Чироқчи тумани маркази янада чирой очади

Президентимизнинг 19-20 июнь кунлари Қашқадарё вилоятига ташрифи давомида вилоятни комплекс ривожлантиришнинг устувор вазифаларига бағишланган йиғилишда берган топшириқлари ижросини таъминлаш мақсадида тизимли ишлар бошлаб юборилди.

Йиғилишда Президент ҳозирги кунда вилоятдаги 20 минг оилада уй-жойга эҳтиёж мавжудлиги ва жорий йилда 7 минг 700 та хонадон қурилишини якунлаш, аҳоли зич бўлган Шаҳрисабз ва Қарши шаҳри, Китоб, Косон, Чироқчи, Яккабоғда яна 5 минг хонадонли уйлар қуришни бошлаш зарурлиги юзасидан мутасадди раҳбарларга тегишли топшириқ ва кўрсатмалар берди.

Президентимизнинг берган топшириқларига кўра, Иқтисодиёт ва молия вазирлиги томонидан БМТ Тараққиёт Дастури (БМТТД) ҳамкорлигида Чироқчи туманидаги “Ифтихор”, “Янгиқурилиш”, “Боғишамол” ва Навоий маҳаллалари ҳудудида умумий майдони 103 гектар бўлган кўп қаватли уйлар бунёд этилади.

Шу мақсадда, туманда Президент маслаҳатчиси ва вилоят ҳокими Муротжон Азимовга масъуллар 103 гектар ер майдонида қурилиши режалаштирилаётган ишлар лойиҳасини тақдимот қилишди.

Муҳокама давомида миллийликни ўзида акс эттирган бино ва иншоотлар, аҳоли дам олиш масканлари қурилишида табиий ландшафтларни сақлаб қолиш, хусусан боғча ва мактаблар, спорт майдонларини лойиҳалаштиришга алоҳида эътибор қаратиш кераклиги хусусида сўз юритилди.

Маълумот ўрнида, лойиҳа доирасида ҳудудда 24 та 5-7 қаватли кўп қаватли уйлар, 50 дан ортиқ савдо ва маиший хизмат кўрсатиш объектлари, 3 та бизнес марказлари, 6 та ресторан ва меҳмон кутиш жойлари, 2 та меҳмонхона ва 8 та меҳмон уйлари (дачалар), 1 та истироҳат боғи ва 5 та дарё қирғоғи бўйлаб ландшафтли экологик зоналар, спорт-соғломлаштириш маркази футбол, волейбол, баскетбол ва теннис майдонлари, югуриш йўлаклари, ёпиқ спорт мажмуалари тренажёрни зал, ёпиқ бассейнлар қурилиши режалаштирилган.

Шунингдек, ҳудудда болалар маркази, савдо маркази, сунъий балиқчилик ҳавзалари, маҳалла гузари, аквапарк, 8 та автопарковкалар, 35 та экологик ҳудудлар, 5 та кичик меҳмонхоналар, 500 ўринли 2 та хусусий боғча ва 1000 ўринли 2 та мактаблар ва хотин-қизлар бандлик марказлари ва бошқа ижтимоий-маиший ва иқтисодий объектлар қурилиши ҳам режа қилинмоқда.

Telegram|YouTube|Facebook|Instagram|X

Tadbirkorlar bilan yaqindan muloqot qilish, ularni qiynayotgan masalalarni o‘rganish va unga yechim topish maqsadida Qashqadaryo viloyati soliq boshqarmasi boshlig‘i Sirojiddin Eshmatov Ko‘kdala tumanidagi “Yettitom kichik sanoat zonasi”da uchrashuv o‘tkazdi

Uchrashuv avvalida bugun yurtimizda tadbirkorlarni qo‘llab-quvvatlash maqsadida berilayotgan imtiyozlar, imkoniyatlar haqida taqdimot o‘tkazildi.

Shundan so‘ng ishtirokchilarni murojaatlari tinglandi.

Muloqotda soliq imtiyozlaridan foydalanish, soliqlarni bo‘lib-bo‘lib to‘lash, soliq hisobotlarini topshirishda yo‘l qo‘yilgan xatolarni bartaraf etish va boshqa masalalar yuzasidan murojaatlar kelib tushdi.

Uchrashuv davomida tadbirkorlar tomonidan ko‘tarilgan masalalarning aksariyati shu yerning o‘zida hal etildi. Yechimi o‘rganish va vaqt talab etadigan murojaatlar yuzasidan esa chora-tadbirlar belgilanib, ijrosi nazoratga olindi.

Telegram|YouTube|Facebook|Instagram|X

Барча соҳаларда Қашқадарё вилояти салоҳиятини янада ошириш муҳокама қилинди

Хусусан, вилоят ҳокими Муротжон Азимов, ўринбосарлар ва Савдо-саноат палатасининг вилоят ҳудудий бошқармаси раҳбари ҳамда "PWC" компанияси вакиллари иштирокида вилоятнинг саноат, умуман барча жабҳаларда салоҳиятини ва маҳаллий ҳокимликларнинг иш самарадорлигини янада оширишга қаратилган видеоконференцалоқа тарзида дастлабки учрашув ўтказилди.

Учрашувда Президентимиз томонидан берилган топшириқларга кўра, ҳудудларнинг иқтисодий барқарорлигини таъминлаш орқали вилоят ялпи ҳудудий маҳсулотини 10 млрд. долларга етказиш мақсадида туман (шаҳар)ларнинг қўшимча имкониятларини кашф этиш ва бошқарув органларининг иш самарадорлигини ошириши бўйича алоҳида изланишлар ва таҳлиллар олиб бориш муҳокама этилди.

Telegram|YouTube|Facebook|Instagram|X