طلب عندي ارد ارافگكم // نحيله وما اتعبكم
اخذني وياك انه اترجاك

علتي يهلي بسيطه الصعب فرگاكم
وحدي لتخلوني فدوه خل اروح وياكم
حته لو اسرج مهركم وبلطريق ارعاكم
صعبه ابقه مناطرتكم ورتجي ملگاكم
سفركم لا يطول اكثر // اشوفك خاف مااكدر
تموت هناك // انه اترجال
//////
الله وياكم يبويه وانه صبري ويايه
قبل لاتمشي نتضرني عندي بس حچايه
انته متعود عليه افرش مصلايه
گلي ابقي انتي مريضه ماتغير رايه
وراكم راح ارش دمعي // صعب كلش تره وظعي
صعب فرگاك// انه اترجاك
//////
وبتعد عني ظعنهم وروحي طلعت مني
زغيره مااحمل بعدهم والمرض ماكلني
خوفي لاموتن وحيده ومحد اليوصلني
وياهم اگضي كل حياتي چان هيج, ظني
مشيتو ودمعي صب عل خد// وحيده بداري ماكو احد
صعب انساك// انه اترجاك
///////
عمتي ردت من سفرها وفرفحيت عليها
وشبكتها وسكنه صاحت خويه لتلجميها
وهيه ماشبگتني وسفه مورمات ايديها
تنلجم كل ما جستها الحبل ماذيها
وخوي من المرض ناحل // السناسل جارحه الكاحل
المرض اذاك// انه اترجاك
////////
ونشدت سكنه عل ابونه وسولفتلي شصاير
وعل ظلوع الكسروها وعن سحگ كل حافر
عشره الخيول وثگيله سحگن اعلي داير
محبس وثوبه اسلبوهن وخذ كلشي الكافر
وخنصر گطعو من ايده // بخناجر حزو وريده
الگلب ينعاك // انه اترجاك
/////////
ادري مو كلشي حجولي خايفين عليه
خاف لا الطم وجنتي لازمين ايديه
تواسي بيه عل المصايب عمتي المجويه
شلون اصبر روحي ونسه النار والترجيه
نشفت عيني مابيها // دمعه حته اجريها
متت بجفاك // انه اترجاك


ازهــر الزيدي

هذا وجهك بيش امسحه //ايدي خشنه وخاف اجرحه
نايم يبزر الگعده// والسهم موش بگده

اسم الله عبد الله غفه بس لا يفز من نومه
امكيفه عندي هل ولد ويوميه اعطر هدومه
شمدريني تاليها السهم يخربلي كل ارسومه
لاصاحلي يمه وحجه من حجيه اضل محرومه
ردته يحجي يگلي يمه// من فرحتي لصدري اظمه
بكل قوتي ليه اشده// والسهم موش ابگده
/////////////
كاروكه هزاه الهوه حسبالي فز الغالي
وبلا وعي عليه اركضت يبجي الولد حسبالي
ولمن وصلته تفاجئت الكاروك شفته خالي
وتاليها كل هذا حلم موجود يتراوالي
حلمي خلص ونته بعدك// يمته ترجع ارد اشبكك
تمنيت حلمي بعده// والسهم موش ابگده
////////////
داريته كل شبر بنذر متانيته اشوفه يمشي
والكبري رايدته سند عل متونه يحمل نعشي
ماحسبت تالي السهم من عندي ياخذ كلشي
من يومها ودمعي يصب ولا مره ناشف رمشي
عيني نشفت من دمعها// وروحي ذبلت من وجعها
دمعي علخدي تبده // والسهم موش ابگده
////////////
هذا النحر مو للذبح هذا النحر بس للشم
كل طفل لازم ينفطم عبدالله مفطوم ابدم
امثلث وطالع گبل صعبه الجرح مايلتم
لاحارب ولاله ذنب حته الطفل مايسلم
سته اشهر ابني عمره// ابيش اعوظه من اخسره
زغير وذنب ماعنده//والسهم موش ابگده
///////////

