❗️Ваҳшийлик: Наманганда 7 ёшли қизалоқ зўрланди

Янгиқўрғон туманида 38 ёшли эркак ўз қариндоши бўлган 7 ёшли қизалоқни зўрлагани учун қўлга олинди. Қизалоқ ҳозир шифохонанинг жонлантириш бўлимида.

Маълум бўлишича, у аввал ҳам жинсий жиноятлар учун икки марта судланган — 2014 ва 2020 йилларда. Бу сафар ҳам у тўй маросими вақтида болани алдаб четга олиб чиқиб, жиноят содир этган ва кейин қочиб яшириниб юрган.

2 кунлик қидирувдан кейин у қамоққа олиш эҳтиёт чораси билан ҳибсга олинган.

☝️Педофилларга жиддий чора кўрилмас экан афсуски шундай ҳолатлар содир бўлаверади.

👉 @r_kusherbayev

Таниқли журналист Алишер ака Азимов Ўзбекистон ва жаҳондаги энг муҳим спорт воқеалари ҳақида сўз юритадиган спорт канали очди. Бу ерда янгиликлар, инсайдлар, таҳлиллар ва экспертлар фикрлари жой олган. Масалан, Фабио Каннаваро Ўзбекистон футбол терма жамоаси бош мураббийи этиб тайинланганидан сўнгги пост — италиялик мутахассиснинг кучли ва заиф томонлари ҳақида: https://www.tg-me.com/UzSportfolio/934. Каналдаги материаллар ўзбек ва рус тилларида тезкор ва динамик шаклда чиқади, обуна бўлишни тавсия қиламан.

❗️Сув хўжалиги вазирлигида янги тайинловлар

🔹 Зокир Ишпулатов — Сув хўжалиги вазирининг биринчи ўринбосари, шу билан бирга Сув хўжалиги объектларини эксплуатация қилиш агентлиги директори этиб тайинланди.

🔹 Миролимжон Каримов — Сув хўжалиги вазирининг ўринбосари лавозимига тайинланди.

👉 @r_kusherbayev

❗️Кредитлар рекламасида огоҳлантирув мажбурий бўлади — қонун лойиҳаси

Рақобат қўмитаси ва Марказий банк “Реклама тўғрисида”ги қонунга ўзгартиш киритишни таклиф қилмоқда.

Унга кўра, кредит ва микроқарзлар рекламасида эфир вақти ёки реклама майдонининг камида 10 фоизи қарз олишнинг молиявий хатарлари ҳақидаги огоҳлантирув учун ажратилиши шарт бўлади.

👉 @r_kusherbayev

Дорихоналардан GPP сертификати учун йиғим олинаётгани бўйича Сенатор сўрови юборилди

“Зарур дорихона амалиёти” стандартига кўра, 2026 йилгача барча дорихоналар махсус сертификат олиши керак.

Лекин амалиётда бу жараён тадбиркорлар учун оғир юкка айланди: сертификат олиш учун 8,5 миллион сўм, ҳар 9 ойдаги текширув учун эса яна 3,2 миллион сўм тўланмоқда.

Кўпчилик дорихона эгалари буни қонун билан белгиланмаган мажбурий йиғим деб баҳоламоқда. Улар санитария, гигиена ва термометр қиёслови бўйича ортиқча қоғозбозликдан ҳам норози.

Сенатор Баҳром Абдуллаев бу ҳолат юзасидан Фармацевтика агентлиги директори Абдулла Азизовга расмий сўров юборди.

Сенатор сўровида тўловлар қандай асосда ҳисоблангани, йиғилган маблағлар қаерга сарфланаётгани ва агар мажбурий тўлов бекор қилинса, олдин тўланган пуллар тақдири нима бўлиши ҳақида жавоб бериш сўралган.

👉 @r_kusherbayev

❗️Россияда ўзбекистонлик мигрантлар иштирокида ЙТҲ содир бўлди

Амур вилоятида ишчиларни олиб кетаётган автобус енгил машина билан тўқнашиб, ағдарилиб кетди. Автобусда Ўзбекистон, Тожикистон ва Туркия фуқаролари бўлган.

Ҳодиса 16 октябр куни Свободний шаҳри яқинида рўй берган. Тўқнашувдан кейин автобус йўлдан чиқиб кетган.

Жами 49 киши жароҳат олди, улардан бири ҳалок бўлди, 14 нафари касалхонага ётқизилган, бирининг аҳволи оғир.

Воқеа бўйича жиноят иши қўзғатилди.

