❗️Асоссиз текширувлар учун 60 нафар мансабдор жавобгарликка тортилди

Тошкент вилоятида 2025 йил бошидан бери 7 774 та тадбиркорлик субъекти текширилган — бу ҳар 8 нафар тадбиркордан бири дегани.
Айрим туманларда, хусусан Оҳангарон, Қуйичирчиқ ва Пискентда бу кўрсаткич янада юқори — ҳар 4–5 нафар тадбиркордан бири текширувга дуч келган.

Энг кўп текширувлар солиқ (64,1%) ва Фавқулодда вазиятлар хизмати (18,9%) томонидан ўтказилган.

Бизнес Омбудсман аралашувидан сўнг 60 нафар мансабдор — солиқ, ветеринария, экология ва қурилиш соҳаси ходимларига нисбатан маъмурий чора кўрилди.

👉 @r_kusherbayev

❗️Россияда энергетик ичимликлар рекламаси учун янги чекловлар жорий этилди

2026 йил март ойидан бошлаб энергетик ичимликлар рекламасида уларнинг соғлиққа зарари ҳақидаги огоҳлантирув мажбурий бўлади. Бу ҳақда янги қонунни Россия Давлат Думаси қабул қилди.

Масалан, телевидениедаги рекламада огоҳлантирув камида 5 сония давом этиши шарт.

👉 @r_kusherbayev

❗️Humans’нинг собиқ топ-менежери Беҳзод Ботиров ҳибсга олинди

PayWay тўлов ташкилоти ҳаммуассиси ва кузатув кенгаши аъзоси Беҳзод Ботиров Ўзбекистонда ноқонуний қимор ўйинларини ташкил этганликда айбланиб ҳибсга олинди.

Маълумотларга кўра, у Humans гуруҳига тегишли UPay тўлов ташкилотида 6,5 йил бош директор лавозимида ишлаган.

🧾 Суд қарорига кўра, Ботиров Жиноят кодексининг 278-моддаси 2-қисми (“Қимор ва таваккалчиликка асосланган ўйинларни қонунга хилоф равишда ташкил этиш”) билан айбланмоқда.

Ҳибс қарори 4 июль куни Тошкент шаҳар Яккасарой туман суди томонидан чиқарилган.

👉 @r_kusherbayev

❗️Ўзбекистонга хорижлик сайёҳлар оқими рекорд даражага етди

2025 йилда мамлакат тарихида илк бор ташқи туризмда рекорд қайд этилди — апрелдан бошлаб ҳар ой 1 миллиондан ортиқ хорижий сайёҳ Ўзбекистонга ташриф буюрмоқда.

Жорий йилнинг тўққиз ойи давомида 8,6 миллион сайёҳ келган — бу ўтган йилга нисбатан 112,5% кўп.

Энг катта ўсиш қуйидаги мамлакатлар ҳиссасига тўғри келди:
🇬🇧 Буюк Британия — 2,6 баробар;
🇶🇦 Қатар — 6,2 баробар;
🇺🇸 АҚШ — 3 баробар;
🇫🇷 Франция — 2,9 баробар;
🇷🇺 Россия — 2,1 баробар;
🇩🇪 Германия — 2,5 баробар;
🇵🇱 Польша — 6,2 баробар.

Туристик хизматлар экспорти ҳам рекорд кўрсаткичга — 3,6 миллиард долларга етди.

👉 @r_kusherbayev

❗️“Менинг мактабим” лойиҳасининг биринчи босқичи бошланди

22 октябрдан 2025/2026-ўқув йили учун “Менинг мактабим” лойиҳасининг 1-босқичи старт олди.

Бу босқичда 1-, 2- ва 4-тоифага киритилган 112 та тумандаги 4 987 та мактаб иштирок этмоқда.

👉Рўйхат эълон қилинган.

“Менинг мактабим” лойиҳаси доирасида ўқувчилар “Очиқ бюджет” портали орқали икки усулда ўз ғояларини илгари суришлари мумкин:

1️⃣ Автоматик тарзда — порталдагинамуналар орасидан маъқул лойиҳани танлаш орқали;
2️⃣ Мустақил равишда — мавжуд намуналарда йўқ, янги лойиҳани ўзлари шакллантириш орқали.