يحسين رجعلي الولد خليني من عنده اشبع
عل الحلگ دنيت الاذن ماكو نفس مااسمع
مذبوح ياوسفه الطفل من الرگبه نفسه يطلع
ميت بعد ماكو امل حته الدوه ماينفع
ابريني ذمه راح اعوفك// مرني يمه بطيف اشوفك
والماي عاف الورده// والسهم موش ابگده
/////////////
هاج الطفل يم الولد من حضني فدوه نزليه
وبهيده عن لاينلجم بهداي من توخريه
عاثوره للشبگه السهم ينلجم بس تشبگيه
بلكت عبد بعده عدل خلي بحظنج لعبيه
گونه يگعد بس اودعه//دربي ظلمه وهوه شمعه
هزيته بلكي اگعده // والسهم موش ابگده

تمت__ازهر الزيدي

ماراجع ابسلامه // محدب رجع لخيامه
يبچي ل اول مره// شاب ورجعلي شكبره


اجرن بلنفس گوه- اميل وماكو الي تچوه-طاحت عل نهر خوه- اسف
امشي والهوا يردني- شثگل حمل العلى متني - ومسح دمعتي بردني - نشف
تمنيت اموتن بلدرب وتمهلت بلممشه
ولا شوف الخيام واطب والگه مچانه وحشه
واستند وانهض گوه // ومنين اجيب القوه
وبضهري صارت كسره //شاب ورجعلي شكبره
★★★★★★★★★★★★★★★★★★
اجت زينب ركظ ليه - ظليت افرك ايديه - شلون احچي الحچي البيه - صعب
چاوين الگمر عفته - احجيلي شنو الشفته - ودمعك شنهو سالفته - يصب
ايدك على ظهرك تون بلگوه نفسك ينجر
گلي اشفت عل مشرعه وعل المشي ماتگدر
عيونك التبچي اشافت// وشنهو الوراها عافت
راسك وراك تفره //شاب ورجعلي شكبره
★★★★★★★★★★★★★★★★★★
بلگوه عرفت شكله- محدب طوله وي ظله- محني جن مصب دله- اجه
بياظ بلحيته وراسه-وثوبه من التعب داسه - ليا حد الحزن جاسه- وبچه
عل ركبه طاح من الالم وعل الخصر چفينه
دنگ لان دمعه نزل وبردنه يمسح عينه
    ياخويه گلي شصاير // بلهيمه تمشي حاير
   من الدمع عينك حمره // شاب ورجعلي شكبره
  ★★★★★★★★★★★★★★★★★★★
شسولفلج على الشفته- الگمر غاب وخلص وكته - وحياتج گوه ل عرفته- بعد
السهام بجسمه مزروعه- اجدام بصدره مطبوعه- الهامه بخشبه مفجوعه- بعمد
العينه جانت بس الج هسه السهم طافيها
وصاني منج يعتذر گالالي سلم عليها
     يسلم عليج الوفاي // يعتذر ماجاب الماي
    وبگلبه ضلت حسره// شاب ورجعلي شكبره
   ★★★★★★★★★★★★★★★★★★
النهر زاد وطفح بلدم- وجفوفه صعب تلتم- السهام بجسمه جن مأتم - جمع
وراسه ماهو يم جسمه - حظنته بقوه واشتمه- وبذنه گتله جم چلمه - بدمع
بيش اغله من عندي النهر وبصفه نايم عباس
وموزع جفوفك نذر ولياكتر منطي الراس
     مثل الرمل مطشر // ماعنده چف يآشر
   مگطعينه وذره وذره// شاب ورجعلي شكبره
   ★★★★★★★★★★★★★★★★★★★
صوت من النهر جاني - حسين عذرني صاحاني-اول مره ناداني - باسم
صوت من النهر يطلع- طفا النور الگبل يصطع- عرفته الكافل تگطع- شلم
دك الطبل عند العدو والهوسه مات الكافل
بهل لحظه احس ظهري  نكسر اوكف اريد احاول
    حاولت انهض لاكن// الوجع بيه ساكن
  جرح الگلب شيجبره // شاب ورجعلي شكبره
★★★★★★★★★★★★★★★★★★★