👉 @r_kusherbayev

❗️«Ҳаж–2026» учун янги тартиб жорий этилди

Саудия Арабистони Ҳаж ва Умра вазирлиги янги қоидаларни тасдиқлади. Энди зиёратчиларга ҳаж визаси фақат “Nusuk” платформаси орқали тиббий соғломлик гувоҳномаси бўлганда берилади.

Қуйидаги ҳолатлардаги шахслар ҳажга юборилмайди:
— буйрак, юрак, ўпка, жигар етишмовчилиги;
— оғир руҳий ёки неврологик касалликлар;
— охирги уч ойдаги ҳомиладорлик;
— фаол юқумли ёки онкологик касалликлар.

Талаб бузилса, Ҳаж вазирлиги чора кўради. Бу тартиб ҳожилар соғлиги ва хавфсизлигини таъминлашга қаратилган.

👉 @r_kusherbayev

Чой дамлашга қодир жин...

Хапа бўлманглар-у,  Сенатнинг қайсидир воқеа муносабати вазиятни назоратга олиши менга раҳматли Ҳожибой Тожибойнинг фақатгина чой дамлайдиган жин ҳақидаги латифасини эсимга солади.

Кеча Фурқат туманидан Гулираъно Қосимова қўнғироқ қилиб,  троллар хуружидан ҳимоя сўради.  Айтишича,  унинг шахсиятини бадном қилишга ҳаракатлар яна кучайибди,  бу борадаги шикоятларига ҳеч ким қулоқ солмаётган экан.  "Ахир,  ишимни Сенат назоратга олган эди-ку"  деди йиғлаб.

Унга тасалли берадиган сўз тополмадим,  чунки троллар армияси аллақачон мавжуд тизим билан ҳамкор - эҳтимол унинг яширин хоҳиш-иродасини тамсил этувчи тўдадир,  чунки уларнинг қаршисида фақатгина Президент ва унинг оиласи ҳимояланган.  Кимдир оилани ҳақорат қилса,  дарров тутиб қамалади,  бошқалар учун бу қонун ишламайди:  аризамиз асосида тролларга қарши ИИВнинг Киберхавфсизлик бошқармаси бошлаган суриштирувларнинг тўхтаб қолгани бунга мисолдир.

Гулираъно синглим,  бардам бўл,  тизимнинг ўзи шунақа - ўхшаши йўқ қонунсизлик даврига ўтдик.  Троллар тугул ўзини эркакман деб кўкрагига уриб юрган баъзилар ҳам менга қўнғироқ қилиб,  сенинг ахлоқинга оид  нималарнидир шаъма қилмоқда.  Сенинг мисолингда кўз олдимда  Ўзбекнинг ҳимояланмаган, мудом маломатга нишон аёли гавдаланади.  Овсар оломон,  импотент ҳуқуқ ва фақат баёнот беришга қодир сенатдан ортиқ ҳимоя кутма,  Аллоҳ ҳабибинг бўлсин!

Абдураҳмон Ташанов,
“Эзгулик” инсон ҳуқуқлари жамияти раиси.

👉 @r_kusherbayev

❗️Россиянинг Амур вилоятидаги ЙТҲ бўйича расмий маълумот

Миграция агентлиги хабарига кўра, Амур вилоятида ағдарилган автобусда Ўзбекистон фуқаролари бўлмаган.

Бу маълумот Ўзбекистоннинг Хабаровск шаҳридаги Бош консулхонаси ҳамда Миграция агентлигининг Россиядаги ваколатхонаси томонидан олиб борилган тезкор суриштирув ишлари натижасида аниқланган.

👉 @r_kusherbayev

❗️Депутат педофилларга нисбатан умрбод озодликдан маҳрум қилишни таклиф қилди

Олий Мажлис Қонунчилик палатаси депутати Дилноза Азизова болаларга нисбатан ҳар қандай жинсий зўравонлик учун умрбод озодликдан маҳрум этиш жазосини қонун даражасида белгилашни таклиф қилди.

“Намангандаги воқеа — фақат бир педофилнинг разолати эмас, бу жиноятни йиллар давомида ‘ахлоқ тузатиш ишлари’ деган юмшоқ ифода билан оқлаб келган тизимнинг юзи. Боланинг ҳаёти билан ўйнаш мумкин эмас. Бу фақат жиноят эмас — инсонийликка қарши қўзғолон”,
— деди депутат Азизова.

