❗️700 нафар ўзбекистонлик ҳайдовчи Дубайда таксичилик қилиши мумкин

Дубайдаги Dubai Taxi Company PJSC корхонаси раҳбарининг сўзларига кўра, дастлабки босқичда 200 нафар ўзбекистонлик фуқароларни такси ҳайдовчиси сифатида ишга қабул қилиш режалаштирилган.

Агар уларнинг меҳнат самарадорлиги юқори бўлса, яна 500 нафар ҳайдовчи жалб этилиши мумкин.

👉 @r_kusherbayev

❗️Эндиликда ННТлар ҳам “сирли мижоз” бўлиши мумкин

Вазирлар Маҳкамасининг 667-сонли қарорига кўра, нодавлат нотижорат ташкилотларига (ННТ) чакана савдо ва тиббий хизмат соҳаларида “сирли мижоз” ва назорат хариди тадбирларини ўтказиш ҳуқуқи берилди.

➖ бу орқали хизмат ва савдо соҳасидаги қонунбузарликлар ННТлар томонидан холис баҳоланади;
➖ тадбирлар қонунийлик, холислик ва махфийлик асосида амалга оширилади;
➖ агар қонунбузарлик аниқланса, тегишли органларга юборилади ва жамоатчиликка маълум қилинади;
➖ биринчи марта аниқланса — тушунтириш, такрорий ҳолларда — текширув чоралари кўрилади.

👉 @r_kusherbayev

❗️Тунги бар олдида одамни уриб комага туширган шахс 8 йилдан ортиқ муддатга қамалди

Мирзо Улуғбек туман судида 1995 йилда Тошкентда туғилган А.Ш.га нисбатан жиноят иши бўйича ҳукм чиқарилди.

⚖️ Суд А.Ш.ни қасддан оғир тан жароҳати етказиш (ЖК 104-модда 2-қисм “е” б.), фирибгарлик (ЖК 168-модда 4-қисм “а” б.), безорилик (ЖК 277-модда 3-қисм “г” б.)
жиноятларини содир этгани учун айбли деб топди.

Суд ҳукмига кўра у 8 йил 1 ой муддатга озодликдан маҳрум этилди. Жазо умумий тартибдаги колонияда ўталади.

👉 @r_kusherbayev

❗️Ноқонуний ерсотарлар қўлга тушди

Иқтисодий жиноятларга қарши курашиш соҳасида ўтказилган тезкор тадбирлар натижасида икки ҳолат аниқланди:

1️⃣ Бандихон туманида 1987 йилда туғилган шахс чорвачилик учун ер олмоқчи бўлган фуқаронинг ишончига кириб, ҳокимлик захирасидаги 3,5 гектар ерни “танишлари орқали” расмийлаштириб бериш эвазига 1,5 млрд сўм талаб қилган.
У 110 минг доллар ва 100 млн сўм олган вақтида ушланган.

2️⃣ Қорақалпоғистонда 1983 йилда туғилган шахс 169 гектар ерни ўзига тегишли деб кўрсатиб, тадбиркорга 50 гектарини 50 минг долларга сотмоқчи бўлган.
У ҳам пулни олган пайтда қўлга олинган.

⚖️ Ҳар икки ҳолат бўйича Жиноят кодексининг 168-моддаси 4-қисми “а” банди билан иш қўзғатилиб, тергов ҳаракатлари олиб борилмоқда.

👉 @r_kusherbayev

“Янгийўл судларида қонунлар зомбийланмоқда”

Қонун тирик одамларга хизмат қилиши керак. Аммо Янгийўлда қонун ҳатто марҳум қарорларга ҳам қайта нафас бериб, уларни ҳаётга қайтариш қобилиятига эга экан.

Ҳикоя 2022 йилнинг 27 августида бошланади.

Кадастр агентлигининг Янгийўл туман бўлими фуқаро З.Ибрагимовга нисбатан, гўё у МЖтКнинг 60-моддаси 2-қисмида назарда тутилган ҳуқуқбузарликни содир этган, деб QTVL-2224103929370-сонли қарор қабул қилади.