تمت__ ازهر الزيدي

يم النهر طايح لگيته // مخضر الدم بلحيته
شيباني //شيباني
ياسيدي يصيح شعجب شو هسه ناداني حسين.
حسيت ابو فاظل وگع من جسمه گطعو چفين
بنص عينه نابت السهم ماخذ مجاني البلعين
جروحه شكثر ماتنحسب حتاريت ابوسنه منين.
فوگ الجسد ظهري حنيته // مخظر الدم بلحيت
شيباني//شيباني
////////////////////
بردان رمل المشرعه هل بيك اظن متغطي
انطيته چفين ونحر چابعد شكثر تنطي
راح انه اروحن للخيم بس انته بالك تبطي
ابطي ولاكن ابشرط تروي العطاشه شرطي
شنهي شعجب وعدك نسيته//مخظر الدم بلحيته
شيباني// شيباني
/////////////////

عين الگمر مترد احد أمعزبه متلگيه سهام
علحظاني متعود شعجب فوگ الرمل هسه تنام
مخبوط مايك والدمه غدروك احس ماتنلام
معذور يل كلك وفه بس گوم عطر الخيام
عذره واظح شاهديته// مخظر الدم بلحيته
شيباني// شيباني
///////////////////
خليت اديه عل الخصر ومشيت صوب الخيمه
بهلحظه احس ظهري انكسر من مات راعي الشيمه
مره ابچي مره افرك بدي مره اعثر بهل هيمه
فراك الاخو كلش صعب لفاگد يحس بظيمه
يفهم العايش قظيته // مخظر الدم بلحيته
شيباني// شيباني
/////////////////
يابو علي شنهي لحصل مشيب اشوفن راسك
تبچي شعجب مستغربه گوه تجر بنفاسك
حاچيني فده اتوسلك عل اقل هزلي راسك
لاتحچي هسه انه فهمت مكتول اظن عباسك
گلي چذب هذا الحچيته// مخظر الدم بلحيته
شيباني// شيباني
////////////////
لا مو اخونه العلنهر يازينب تغير حيل
چفينه مگطوعه الگمر وبجسمه شمسويه الخيل
الچان يظوي بلسمه صار اضلم بدونه الليل
ياخويه فارگنه الگمر بي انه ماظل كل حيل
بسهم العده صارت منيته//مخضر الدم بلحيته
شيباني // شيباني


تمت__ ازهر الـزيدي

على السليب اويلاه //على السليب اويلاه

        شفت حسين بهيمه ينازع
        ورمح ابصدره مگابل طالع
        وخنصر جفه ماهو ظايع
        يزحف گوه لزينب راجع
على السليب اويلاه// على السليب اويلاه
~،~،~،~،~،~،~
        باد الحيل وشيوصلني
        وهوه بعينه يگلي ادني
        سهم بصدري وخريه عني
        خاف يمنعه من يشبگني
على السليب اويلاه// على السليب اويلاه
~،~،~،~ ~،~،~
        متمدد شفته عل الحومه
        سحگ الخيل مغير رسومه
        مايگدر حته عل الگومه
        سلبو روحه وحته هدومه
على السليب اويلاه//على السليب اويلاه
~،~،~،~،~،~،~
        ماظل سالم شي من عنده
        سحگ الحافر مارد جبده
        سحگن فوگه بروحه ورده
        خير بهيمه وشفته تبده
على السليب اويلاه // على السليب اويلاه
~،~،~،~،~،~،~
        طاح ورگظو حزو نحره
        مات حسين وخلص عمره
        ليش الخيل ترد تكسره
        سون جسمه وذره وذره
على السليب اويلاه //على السليب اويلاه
~،~،~،~،~،~،~
        شفت بعيني من يذبحونه
        مات وغمظ حته عيونه
        جاليش ابخيل ايسحكونه
        وفوگاها اهدوم يسلبونه
على السليب اويلاه //على السليب اويلاه
~،~،~،~،~،~،~


