиғилиши 2021 йилда Тошкентда бўлиб ўтди.
🟢 Транспорт ва божхона тизимларини рақамлаштириш бўйича “E-permit” ва “рақамли TIR” лойиҳалари жорий этилди.
🟢 Кўқон шаҳри 2022 йилда Турк дунёси туристик пойтахти деб эълон қилинди.
🟢 “Табаррук зиёрат” лойиҳаси доирасида Бухоро, Самарқанд, Шаҳрисабз ва Тошкент бўйлаб зиёрат сафарлари ташкил этилди.
🟢 Бухоро шаҳри 2022 йилда Турк дунёси ёшлар пойтахти деб тан олинди.

2024 йилда Ўзбекистонни ТДТ давлатларидан зиёрат қилган сайёҳлар сони 5,77 миллион кишидан ошиб, рекорд кўрсаткичга етди.
🟢 Алишер Навоий номидаги халқаро мукофот таъсис этилди.
🟢 2022 йилда Самарқандда бўлиб ўтган саммитда Ўзбекистон ТДТ раиси сифатида фаолият бошлади ва тарихда илк бор “Раислик концепцияси ва амалий режа” ишлаб чиқилди.
🟢Ўзбекистон ташаббуси билан сўнгги йилларда Турк дунёсида илм ва маданиятга оид қатор тадбирлар ўтказилди:
Маҳмуд Қошғарий, Юсуф Хос Ҳожиб, Алишер Навоий ва Муса ал-Хоразмий меросига бағишланган халқаро анжуманлар;
“Жадидлар маърифатчилик фаолияти” мавзусида илмий конференция (Тошкент, 2023 йил март);
Туркистонни боғловчи “Фарғона водийси – Анадолу” темир йўл форуми (Фарғона, 2023 йил апрель);
“Туркий дунё ёшлар илмий ва инновация конгресси” (Тошкент, 2023 йил октябрь).

Бундан ташқари, ўзбек тилида 100 томлик “Туркий адабиёт дурдоналари” тўплами нашр этилди.

Туркий давлатлар иқтисодий ҳамкорлигида Ўзбекистоннинг ўрни

Ўзбекистоннинг Туркий давлатлар билан савдо айланмаси сўнгги етти йилда қарийб икки баробарга ошди.

Масалан:
Қозоғистон билан савдо 2017 йилда 2 млрд доллар бўлган бўлса, 2024 йилга келиб 4,2 млрд долларга етди.

Туркия билан айланма 1,5 миллиарддан 3 миллиард долларгача ўсди.

Қирғизистон ва Озарбайжон билан савдо ҳажми ҳам сезиларли ошди.

ТДТ доирасидаги асосий мавзулардан бири бу транспорт алоқаларидир

Транскаспий халқаро транспорт йўлаги (“Ўрта коридор”) Ўзбекистон учун стратегик аҳамиятга эга.

Мамлакатимиз “Хитой – Қирғизистон – Ўзбекистон” темир йўли лойиҳасини амалга оширмоқда, бу орқали юк етказиб бериш масофаси 900 км га, вақт эса 7–8 кунга қисқаради. Европа Иттифоқи ва Осиё тараққиёт банки томонидан ушбу йўналиш инфратузилмасини ривожлантиришга 16 миллиард евродан зиёд маблағ йўналтирилмоқда. Биргаликда ҳал қилиниши керак бўлган масалалар кўп.

Бу саммитда ҳам Президентимиз нутқида бу мавзу алоҳида тилга олинса керак.

Габаладан Азиза.

Президент Шавкат Мирзиёев жорий йил 28 сентябрь куни вафот этган атоқли давлат ва жамоат арбоби Исмоил Жўрабеков хонадонига ташриф буюриб, марҳумнинг оила аъзоларига ҳамдардлик билдирди.

Туркий тилнинг ранг-баранглиги ва айни вақтда бирлигини кўринг

Ўзбекистон Президенти Габала шаҳрида.

Кортежга улгуриб қолишимиз керак, ҳайрон бўлманглар бирдан югуриб кетганимга.

“Агар барча давлатлар ўртасидаги муносабатлар Ўзбекистон ва Венгрия ўртасидаги алоқалардек бўлганида, дунё бахтли бўларди” — Виктор Орбан.

Венгрия бош вазири Виктор Орбан кечки қабулга шошаётган чоғида қисқа интервью олишга муваффақ бўлдик:

- Ўзбекистон ва Венгрия ўртасидаги алоқаларнинг ҳозирги ҳолатини қандай баҳолайсиз?

- Биласизми, биз мамлакатларимиз ўртасидаги ҳамкорликни тахминан 10 йил олдин бошлаган эдик. Янги президент- дўстим лавозимга келгани бу дўстлик ва ҳамкорликка катта туртки бўлди. У нафақат содиқ, балки жуда амалий, ажойиб ғояларга эга, шунинг учун у ҳамкорлигимиз­нинг асосий ҳаракатлантирувчи кучидир. (Алоқаларимиз) Иқтисодий жиҳатдан ҳам яхши ривожланмоқда. Ҳали имкониятлар бор, лекин биз анча олдинга силжидик. Маданий жиҳатдан (ҳамкорлигимиз) жуда яхши, сиёсий жиҳатдан эса аъло даражада. Агар барча мамлакатлар билан муносабатлар Ўзбекистон ва Венгрия ўртасидагидек бўлса, дунё бахтли бўларди. Катта раҳмат.

— Сизни Ўзбекистонда кутамиз.

Ўзбекистон Президентининг Габала саммитидаги айрим ташаббуслари ҳақида.

Барча илгари сурилган таклифлар бу ерда.

Сиёсий мулоқотлардан сўнг баҳаво манзарада бироз тин олиш.

АҚШнинг Ўзбекистондаги элчиси Жонатан Хеник Президент Шавкат Мирзиёевнинг Нью-Йоркка ташрифини “мутлақо тарихий” деб атади.
Янги “Сафар” подкастида у ноодатий саволларга жавоб беради. Масалан, Киссинжер ёки Бзежинский, Шерали Жўраев ёки Ботир Зокиров.

Жаноб элчи ўзбек тилига ҳурмати баландлигини кўрсатган, тилимизни ўрганишга астойдил киришгани сезилди.

🎙 “Сафар” подкасти — хорижлик мутахассисларнинг Ўзбекистондаги ҳаёти ва тажрибаларини ёритувчи халқаро лойиҳа бўлиб, Daryo.uz ахборот ҳамкорлигида амалга оширилмоқда.

https://www.youtube.com/watch?v=asLuMjhBzkQ

Эрталаб 04:55 да Ослодан қўнғироқ қилишса-ю “Сиз тинчлик бўйича Нобель мукофотини олдингиз, табриклайман” дейишса.

Венесуэлалик фаол Мария Корина Мачадога шундай қўнғироқ насиб этди. Видеода унинг биринчи эмоционал овози.

Қўмита раиси Мариядан “илтимос, олдин бизнинг расмий сайтимизда чиқсин, кейин исталган одамга айтишингиз мумкин, 5 дақиқада эълон қўйилади” дебди.