#Qashqadaryo_tajribasi

Toshkent viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Otabek Sultanbekov boshchiligidagi ishchi guruh ta’lim sohasida amalga oshirilayotgan ilg‘or tajribalar bilan tanishish maqsadida Qashqadaryoga tashrif buyurdi.

Tashrif davomida ular Qarshi shahridagi “International School”, “Iqtidor” xalqaro maktabi, “Avitsenna” va “Oxford School” ta’lim muassasalari hamda “Kindervelt” o‘zbek–nemis bolalar bog‘chasi, “Orzu geniy” va “Bunyodkor” nodavlat maktabgacha ta’lim tashkilotlarining faoliyati bilan yaqindan tanishdilar.

Mehmonlarga ta’lim-tarbiya jarayonlarini samarali tashkil etish, ilg‘or o‘qitish uslublarini qo‘llash va xorijiy tajribalarni amaliyotga tatbiq etish borasida olib borilayotgan ishlar haqida ma’lumotlar berildi.

Ma'lumot uchun, avvalroq davlatimiz rahbari boshchiligida o'tkazilgan videoselektor yig'ilishida bu borada Qashqadaryo tajribasini o‘rganish aytilgan edi.

Gov.uz|Telegram|YouTube|FB|Instagram|X