تمت __ ازهر الزيدي

ليلة العاشر
بعيني شفته وماعرفته// يمكن حسين من لمحته
شفته طايح نحره مذبوح//من الحوافر صدره مفتوح
*~~~~*
متانيه حسين انتظر
واسمعت صوت الكسر __ وركظتله
وانه اركظ واندعي
كون عايش ياعلي __ ووصلتله
من وصلته تفاجئت شفته مرمي بلا نحر
وعظام صدره من السحگ طالعات من الظهر
ابصدره طابع اثر حافر// خيول عشره يوم عاشر
حسين مااظن بعد بي روح // من الحوافر صدره مفتوح
*~~~~*
كافي ياخيل اشبعد
جبد الحسين انمرد __ وخري عنه
بحافرج شلتي اللحم
ولا عظم منه سلم __ شباقي منه
ولا ظلع سالم بي بقه اثگل خيول الداسته
ومن الگفه صار الذبح ونجر بعد من لحيته
يابس الدم على عيونه//وحسن وجها يخربونه
حسين خويه شكثر مجروح//من الحوافر صدره مفتوح
*~~~~*
گوه لميته وصل
وللخيم دمه وصل __ وصل بيته
تعب چفي من الجمع
دورت ماهو الصبع __ مالگيته
دورت عنه بكل كتر ماهوه بالرمله اندفن
مو خمس اصابع يمنته بس اربعه بيها بقن
اليمنه خنصر منها ظايع// وبيساره خمس اصابع
اثر بيها باقي ميروح// من الحوافر صدره مفتوح
*~~~~*
سهم داخل بالحلگ
ونمنع من الشهگ __ وبعد اكثر
وسهم من ظهره يطب
يطلع وياه الگلب __ شلون ينجر
بگد حجر محبس مابقه ابجسمه سالم ياخلك
مذبوح مابي كل نفس فوگاها بخيول انسحك
خاف اشبگه وخاف الچمه// جروحه كثره منين الزمه
الرمل يچوي فوگه مطروح// من الحوافر صدره مفتوح
*~~~~*
محبس اوثوب انسلب
يابس السانه خشب __ ظامي كلش
سلبه وراجع بعد
ايدور ابنفس الجسد __ بي يفتش
ومخربه اوصافه الشمس ويابس على عيونه الدمه
ماينعرف شكله اختلف وشفافه فطرها الظمه
ظامي كلش ريجه يابس//ومنه سلبوها الملابس
وعطر جنه منه يفوح//من الحوافر صدره مفتوح
*~~~~*
خويه هم عندك علم
بوجهي تتصفح زلم __ انت وينك
السوط بمتوني يدگ
ورجلي ورمها الحرگ __ عگب عينك
عندك علم يابو علي نار بخيمنه موجره
عگب الظرب دست الجمر شرد احتمل وانه مره
برجلي جمره ومااحسن//وبركظتي جروحي نزفن
من البواجي صوتي مبحوح//من الحوافر صدره مفتوح
*~~~~*

تمت__ ازهر الزيدي

((نزله لمولاي علي الاكبر ع ))

اكبر حسين .. وبجماله ..وبجماله ..چنه عباس

بلمشيه والوكفه .. يشبه ابو فاضل
عشرة زلم منهم ..جف يمنتة ايعادل
شبه الزلم رجفو .. گالو اجه الكافل
مو سيفه جن جندي.. باليمنه اجه حامل

رجف الجيش.. وبوصاله .. وبوصاله ..چنه عباس
///
حي الله حي الله .. الاكبر نزل ليهم
باليمنه كض سيفه .. وتوجه اعليهم
جيش الكفر خافو..صاح ارد اربيهم
رايد زلم بيكم .. صاح وصرخ بيهم

خافو اهواي ..وبكماله..وبكماله ..چنه عباس
///
متعني يگضيهم .. عماته حينه
بعمامته اودرعه.. عمه الگمر چنه
سل سيفه وتقدم.. الجيش ابتعد عنه
من الخوفه والرجفه..  يموت السلم منه