Бироқ ортидан 2022 йил 28 сентябрда ЖИБ Янгийўл туман судининг 3-1-1118-2202/263-сон қарори билан мазкур маъмурий қарор бекор қилинади.

Ҳуқуқий жиҳатдан бу — “ҳужжат қонун кучини йўқотди” дегани.

Орадан бир йил ўтиб, 2023 йил 18 сентябрда ЖИБ Янгийўл туман суди судьяси Б.Миралимовнинг 3-1-1118-2301/541-сон қарорида 2022 йилда бекор қилинган QTVL-2224103929370-сон қарор “қайта очилади” ва ундаги жарима “қисқартирилади”.

Яъни судья ҳуқуқий тарихда илк бор, йўқ қилинган ҳужжатни қайта жонлантириш феноменини амалга оширади.

Ҳуқуқшунослар бу ҳолатни ҳазил билан “ҳуқуқий спиритизм” ёки “маъмурий оккультизм” деб аташмоқда — яъни йўқ қилинган ҳужжатнинг руҳини чақириб, унга юридик ҳаракат қобилияти бериш.

2024 йил бошларида Кадастр агентлигининг Янгийўл туман бўлими раҳбарияти яна бир “илғор фикр” билан чиқади: “Бекор қилинган қарор бор-ку, шунга таяниб фуқаронинг уйини буздирсак бўлади!”

Шу тариқа, ҳуқуқий кучини йўқотган QTVL-2224103929370-сон қарор асосида фуқаролик ишлари бўйича ФИБ Янгийўл туманлараро судига даъво аризаси киритилади.

Натижада судья Д.Муродова 2024 йил 21 февралда 2-1108-2302/4724-сон ҳал қилув қарори билан Кадастр бўлими даъвосини қаноатлантиради. Яъни бекор қилинган қарорга таяниб, фуқаро З.Ибрагимовнинг уйини “ноқонуний қурилма” деб топиб, буздиришга қарор чиқаради.

Қисқаси, қонун йўқ, мантиқ йўқ, аммо ҳал қилув қарор бор!

Фуқаро З.Ибрагимов адолат излаб Тошкент вилояти судига мурожаат қилди. Бироқ апелляция инстанцияси судлов ҳайъати бу ҳолатдаги очиқ қонунбузарликка кўз юмиб ўтди.

Ачинарлиси, тафтиш (назорат) инстанцияси ишни қарийб икки ойдан бери кўришни пайсалга солмоқда.

Бу орада эса Янгийўл туман МИБ суд қарорини “ижро этаман”, деб фуқаро Ибрагимовнинг уйини бузишга ҳаракат қилмоқда. Ҳолбуки, бу қарорнинг илдизи бекор қилинган ҳужжатга бориб тақалади.

Прокуратура ҳар доимгидек фақат кузатув билан кифояланмоқда.

З.Ибрагимов иши — бу битта фуқаронинг эмас, бутун суд тизимининг ҳуқуқий тести. Натижа ачинарли: тестдан фақат қонунсизлик ўтди.

👉 @r_kusherbayev

Ички ишлар органларида хизмат қилаётган барча ҳалол, фидойи ходимлар ва фахрийларни 25 октябрь - Ўзбекистон Республикаси Ички ишлар органлари ходимлари куни билан самимий табриклаймиз.

Барчангизга мустаҳкам соғлиқ, фуқароларнинг ҳуқуқ ва манфаатларини ҳимоя қилиш йўлида куч-ғайрат ва сўнмас ирода тилаймиз!

👉 @r_kusherbayev

❗️Хитойда янги робот-одам тақдим этилди

Booster Robotics компанияси янги авлод робот-гуманоиди — K1 моделини намойиш этди. Робот юқори даражадаги сунъий интеллект ва ҳаракатчанликка эга. Нархи — 30 мин юаньгача (тахминан $4,100) сотилади.