👉 @r_kusherbayev

Томорқада боқилган африка лаққа балиғи экан.

Иқлим ўзгариши, бўлиб ҳам қишда илиқ кунларнинг келгусида кўпайиши бизда балиқчилик равнақ топиб ривожланишига олиб келади.

Иқлим ўзгаришининг минтақа учун баъзи бир фойдали томонлари ҳам бор аслида.

👉 @r_kusherbayev

❗️Оҳангаронда маҳкум қочиб кетди, ҳибсхона ходимларига жиноят иши қўзғатилди

Тошкент вилояти Оҳангарон туманида жазони ўтаётган маҳкум қочиб кетгач, ҳибсхона ходимларига нисбатан жиноят иши қўзғатилди.

Маълумотларга кўра, 31 ёшли маҳкум мактабдан қайтаётган 3-синф ўқувчисини зўрлаган. У аввал 14 ёшга тўлмаган қизга нисбатан жиноят содир этгани учун 16 йилга қамалган эди. Ҳозирда у қайтадан қўлга олинди ва янги жиноят иши очилди.

Жабрланувчи қиз “Инсон” ижтимоий хизматлар маркази мутахассислари ёрдами билан ҳимояга олинди.

Шунингдек, ҳибсхона ходимларига ҳам хизмат вазифасини суиистеъмол қилиш (Жиноят кодекси 214-модда) бўйича иш қўзғатилган. Тергов ҳаракатлари давом этмоқда.

👉 @r_kusherbayev

❗️Олтин нархи кескин пасайди

Нью-Йорк товар биржасида (COMEX) 21 октябрда олтин нархи 6% дан кўпроқка тушиб, бир унцияси 4100 доллардан паст даражага етди. Бу — 2013 йилдан бери энг катта бир кунлик пасайиш ҳисобланади.

Ўзбекистонда ҳам қуймалар арзонлашди:
🔹 5 г — 8,33 млн сўм;
🔹 10 г — 16,65 млн сўм;
🔹 20 г — 33,30 млн сўм;
🔹 50 г — 83,26 млн сўм;
🔹 100 г — 166,52 млн сўм.

👉 @r_kusherbayev

🎉 YANGIYO‘L AHOLISIGA MAXSUS TAKLIF!
🌟 Farzandingizning kelajagiga sarmoya — bu ta’lim!

“MaxEDU” o‘quv markazi — “Maksimal bilim, maksimal natija!” shiori ostida yangi o‘quv mavsumini boshladi!
Endi farzandingiz uchun zamonaviy, qulay va samarali ta’lim muhiti yaratildi!

👧🧒 Kichik farzandlaringiz uchun:
🏫 “ПОЧЕМУЧКА” va Maktabga tayyorlov kurslariga start berildi!

📘 Fan yo‘nalishlari:
🇸🇱 Ona tili va adabiyoti
🇬🇧 Ingliz tili
🇷🇺 Rus tili
🧮 Matematika
🧪 Kimyo
🧫 Biologiya
📚 Fizika
🗞 Tarix
🌐 Mental arifmetika

💥 KATTA CHEGIRMALAR faqat shu oy davomida!
Shoshiling — o‘rganish uchun eng qulay vaqt hozir!

📍 Manzil: Yangiyo‘l shahar, Baxt MFY, Samarqand ko‘chasi, 40a-uy
🏢 Mo‘ljal: “Dinamo” stadionidan o‘tganda, “Havas” do‘koni binosi, 3-qavat
📌 Yandex xaritada ko‘rish:
https://maps.app.goo.gl/T3aPJfsWXXxz5r66A?g_st=atm

📞 Bog‘lanish uchun: +99833-353-22-11,
+99897-746-11-76
📱 “MaxEDU” bilan orzular sari dadil qadam tashlang — kelajak shu yerdan boshlanadi!