نازل الحيد..وبخصاله..وبخصاله .. چنه عباس
///
متحزم ابغيره .. طبلهم الاكبر
گالو منو هذا .. يمكن اجه الحيدر
وتقدم اعليهم .. بيهم غضب كبر
الجندي من شافه.. صار الوجه اصفر

جنه حيدر .. وبدلاله .. وبدلاله ..چنه عباس
///
يتدرب الاكبر.. مايحسب ايحارب
من يكتل الجندي.. اميه جن شارب
بس خزره من عنده.. اترهب الراهب
گال الشمر وينه.. من عندي شو هارب

شايل السيف..وبشماله..وبشماله .. چنه عباس
////

صال او وصل بيهم .. للخيمه رداهم
اليشرد سلم منه.. منطينه مكفاهم
مثل الغنم صارو.. باالشرده خلاهم
الطلبو عفو منه .. يتعاطف وياهم

شتت الگوم..وبساله..وبساله..چنه عباس



تمت _ازهر الزيدي

من الخيمه حد التل /كم مره اموتاً وعدل
شفت الخيول الركظن /جنهن عليه يسحكن

ولله مو بيدي يخويه من اركضت
الخيمه حركوها عليه وطلعت
بين خطوه وخطوه بلهيمه طحت
خاف ماشوفك بعد انه خفت
محتاره اروحن ليوين// بسدمن الوذن يحسين
خلافك الوذ بسدمن //جنهن عليه يسحكن
••••••••••
بلجثث اعبر گمت لمن اجيت
وعنك اشكد بيهن انه دوريت
نگعت بوشيتي من كد مابجيت
ووصلت يمك لكيتك ونحنيت
منظر صعب شفتك بيه// الحز نحرك الله يعابيه
جروحك صعب ينعدن//جنهن عليه يسحگن
•••••••
يوم عاشر من محرم كله دم
ماكو واحد منه ياخويه سلم
حته ظلع امي العزيزه انلجم
من الحوافر وخرت لاحك سهم
من داستك عشر خيول//اخ اسمع الگاع ادگول
كلهن ظلوعك طگن// جنهن عليه يسحگن
••••••••
اخذ كلشي وردلي خويه روحي هاك
الدنيه ظلمه بعيني كلها بلا ضواك
عمت عين الحافر المني خذاك
وصل ظلوع البصدرك حد گفاك
شيطلعه سهم البلعين// سهم واله روس ثنين
كلش صعب ينجرن///جنهن عليه يسحگن
••••••••
ليش اجيتيني ركض والوحدج
فطرت كلبي يخويه ركضتج
عيون غربه بلا ضماير شافتج
كلهم يصيحون حل بطيحتج
منظرج فطر جبدي// وحيل انه ماظل عندي
وياج انه مااردن// جنهن عليه يسحگن
••••••••
نطيني جفج خويه زينب يادواي
شويه تجيلي علكيفج من گفاي
كلشي يلجمني دخيلج هاي هاي
خويه ماالگالي عندج قطره ماي
مثل الخشب چبدي صار// وحته النفس يطلع حار
ظلوعي عل ظهري طبكن // جنهن عليه يسحگن


