Муротжон Азимов куз-қиш мавсумига тайёргарлик ҳолатини ўрганишни бошлади

Вилоят ҳокими Қамаши туманидаги Катта Ўра маҳалласида жойлашган 29-мактабда бўлиб, таълим муассасасининг куз-қиш мавсумига тайёргарлик ҳолатини кўздан кечирди.

Мактаб биноларининг иситиш тизими, умумий инфратузилма ҳолати ўрганилди. Шунингдек, таълим жараёнлари билан яқиндан танишди. Шу ернинг ўзида масъулларга вилоят бўйича ижтимоий объектларни яна бир бор куз-қишга тайёргарлигини мониторинг қилиш вазифаси топширилди.

Муротжон Азимов ўқитувчилар ва ўқувчилар билан очиқ мулоқот қилиб, уларнинг таклиф ва муаммоларини тинглади. Ушбу мулоқотлар орқали таълим сифатини ошириш ва ўқувчилар учун янада қулай шарт-шароитлар яратишга қаратилган вазифалар белгиланди.

Gov.uz|Telegram|YouTube|FB|Instagram|X

Qashqadaryoda paxtachilikda mo‘l hosil yetishtirilmoqda

Viloyatimizning G‘uzor tumanidagi “Tohir va Zuhra” hududida paxta yetishtirishda yangi yondashuvlar o‘z samarasini bermoqda.

Uzoq yillar sho‘rlanib, qarovsiz qolgan yerlarda endilikda yuqori hosil olinmoqda. Ilgari bu hududlarda gektaridan 30 sentner paxta yetishtirilgan bo‘lsa, hozirda natija 67–70 sentnergacha oshdi.

Bu yutuqqa Shinjon usuli asosida 76 sm oraliqda yakka qator ekish va 1 gektarga 280 ming tup ko‘chat qoldirish orqali erishildi.

Davlatimiz rahbari ta’kidlaganidek:

“Yerlarimiz bebaho, yomon deganni o‘zi yomon.”

Zamonaviy texnologiyalar va ilmiy yondashuvlar orqali hatto eng og‘ir yerlarda ham mo‘l hosil yetishtirish mumkinligi amalda isbotlandi. Fermerlar bu natijani o‘z mehnati va tajribasi bilan ko‘rsatib berdi.

Gov.uz|Telegram|YouTube|FB|Instagram|X

🇺🇿🇩🇪 Қашқадарё вилояти Германия компаниялари билан ҳамкорликни кенгайтирмоқда

Бугун Қашқадарё вилояти ҳокими Муротжон Азимов Германиянинг "Hohenstein Group" академияси ва "MBG Group" компанияси вакиллари билан учрашув ўтказди.

Учрашувда тўқимачилик саноатини ривожлантириш, халқаро ОEКО-ТЕХ сертификатини жорий этиш, ҳамда Қарши шаҳрида регионал лаборатория ва ўқув маркази ташкил этиш масалалари муҳокама қилинди. Ушбу марказ республикадаги биринчи шундай илмий-амалий марказ бўлиб, мамлакатимиздаги барча тўқимачилик корхоналарига хизмат кўрсатиши режалаштирилган.

Шунингдек, учрашувда яшил технологияларни жорий этиш, энергияни тежаш, чиқиндисиз ишлаб чиқариш каби йўналишларда ҳамкорликни йўлга қўйиш бўйича таклифлар билдирилди.

Вилоят ҳокими "Hohenstein Group" билан ҳамкорликни нафақат сертификатлаш, балки илмий, инновацион ва амалий лойиҳалар даражасида кенгайтириш истагини билдирди.

Учрашув якунида томонлар ҳамкорликни мустаҳкамлаш ва қўшма лойиҳаларни амалга ошириш бўйича “йўл харитаси” ишлаб чиқишга келишиб олдилар.

Gov.uz|Telegram|YouTube|FB|Instagram|X