❗️2030 йилгача Ўзбекистонга 25 миллион хорижий сайёҳ келиши кутилмоқда

Президент Шавкат Мирзиёев ташаббуси билан амалга оширилаётган транспорт ва туризм инфратузилмасини ривожлантириш ислоҳотлари натижасида 2030 йилга бориб мамлакатга ташриф буюрадиган хорижий сайёҳлар сони 25 миллион нафарга, ички сайёҳлар эса 50 миллион нафарга етиши мумкин.

Мамлакатдаги халқаро аеропортлар сони 18 тага етди, яна 7 та аеропорт таъмирланмоқда. Шунингдек, Тошкент вилоятида янги халқаро аеропорт қурилиши жараёнда.

Ҳозирда 51 та хорижий авиакомпания Ўзбекистонга доимий қатновларни амалга оширмоқда. Шу билан бирга, АҚШдан 22 та замонавий Boeing самолёти харид қилингани мамлакатни Европа, АҚШ ва Осиё билан боғлайди.

«Белгиланган мақсадга эришиш учун ҳар ойда камида 2 миллион туристни қабул қилишимиз лозим. Президентимизнинг аеропортлар, рейслар ва меҳмонхоналар сонини кўпайтиришга қаратилган ислоҳотлари бу имкониятни яратади», — деди вазир Азиз Абдуҳакимов.

👉 @r_kusherbayev

Суғурта ишонч устига қурилади

"Uzbekinvest"да барча тўловлар шаффоф, адолатли ва қўшимча харажатларсиз амалга оширилади.

Коррупцияга қарши курашиш – бу нафақат бугунги кун, балки сизнинг ва фарзандларингиз келажагини ҳимоя қилишдир.

✅ Ҳалоллик – энг кучли суғурта!

🛑 Коррупцияга биргаликда ЙЎҚ дейлик!
📞 Ишонч телефони: +998 78 120 03 61
🌐 uzbekinvest.uz
📧 E-mail: [email protected]
💬 Телеграм: @Uzbekinvest_ichkinazorat

Ваъда – ваъдалигача қолдими?

Тошкент шаҳридаги пиёдалар учун қулайлик яратиш мақсадида ер усти ўтиш жойларига ўрнатилган лифт ва эскалаторлар ҳанузгача кўп жойда ишламайди.

Сенатнинг Мудофаа ва хавфсизлик масалалари қўмитаси мажлисида бу масала яна кўтарилди. Сенатор Қутбиддин Бурхонов маълум қилишича, ҳокимият бу муаммони ҳал этишга 2024 йилда ваъда берганди. Ҳатто шаҳар ҳокимининг биринчи ўринбосари Бахтиёр Хайдаров бу ишни сессияда маъқулланганидан сўнг босқичма-босқич молиялаштириш орқали ҳал этиш режалаштирилганини айтган.

Орадан қарийб бир ярим йил ўтган бўлсада натижа ҳамон кўзга кўринмади.

Сенаторлар бу ҳолатни “аҳолига берилган ваъда бажарилмаган ҳолат” сифатида баҳолашди. Ҳокимият вакиллари эса бу муаммони йил якунигача ҳал этишни ваъда қилмоқда.

Биз эса бу ваъданинг бажарилишини биргаликда кузатамиз. Чунки ҳар бир шундай “ваъда” – фақат қоғозда эмас, ҳаётда ҳам амалга ошиши шарт.

@r_kusherbayev

❗️Мубашшир Аҳмад суд ҳукми устидан шикоят бермайди — адвокат

Диний уламонинг адвокати Абдуллоҳ Содиқнинг маълум қилишича, Мубашшир Аҳмад (Алишер Турсунов) суд ҳукмига апелляция бермасликка қарор қилган.

Адвокатнинг сўзларига кўра, домла «тақдирга таслим бўлган» ва яна оворагарчиликларда юришни хоҳламаган. Шу билан бирга, адвокат суд ҳукмидан норозилигини билдирган — у суд жараёнида айблов моддалари бўйича жиноят таркиби йўқлигини исботлаганини айтди.

Маълумот учун, 8 октябр куни суд Мубашшир Аҳмадни айбдор деб топиб, 2,5 йилга озодликдан маҳрум этган эди.