تمت _ ازهـر الزيدي

من المشي تعبنه// ياعمه هاذه حدنه
نرتاح بلكي شويه// مورمات احس رجليه
•••••••••••••
عمه گوليله مريظه وبعد ماتگدر خطيه
وكولي خل تمسح دمعها خل يفك حبله من اديه
منه ماريد الاشربه بس انام وهاي هيه
متني ورم من ظربهم خل يحن گلبه عليه
نرتاح بلكي يرظه// كوليله هنه مرظه
ماريد منه اميه // مورمات احس رجليه
••••••••••••••
عمي يلحادي دخيلك فدوه بس خليني اگعد
والسلاسل فكها مني والله ماراح انه اشرد
وحتلو اركظ يعمي من العطش مارايحه ابعد
من العطش اركظ مسافه وعلى وجهي انوبه اسجد
خليني انام مروتك// خوفني كلش صوتك
اعل المشي مابيه// مورمات احس رجليه
••••••••••••••
هنا يشايل راس ابونه نزله خليني اشبگه
ارد اسولفله على حالي ارد اعيش احساس ملگه
خل يشوف اجفوف اديه امتون بنته اشلون الزرگه
حافيه ودست على مجمر وجدامي هل محترگه
اجدامي هل محترگه// ومتوني صارت زرگه
ومجرحات ايديه// مورمات احس رجليه
•••••••••••••
واستراحينه بخرابه بلا سگف وبدار هيكل
وغمظت عيني دقيقه وحلمت جن صار مقتل
عمتي زينب جنها تنعه وام عبد عن عبد تسال
والحلم مابي عطاشه ولاصعدنه بنوگ هزل
وفزيت من احلامي// شفت العدو گدامي
تاليها ارد مسبيه // مورمات احس رجليه
••••••••••••
من التعب طحت على وجهي اوفيت عليه العقيله
وراس ابوي شبعده عالي شلون الوحه واشتكيله
ارد اسولفله عل حالي شلون من بعده نحيله
السبي خلصلي حيلي وجدمي بلگوات اشيله
العطش فطر جبدي// كل حيل ماظل عندي
حيل وصبر مابيه // مورمات احس رجليه
••••••••••••
وخلصت الرحله الطويله لن وصلناها المدينه
وبطبول استقبلونه والحجر يرمو علينه
وللقصر گادونه كلنه والحبل بعده بدينه
والنذل اشر بصبعه خادمه يطلب سكينه
خدامه طلبو سكنه// چلبنه بيها كلنه
علويه تكظ علويه//مورمات احس رجليه
••••••••••••

تمت_ازهر الزيدي

بلخيمه واسمع طگن // اظلوع ابوي انكسرن
انه اسمعتها الكسره // الحافر طلع من ظهره

مات ابوي وكلشي راح الليله
مات صايم والعطش هد حيله
وجسمه متگطع وصل شيشيله
ياگبر نحفرله ويكفيله
رايح جمال العينين // مطفيتهن اسهام اثنين
والنظره صارت حسره// الحافر طلع من ظهره
***
الاعوجيه فترن اعلي جن رحه
شلون حاله الگاع يمه مجرحه
وعمتي راحت ركض ليه مفرفحه
ماينعرف شكله دماه مسبحه
دم عل وجها يابس// ومهر عل صدره رافس
والعطش ماخذ عمره //الحافر طلع من ظهره
****
كلشي مسلوب وصبح عاري الجسد
محبس وثوب وعمامه وشبعد
نايم بعينه الرمح نوم الرغد
وصلت الحد الخيم ريح الشهد
ريحت شهد وصلتنه // وشتمته عمتنه
ونست جوي الجمره // الحافر طلع من ظهره
****
صارت مسابگ على حز النحر
انه اطعنه يگله عوفه من الظهر
وذاك الاخر گله خن نگطعه وذر
جي مصوب شافو وماكو خطر
سهم واله ثلث شاخات // ظل ينزف لحد مامات
صارت الهيمه حمره// الحافر طلع من ظهره
***
هاي اول مره رايح نفترگ
كلبي گام بسرعه يابويه يدگ
گوم شوف سكينه خوفها الحرگ
انته ميت انه مااقنع صدگ
يسكينه وحدج خلوج // مات الگبل لم الشوچ
كلبج بعد شيصبره // الحافر طلع من ظهره
***
داسو اعلي وسفه من بعد الذبح
بصدره طاب وطالع امگابل رمح
والمثلث داخل بجسمه صفح
بگد حجر خاتم بيه سالم ماتصح
بگد حجر هذا الخاتم// بجسمه بقه ماسالم
لميته گوه بگبره // الحافر طلع من ظهره



تمت__ ازهر الزيدي

(شور)