👉 @r_kusherbayev

Жиззахда ички ишлар ходимидан пул талаб қилган шахслар ушланди

Жиззахда икки нафар шахс ички ишлар ходимини ишдан бўшатиш билан таҳдид қилиб, овозли ёзувларни ички ишлар органи раҳбариятига тақдим этмаслик эвазига аввал 15 миллион, кейин эса 12 миллион сўм талаб қилган.

Ҳозирда ҳолат бўйича тегишли тергов ҳаракатлари олиб борилмоқда.

👉 @r_kusherbayev

Ғазода тинчлик кучга киргач, бозорларда яна жонланиш кузатилмоқда

Тинчлик кучга кирганидан сўнг, Ғазо секторидаги бозорларда ҳаракат ва савдо фаоллиги яна тикланди. Сотувчилар дўконларини очиб, маҳаллий аҳоли кундалик эҳтиёж молларини харид қилиш учун кўчаларга чиқмоқда.

👉 @r_kusherbayev

❗️Россия армиясида жанг қилган ўзбекистонлик Украинага таслим бўлди

Бухоролик 31 ёшли Зухриддин Йўлдошев Россия армияси сафида жанг қилганидан сўнг украин ҳарбий дрони олдида қуролсиз ҳолда таслим бўлди.

Унинг айтишича, Россия полицияси уни “гиёҳвандлик”да айблаб, қамоқ ёки фронт ўртасида танлов қилишга мажбурлаган. Йўлдошев армияда тартибсизлик ва алдов ҳукмронлигини, ҳарбий жиҳозларни ўз ҳисобига сотиб олганини айтган.

У Ўзбекистон ҳукуматидан ватанга қайтишда ёрдам сўрамоқда.

👉 @r_kusherbayev

❗️Бу қанчалик адолатли қарор?

Аслида, йўллар ва автотураргоҳлар — жамоат мулки. Улардан фойдаланиш имконияти барча фуқаролар учун тенг бўлиши керак. Аммо бепул жойлар қисқариб, пуллик тизимлар кўпайиши — бу оддий ҳайдовчиларнинг манфаатларига қарши ҳаракат ҳисобланади.

Агар мақсад шаҳар марказида ҳаракатни тартибга солиш бўлса, бу бошқа йўллар билан ҳам ҳал этилиши мумкин эди — масалан, қулай жамоат транспорти ёки резидентлар учун имтиёзли автотураргоҳ тизими орқали.

Бироқ, фақат пул тўлай оладиганлар учун қулайлик яратиш — бу адолат эмас, балки “шаҳар фойдаланувчиларини саралаш” дегани.

Аҳоли фикри ҳисобга олинмаган ҳар бир “ташкил этилган қулайлик” — янги ноқулайликнинг бошланиши бўлади.

👉 @r_kusherbayev

❗️Самарқандда дарёдан қум-шағал қазиб олганлар табиатга 43 млрд сўм зарар етказди

Оқдарё туманидаги “М.М.М.Н” фермер хўжалигига тегишли экскаватор ва юк машинаси ёрдамида Қорадарёдан ноқонуний равишда қум-шағал қазиб олингани аниқланди.

Экология вазирлиги маълумотича, бу ҳаракат натижасида табиатга 43 млрд 12 млн сўмдан ортиқ зарар етказилган.

Ҳозирда техникалар жарима майдонига олиб кирилган, ҳужжатлар эса вилоят прокуратурасига юборилган.

👉 @r_kusherbayev

❗️Ер бу ҳафта охирида қуёшдаги коронал тешик сабаб магнит бўрони кутилмоқда

Россия қуёш астрономияси лабораторияси маълумотига кўра, қуёшда бир неча ойдан бери кузатилаётган ўрта ҳажмдаги коронал тешик охирги ойда катталашган ва энди Ернинг геомагнит муҳитини издан чиқариши мумкин.

Бу ҳолат дам олиш кунлари магнит бўронларини келтириб чиқариши эҳтимолдан холи эмас.

👉 @r_kusherbayev

❗️Жиззахда АЭС учун янги темир йўл қурилади

Жиззах вилоятида қурилаётган атом электр станцияси учун 9 км янги темир йўл қурилади, деб маълум қилди АЭС қурилиши дирекцияси раҳбари Абдужамил Калмуратов.

Унинг айтишича, лойиҳа тўлақонли давлат бюджети ҳисобидан молиялаштирилмоқда, яъни ҳеч қандай халқаро кредитлар жалб этилмаган.

👉 @r_kusherbayev