👉 @r_kusherbayev

❗️Шота Руставели кўчасида 3 та автобус йўналиши ҳаракати қайта тикланади

26 октябрдан бошлаб 80-, 114- ва 127-сонли автобуслар Шота Руставели кўчасидаги марказий автобус йўлаги (BRT) орқали ҳаракатни қайтадан бошлайди.

👉 @r_kusherbayev

Кирилл Кабанов: “Мигрантларга такси ва доставкада ишлаш таъқиқлансин!”

Россия «Инсон ҳуқуқлари» бўйича кенгаш аъзоси Кирилл Кабанов мигрантлар учун доставка ва такси соҳаларини ёпишни таклиф қилди. Унинг фикрича, бу чора ижтимоий инфратузилма, соғлиқни сақлаш ва таълим тизимига тушадиган юкни камайтиради ҳамда мамлакатга мигрантлар оқимини қисқартиради.

“Қанча кам имконият бўлса — шунча кам таҳдид”, — деди Кабанов.

👉 @r_kusherbayev

❗️“Хазина топилди” деган хабар ёлғон бўлиб чиқди

Қорақалпоғистонда соҳилдан хазина топилгани ҳақида тарқалган хабарга Маданий мерос агентлиги изоҳ берди.

Аниқланишича, ҳеч қандай археологик ёки маданий қимматга эга топилма аниқланмаган. Тасвирлардаги тангалар — бугунги кунда муомалада бўлган 2018 ва 2022 йилда чиқарилган 200, 500 ва 1000 сўмлик тангалар экани маълум бўлди.

👉 @r_kusherbayev

❗️Ўзбекистонда дабдабали тўй ва маъракаларга қарши “гуруҳ” тузилди

Тўй ва маросимларда исрофгарчиликка чек қўйиш, одоб-ахлоқ ва миллий қадриятларни тарғиб этиш мақсадида янги 90 кунлик дастур ишга туширилди.

Дастур Республика маънавият ва маърифат маркази, Маҳалла уюшмаси, Дин ишлари бўйича қўмита, Хотин-қизлар қўмитаси ва “Нуроний” жамғармаси ҳамкорлигида амалга оширилади.

Асосий мақсад, “Маромийлик” маданиятини шакллантириш. Oртиқча исрофни олдини олиш. Тўй ва маъракаларни ихчам ва миллий анъаналарга мос ўтказиш.

👉 @r_kusherbayev

Юртимизда тинч ва осуда ҳаёт давом этаётгани, шубҳасиз, Ички ишлар органлари ходимларининг фидокорона хизмати самарасидир. Улар — халқ фаровонлиги, тартибот ва хавфсизлик посбонлари сифатида туну кун меҳнат қилади.

Агробанк "Қаҳрамонлар" лойиҳасининг янги сонини айнан шу соҳа вакиллари учун бағишлади. Унда Хоразмлик Баҳодир Қаландаровнинг хизмат йўли ва юртга садоқати акс этган.

Видеони Агробанк YouTube саҳифасида тўлиқ томоша қилиш мумкин.

👉 @r_kusherbayev

❗️Океанларда 170 триллион пластик бўлаклари сузиб юрибди

Лондондаги Қиролича Мария университети олимлари огоҳлантирмоқда. Дунё океанида ҳозир 170 триллионга яқин пластмасса бўлаклари мавжуд. Улар нафақат сувда, балки ҳавода, дарёларда ва ҳатто инсон танасида ҳам топилмоқда.

Олимларнинг айтишича, ҳатто агар инсоният бугун пластик ишлаб чиқаришни тўхтатса ҳам, океанлардаги чиқиндиларни йўқотиш учун 100 йилдан ортиқ вақт керак бўлади.

Пластикнинг микрозаррачалари одамда қандли диабет, юрак касалликлари ва ичак фаолияти бузилишига олиб келиши мумкин.

“Эртага ишлаб чиқаришни тўхтатсак ҳам, невараларимиз океанларни бизнинг изларимиздан тозалашга мажбур бўлади”, — деди профессор Кейт Спенсер.

👉 @r_kusherbayev