يازينب خويه لمي عيالج
يازينب مايرد كفالج
•••••
زينب ياجبل يابنت الفحل
صيري الكافله عباس انكتل
وي طرت الفجر يسبيج الشمر
مو مالت سبي الخمسين العمر
المظلومه المالومه المتعوبه شكثر
العلويه المچويه داست عل جمر
يازينب خويه لمي عيالج
يازينب مايرد كفالج
•••••
بدروب السبي والحادي اجنبي
وبسوطه تره يرگدها العبي
وانه على الرمح بحساسي جرح
منظرجن صعب يذبحني ذبح
بعيونج بجفوفج احمي الينولي
مو وحدج ويسندج وياجن علي
يازينب خويه لمي عيالج
يازينب مايـرد كفالج
••••••
من تمشن سوه راسي الچن ظوه
ومن الحر احس ياخويه انچوه
وبهذه الدرب هل منظر صعب
بچفوفج حبل وبديرة غرب
والتنجر تتعثر من فوگ الهزل
وجفوف ابنياتي مزلغها الحبل
يازينب خويه لمي عيالج
يازينب مايرد كفالج
••••••
بچفوفج حرگ ومتونج زرگ
گلبج هم وگف لو بعده يدگ
اصعب من حرب لا اكل وشرب
يظربوها بحجر للسوگ التطب
يسبوها يظربوها بحجار وحچي
ورقيه العلويه تعبها البچي
يازينب خويه لمي عيالج
يازينب مايرد كفالج
•••••
يسمعوچن شتم اشباه الزلم
نظرات الگمر زادتجن عزم
طبيتي القصر ياتل الصبر
خليتي العدو يتمنه الگبر
طبيتن سره والظالم يره
تنعدن زلم مابيجن مره
بالمجلس واليجلس من عدجن رجف
رجليهم ويديهم رجفن جن سعف
يازينب خويه لمي عيالج
يازينب مايرد كفالج
••••••
كفيتي ونعم تسوين الزلم
متعلمه الوفه من ذاك الشهم
تمشين بفخر وبعينج گمر
راسج مرتفع زاداهم قهر
كفيتي اوفيتي يا اخت الحسن
ظليتي تعديتي كل هاي المحن
يازينب خويه لمي عيالج
يازينب مايرد كفالج
••••••

ازهر الزيدي

مابين الحايط والباب// نطبگت امنه طبگ كتاب
هشم ظلعها البسمار // من الحرگ كلش حار
       ≈≈≈≈≈≈≈≈≈≈≈≈≈≈≈≈≈≈≈≈
الله لا ينطي المسبب والله لاينطي الدفعها
كون مكسورت ادينه قبل لابيهن صفعها
احنه من بعيد نسمع فاطمه كسرو ظلعها
صحنه فظه تلاحكيها يكسر الخاطر وظعها
طاح الباب عليها ثگيل // جف مچوه بيش تشيل
بهل حادثه چنه زغار// هشم ظلعها البسمار
      ≈≈≈≈≈≈≈≈≈≈≈≈≈≈≈≈≈≈≈≈
زغار خفنه من التعدو وعلي مانعته الوصيه
انه وختي شفنه كلشي شفنه ظربوها الزجيه
ومحسن ولاشفنه طوله وخويه ماگالاها اليه
ماتت وصرنه يتامه وخلص كلشي بهل مسيه
من هل لحضه صرنه ايتام// بلايه تلولي راح انام
كلش كرهناها الدار//هشم ظلعها البسمار
      ≈≈≈≈≈≈≈≈≈≈≈≈≈≈≈≈≈≈≈≈

شلون اصبر روحي ونسه حادثه جدآ اليمه
بت رسول الله الحنينه تنظرب والله هضيمه
حرمه ماتحمل عصرهم جفوف ماعدها سليمه
محسن اتجوه ابطنها منها ماصارت جريمه
محسن طاح وطاح الخير// مات زغير بعده طير
يشيله يدافع جفها احتار// هشم ظلعها البسمار
      ≈≈≈≈≈≈≈≈≈≈≈≈≈≈≈≈≈≈≈≈