👉 @r_kusherbayev

❗️2026 йилдан айрим давлат идораларининг туман бўлинмалари ҳокимликка ўтади

Келаси йил 1 январдан бошлаб тажриба тариқасида 9 та вазирлик, қўмита ва агентликнинг туман (шаҳар) бўлинмалари ҳокимликлар тузилмасига ўтказилади.

Бу қарор маҳаллий бошқарувни соддалаштириш, тизим самарадорлигини ошириш ва ҳокимликлар фаолиятини натижадорликка йўналтириш мақсадида қабул қилинди.

👉 @r_kusherbayev

❗️Президент Администрациясида кадрлар ўзгариши

Ўзбекистон Республикаси Президентининг тегишли фармонлари билан қуйидаги тайинлов ва озод этишлар амалга оширилди:

🔹 Сардорбек Улуғбекович Умурзаков — Президент Администрацияси Ташқи алоқалар департаменти бошлиғи лавозимига тайинланди. Шу муносабат билан у Президент Администрацияси бош инспектори лавозимидан озод этилди.

🔹 Алишербек Азизович Пайгамов — бошқа ишга ўтиши муносабати билан Президент Администрацияси Ташқи алоқалар департаменти раҳбари лавозимидан озод этилди.

👉 @r_kusherbayev

Халқаро суд Исроилни Ғазога гуманитар ёрдам киритишни таъминлашга мажбур қилди

БМТнинг Олий суди (ICJ) қарорига кўра, Исроил оккупация қилувчи давлат сифатида Ғазо секторига гуманитар ёрдам киришини таъминлаши шарт. Бу қарор Исроил жорий этган блокадага нисбатан танқид сифатида баҳоланмоқда.

Суд, шунингдек, БМТнинг Фаластин қочқинларига ёрдам агентлиги — БАПОР (UNRWA) нейтраллик ва холислик тамойилларини бузмаганини тасдиқлади, Исроилнинг айбловларини рад этди.

Қарор маслаҳат характерига эга бўлса-да, у сиёсий жиҳатдан муҳим аҳамият касб этади ва Исроилга БМТ ҳамда Ғазо ва Ғарбий соҳилда фаолият юритаётган гуманитар ташкилотлар билан ҳамкорлик қилиш бўйича босимни кучайтиради.

👉 @r_kusherbayev

❗️Ҳаж учун навбатга онлайн ёзилиш имконияти яратилди

Эндиликда фуқаролар Ҳаж сафари учун уйдан чиқмасдан онлайн навбатга ёзилишлари мумкин. Бунинг учун “Ҳаж ва Умра ягона портали” ишга туширилди.

Лойиҳа орқали шаффофлик таъминланади, инсон омили ва қоғозбозлик бартараф этилади.

📲 Навбатга ёзилиш учун:
➖ www.my.gov.uz
➖ www.haj-umra.gov.uz сайтлари орқали мурожаат қилиш мумкин.

👉 @r_kusherbayev

"Wizz air"нинг Ўзбекистон фуқароларини дискриминация қилгани ҳақида қўшиқ яратилди

Кўплаб Ўзбекистон фуқароларига (жумладан, менга ҳам) дискриминацион муносабат қилиб келган "Wizz air" ҳақида канадалик машҳур қўшиқчи Dave Carroll қўшиқ куйлабди.

Қўшиқ учун қаҳрамон сифатида "Wizz air"дан жабр кўрган, аниқроғи Ўзбекистон фуқароси бўлгани учун самолётга қўйилмаган Суҳроб Убайдуллаев.

Сухроб "Wizz air"ни Италиядаги халқаро судга бериб, унинг ўзбекистонликларга нисбатан дискриминацион муносабати ва ҳаракатлари учун адолатли суд қарори қабул қилиниши учун курашмоқда.

"Wizz air"ни қўллаб-қувватлаб, Ўзбекистонга олиб кирган ва уни ҳимоя қилиб келганлар хулоса қилишлари керак: сизнинг ватандошларингизни камситадиган компания Ўзбекистонда ишламайди.

Келинг барчамиз дискриминацияга қарши турайлик ва Сухробни қўллаб-қувватлайлик!

Қўшиқ қуйида: 👇👇👇

https://youtu.be/YE24a8NOh4w?si=qoHbCVxLHnk7k_f7