بهيده وي امي بدفنها عفيه لاتلجم كسرها
محركات اطراف اديها انتبه منهن تجرها
وعلكيفك وي ظلعها الكسر واصل ظهرها
من توسدها بلحدها خلي ايدينك حدرها
حمره الوجنه من السطرات// ومن العصره محسن مات
بلون الدمه خدها صار//هشم ظلعها البسمار
      ≈≈≈≈≈≈≈≈≈≈≈≈≈≈≈≈≈≈≈≈
يابشر عينه تغمظ ومه كدامه اظربوها
ماكو منفذ للزجيه بحايط وباب اعصروها
يصعب اعليها التنفس وبدفعهم عذبوها
ثمنطعش عام الزجيه ورده وسفه ذبلوها
تذبل كل ورده بلا ماي // شحال العصرو بيها هواي
تحسب يطلبوها بثار// هشم ظلعها البسمار
      ≈≈≈≈≈≈≈≈≈≈≈≈≈≈≈≈≈≈≈≈
راجع من الدفنه حيدر راجع ايغص ابكلامه
محني ظهره جنه منجل الفرگه خلت بي علامه
البقه براسك يبويه الحمد لله عل سلامه
يعينك الله يابو زينب دافن بچفك حمامه
محني راجع چنه هلال//فوگ متونه چنها جبال
الله يعينك يلكرار// هشم ظلعها البسمار


ازهــر الزيدي

معقوله ما احلم// من امي هذا الدم
  ام الابوها جانت // وسفه بعصرهم ماتت

يايمه بابج محترك ونتي نعصرتي بضهره
حسيت صدري الي نطبگ وبظلوعي صارت كسره
من الباب ايدج ورمت من العصره صارت حمره
محسن تچوه من وكت ماشاف شي من عمره
حرموني من عنده // ماشاف شي بعده
موتته بعصره صارت// وسفه بعصرهم ماتت
         ≈≈≈≈≈≈≈≈≈≈≈≈≈≈≈≈≈≈≈≈
يافضه عيني ام الحسن عن امي وخريه الباب
تأشر بديها فاطمه ماتگدر تصيح احباب
گوه النفس تتنفسه بلهوا تشتم عطاب
ابرجله وبصدره دفع عليها الجذع كلش ظاب
       بثنينهن يدفع // طگ الظلع يسمع
ونغمه عليها وطاحت// وسفه بعصرهم ماتت
         ≈≈≈≈≈≈≈≈≈≈≈≈≈≈≈≈≈≈≈≈
منعوها تبجي عل النبي ومن دارها طردوها
بفي شجره گعدت فاطمه والشجره اجو گطعوها
بنت النبي واحسن مره بلبر تظل خلوها
بستان وظلوع وطفل حته عمر سلبوها
سلبوها من كلشي// للبر بجت تمشي
انواع القساوه شافت//وسفه بعصرهم ماتت
        ≈≈≈≈≈≈≈≈≈≈≈≈≈≈≈≈≈≈≈≈
الشالتني بيهن بلزغر مجويتهن اليوم النار
صدرج طبيب لكل مرظ وسفه استقر بي بسمار
والچعب مو راس الدخل  وتلگته  چن خطار
بنت الحبيب المصطفى ماتستحق هذا صار
صعبه تره تنطگ // من الوجع تشهگ
دخان تشتم گامت // وسفه بعصرهم ماتت
         ≈≈≈≈≈≈≈≈≈≈≈≈≈≈≈≈≈≈≈
الباب كاسرلج ضلع وباجر تكسرني الخيل
بسمار بضلوعج غفه حسبالك دگول ادخيل
شيدفعه بابج من جذع يرادله جفوف وحيل
البيت مابي كل ضوه خلافج صفه مثل الليل
ظلمه صفت دارج// تسالني عن اخبارج
كلتلها امي راحت// وسفه بعصرهم ماتت
             ≈≈≈≈≈≈≈≈≈≈≈≈≈≈≈≈≈≈≈≈
خير النساء عل الارض مصفوعه وسفه عل خد
يروح الحمار الـ بلوجه بس الكسر مايظمد
ويطفه الحرگ مو مشكله بس الگلب مايبرد
ينعصر گلبي لفاطمه كلما عصرهم يشتد
والحضن ماسالم // الكل عمري بي نايم
حظنتني زينب خافت//وسفه بعصرهم ماتت


تمت _ ازهــر الزيدي